Алтея сироп Синтез по 95 мл (флакон)

Tarkib

1000 ml tarkibida:

faol modda: Gulxayri dorivor ildizi ekstrakti (gulxayri ildizi quruq ekstrakti) (qaytaruvchi monosaxaridlar yig‘indisi miqdori glyukozaga nisbatan 1,0%) - 25 g;

yordamchi moddalar: natriy benzoat, saxaroza (shakar), tozalangan suv.

Tavsif

Och sariqdan sarg‘ish-jigarranggacha bo‘lgan quyuq suyuqlik, o‘ziga xos hidli.

Farmakoterapevtik guruh

O‘simliklardan olingan balg‘am ko‘chiruvchi vosita. ATX kodi: S01XA.

Farmakologik xususiyatlari

Reflektor balg‘am ko‘chiruvchi, shuningdek, mahalliy yallig‘lanishga qarshi ta’sirga ega, bronxial sekretning yopishqoqligini pasaytiradi.

Qo‘llanilishi

Balg‘am qiyin ajraladigan yo‘tal bilan kechadigan nafas yo‘llari kasalliklari (traxeit, traxeobronxit, bronxit).

Qo‘llash usuli va dozalari

Ichkariga:

12 yoshgacha bo‘lgan bolalarga - kuniga 4-5 marta ovqatdan keyin 1/4 stakan iliq suvga aralashtirilgan 1 choy qoshiqdan qiyom beriladi.

12 yoshdan oshgan bolalar va kattalarga kuniga 4-5 marta ovqatdan keyin 1/2 stakan iliq suvda eritilgan 1 osh qoshiqdan qiyom beriladi.

Davolash davomiyligi 10-15 kunni tashkil etadi. Davolash muddatini uzaytirish va takroriy davolash kurslarini o‘tkazish shifokor bilan kelishilgan holda amalga oshirilishi mumkin.

Nojo‘ya ta’sirlari

Allergik reaksiyalar.

Agar siz yo‘riqnomada ko‘rsatilmagan boshqa nojo‘ya ta’sirlarni sezsangiz, bu haqda shifokorga xabar bering.

Qarshi ko‘rsatmalar

Preparat komponentlariga yuqori individual sezuvchanlik.

Saxaraza/izomaltaza yetishmovchiligi, fruktozani ko‘tara olmaslik, glyukoza-galaktoza malabsorbsiyasi.

Ehtiyotkorlik bilan

Qandli diabet bilan og‘rigan bemorlarga va tarkibida uglevodlar kam bo‘lgan parhezda bo‘lgan shaxslarga.

Preparatni qabul qilishdan oldin albatta shifokor bilan maslahatlashing.

Dorilarning o‘zaro ta’siri

Tarkibida kodein bo‘lgan preparatlar va yo‘talga qarshi boshqa dori vositalari bilan bir vaqtda qo‘llash mumkin emas, chunki bu suyultirilgan balg‘amning yo‘talishini qiyinlashtiradi.

Maxsus ko‘rsatmalar

Qandli diabet bilan og‘rigan bemorlar uchun ma’lumot: 1 choy qoshiq (5 ml) 0,4 XB (non birligi), 1 osh qoshiq (15 ml) - 1,2 XB saqlaydi.

Homiladorlik va laktatsiya davri

Agar ona uchun kutilayotgan foyda homila va bola uchun potensial xavfdan yuqori bo‘lsa, homiladorlik va emizish davrida qo‘llash mumkin. Shifokor bilan maslahatlashish zarur.

Avtomobilni boshqarish/mexanizmlar bilan ishlash qobiliyatiga ta’sir

Preparat transport vositalarini, mexanizmlarni boshqarish qobiliyatiga va alohida e’tibor va tezkor reaksiyalarni talab qiladigan boshqa xavfli faoliyat turlari bilan shug‘ullanishga ta’sir ko‘rsatmaydi.

Preparat yaroqlilik muddati tugaganidan keyin qo‘llanilmasligi va bolalar qo‘li yetmaydigan joyda saqlanishi lozim.

Dozani oshirib yuborish

Belgilari: ko‘ngil aynishi, qusish.

Davolash: preparatni bekor qilish, oshqozonni yuvish.

Saqlash shartlari

Yorug‘lik tushmaydigan joyda, 25 °C dan yuqori bo‘lmagan haroratda.

Yaroqlilik muddati

1 yil 6 oy.

Dorixonalardan berish shartlari

Retseptsiz beriladi.

Registratsiya guvohnomasi egasi/ishlab chiqaruvchi/da’volarni qabul qiluvchi tashkilot

"Sintez" Qo‘rg‘on tibbiyot preparatlari va buyumlari aksiyadorlik jamiyati" ochiq aksiyadorlik jamiyati ("Sintez" OAJ)

640008, Rossiya, Qo‘rg‘on shahri, Konstitutsiya shoh ko‘chasi, 7.

Tel./faks. (3522) 48-16-89

e/mail: [email protected]

Internet sayti: http://www.kurgansintez.ru