Askorbin kislotasi (Ascorbic acid) Altayvitaminlar draje 50 mg №200 (jar)

Tarkib

Bitta draje uchun tarkib:

Ta’sir etuvchi modda:

askorbin kislota

- 50 mg

Yordamchi moddalar:

saxaroza (oq shakar)

-184, 88 mg

kraxmalli patoka

-14,64 mg

asalari mumi

- 0,10 mg

talk

- 0,27 mg

apelsinli xushbo‘ylantirgich

- 0,06 mg

xinolinli sariq bo‘yoq

- 0,05 mg

Draje massasi:

- 250 mg

Tavsif

Draje yashil-sariq yoki sariq rangda, to‘g‘ri sharsimon shaklda bo‘ladi. Draje yuzasi tekis va silliq, rangi bir xil bo‘lishi kerak.

Chiqarish shakli

Draje, 50 mg.

Farmakoterapevtik guruh

Vitaminlar. Askorbin kislotasi. ATX kodi: A11GA01.

Farmakologik xususiyatlari

Farmakodinamika

Askorbin kislotasi (C vitamini) odam organizmida hosil bo‘lmaydi, faqat ovqat bilan kiradi.

Farmakologik ta’sirlari: kunlik ehtiyojdan ancha yuqori miqdorda (90 mg) deyarli ta’sir ko‘rsatmaydi, faqat gipo- va avitaminoz (singi) belgilarini tezda bartaraf etadi.

Fiziologik funksiyalari: ba’zi gidroksillanish va amidlanish reaksiyalarining kofaktori hisoblanadi - elektronlarni fermentlarga o‘tkazib, ularni qaytaruvchi ekvivalent bilan ta’minlaydi. Prokollagenning prolin va lizin qoldiqlarini gidroksillab, gidroksiprolin va gidroksilizin hosil qilish (kollagenning posttranslyatsion modifikatsiyasi), oqsillardagi lizin yon zanjirlarini oksidlab, gidroksitrimetillizin hosil qilish (karnitin sintezi jarayonida), folat kislotasini folingacha oksidlash, jigar mikrosomalarida dori vositasi metabolizmi va dofaminni gidroksillab, noradrenalin hosil qilish reaksiyalarida ishtirok etadi.

Oksitotsin, antidiuretik gormon va xolistokininni qayta ishlashda ishtirok etuvchi amidlovchi fermentlar faolligini oshiradi. Buyrak usti bezida steroidogenezda ishtirok etadi.

Ichakda Fe3+ ni Fe2+ gacha qaytarib, uning so‘rilishiga yordam beradi.

To‘qimalardagi asosiy roli - kollagen, proteoglikanlar va tishlar, suyaklar va kapillyarlar endoteliysi hujayralararo moddasining boshqa organik tarkibiy qismlarini sintez qilishda ishtirok etishdir.

Past dozalarda (150-250 mg/sut ichishga) temir preparatlari bilan surunkali intoksikatsiyada deferoksaminning kompleks hosil qilish funksiyasini yaxshilaydi, bu esa temir preparatlari ekskretsiyasining kuchayishiga olib keladi.

Askorbin kislota ko‘plab oksidlanish-qaytarilish reaksiyalarida faol ishtirok etadi, organizmga nospetsifik umumiy rag‘batlantiruvchi ta’sir ko‘rsatadi.

Organizmning moslashish qobiliyatini va infeksiyalarga qarshiligini oshiradi; regeneratsiya jarayonlariga yordam beradi.

Farmakokinetika

Oshqozon-ichak traktida (OIT) (asosan och ichakda) so‘riladi. Doza 200 mg gacha oshirilganda 140 mg gacha (70%) so‘riladi; doza yanada oshirilganda so‘rilish kamayadi (50-20%).

Plazma oqsillari bilan bog‘lanish - 25%. Oshqozon-ichak trakti kasalliklari (oshqozon va 12 barmoqli ichak yara kasalligi, qabziyat yoki ich ketishi, gijja invaziyasi, lyamblioz), yangi meva va sabzavot sharbatlarini iste’mol qilish, ishqorli ichimliklar ichish askorbin kislotasining ichakda so‘rilishini kamaytiradi.

