Ambromer eritmasi D / in. 15 mg / 2 ml 2 ml № 5 (ampulalar)

Tarkib

2 ml preparat tarkibida quyidagilar mavjud:

faol modda: ambroksol gidroxlorid 15,0 mg;

yordamchi moddalar: limon kislotasi monogidrati 1,8 mg, natriy xlorid 13,6 mg, natriy gidrofosfat geptagidrati 4,7 mg, xlorid kislotasi 25% 0,02 mg, inyeksiya uchun suv 1979,9 mg.

Tavsif

Ambromer inyeksiya uchun eritma.

Dori shakli

Inyeksiya uchun eritma.

Farmakoterapevtik guruh

Balg‘am ko‘chiruvchi preparatlar, yo‘talga qarshi vositalar bilan kombinatsiyadan tashqari.

Farmakologik xususiyatlari

Farmakodinamika

Ambroksol bromgeksin metaboliti - benzilamindan iborat. Bromgeksindan metall guruhi yo‘qligi va siklogeksil halqasining para-trans holatida gidroksil guruhi mavjudligi bilan farq qiladi. Sekretomotor, sekretolitik va balg‘am ko‘chiruvchi ta’sirga ega. Klinikadan oldingi tadqiqotlar shuni ko‘rsatdiki, ambroksol bronxlar shilliq qavati bezlarining seroz hujayralarini rag‘batlantiradi. Kiprikli epiteliy hujayralarini faollashtirib, balg‘am yopishqoqligini kamaytirib, mukotsiliar transportni yaxshilaydi. Ambroksol surfaktant hosil bo‘lishini faollashtiradi, 2-tipdagi alveolyar pnevmotsitlarga va mayda nafas yo‘llarining Klara hujayralariga bevosita ta’sir ko‘rsatadi. Hujayra kulturalarida o‘tkazilgan tadqiqotlar va hayvonlarda o‘tkazilgan in vivo tadqiqotlar shuni ko‘rsatdiki, ambroksol embrion va kattalar alveolalari va bronxlari yuzasida faol modda (surfaktant) hosil bo‘lishi va sekretsiyasini rag‘batlantiradi.Shuningdek, klinik oldi tadqiqotlarda ambroksolning antioksidant ta’siri isbotlangan. Ambroksol antibiotiklar amoksitsiklin, sefuroksim, eritromitsin va doksitsiklin bilan birga qo‘llanganda ularning balg‘am va bronxial sekretsiyadagi konsentratsiyasini oshiradi.

Farmakokinetika

Ambroksol parenteral yuborilganda to‘qimalarga tez o‘tadi. Eng yuqori konsentratsiya o‘pkada topiladi. Maksimal konsentratsiyasiga 1-3 soatdan keyin erishiladi. Plazma oqsillari bilan bog‘lanishi 85% (80-90%) atrofida bo‘ladi. Plazmadan yarim chiqarilish davri 7–12 soatni tashkil etadi. Ambroksol va uning metabolitlarining umumiy yarim chiqarilish davri taxminan 22 soatni tashkil etadi. Asosan buyraklar orqali metabolitlar shaklida chiqariladi - 90%, 10% dan kamrog‘i o‘zgarmagan holda chiqariladi. Ambroksolning plazma oqsillari bilan yuqori darajada bog‘lanishi, tarqalish hajmining kattaligi va to‘qimalardan qonga sekin qayta taqsimlanishini hisobga olgan holda, dializ yoki jadal diurez paytida uning sezilarli darajada chiqarilishi sodir bo‘lmaydi.Jigarning og‘ir kasalliklari bo‘lgan bemorlarda ambroksol klirensi 20-40% ga kamayadi. Ambroksol orqa miya suyuqligiga va yo‘ldosh to‘sig‘i orqali o‘tadi hamda ona sutiga ajraladi.

Qo‘llash usuli va dozalari

Ambromer preparati vena ichiga (sekin oqim bilan yoki tomchilab) yuboriladi. Erituvchi sifatida natriy xloridning 0,9% li eritmasi, glyukozaning 5% li eritmasi, Ringer-Lokk eritmasi yoki pH 6,3 dan yuqori bo‘lmagan boshqa bazis eritmasi qo‘llaniladi. Kunlik doza - tana vaznining har 1 kg uchun 30 mg, kuniga to‘rt marta yuborishga teng taqsimlangan. Eritmani vena ichiga, sekinlik bilan, kamida 5 daqiqa davomida yuborish kerak. Inyeksiyalar kasallikning o‘tkir ko‘rinishlari yo‘qolgach to‘xtatiladi va preparatning boshqa dori shakllarini ichishga o‘tiladi. Davolashning davomiyligi kasallikning kechishiga qarab individual tanlanadi. Ambromer preparatini shifokor ko‘rsatmasisiz 4-5 kundan ortiq qabul qilish tavsiya etilmaydi.

