Aminazin plyonka bilan qoplangan planshetlar 100 mg №10 (1 blister)

Tarkib

Bir tabletka quyidagilarni o‘z ichiga oladi:

ta’sir etuvchi modda: xlorpromazin gidroxlorid 100% moddaga qayta hisoblaganda - 25,00 mg, 50,00 mg yoki 100,00 mg;

yordamchi moddalar: kartoshka kraxmali, mikrokristall sellyuloza, laktoza monogidrati, kopovidon, natriy krosskarmellozasi, magniy stearati;

qobiq:

25 mg dozalash uchun - Opadray II 85F38209: qisman gidrolizlangan polivinil spirti, makrogol-3350, talk, titan dioksidi E 171, temir bo‘yog‘i sariq oksid E 172;

50 mg doza uchun - Opadray II 85F240048: qisman gidrolizlangan polivinil spirti, makrogol-3350, talk, titan dioksidi E 171, qizil temir oksidi bo‘yog‘i E 172, sariq temir oksidi bo‘yog‘i E 172, qora temir oksidi bo‘yog‘i E 172;

100 mg dozalash uchun - Opadray II 85F25509: qisman gidrolizlangan polivinil spirti, makrogol-3350, talk, qizil temir oksidi bo‘yog‘i E 172, qora temir oksidi bo‘yog‘i E 172, sariq temir oksidi bo‘yog‘i E 172.

Tavsif

Yumaloq, ikki tomoni qavariq, plyonkali qobiq bilan qoplangan oq, sarg‘ish tusli (25 mg dozalash uchun), jigarrang-pushti (50 mg dozalash uchun), qizg‘ish-jigarrangdan jigarranggacha (100 mg dozalash uchun) rangli tabletkalar. Ko‘ndalang kesimda yadrosi oq yoki deyarli oq rangda bo‘ladi.

Chiqarish shakli

Plyonkali qobiq bilan qoplangan tabletkalar 25 mg, 50 mg va 100 mg

Farmakoterapevtik guruh

Antipsixotik vosita (neyroleptik). ATX kodi: N05AA01 Xlorpromazin

Farmakologik xususiyatlari

Farmakodinamika

Xlorpromazin fenotiazinning dimetilaminli hosilasidir. Xlorpromazinning terapevtik ta’sirining aniq mexanizmi noma’lum bo‘lsa-da, uning asosiy ta’siri psixotik belgilarning pasayishiga olib keladigan neyroleptik ta’sirdir. Xlorpromazin sedativ va qayt qilishga qarshi ta’sir ko‘rsatadi. Alfa-adrenoretseptorlarni bloklaydi va kuchsiz antixolinergik ta’sir ko‘rsatadi. Xlorpromazin dofamin antagonisti bo‘lib, prolaktin ajralib chiqishini stimullaydi. Xlorpromazin serotonin retseptorlarini bloklaydi va kuchsiz antigistamin xususiyatga ega. U termoregulyatsiya markazini so‘ndiradi, bu esa organizmning tana haroratini atrof-muhit harorati bilan tenglashtirishga qarshiligini buzadi.

Farmakokinetika

Xlorpromazin ichilganda yaxshi va tez so‘riladi. Ichga qabul qilingandan keyin biosinguvchanligi - 50%. Qon plazmasi oqsillari bilan 90% dan ortiq bog‘lanadi, shuning uchun deyarli gemodializga uchramaydi. Qon aylanish tizimidan tez chiqariladi va turli organlarda notekis to‘planadi. Gematoensefalik to‘siqdan oson o‘tadi, bunda uning miyadagi konsentratsiyasi plazmadagi konsentratsiyasidan yuqori bo‘ladi. Xlorpromazin va uning metabolitlarining qon plazmasidagi konsentratsiyasi va terapevtik ta’siri o‘rtasida to‘g‘ridan to‘g‘ri bog‘liqlik yo‘q.

U jigar orqali "birinchi o‘tish" ta’siriga ega bo‘lib, bu yerda preparat oksidlanish (30%), gidroksillanish (30%) va metilsizlanish (20%) natijasida jadal metabolizmga uchraydi. Oksidlangan gidroksillangan metabolitlar farmakologik faollikka ega bo‘lib, ular glyukuron kislotasi bilan bog‘lanib yoki faol bo‘lmagan sulfoksidlar hosil bo‘lishi bilan keyingi oksidlanish orqali faolsizlantiriladi. Buyraklar va o‘t bilan chiqariladi. Dozaning 1-6% o‘zgarmagan holda siydik bilan ajraladi. Xlorpromazinning yarim chiqarilish davri (T1/2) o‘rtacha 30 soatni tashkil etadi. Bir kecha-kunduzda qabul qilingan dozaning 20% ga yaqini chiqib ketadi. Xlorpromazin metabolitlarining izlarini siydikda davolash to‘xtatilgandan 12 oy va undan ko‘proq vaqt o‘tgach aniqlash mumkin.