Askorbin kislotasining plazmadagi konsentratsiyasi me’yorda taxminan 10-20 mkg/ml ni tashkil etadi, organizmdagi zaxiralar kunlik tavsiya etilgan dozalar qabul qilinganda taxminan 1,5 g va kuniga 200 mg qabul qilinganda 2,5 g ni tashkil etadi. Ichga qabul qilingandan so‘ng maksimal konsentratsiyaga erishish vaqti (Tmax) - 4 soat.

Leykotsitlarga, trombotsitlarga, so‘ngra barcha to‘qimalarga oson o‘tadi; bezli a’zolar, leykotsitlar, jigar va ko‘z gavharida eng yuqori konsentratsiyaga erishiladi; yo‘ldosh orqali o‘tadi. Leykotsitlar va trombotsitlarda askorbin kislotasining konsentratsiyasi eritrotsitlar va plazmaga qaraganda yuqori bo‘ladi. Tanqislik holatlarida leykotsitlardagi konsentratsiya kechroq va sekinroq pasayadi va plazmadagi konsentratsiyaga qaraganda tanqislikni baholashning eng yaxshi mezoni sifatida qaraladi.

Asosan jigarda dezoksiaskorbin kislotasiga, so‘ngra oksalat-sirka kislotasi va askorbat-2-sulfatga metabolizmga uchraydi.

Buyraklar orqali, ichaklar orqali, ter bilan, ona suti bilan o‘zgarmagan holda va metabolitlar ko‘rinishida chiqariladi.

Yuqori dozalar buyurilganda chiqarish tezligi keskin kuchayadi. Chekish va etanol iste’mol qilish askorbin kislotasining parchalanishini (nofaol metabolitlarga aylanishini) tezlashtirib, organizmdagi zaxiralarni keskin kamaytiradi. Gemodializda chiqariladi.

Ko‘rsatmalar

C vitamini gipo- va avitaminozi hamda u bilan bog‘liq holatlarni davolash va oldini olish.

Qarshi ko‘rsatmalar

Preparat komponentlariga yuqori sezuvchanlik, tromboflebitlar, trombozlarga moyillik.

Katta dozalarda (500 mg dan ortiq) uzoq vaqt qo‘llanganda - qandli diabet, giperoksaluriya, nefrolitiaz, gemoxromatoz, talassemiya, glyukoza-6-fosfatdegidrogenaza yetishmovchiligi, saxaraza/izomaltaza yetishmovchiligi, fruktozani ko‘tara olmaslik, glyukoza-galaktoza malabsorbsiyasi.

Ehtiyotkorlik bilan

Sideroblast anemiya, o‘roqsimon hujayrali anemiya, siydik-tosh kasalligi, politsitemiya, leykemiya.

Qo‘llash usuli va dozalari

Preparat ovqatdan keyin ichiladi.

Profilaktika uchun: kattalarga kuniga 0,05-0,1 g (1-2 draje), 5 yoshdan boshlab bolalarga 0,05 g (1 draje) dan.

Davolash uchun: kattalarga 0,05-0,1 g dan (1-2 draje) kuniga 3-5 marta, 5 yoshdan boshlab bolalarga 0,05-0,1 g dan (1-2 draje) kuniga 2-3 marta.

Homiladorlik va emizish davrida kuniga 0,3 g (6 draje) dan 10-15 kun davomida, keyinchalik kuniga 0,1 g (2 draje) dan.

Nojo‘ya ta’sirlari

Har qanday nojo‘ya ta’sirlar paydo bo‘lganda, preparatni qabul qilishni to‘xtatish va shifokorga murojaat qilish lozim.

Markaziy asab tizimi (MAT) tomonidan: katta dozalarni uzoq vaqt (1000 mg dan ortiq) qo‘llashda - bosh og‘rig‘i, MAT qo‘zg‘aluvchanligining oshishi, uyqusizlik.

Siydik ajratish tizimi tomonidan: o‘rtacha pollakiuriya (600 mg/sutdan ortiq doza qabul qilinganda); uzoq vaqt davomida katta dozalarda qo‘llanilganda - giperoksaluriya, nefrolitiaz (kalsiy oksalatdan); buyrak glomerulyar apparatining shikastlanishi.