Nojo‘ya ta’sirlari

Kamdan kam hollarda preparat tez yuborilganda kuchli bosh og‘rig‘i, charchoq hissi, holsizlik, venoz shishlar kuzatilgan.

Qarshi ko‘rsatmalar

ambroksolga yoki yordamchi moddalardan biriga yuqori sezuvchanlik;

homiladorlik (I trimestr).

Ehtiyotkorlik bilan:

Bronxlarning motor funksiyasi buzilgan va balg‘am hosil bo‘lishi kuchaygan bemorlarda (harakatsiz kiprikchalar sindromida) balg‘am dimlanishi xavfi tufayli Ambromer preparati ehtiyotkorlik bilan qo‘llanilishi kerak. Buyrak faoliyati buzilgan yoki og‘ir jigar kasalliklari bo‘lgan bemorlar Ambromer preparatini alohida ehtiyotkorlik bilan, qabullar orasida katta intervallarga rioya qilgan holda yoki preparatni kamroq dozada qabul qilishlari kerak.

Dozani oshirib yuborish

Belgilari:

Ambroksol dozasi oshirib yuborilganda intoksikatsiya belgilari aniqlanmadi. Asab qo‘zg‘alishi va ich ketishi haqida ma’lumotlar bor. Ambroksol 25 mg/kg/kuniga qadar ichilganda yaxshi o‘zlashtiriladi. Og‘ir dozani oshirib yuborish holatida so‘lak ajralishi, ko‘ngil aynishi, qusish, qon bosimining pasayishi kuzatilishi mumkin.

Davolash:

Qusish, oshqozonni yuvish kabi intensiv davolash usullari faqat preparat qabul qilingandan keyingi dastlabki 1-2 soat ichida og‘ir dozani oshirib yuborish holatlarida qo‘llanilishi kerak. Simptomatik davolash ko‘rsatilgan.

Maxsus shartlar

Balg‘am chiqishini qiyinlashtiradigan yo‘talga qarshi dori vositalari bilan birga qo‘llash mumkin emas.

Homiladorlik va laktatsiya

Homiladorlik davrida ambroksolni qo‘llash bo‘yicha ma’lumotlar yetarli emas. Xususan, bu homiladorlikning dastlabki 28 haftasiga taalluqlidir. Hayvonlarda o‘tkazilgan tadqiqotlar teratogen ta’sirni aniqlamadi.Homiladorlikda (II-III trimestr) Ambromer preparatini qo‘llash faqat shifokor ko‘rsatmasi bo‘yicha, xavf/foyda nisbatini sinchkovlik bilan baholaganidan so‘ng mumkin. Hayvonlarda o‘tkazilga

ambroksol ko‘krak sutiga o‘tadi. Emizish davrida ayollarda preparatni qo‘llash yetarli darajada o‘rganilmaganligi sababli, Ambromer preparatini faqat shifokor ko‘rsatmasi bo‘yicha, xavf/foyda nisbatini sinchkovlik bilan baholaganidan so‘ng qo‘llash mumkin.

Bolalar

2 yoshgacha bo‘lgan bolalarda preparatni faqat shifokor ko‘rsatmasi bilan qo‘llash mumkin. Ambromer preparatini qo‘llashda Stivens-Jonson sindromi va Layell sindromi kabi og‘ir shakldagi teri reaksiyalari juda kam kuzatilgan. Teri yoki shilliq qavatlar o‘zgarganda zudlik bilan shifokorga murojaat qilish va preparatni qabul qilishni to‘xtatish lozim.

Transport vositalari va mexanizmlarini boshqarish qobiliyatiga ta’siri

Transportni boshqarish qobiliyatiga hamda mashina va mexanizmlarni boshqarishga ta’siri hozirgacha ma’lum emas.

Dorilarning o‘zaro ta’siri

Ambroksol va yo‘talga qarshi dorilar bir vaqtda qo‘llanganda yo‘tal refleksining susayishi tufayli sekret dimlanishi mumkin. Shuning uchun bunday kombinatsiyalarni ehtiyotkorlik bilan tanlash kerak. Ambroksol va antibiotiklardan amoksitsillin, sefuroksim, eritromitsin va doksitsiklin birgalikda qabul qilinganda, ularning balg‘am va bronxial sekretsiyadagi konsentratsiyasi ortadi. Ambroksolni (pH 5,0) kiritish pH ko‘rsatkichi 6,3 dan yuqori bo‘lgan boshqa eritmalarni kiritish bilan birga olib borilmasligi kerak, chunki eritmalarning pH qiymatlari o‘rtasidagi farq ambroksol asosining cho‘kishiga olib kelishi mumkin.

Chiqarish shakli

Vena ichiga yuborish uchun eritma 15 mg/2 ml, 5 ta ampula 2 ml dan dori vositasi uk.