Amoksitsillin-500 mg № 100 tabletkalar (10 blister x 10 tabletka)

бир таблетка қуйидагиларни сақлайди:

фаол модда: 250 мг ёки 500 мг амоксициллин тригидрати (амоксициллинга қайта ҳисобланганда);

ёрдамчи моддалар: картошкали крахмал, магний стеарати, кальций стеарати, тальк.

Оқ ёки деярли оқ рангли ясси цилиндрик шаклли рискали ва фаскали таблеткалар.

Таблеткалар.

Антибиотиклар (пенициллинлар гуруҳи). АТХ коди: J01CA04.

Ярим синтетик пенициллинлар гуруҳига кирувчи кенг таъсир доирасига эга антибиотик. Бактерицид таъсир кўрсатади, ҳужайра қобиғи синтезини сусайтиради. Граммусбат микроорганизмларга (гемолитик ва ногемолитик Streptococcus spp., Staphylococcus spp., бета-лактамаза (пенициллиназа) ишлаб чиқармайдиган Clostridium spp., Bacillus anthracis, Corynebacterium diphtheriae, Enterococcus spp.) ва грамманфий микроорганизмларга (Haemophilus influenzae, Bordetella pertussis, Proteus mirabilis, Brucella spp., Neisseria gonorrhoeae ва Neisseria meningitidis, Salmonella spp., Shigella spp., Esherichia coli, Borrelia burgorfery, Helicobacter pylori) нисбатан фаол.

Бета-лактамаза (пенициллиназа) ишлаб чиқарадиган микроорганизмларга, Pseudomonas, индол-мусбат Proteus, Serratia, Enterobacter га нисбатан фаол эмас.

Фармакокинетикаси

Препарат меъда-ичак йўлларидан амалда тўлиқ (93%) сўрилади, овқат қабул қилиш препаратнинг сўрилишига таъсир қилмайди, меъданинг кислотали муҳитида парчаланмайди. Қон плазмасида энг юқори концентрацияга қабул қилингандан тахминан 1-2 соат ўтгач эришилади. Препаратнинг тахминан 17% қон плазмаси оқсиллари билан боғланади. Организм тўқималарига ва биологик суюқликларига (орқа мия суюқлиги бундан мустасно) яхши киради, йўлдош тўсиғи орқали ўтади ва кўкрак сути билан чиқарилади. Жигарнинг меъёрий фаолиятида ўт суюқлигидаги концентрацияси қондаги концентрациясидан 2-4 марта юқори бўлади. Катта қисми буйраклар орқали, асосан найчалар экскрецияси билан, тахминан 50% ўзгармаган ҳолда чиқарилади. Ярим чиқарилиш даври (Т1/2) 1-2 соат ташкил қилади, жигар фаолияти бузилганида у ўзгармайди, аммо буйракларнинг фаолияти бузилганида (креатинин клиренси (КК) 15 мл/мин га тенг ёки кам) узаяди, анурияда эса (5-15 соат) ўртача 8,5 соатга етади.

Препаратга сезгир микроорганизмлар чақирган инфекцион касалликларни, айниқса нафас аъзолари, сийдик-жинсий тизими, сафро йўллари, меъда-ичак йўллари, тери ва юмшоқ тўқималарнинг инфекцияларини даволаш учун қўлланади.

Антибиотик-жарроҳлик мажмуа даволаш доирасида препарат ўт қопчаси ва сафро йўлларида сальмонелла ташувчиликни санация қилиш учун қўлланади.

Ичга, овқат қабул қилишдан олдин ёки кейин буюрилади.

Катталар ва 10 ёшдан ошган болаларга (тана вазни 40 кг дан ортиқ) одатда 1,0-1,5 г суткалик дозада буюрилади. 5 ёшдан 10 ёшгача бўлган болаларда суткалик доза одатда 0,75 г ни, 2 ёшдан 5 ёшгача 0,375 г ни, 2 ёшдан кичик ёшда 20 мг/кг тана вазнигани ташкил қилади. Суткалик доза 2-3 қабулга бўлинади.

Инфекцион касалликнинг оғир кечишида дозани икки мартага ошириш мумкин. Препарат билан даволаш камида 5-7 кун давом этиши керак, аммо сурункали бронхитнинг зўрайишида одатда фақат йирингли балғам ажралиши даврида буюрилади. Бета-гемолитик стрептококклар чақирган инфекцияларда, асоратларни олдини олиш учун препаратни камида 10 кун қўллаш лозим. Препаратни қабул қилишни касалликнинг симптомлари йўқолганидан кейин 48 соат давомида давом эттириш керак. Ўткир гонореяда 3 г бир қабулда 1 г пробенецид билан бирга буюрилади. Аёлларни даволашда кўрсатилган дозани такрорлаш тавсия қилинади.