Ko‘rsatmalar

O‘tkir va surunkali psixotik buzilishlar, ayniqsa paranoid, shizofreniya, maniakal buzilishlar, organik psixozlar va boshqalarda.

Xavotirli buzilishlarda psixomotor qo‘zg‘alish (agitatsiya).

Tajovuzkorlik bilan kechadigan va bemor hamda atrofdagilar uchun potensial xavfli bo‘lgan xulq-atvor buzilishlari.

Bolalarda shizofreniya, autizm.

Gipotermiya induksiyasi.

Tinimsiz hiqichoq.

Og‘ir kasalliklarning terminal bosqichlarida to‘xtatib bo‘lmaydigan ko‘ngil aynishi va qusish.

Qarshi ko‘rsatmalar

- Preparat komponentlariga yuqori individual sezuvchanlik;

- laktozani ko‘tara olmaslik, laktaza yetishmovchiligi, glyukoza-galaktoza malabsorbsiyasi;

- markaziy asab tizimi (MAT) faoliyatini susaytiruvchi moddalar bilan zaharlanish;

- har qanday etiologiyali komatoz holatlar;

- suyak ko‘migida qon yaratilishining susayishi;

- homiladorlik, emizish davri;

- 12 yoshgacha bo‘lgan bolalar (ushbu dori shakli uchun).

Ehtiyotkorlik bilan

Parkinson kasalligi, faol alkogolizm (gepatotoksik ta’sirlarning rivojlanish xavfi), ko‘krak bezi saratoni, epilepsiya, nafas olishning buzilishi bilan kechuvchi surunkali kasalliklar (ayniqsa bolalarda), Reye sindromi, kaxeksiya, keksa yosh, qusish (fenotiazinlarning qusishga qarshi ta’siri boshqa dorilarning dozasini oshirish bilan bog‘liq bo‘lgan qusishni yashirishi mumkin).

Qo‘llash usuli va dozalari

Aminazin® tabletkalari og‘iz orqali (ovqatdan keyin) chaynamay, yetarli miqdorda suv bilan ichiladi.

Optimal dozani individual tanlash maqsadga muvofiqdir. Agar bemorning klinik ahvoli imkon bersa, unda davolashni mumkin bo‘lgan eng kam dozadan boshlab, asta-sekin oshirib borish kerak.

Shizofreniya, boshqa psixozlar, hayajonlanish, autizm, gipotermiya induksiyasi

Kattalar:

Ichga qabul qilish uchun boshlang‘ich sutkalik doza kuniga 1-4 marta 25-100 mg ni tashkil etadi, so‘ngra, chidamlilikni hisobga olgan holda, doza asta-sekin har 3-4 kunda 25-50 mg ga ko‘paytiriladi, kutilgan terapevtik ta’sirga erishilgunga qadar. Aminazin® preparatining o‘rtacha dozalari kam samarali bo‘lganda, doza kuniga 700-1000 mg gacha oshiriladi, ba’zi, o‘ta chidamli holatlarda somatik qarshi ko‘rsatmalarsiz dozani kuniga 1200-1500 mg gacha oshirish mumkin.

Katta dozalar bilan davolashda sutkalik doza 4 qismga bo‘linadi (oxirgisi - uyqudan oldin).

Katta dozalar bilan davolash kursining davomiyligi 1-1,5 oydan oshmasligi kerak, samara bo‘lmasa, boshqa preparatlar bilan davolashga o‘tish maqsadga muvofiqdir.

Aminazin® preparatining yuqori dozalari kattalar uchun ichishga mo‘ljallangan: bir martalik 300 mg, sutkalik 1500 mg.

Kuchsizlangan va keksa bemorlarda terapiya kattalar uchun odatdagi dozalarning 1/3-1/2 qismidan boshlanadi, doza asta-sekin ko‘paytiriladi; tavsiya etilgan sutkalik doza kuniga 300 mg gacha.

Bolalar:

12 yoshdan oshgan bolalarga Aminazin® preparati 550 mkg/kg (0,55 mg/kg) yoki 1 m2 tana yuzasiga 15 mg dan har 6-8 soatda zarurat tug‘ilganda buyuriladi. Tana vazni 46 kg gacha bo‘lganda, Aminazin® preparatini kuniga 75 mg dan ortiq dozada buyurmaslik kerak.

To‘xtovsiz hiqichoq

Kattalar:

Har 4-6 soatda 25 mg dan.

Bolalar:

Bolalarda doimiy hiqichoqda dozalash usuli aniqlanmagan.

Og‘ir kasalliklarning oxirgi bosqichlarida to‘xtatib bo‘lmaydigan ko‘ngil aynishi va qusish

Kattalar:

Har 4-6 soatda 25 mg dan.

