Avliyo Ioann wort o'ti Zamona Rano 50 g (ichki quti. paket)

1 paketda quyidagilar bor: dalachoy o‘ti.

Teshiklari 7 mm li elakdan o‘tgan turli shakldagi poya, barg (kulrang-yashil rangli), gul (sariq rangli) va pishmagan meva bo‘laklari. Hidi kuchsiz, o‘ziga xos. Suvli ajratmaning ta’mi taxirroq, biroz burishtiruvchi.

Maydalangan o‘t.

O‘simliklardan olinadigan burushtiruvchi vosita.

Dalachoy o‘ti tarkibida oshlovchi moddalar, efir moyi, R-sitosterin, triterpen saponinlar, C, E vitaminlari, flavonoidlar, antraxinonlar, makro va mikroelementlar hamda boshqa biologik faol moddalar bor.

Dalachoy o‘ti damlamasi burishtiruvchi, yallig‘lanishga qarshi ta’sirga ega.

Og‘iz bo‘shlig‘i shilliq qavatining yallig‘lanish kasalliklari (shu jumladan gingivit, stomatit); surunkali kolit (kompleks terapiya tarkibida).

Taxminan 10 g (2 osh qoshiq) o‘tlar sirlangan idishga solinadi, ustiga 200 ml (1 stakan) qaynatilgan issiq suv quyiladi, qopqog‘i yopiladi va qaynab turgan suv hammomida 15 daqiqa qizdiriladi, xona haroratida 45 daqiqa sovitiladi, suziladi, qolgan xomashyo siqiladi. Olingan damlama hajmi qaynatilgan suv bilan 200 ml gacha yetkaziladi.

Iliq holda kuniga 3 mahal ovqatdan 30 daqiqa oldin 1/2 stakandan ichiladi. Davolash kursi 2-3 hafta.

Chayish uchun kuniga 3-4 mahal 1/2 stakandan iliq damlama ishlatiladi. Davolash kursi 5-10 kun.

Damlamani iste’mol qilishdan oldin chayqatish tavsiya etiladi.

Allergik reaksiyalar bo‘lishi mumkin. Ichga qabul qilinganda - fotosensibilizatsiyalovchi ta’sir (terining quyosh nuri ta’siriga yuqori sezuvchanligi), uzoq vaqt qo‘llanganda jigar sohasida (o‘ng qovurg‘a ostida) noxush sezgilar va og‘izda achchiqlik hissini keltirib chiqarishi mumkin.

Preparatga yuqori sezuvchanlik. Ichga qabul qilinganda - homiladorlik, laktatsiya davri, 12 yoshgacha bo‘lgan bolalar.

Davolanish vaqtida quyoshda uzoq vaqt bo‘lishdan, solyariyga borishdan saqlanish kerak.

Dalachoy preparatlari siklosporin, varfarin, steroid preparatlar, virusga qarshi vositalar - OIV proteazasi ingibitorlari (amprenavir, indinavir, nelfinavir, ritonavir, sakvinavir) bilan birgalikda qo‘llanganda ularning faolligi pasayishi mumkin. Preparat boshqa dori vositalarining fotosensibilizatsiyalovchi ta’sirini kuchaytirishga qodir: tetratsiklinlar, sulfanilamidlar, tiazid diuretiklar,xinolonlar, piroksikam va boshqalar.

Ichki qog‘oz xaltali karton qutida 50 g dan maydalangan o‘t.

Qutiga yo‘riqnomaning to‘liq matni yoziladi.

Tayyorlangan damlama quruq, yorug‘likdan himoyalangan joyda - salqin joyda ko‘pi bilan 2 sutka saqlanadi. Bolalar qo‘li yetmaydigan joyda saqlang.

3 yil. Qadoqda ko‘rsatilgan yaroqlilik muddati tugagandan keyin ishlatilmasin.

Retseptsiz.

Zamona Rano, MCHJ, O‘zbekiston.