Ovqat hazm qilish tizimi tomonidan: oshqozon-ichak trakti shilliq qavatining ta’sirlanishi; katta dozalar uzoq vaqt qo‘llanganda - ko‘ngil aynishi, qusish, ich ketishi, giperatsid gastrit, oshqozon-ichak trakti shilliq qavatining yaralanishi.

Yurak-qon tomir tizimi tomonidan: katta dozalarni uzoq vaqt qo‘llashda - kapillyarlar o‘tkazuvchanligining pasayishi (to‘qimalar trofikasining yomonlashishi, arterial bosimning ko‘tarilishi, giperkoagulyatsiya, mikroangiopatiyalarning rivojlanishi mumkin).

Allergik reaksiyalar: teri toshmasi, giperemiya.

Boshqalar: katta dozalarni uzoq vaqt (1 g dan ortiq) qo‘llashda - oshqozon osti bezi insulyar apparati funksiyasining susayishi (giperglikemiya, glyukozuriya).

Laborator ko‘rsatkichlar: trombotsitoz, giperprotrombinemiya, eritropeniya, neytrofil leykotsitoz, gipokaliyemiya.

Dozani oshirib yuborish

Belgilari: diareya, ko‘ngil aynishi, MIY shilliq qavatining ta’sirlanishi, meteorizm, spastik xarakterdagi qorin og‘rig‘i, tez-tez siyish, nefrolitiaz, uyqusizlik, jizzakilik, gipoglikemiya.

Davolash: simptomatik, kuchaytirilgan diurez.

O‘zaro aloqa

Benzilpenitsillin va tetratsiklinlarning qondagi konsentratsiyasini oshiradi; 1 g/sut dozada etinilestradiolning biosinguvchanligini oshiradi.

Temir preparatlarining ichakda so‘rilishini yaxshilaydi (uch valentli temirni ikki valentli temirga aylantiradi); deferoksamin bilan bir vaqtda qo‘llanganda temir ekskretsiyasini oshirishi mumkin.

Atsetilsalitsil kislotasi (ASK), peroral kontratseptivlar, yangi sharbatlar va ishqorli ichimliklar so‘rilish va o‘zlashtirishni pasaytiradi.

ASK bilan bir vaqtda qo‘llanilganda askorbin kislotasining siydik bilan ajralishi ortadi va ASK ekskretsiyasi kamayadi. ASK askorbin kislotasining absorbsiyasini taxminan 30% ga kamaytiradi.

Qisqa ta’sir qiluvchi salitsilatlar va sulfanilamidlar bilan davolashda kristalluriya rivojlanish xavfini oshiradi, buyraklar tomonidan kislotalar ajralishini sekinlashtiradi, ishqoriy reaksiyaga ega bo‘lgan preparatlarning (shu jumladan alkaloidlarning) chiqarilishini ko‘paytiradi, og‘iz orqali qabul qilinadigan kontratseptivlarning qondagi konsentratsiyasini pasaytiradi. Etanolning umumiy klirensini oshiradi, bu esa o‘z navbatida organizmda askorbin kislotasi konsentratsiyasini kamaytiradi.

Xinolin qatori preparatlari (ftorxinolonlar va boshqalar), kalsiy xlorid, salitsilatlar, glyukokortikosteroidlar uzoq vaqt qo‘llanganda askorbin kislotasi zaxiralarini kamaytirib yuboradi.

Bir vaqtda qo‘llanganda izoprenalinning xronotrop ta’sirini kamaytiradi.

Uzoq vaqt davomida yoki yuqori dozalarda qo‘llanilganda disulfiram-etanolning o‘zaro ta’sirini buzishi mumkin.

Yuqori dozalarda meksiletinning buyrak ekskretsiyasini oshiradi.

Barbituratlar va primidon askorbin kislotasining siydik bilan chiqarilishini oshiradi.

Antipsixotik vositalarning (fenotiazin hosilalari) terapevtik ta’sirini, amfetamin va tritsiklik antidepressantlarning kanalcha reabsorbsiyasini kamaytiradi.

Maxsus ko‘rsatmalar

Askorbin kislotasining kortikosteroid gormonlar sinteziga stimullovchi ta’siri tufayli buyrak faoliyati va arterial bosimni kuzatib borish zarur.