Bolalar:

12 yoshdan oshgan bolalarga Aminazin® preparati 550 mkg/kg (0,55 mg/kg0 yoki 1 m2 tana yuzasiga 15 mg dan, zarurat bo‘lganda, har 4-6 soatda buyuriladi. Tana vazni 46 kg gacha bo‘lganda, Aminazin® preparatini kuniga 75 mg dan ortiq dozada buyurmaslik kerak.

Nojo‘ya ta’sirlari

Markaziy asab tizimi tomonidan: ekstrapiramidal buzilishlar (distonik reaksiyalar, akinetorigid hodisalar, akatiziya, giperkinezlar, tremor, vegetativ buzilishlar, dorilar keltirib chiqargan parkinsonizm belgilari (gipokineziya, mushaklar rigidligi, postural beqarorlik), erta diskineziyalar (bo‘yin, til, og‘iz bo‘shlig‘i tubi mushaklarining paroksizmal paydo bo‘ladigan tirishishlari, okulogirik krizlar), uzoq muddatli davolashda - kechki diskineziya ("Alohida ko‘rsatmalar" bo‘limidagi kechki diskineziyaning oldini olish taktikasiga qarang), xavfli neyroleptik sindrom (mushaklar rigidligi, gipertermiya, vegetativ asab tizimi disfunksiyasi bilan bog‘liq somatik buzilishlar, ruhiy buzilishlar), uyquchanlik, bosh aylanishi, uyqu buzilishlari, ruhiy befarqlik holatlari, tashqi ta’sirlarga kech javob berish, bezovtalik, bemor kayfiyatidagi o‘zgarishlar, hayajonlanish, uyqusizlik, neyroleptik depressiya.

Yurak-qon tomir tizimi tomonidan: ortostatik gipotenziya, taxikardiya, yurak ritmining buzilishi (qorincha aritmiyalari, shu jumladan "pirat" turi; dastlabki bradikardiya, gipokaliyemiya, QT intervalining uzayishi, anamnezda yurak kasalliklari, tritsiklik antidepressantlarni bir vaqtning o‘zida qabul qilish, keksa yoshda), QT intervalining uzayishi, T va U tishchalarining o‘zgarishi, venoz tromboemboliya (shu jumladan o‘pka tromboemboliyasi va chuqur venalar trombozi) fonida qorincha ritmi buzilishlarining rivojlanish xavfi yuqori.

Nafas olish tizimi tomonidan: nafas qisilishi, burun bitishi.

Ovqat hazm qilish tizimi tomonidan: ko‘ngil aynishi, qusish, ich ketishi, og‘iz qurishi, anoreksiya, qabziyat yoki ichak tutilishi.

Gepatobiliar tizim tomonidan: xolestatik sariqlik va jigar shikastlanishlari (asosan xolestatik, gepatotsellyulyar yoki aralash); sariqlik paydo bo‘lganda xlorpromazinni bekor qilish kerak.

Siydik-tanosil tizimi tomonidan: siydik ajralishining qiyinlashishi, amenoreya, oligomenoreya, impotensiya, frigidlik, oliguriya, priapizm.

Endokrin tizim tomonidan: giperprolaktinemiya, galaktoreya, ginekomastiya.

Qon yaratish organlari tomonidan: qon ivishining oshishi, limfo- va leykopeniya, anemiya, agranulotsitoz (qon manzarasini muntazam tekshirish tavsiya etiladi ("Maxsus ko‘rsatmalar" bo‘limiga qarang)).

Sezgi organlari tomonidan: ko‘z gavhari va shox pardaning xiralashishi, akkomodatsiyaning buzilishi.

Koe/sniy qoplamalar tomonidan: terining fotosensibilizatsiyasi, teri pigmentatsiyasi, melanoz.

Immun tizimi tomonidan: teri va shilliq qavatlar tomonidan allergik reaksiyalar, angionevrotik shish, yuz shishi, bronxospazm, eshakemi, anafilaktik reaksiyalar, tizimli qizil yuguruk.

Boshqa ehtimoliy ta’sirlari: fenotiazin hosilalarini qo‘llash glyukozani ko‘tara olmaslik, giperglikemiya, giperxolesterinemiya, najas tiqilishi, og‘ir ichak tutilishi va megakolonga olib kelishi mumkin.

Dozani oshirib yuborish

Belgilari: arefleksiya yoki giperrefleksiya, ko‘rish qobiliyatining noaniqligi, kardiotoksik ta’sir (aritmiya, yurak yetishmovchiligi, qon bosimining (QB) pasayishi, shok, taxikardiya, QRS tishchasining o‘zgarishi, qorinchalar fibrillyatsiyasi, yurak to‘xtashi), neyrotoksik ta’sir, jumladan hayajonlanish, ongning chalkashligi, tutqanoqlar, yo‘nalish buzilishi, uyquchanlik, stupor yoki koma; midriaz, og‘iz qurishi, giperpireksiya yoki gipotermiya, mushaklar rigidligi, qusish, o‘pka shishi yoki nafas olishning pasayishi.