Жигар фаолияти пасайганида препаратнинг дозаси ўзгартирилмайди.

Гемодиализдан кейин диализда чиқарилган миқдорни тўлдириш керак.

Буйраклар фаолиятининг бузилишлари бўлган беморларда КК 10 мл/мин дан пастлигида препаратнинг дозаси 15-50% камайтирилади ёки қабуллар орасидаги интервал 24 соатгача оширилади. КК 10-30 мл/мин да препарат 500 мг дозада 12 соатлик интервал билан буюрилади. Сийдик чиқариш йўлларининг асоратланмаган инфекцияларида ҳар бир юборишга 3 г дан 10-12 соатлик интервал билан буюрилади.

Аллергик реакциялар: эритема, эшакеми, ринит, конъюнктивит; кам ҳолларда иситма, бўғимларда оғриқлар, эозинофилия; жуда кам - анафилактик шок, Квинке шиши.

Овқат ҳазм қилиш йўлларининг бузилишлари: кўнгил айниши, қусиш, диарея, орқа чиқарув тешиги соҳасини қичишиши, жуда кам ҳолларда - сохтамембраноз ва геморрагик колитлар пайдо бўлиши мумкин. Кам ҳолларда интерстициал нефрит, жуда кам ҳолларда - агранулоцитоз, тромбоцитопенияни ривожланиши мумкин.

Пенициллинларга, цефалоспоринларга юқори сезувчанлик, оғир жигар етишмовчилиги, амоксициллинга сезгир бўлмаган микроорганизмлар, айниқса псевдомонадалар ва стафилококклар чақирган инфекцион касалликлар, аллергия, бронхиал астма, анамнездаги пичан тумови ёки эшакеми, инфекцион мононуклеоз, лимфолейкоз, ҳомиладорлик ва лактация даври.

Бактериостатик антибиотиклар (тетрациклин, хлорамфеникол, макролидлар) билан бир вақтда қўлланганида ўзаро антагонизм, аминогликозид ва цефалоспорин гуруҳи антибиотиклари билан қўлланганида микробларга қарши таъсирида синергизм кузатилади. Аллопуринол билан бир вақтда ишлатилганида тери аллергик реакцияларнинг тез-тезлиги ошмайди. Препарат стероид ҳомилага қарши воситаларнинг таъсирини камайтиради ва пенициллин ва цефалоспоринлар билан қарама-қарши сенсибилизацияга эга. Пробенецид, фенилбутазон, оксифенбутазон, ацетилсалицил кислотаси, сулфинпиразон препаратнинг плазмадаги концентрациясини ва унинг Т1/2 оширади. Антацидлар препаратнинг сўрилишини камайтиради.

Анамнезда эритродермияни бўлиши амоксициллинни қўллашга қарши кўрсатма ҳисобланмайди.

Пенициллин қатори препаратлари ва цефалоспоринлар билан кесишган чидамлилик ёки ўта юқори сезувчанлик бўлиши мумкин.

Бошқа пенициллин қатори препаратларини қўллаганда бўлгани каби, суперинфекция ривожланиши мумкин.

Сохтамембраноз колитга хос бўлган оғир диареяни пайдо бўлиши, препаратни бекор қилиш учун кўрсатмадир.

Инфекцион мононуклеоз ва лимфолейкози бўлган беморларга препаратни эҳтиёткорлик билан буюриш лозим, чунки ноаллергик генезга эга экзантемани пайдо бўлиш эҳтимоли юқоридир.

Ҳомиладорлик ва лактация даврида препаратни, агарда препаратни қўллашдан кутилаётган ижобий натижа, ножўя таъсирларининг ривожланиш хавфидан юқори бўлгандагина буюриш мумкин. Амоксициллин оз миқдорда кўкрак сути билан чиқарилади, бу болада сенсибилизация кўринишларини ривожланишига олиб келиши мумкин.

Препаратни болалар ололмайдиган жойда сақлансин ва уни яроқлилик муддати ўтгач ишлатилмасин.

Симптомлари: меъда-ичак йўллари фаолиятининг бузилиши: кўнгил айниши, қусиш, диарея ва унинг оқибатида сув-электролит мувозанатини бузилиши.

Даволаш: меъдани ювиш, фаоллаштирилган кўмир, тузли сурги воситаларни буюриш, сув-электролит мувозанати бузилганида - тузли эритмаларни инфузия қилиш.

Таблеткалар 250 мг ва 500 мг дан контур-уяли ва контур-уясиз ўрамда.

Қуруқ, ёруғликдан ҳимояланган жойда, +25 °С дан юқори бўлмаган ҳароратда сақлансин.

2 йил.

Рецепт буйича.

Hebei Oriental Pharma IE Corporation.