Aknefast tashqi foydalanish uchun eritma 10 mg/ml + 8 mg/ml 20 ml har biri (shisha)

Tarkib

1 ml preparat tarkibida quyidagilar mavjud:

faol moddalar: klindamitsin gidroxlorid - 10 mg, metronidazol - 8 mg;

yordamchi moddalar: etil spirti, glitserin, tozalangan suv.

Tavsif

Etanol hidli, rangsiz yoki och sariq rangli suyuqlik.

Farmakoterapevtik guruh

Husnbuzarni davolash uchun vosita. ATX kodi: D01AX.

Farmakologik ta’siri

Aknefast® mikroblarga, bakteriyalarga va protozoylarga qarshi ta’sirga ega.

Metronidazol mahalliy qo‘llanganda husnbuzarga qarshi ta’sir ko‘rsatadi, uning mexanizmi aniq ma’lum emas. Metronidazol sirtga qo‘llash uchun antioksidant faollikka ega bo‘lishi mumkin. Aniqlanishicha, u neytrofillar tomonidan faol kislorod, gidroksil radikallari va vodorod peroksid ishlab chiqarilishini sezilarli darajada kamaytiradi, bular yallig‘lanish joyida to‘qimalarning shikastlanishiga olib kelishi mumkin bo‘lgan potensial oksidantlardir.

Metronidazol tashqi qo‘llash uchun pushti husnbuzarlarda kuzatiladigan teleangiektaziyalarga nisbatan samarasiz.

Klindamitsinning ta’sir mexanizmi bakterial oqsillar sintezini ingibirlashdan iborat bo‘lib, bu P.acnes miqdorining kamayishiga olib keladi va bilvosita yallig‘lanishga qarshi ta’sir ko‘rsatadi. Yallig‘lanishli papulopustulyoz elementlar soni sezilarli darajada kamayadi: 50% - barcha bemorlarning 2/3 qismida.

Farmakokinetika

Metronidazol mahalliy qo‘llanganda deyarli so‘rilmaydi, Aknefast® tashqi qo‘llangandan so‘ng qon zardobida faqat metronidazolning izlari aniqlanadi.

Klindamitsin gidroxlorid teriga surtilganda yog‘ bezlarining chiqarish yo‘llarida gidrolizlanib, faol substansiya bo‘lgan klindamitsinga aylanadi.

Qo‘llanilishi

Husnbuzar toshmasini (yallig‘langan papulalar, pustulalar), seboreyali dermatitni, follikulitni, pushti va vulgar husnbuzarlardagi eritemalarni (acne rozacea, acne vulgaris), milklarning periodontal yallig‘lanishini, o‘rta otitni davolash.

Qo‘llash usuli va dozalari

Tashqarida. Qadoq ichiga solingan paxta tayoqchaga suyuqlik tomizing. Zararlangan joyni moylash. Preparatni otitda tashqi eshituv yo‘liga tomizish, shuningdek, periodontal kasalliklarda og‘iz bo‘shlig‘idagi zararlangan joylarga surtish ham mumkin. 2 hafta davomida kuniga 3 mahal qo‘llaniladi, zarurat tug‘ilganda davolash kursini takrorlash mumkin.

Nojo‘ya ta’sirlari

Allergik reaksiyalar (teri toshmasi, qichishish, eshakyemi), giperemiya, terining po‘st tashlashi va achishishi mumkin.

Qarshi ko‘rsatmalar

Preparat komponentlariga yuqori sezuvchanlik.

Dorilarning o‘zaro ta’siri

Preparatni eritromitsin bilan birga qo‘llash mumkin emas.

Maxsus ko‘rsatmalar

Preparatning ko‘zga tushishiga yo‘l qo‘ymang! Agar preparat tasodifan ko‘zga tushib qolsa, uni ko‘p miqdordagi oqar suv bilan yaxshilab yuvish kerak. Metronidazol yoki klindamitsinga allergik reaksiyasi bo‘lgan bemorlarga qo‘llash mumkin emas.

Homiladorlik va laktatsiya davri

Preparatni homiladorlik (I trimestr) va laktatsiya davrida ehtiyotkorlik bilan qo‘llash lozim.

Dozani oshirib yuborish

Aniqlanmagan.

Chiqarish shakli

Plastik flakonlarda 20 ml dan. Karton qutida 1 flakon, tibbiy qo‘llash bo‘yicha yo‘riqnoma va paxta tayoqchalari bilan birga.

Saqlash shartlari

Flakonni germetik yopilgan holda, yorug‘likdan himoyalangan joyda, 25 °C dan yuqori bo‘lmagan haroratda saqlang.

Yaroqlilik muddati

2 yil. Yaroqlilik muddati o‘tgandan keyin qo‘llanilmaydi.

Dorixonalardan berish shartlari

Retseptsiz.

Ishlab chiqaruvchi

Jiangsu Chenpai Bond Pharmaceutical Co., Ltd., XXR

Manzil: Szyansu provinsiyasi, Xaymen shahri, Sharqiy Pekin ko‘chasi, 555-uy

O‘zbekiston Respublikasi hududida dori vositalarining sifati bo‘yicha e’tirozlarni (takliflarni) qabul qiluvchi tashkilotning nomi va manzili

"RAIN SEN DA" MCHJ, Toshkent shahri, O‘zbekiston Respublikasi, www.mulinsen.ru