Davolash: oshqozonni yuvish, faollashtirilgan ko‘mir tayinlash (qusish induksiyasidan saqlanish kerak, chunki me’yoridan ortiq dozalash natijasida hushning buzilishi va bo‘yin hamda bosh mushaklari tomonidan distonik reaksiyalar qusuq massalarining aspiratsiyasiga olib kelishi mumkin). Simptomatik davolash: kollaptoid holatlarda kordiamin, kofein, mezaton yuborish tavsiya etiladi; nafas olish markazi funksiyasi buzilmagan holda markaziy asab tizimi susayganda - fenamin, pervitin, kofein-natriy benzoatning o‘rtacha dozalarini yuborish (nafas olish markazi susayganda analeptiklarni qo‘llash mumkin emas); nevrologik asoratlar odatda xlorpromazin dozasini kamaytirish bilan kamayadi, ularni trigeksifenidil tayinlash bilan ham kamaytirish mumkin, neyroleptik depressiyani kamaytirish uchun antidepressantlar va psixostimulyatorlar qo‘llaniladi; aritmiyada - uzoq ta’sir qiluvchi dori vositalarini yuborish, yurak yetishmovchiligida - yurak glikozidlari, qon bosimining sezilarli pasayishida - norepinefrin, fenilefrin kabi suyuqlik yoki vazopressor vositalarni vena ichiga yuborish (xlorpromazin bilan alfa-adrenoretseptorlarning blokadasi tufayli qon bosimining paradoksal pasayishi mumkinligi sababli epinefrin kabi alfa- va beta-adrenomimetiklarni tayinlashdan qochish), tutqanoqlarda - diazepam (markaziy asab tizimining keyingi depressiyasi va nafas olish Kamida 5 sutka davomida yurak-qon tomir tizimi faoliyatini nazorat qilish, MNT faoliyati, nafas olish, tana haroratini o‘lchash, psixiatr maslahati. Dializ kam samara beradi.

O‘zaro aloqa

Qarshi ko‘rsatmalar kombinatsiyasi

Xlorpromazinni sitalopram va essitalopram bilan bir vaqtda qo‘llash mumkin emas.

Tavsiya etilmaydigan kombinatsiyalar

Analgetiklar va antipiretiklar bilan uzoq vaqt birga qo‘llash maqsadga muvofiq emas - gipertermiya rivojlanishi mumkin.

Fenotiazin hosilalari epinefrin va boshqa simpatomimetiklar hamda tutqanoqqa qarshi dorilar ta’sirining antagonistlari hisoblanadi (tutqanoqqa tayyorgarlik chegarasining pasayishi).

Aminazin® preparati bilan davolashda epinefrinni yuborishdan saqlanish kerak, chunki epinefrin ta’siri buzilishi mumkin, bu esa qon bosimining pasayishiga olib kelishi mumkin. Doza oshirib yuborilganda epinefrinni qo‘llash mumkin emas.

Xlorpromazinni QT intervalini uzaytiruvchi preparatlar bilan bir vaqtda qo‘llash qorincha aritmiyasi, shu jumladan "piruet" turi rivojlanish xavfini oshirishi mumkin. Xlorpromazinni IA sinf antiaritmik vositalari (xinidin, dizopiramid, prokinamid) va III sinf (masalan, amiodaron, sotalol, dofetilid), ba’zi mikroblarga qarshi preparatlar (sparfloksatsin, moksifloksatsin, eritromitsin), tritsiklik antidepressantlar (amitriptilin kabi), tetratsiklik antidepressantlar (maprotilin kabi), boshqa neyroleptiklar (masalan, fenotiazinlar, pimozid, sertidol), antigistamin preparatlar (masalan, terfenadin), sizaprid, bretiliya tozilat, bezgakka qarshi preparatlar (xinin va meflokin kabi) bilan birga qo‘llash tavsiya etilmaydi.

Xlorpromazinni bromokriptin bilan bir vaqtda qo‘llash plazmadagi prolaktin konsentratsiyasini oshiradi va bromokriptinning ta’siriga to‘sqinlik qiladi.

Xlorpromazin litiyning buyrak orqali ekskretsiyasini kuchaytiradi, bundan tashqari, litiy preparatlari bilan birgalikda qo‘llash ekstrapiramidal asoratlar xavfini oshiradi.

Ehtiyot choralarini talab qiladigan kombinatsiyalar

Xlorpromazinni Ia va III sinf antiaritmik DV, beta-blokatorlar, ba’zi kalsiy kanallari blokatorlari, angishvonagul DV, pilokarpin, antixolinesteraz DV bilan bir vaqtda qo‘llash bradikardiya va qorincha aritmiyasi, shu jumladan "piruet" rivojlanish xavfining oshishi bilan kechishi mumkin. Ko‘rsatilgan DV xlorpromazin bilan birga qo‘llanilganda EKG-monitoring tavsiya etiladi.

