Askorutin tabletkalari 50 mg + 50 mg №50 (5 blister х 10 tabletka)

Tarkib

Faol moddalar: askorbin kislotasi - 50 mg, rutozid (rutin) - 50 mg.

Yordamchi moddalar: saxaroza (shakar) - 147,1 mg, kartoshka kraxmali - 76,2 mg, kalsiy stearat monogidrat (kalsiy stearat 1-suvli) -2,6 mg, talk - 4,1 mg.

Tavsif

Tabletkalar dumaloq, yassi silindrsimon shaklda, faskali va chiziqli, och yashil-sariq rangli bo‘lib, mayda yashil, jigarrang va oq dog‘lar bilan qoplangan.

Chiqarish shakli

Tabletkalar 50 mg + 50 mg.

Farmakoterapevtik guruh

Vitamin. Rutozid boshqa preparatlar bilan kombinatsiyada. ATX kodi: C05CA51.

Farmakologik xususiyatlari

Farmakodinamika

Askorbin kislota oksidlanish-qaytarilish reaksiyalarini boshqarishda, uglevod almashinuvida, kollagen sintezida ishtirok etadi. Rutozid kapillyarlarning yuqori o‘tkazuvchanligini bartaraf etadi, tomir devorini mustahkamlaydi.

Ko‘rsatmalar

S va R gipo- va avitaminozining oldini olish va davolash.

Kompleks terapiya tarkibida venalarning varikoz kengayishi, trofik buzilishlar va teri yaralarida, surunkali vena yetishmovchiligida, gemorragik diatezda qo‘llaniladi.

Qarshi ko‘rsatmalar

Yuqori sezuvchanlik, bolalik davri, saxaraza/izomaltaza yetishmovchiligi, fruktozani ko‘tara olmaslik, glyukoza-galaktoza malabsorbsiyasi.

Ehtiyotkorlik bilan

Qonning giperkoagulyatsiyasi va trombozlarga moyillik bilan kechadigan holatlar, tromboflebit.

Homiladorlik va laktatsiya

Preparat tarkibida rutin bo‘lganligi sababli, uni homiladorlikning I trimestrida qo‘llash mumkin emas.

Homiladorlikning II-III trimestrlarida askorbin kislotasiga bo‘lgan minimal kunlik ehtiyoj 60 mg atrofida. Shuni nazarda tutish kerakki, homila homilador ayol qabul qilayotgan askorbin kislotasining yuqori dozalariga moslashishi mumkin va keyin chaqaloqda "bekor qilish" sindromi rivojlanishi mumkin.

Laktatsiya davrida kunlik minimal ehtiyoj - 80 mg. Onaning askorbin kislotasi yetarli miqdorda bo‘lgan ratsioni emizikli bolada uning yetishmovchiligining oldini olish uchun yetarlidir. Nazariy jihatdan ona tomonidan askorbin kislotasining yuqori dozalari qo‘llanilganda bola uchun xavf mavjud (emizikli ona tomonidan askorbin kislotasiga bo‘lgan kunlik ehtiyojdan oshirmaslik tavsiya etiladi). Preparatni qabul qilishda homiladorlik va laktatsiya davrida shifokor tomonidan belgilangan doza va qabul qilish kursining davomiyligiga rioya qilish zarur.

Qo‘llash usuli va dozalari

Ichga, 1 tabletkadan kuniga 2-3 mahal ovqat vaqtida yoki ovqatdan keyin. Davolash kursi - 2-3 hafta. Profilaktika uchun - kuniga 1-2 tabletkadan. Kurs individual ravishda belgilanadi.

Nojo‘ya ta’sirlari

Allergik reaksiyalar, dispeptik buzilishlar, bosh og‘rig‘i.

O‘zaro aloqa

Askorbin kislotasi penitsillin, temir guruhi dori vositalarining so‘rilishini oshiradi; geparin va bilvosita antikoagulyantlarning klinik samarasini pasaytiradi.

Qadoqlash

Polivinilxlorid plyonkasi va alyuminiy folgasidan yasalgan konturli yacheykali o‘ramga 10 tadan tabletka solinadi.

Polimer materialdan yasalgan bankaga 50 tadan tabletka solinadi.

Polimer materialdan tayyorlangan har bir banka yoki 5 ta konturli yacheykali o‘ram tibbiy qo‘llash bo‘yicha yo‘riqnoma bilan birga iste’mol idishlari uchun karton qutiga joylashtiriladi.

Saqlash shartlari

Quruq, yorug‘likdan himoyalangan joyda, 25 °C dan yuqori bo‘lmagan haroratda.

Yaroqlilik muddati

3 yil. Yaroqlilik muddati o‘tgandan keyin qo‘llanilmaydi. Bolalar qo‘li yetmaydigan joyda saqlang.

Dorixonalardan berish shartlari

Retsept bo‘yicha.

Ro‘yxatga olish guvohnomasi egasi

MARBIOFARM OAJ Rossiya

Ishlab chiqaruvchi

MARBIOFARM OAJ Rossiya