Uzoq vaqt davomida katta dozalarda qo‘llanganda me’da osti bezining insulyar apparati funksiyasi susayishi mumkin, shuning uchun davolash jarayonida uni muntazam nazorat qilib borish kerak.

Organizmda temir miqdori yuqori bo‘lgan bemorlarda askorbin kislotasini minimal dozalarda qo‘llash lozim.

Tez proliferatsiyalanuvchi va intensiv metastaz beruvchi o‘smalari bo‘lgan bemorlarga askorbin kislotasini buyurish jarayonning kechishini og‘irlashtirishi mumkin.

Askorbin kislotasi qaytaruvchi sifatida turli laboratoriya testlari natijalarini (qondagi glyukoza, bilirubin miqdori, transaminazalar faolligi, laktatdegidrogenazalar) buzishi mumkin.

Ushbu preparatni qo‘llashni boshlashdan oldin ushbu yo‘riqnomani diqqat bilan o‘qib chiqing, chunki u siz uchun muhim ma’lumotlarni o‘z ichiga oladi.

Yo‘riqnomani saqlab qo‘ying, u yana kerak bo‘lishi mumkin.

Savollaringiz bo‘lsa, shifokorga murojaat qiling.

Siz davolanayotgan dori vositasi shaxsan sizga mo‘ljallangan bo‘lib, uni boshqa shaxslarga bermaslik kerak, chunki u sizdagi alomatlar mavjud bo‘lganda ham ularga zarar yetkazishi mumkin.

Homiladorlik va laktatsiya

Homiladorlikning II-III trimestrlarida askorbin kislotasiga bo‘lgan minimal kunlik ehtiyoj 60 mg atrofida. Shuni nazarda tutish kerakki, homila homilador ayol qabul qilayotgan askorbin kislotasining yuqori dozalariga moslashishi mumkin va keyinchalik chaqaloqda "bekor qilish" sindromi rivojlanishi mumkin.

Ko‘krak suti bilan oziqlantirish davrida minimal kunlik ehtiyoj - 80 mg. Tarkibida yetarli miqdorda askorbin kislotasi bo‘lgan ona ratsioni emizikli bolada C vitamini tanqisligining oldini olish uchun yetarlidir (emizikli onaning askorbin kislotasiga bo‘lgan kunlik maksimal ehtiyojidan oshirmasligi tavsiya etiladi).

Transport vositalari va mexanizmlarini boshqarish qobiliyatiga ta’siri

Preparatni yo‘riqnomaga muvofiq qo‘llash avtomobil haydash yoki mashina va mexanizmlarni boshqarish bilan bog‘liq psixomotor funksiyalarga ta’sir ko‘rsatmaydi.

Preparatning katta dozalari uzoq vaqt qo‘llanganda bosh og‘rig‘i, MNS qo‘zg‘aluvchanligining oshishi, qon bosimining ko‘tarilishi kabi nojo‘ya ta’sirlar namoyon bo‘lishi mumkin, shuning uchun davolash davrida diqqatni jamlashni va psixomotor reaksiyalarning tezligini talab qiladigan avtotransport vositalari va mexanizmlarini boshqarishda ehtiyot bo‘lish kerak.

Qadoq

100, 200 draje past bosimli polietilendan tayyorlangan polimer bankalarga joylashtiriladi, yuqori/past bosimli polietilendan tayyorlangan saqlovchi halqali polimer qopqoq bilan berkitiladi.

Har bir banka qo‘llanilishi bo‘yicha yo‘riqnoma bilan birga karton qutiga solinadi.

Saqlash shartlari

Yorug‘likdan himoyalangan joyda, 25 °C dan yuqori bo‘lmagan haroratda saqlang.

Bolalar qo‘li yetmaydigan joyda saqlang.

Yaroqlilik muddati

2 yil.

Qadoqda ko‘rsatilgan sanadan keyin ishlatilmasin.

Dorixonalardan berish shartlari

Retsept bo‘yicha

Ro‘yxatdan o‘tish guvohnomasi egasi

ALTAYVITAMINLAR AJ Rossiya

Ishlab chiqaruvchi

ALTAYVITAMINLAR AJ Rossiya