Gipoglikemik preparatlar bilan birgalikda qo‘llanilganda xlorpromazin yuqori dozalarda (100 mg/sut) insulin sekretsiyasini kamaytirish va qondagi glyukoza miqdorini oshirish hisobiga gipoglikemik ta’sirni susaytiradi ("Maxsus ko‘rsatmalar" bo‘limiga qarang).

Antatsidlar, parkinsonizmga qarshi dorilar va litiy tuzlari xlorpromazinning so‘rilishini kamaytirishi mumkin. Antatsidlar Aminazin® preparatini qo‘llashdan ikki soat oldin va keyin qo‘llanilmasligi kerak.

E’tiborga olinishi kerak bo‘lgan kombinatsiyalar

Barbituratlar qon zardobidagi xlorpromazin konsentratsiyasini kamaytirishi mumkin.

Xlorpromazinni tritsiklik antidepressantlar, maprotilin yoki monoaminoksidaza ingibitorlari (MAO) bilan birgalikda buyurish neyroleptik xavfli o‘sma sindromi rivojlanish xavfini oshiradi;

Xlorpromazin gipertireozni davolovchi preparatlar bilan birga qo‘llanganda agranulotsitoz rivojlanish xavfi ortadi.

Xlorpromazinni ekstrapiramidal reaksiyalarni keltirib chiqaradigan preparatlar bilan birgalikda qo‘llanilganda, ekstrapiramidal buzilishlarning chastotasi va og‘irligi ortishi mumkin.

Fenotiazin hosilalari anesteziya vositalari, "sekin" kalsiy kanallari blokatorlari va boshqa gipotenziv vositalar hamda trazodonning gipotenziv ta’sirini oshiradi. Xlorpromazin guanetidin, amfetaminlar, klonidiya kabi neyron adrenoblokatorlarning gipotenziv ta’sirini pasaytiradi.

Xlorpromazin va angiotenzin aylantiruvchi ferment (AAF) ingibitorlari bir vaqtda qo‘llanganda og‘ir ortostatik gipotenziya yuzaga keladi.

Beta-adrenoblokatorlar va xlorpromazinni bir vaqtning o‘zida qo‘llash arterial gipotenziya xavfini, shu jumladan xlorpromazinning qon tomirlarini kengaytiruvchi ta’siri va beta-blokatorlar keltirib chiqaradigan yurak qon haydashining kamayishi natijasida ortostatik gipotenziya xavfini oshiradi.

Beta-adrenoblokatorlar va xlorpromazinni bir vaqtda qo‘llash qaytmas retinopatiya, kechki diskineziya rivojlanish xavfini oshiradi.

Xlorpromazinni nitratlar bilan bir vaqtda qo‘llash vazodilatator ta’sirning kuchayishi tufayli ortostatik gipotenziya rivojlanish xavfini oshiradi.

Xlorpromazinni tiazidli diuretiklar bilan bir vaqtda qo‘llash giponatriyemiyaning kuchayishiga yordam beradi.

Antimuskarin DV bilan bir vaqtda qo‘llash antixolinergik nojo‘ya ta’sirlar rivojlanishini kuchaytirishi mumkin (siydik tutilishi, glaukomaning o‘tkir xurujini qo‘zg‘atish, og‘iz qurishi, qabziyat va h.k.). Antixolinergik xususiyatlarga turli xil dori vositalari - atropin, tritsiklik antidepressantlar, N1-gistaminoblokatorlar, muskaringa qarshi, parkinsonizmga qarshi antixolinergik spazmolitiklar, dizopiramid, fenotiazinli neyroleptiklar va klozapin ega.

Xlorpromazin efedrin bilan birga qo‘llanganda efedrinning tomir toraytiruvchi ta’siri susayishi mumkin.

Xlorpromazin o‘rtacha antixolinergik faollikka ega bo‘lib, uni boshqa antixolinergik preparatlar bilan kuchaytirish mumkin. Aminazin® boshqa dori vositalarining antixolinergik ta’sirini ham kuchaytiradi, bunda uning o‘z antipsixotik ta’siri kamayishi mumkin.

Xlorpromazin ototoksik ta’sir ko‘rsatadigan dori vositalarining (masalan, ototoksik ta’sirga ega antibiotiklar) ba’zi bir ototoksik ko‘rinishlarini (quloq shang‘illashi, bosh aylanishi) niqoblashi mumkin.

Boshqa gepatotoksik preparatlar gepatotoksiklik rivojlanish xavfini oshiradi.

Suyak ko‘migida qon yaratilishini susaytiruvchi vositalar miyelosupressiya xavfini oshiradi.

Xlorpromazinni bezgakka qarshi dorilar bilan bir vaqtda qo‘llanganda, qon plazmasida xlorpromazin konsentratsiyasi ko‘tarilib, toksik ta’sir rivojlanish xavfi yuzaga keladi.

Xlorpromazinni simetidin bilan bir vaqtda qo‘llanganda qon plazmasida xlorpromazin konsentratsiyasining o‘zgarishi (ko‘payishi yoki kamayishi) mumkin.

Xlorpromazin kimyoviy tuzilishi jihatidan o‘xshash bo‘lgan proxlorperazin bilan bir vaqtda qo‘llanganda, 48 soatdan 72 soatgacha hushdan ketish bilan tavsiflanadigan o‘tkinchi metabolik ensefalopatiya yuzaga kelishi mumkin.

Maxsus ko‘rsatmalar

Davolash vaqtida AB, puls, jigar va buyrak faoliyatini muntazam nazorat qilib borish zarur. Qon manzarasini ham nazorat qilib turish kerak (dastlab har haftada, keyin har 3-4 oyda); agar terapiya vaqtida leykotsitlar soni 3,0 - 3,5x109/l gacha, neytrofillar soni esa 1,5 - 2,0x109/l gacha kamaysa, bu ko‘rsatkichlarni haftada 2 marta nazorat qilib turish kerak; leykotsitoz va granulotsitopeniya paydo bo‘lgan taqdirda davolashni to‘xtatish kerak.

Har bir bemor isitma, tomoq og‘rig‘i yoki yuqumli kasalliklarning boshqa ko‘rinishlari paydo bo‘lganda, bu haqda darhol davolovchi shifokorga xabar berishi kerakligi haqida xabardor qilinishi kerak. Xavfli neyroleptik sindrom belgilaridan biri bo‘lishi mumkin bo‘lgan gipertermiya (rangparlik, gipertermiya, vegetativ disfunksiyalar, ong o‘zgarishlari, mushaklar rigidligi) paydo bo‘lgan taqdirda, Aminazin® preparatini zudlik bilan bekor qilish lozim. Gipertermiya boshlanishidan oldingi erta ko‘rinishlar ko‘p terlash va arterial bosimning (AB) beqarorligi kabi nojo‘ya ta’sirlar bo‘lishi mumkin. Bunday nojo‘ya ta’sirlarning neyroleptiklarga bog‘liqligi etiologiyasi ko‘pincha noma’lum bo‘lsa-da, bir qator xavf omillari mavjud: individual moyillik, suvsizlanish, bosh miyaning organik shikastlanishlari. Xavfli neyroleptik sindrom neyroleptiklar bilan davolash jarayonida istalgan vaqtda paydo bo‘lishi va o‘limga olib kelishi mumkin.

Kechki diskineziya belgilari va simptomlari paydo bo‘lgan taqdirda, dozani kamaytirish yoki barcha antipsixotik dori vositalarini bekor qilish masalasini ko‘rib chiqish lozim. Kechki diskineziya ba’zan neyroleptik bekor qilingandan keyin yuzaga keladi va takroran qabul qilinganda yoki doza oshirilganda yo‘qoladi. Kechki diskineziya rivojlanganda antiparkinson va antixolinergik dori vositalarini buyurish mumkin emas (ahvol yomonlashishi mumkin).

Aminazin® preparatini qo‘llash natijasida yuzaga kelishi mumkin bo‘lgan ekstrapiramidal buzilishlarni tuzatish uchun antiparkinsonik vositalar - trigeksifenidil va boshqalar qo‘llaniladi.

Aminazin® dozasiga qarab QT intervalining uzayishini kuchaytirishi mumkin, bu esa qorincha aritmiyalari, shu jumladan "piruet" turi xavfini oshiradi. Shuningdek, bradikardiya, gipokaliyemiya, tug‘ma yoki orttirilgan uzoq QT davri kuchayadi. Shuning uchun davolanishni boshlashdan oldin quyidagilarning yo‘qligiga ishonch hosil qilish zarur:

- bradikardiya daqiqasiga 55 martadan kam bo‘lsa;

-gipokaliyemiya;

-QT oralig‘ining tug‘ma uzayishi.

Favqulodda vaziyatlardan tashqari, neyroleptiklar bilan davolanishga muhtoj bo‘lgan bemorlarni dastlabki tekshirish vaqtida EKG o‘tkazish tavsiya etiladi.

Demensiya bilan og‘rigan keksa bemorlarda o‘tkazilgan randomizatsiyalangan klinik tadqiqotlar davomida, platseboga nisbatan atipik antipsixotik dori vositalarini (DV) qo‘llashda, platseboga nisbatan insult xavfining ortishi qayd etildi. Bunday yuqori xavfning paydo bo‘lish mexanizmi noma’lum. Boshqa neyroleptiklarni qabul qilishda yoki boshqa yosh guruhlarida yuqori xavfni inkor etib bo‘lmaydi. Aminazin®ni insult rivojlanishi uchun xavf omillari bo‘lgan bemorlarda, aqli zaif keksa bemorlarda ehtiyotkorlik bilan qo‘llash lozim, chunki demensiya bilan bog‘liq psixozlari bo‘lgan va antipsixotik dori vositalarini qabul qilgan keksa bemorlarda o‘lim xavfi ortadi. Asosan atipik antipsixotik dori vositalarini qabul qiluvchi bemorlarda o‘tkazilgan platsebo-nazoratli tadqiqotlar platseboga nisbatan o‘lim xavfining 1,6 -1,7 baravarga oshganligini ko‘rsatdi. O‘rtacha 10 haftalik davolanish oxirida o‘lim xavfi xlorpromazin qabul qilgan guruhda 4,5% ni, platsebo guruhida esa 2,6% ni tashkil etdi. Atipik antipsixotik dori vositalari bilan o‘tkazilgan klinik tadqiqotlarda o‘lim sabablari xilma-xil bo‘lishiga qaramay, bu o‘limlarning aksariyati yurak-qon tomir muammolari (masalan, yurak yetishmovchiligi, to‘satdan o‘lim) yoki infeksiyalar (masalan, pnevmoniya) natijasida sodir bo‘lgan.

Neyroleptiklar bilan davolanganda venoz tromboemboliya (VTE) xavfi mavjud. Antipsixotik dori vositalarini qabul qilgan bemorlarda, ayniqsa orttirilgan TEE xavf omillari bilan, profilaktika choralari ko‘rilishi va Aminazin® preparati bilan davolanishdan oldin hamda davolanish paytida TEEning har qanday potensial xavf omili baholanishi lozim.

Istisno holatlardan tashqari, Aminazin® Parkinson kasalligida qo‘llanilmasligi kerak.

Qorin dam bo‘lishi va og‘rishiga qarab aniqlanishi mumkin bo‘lgan ichak tutilishi paydo bo‘lishi shoshilinch yordamni talab qiladi.

Aminazin® preparatini qabul qilishda aritmiya rivojlanishiga moyillik tug‘diruvchi omillar quyidagilardir: gipokaliyemiya (shu jumladan gipokaliyemiyani keltirib chiqaradigan diuretiklarni qo‘llashda), bradikardiya (shu jumladan DV tufayli), QT intervali davomiyligining mavjud (tug‘ma yoki orttirilgan) oshishi. Dofamin agonistlari va neyroleptiklarning o‘zaro antagonizmi tufayli xlorpromazinni dofaminergik parkinsonizmga qarshi bo‘lmagan DV (kabergolin, kvinagolid) bilan bir vaqtda buyurish tavsiya etilmaydi. "Piruet" tipidagi aritmiyani keltirib chiqarishi mumkin bo‘lgan boshqa neyroleptiklar (amisulprid, siamemazin, droperidol, flufenazin, properiziazin, galoperidol, levomepromazin, pimozid, pipamperon, pipotiazin, sertindol, sulpirid, sultoprid, tiaprid) bilan bir vaqtda qo‘llash tavsiya etilmaydi. Parazitlarga qarshi vositalar (galofantrin, lyumefantrin, pentamidin) bilan bir vaqtda qo‘llash tavsiya etilmaydi. Shuningdek, azollar guruhidagi zamburug‘larga qarshi vositalar bilan bir vaqtda qo‘llash tavsiya etilmaydi (aritmiya rivojlanish xavfi yuqori). Agar yuqoridagi kombinatsiyalarning birgalikda tayinlanishidan qochishning iloji bo‘lmasa, QT intervali davomiyligini kuzatib borish bilan muntazam EKG nazoratini o‘tkazish tavsiya etiladi. Kaliy saqlamaydigan diuretiklarni qo‘llashda xlorpromazin bilan davolashni boshlashdan oldin gipokaliemiyani tuzatish va EKGni nazorat qilish zarur.

Aminazin® preparati bilan davolashda nazoratni kuchaytirish lozim:

-anamnezida epilepsiya va tutqanoq bo‘lgan bemorlarda, tutqanoq chegarasining pasayishi ehtimoli tufayli. Tutqanoqlar paydo bo‘lishi davolashni to‘xtatishni talab qiladi.

-keksa yoshdagi bemorlarda quyidagi holatlarda:

a) yuqori sezuvchanlik va ortostatik gipotenziya ta’siri (haddan tashqari sedativ va gipotenziv ta’sir xavfining ortishi),

b) surunkali qabziyat (paralitik ichak tutilishi xavfi),

v) prostata bezining ehtimoliy gipertrofiyasi;

- gipotenziv ta’sirning kuchayishi mumkinligi sababli xinidin qabul qilayotgan yurak-qon tomir kasalliklari bilan og‘rigan bemorlarda;

-jigar yetishmovchiligi va/yoki og‘ir buyrak yetishmovchiligi holatida, to‘planish xavfi tufayli.

Uzoq muddatli davolanishda muntazam oftalmologik nazorat tavsiya etiladi. Shuni hisobga olish kerakki, fenotiazin hosilalarini qo‘llash giperglikemiyaga yoki glyukozaga tolerantlikning buzilishiga, qandli diabet, giperxolesterinemiya, najas tiqilishi, og‘ir ichak tutilishi va megakolon rivojlanishiga yoki zo‘rayishiga olib kelishi mumkin.

Yuqori dozalarda (100 mg/sut) xlorpromazin insulin sekretsiyasini kamaytirish hisobiga qonda glyukoza miqdorini oshirishi mumkinligi sababli, qandli diabet bilan og‘rigan bemorlarda davolash kursidan oldin va keyin insulin dozalarini o‘zgartirish zarur. Zarurat tug‘ilganda, sulfonilmochevina hosilalarini qabul qilayotgan bemorlarda neyroleptik dozasini ham o‘zgartirish lozim.

Depressiya ustunlik qilganda xlorpromazinni monoterapiyada qo‘llash mumkin emas.

Fenotiazin qatoridagi boshqa preparatlarga yuqori sezuvchanlikda, og‘ir respirator kasalliklarda Aminazin® ehtiyotkorlik bilan qo‘llaniladi.

Fotosensibilizatsiya xavfi tufayli ultrabinafsha nurlaridan saqlanish kerak.

Aminazin® latent miasteniya gravisning kechishini yomonlashtirishi yoki namoyon bo‘lishiga yordam berishi, shuningdek, miasteniya sindromini keltirib chiqarishi mumkin.

"Bekor qilish" sindromi rivojlanishining oldini olish uchun Aminazin® preparati bilan davolashni asta-sekin to‘xtatish zarur.

Levodopa va neyroleptiklarning o‘zaro antagonizmini hisobga olish zarur. Dopamin psixotik buzilishlarni keltirib chiqarishi yoki kuchaytirishi mumkin. Parkinsonizm bilan og‘rigan bemorlarni davolash uchun ikkala DVning minimal samarali dozalaridan foydalanish zarur. Parkinsonizm bilan og‘rigan va dopamin qabul qilgan bemorlarni neyroleptiklar bilan davolash zarur bo‘lgan taqdirda, dopamin dozasi asta-sekin minimal darajagacha kamaytirilishi kerak (dopaminni keskin to‘xtatish "xavfli neyroleptik sindrom" rivojlanish xavfini oshirishi mumkin).

Feoxromatsetoma bilan og‘rigan va Aminazin® qabul qilayotgan bemorlarda qondagi katexolaminlar darajasining soxta ijobiy natijalari kuzatilishi mumkin.

Davolash paytida spirtli ichimliklarni iste’mol qilishdan voz kechish kerak, chunki xlorpromazin alkogolning markaziy asab tizimiga salbiy ta’sirini kuchaytiradi.

Avtotransportni boshqarish va mexanizmlarni boshqarish qobiliyatiga ta’siri:

Davolash davrida diqqatning yuqori konsentratsiyasini va psixomotor reaksiyalarning tezligini talab qiladigan potensial xavfli faoliyat turlari bilan shug‘ullanishdan tiyilish zarur.

Homiladorlik va laktatsiya

Homiladorlik davrida qo‘llash mumkin emas.

Xlorpromazin yo‘ldosh to‘sig‘idan o‘tib, ko‘krak suti bilan ajraladi, tug‘ruqni uzaytiradi. Xlorpromazin hayvonlarda embriofetal buzilishlarni keltirib chiqarishi ko‘rsatilgan. Homiladorlikning uchinchi trimestri davomida dori vositasini qabul qilgan onalarda ekstrapiramidal buzilishlar va/yoki bekor qilish sindromi rivojlanishining potensial xavfi haqida ma’lumotlar mavjud. Homiladorlik davrida xlorpromazin yuqori dozalarda qo‘llanilganda, chaqaloqlarda ba’zi hollarda dori vositasining (DV) atropinsimon ta’siri bilan bog‘liq bo‘lgan ovqat hazm qilish buzilishlari qayd etilgan.

Laktatsiya davrida preparatni qo‘llash zarur bo‘lsa, davolash davrida

emizishni to‘xtatmoq

Qadoq

Polivinilxlorid plyonkasi va laklangan alyuminiy bosma folgasidan tayyorlangan konturli yacheykali o‘ramga 10 tadan tabletka solinadi.

1, 2 yoki 3 konturli yacheykali o‘ramlar (25 mg dozalash uchun); 1 yoki 3 ta konturli yacheykali o‘ramlar (50 mg va 100 mg dozalari uchun) qo‘llash bo‘yicha yo‘riqnoma bilan birga karton qutiga joylashtiriladi.

Saqlash shartlari

Yorug‘likdan himoyalangan joyda, 25 °C dan yuqori bo‘lmagan haroratda.

Bolalar qo‘li yetmaydigan joyda saqlang.

Yaroqlilik muddati

3 yil.Qadoqda ko‘rsatilgan yaroqlilik muddati tugagandan keyin foydalanmang.

Dorixonalardan berish shartlari

Retsept bo‘yicha

Ro‘yxatdan o‘tish guvohnomasi egasi

VALENTA FARM AJ Rossiya

Ishlab chiqaruvchi

VALENTA FARM AJ Rossiya