Ayfloks DX ko'z va quloq tomchilari har biri 10 ml (shisha)

Tarkib

1 ml preparat tarkibida quyidagilar mavjud:

faol moddalar: siprofloksatsin gidroxlorid 3,3 mg, deksametazon 1,0 mg.

yordamchi moddalar: natriy xlorid, borat kislotasi, natriy atsetat trigidrat, polisorbat-80, dinatriy edetat, 95% li etil spirti, benzalkoniy xlorid, inyeksiya uchun suv.

Tavsif

Ayfloks-DX suspenziyasi ko‘z/quloq 10ml No1.

Farmakoterapevtik guruh

Kortikosteroidlar mikroblarga qarshi preparatlar bilan birgalikda.

Farmakologik xususiyatlari

Farmakodinamika

Ayfloks-DX - o‘z tarkibida ftorxinolonlar guruhiga mansub keng ta’sir doirasiga ega antibiotik - siprofloksatsin va glyukokortikoid gormoni - deksametazonni o‘z ichiga olgan kombinatsiyalangan preparat. Antibakterial, yallig‘lanishga qarshi, allergiyaga qarshi va desensibillovchi ta’sirga ega.

Farmakokinetika

Siprofloksatsinli ko‘z tomchilaridan foydalanganda qonda qayd etilgan maksimal konsentratsiya 5 ng/ml dan kam emas. O‘rtacha konsentratsiyasi 2,5 ng/ml dan past.

Quloqqa tomizilganda qondagi maksimal konsentratsiyasi 15 daqiqadan 2 soatgacha kuzatiladi va 0,543-3,45 ng/ml oralig‘ida o‘zgarib turadi.

Oftalmologiyada mahalliy qo‘llanganda deksametazon intakt epiteliyli shox parda orqali ko‘zning oldingi kamerasi namligiga so‘riladi. Ko‘z to‘qimalari yallig‘langanda yoki shilliq parda va shox parda shikastlanganda deksametazonning so‘rilish tezligi ortadi.

Tizimli so‘rilish kuzatiladi, ammo faqat yuqori dozalarda yoki pediatriyada uzoq vaqt qo‘llanilganda sezilarli bo‘lishi mumkin.

Mahalliy qo‘llanganda otorinolaringologiyada deksametazonning qondagi maksimal konsentratsiyasi qo‘llangandan keyin 15 daqiqadan 2 soatgacha kuzatiladi va 0,135-5,1 ng/ml oralig‘ida o‘zgarib turadi.

Ko‘rsatmalar

Siprofloksatsinga sezgir mikroorganizmlar keltirib chiqaradigan ko‘z va quloq infeksiyalari:

Kattalar va bir yoshdan oshgan bolalarda oftalmologiyada:

Konyunktivit: Haemophilus influenzae, Staphylococcus epidermidis, Staphylococcus aureus, Streptococcus pneumoniae.

Konyunktivit, keratit, epiteliy shikastlanmagan keratokonyunktivit, irit, iridotsiklit, blefarokonyunktivit, blefarit, episklerit, sklerit, ko‘z jarohatlari va jarrohlik amaliyotlaridan keyingi yallig‘lanish jarayoni.

Kattalar va olti oylikdan oshgan bolalarda otorinolaringologiyada:

Quyidagi mikroorganizmlar keltirib chiqargan o‘tkir o‘rta otit, otoreya (timpanostomik shuntlash o‘tkazilgandan so‘ng): Staphylococcus aureus, Streptococcus pneumoniae, Haemophilus influenzae, Moraxella catarrhalis, Pseudomonas aeruginosa.

Staphylococcus aureus, Pseudomonas aeruginosa keltirib chiqargan o‘tkir tashqi otit.

Qo‘llash usuli va dozalari

Kattalar va bir yoshdan oshgan bolalarda oftalmologiyada: har 4 soatda 1-2 tomchidan instillyatsiya ko‘rinishida, og‘ir infeksiyada har soatda 2 tomchidan. Ahvol yaxshilangandan so‘ng, doza va instillyatsiyalar soni kamaytiriladi.

Otorinolaringologiyada kattalar va 6 oylikdan katta bolalarda: 4 tomchidan kuniga 3 mahal.

Davolash kursi 5-10 kunni tashkil etadi.

Nojo‘ya ta’sirlari

Oftalmologiyada qo‘llanilganda:

Allergik reaksiyalar, achishish, qichishish, konyunktivaning qizarishi, yot jism hissi, qovoqlar terisining ko‘chishi, og‘izda yomon ta’m. Shox parda yupqalashganda teshilish xavfi bor. Kamdan-kam hollarda — qovoqlar shishi, yorug‘likdan qo‘rqish, ko‘zdan yosh oqishi. Juda kamdan kam hollarda uzoq vaqt qo‘llanganda ko‘z ichi bosimi ko‘tarilishi, katarakta hosil bo‘lishi mumkin.

Otorinolaringologiyada qo‘llanilganda:

Noqulaylik, og‘riq, quloqdan ajralma kelishi, qichishish, eritema, giperemiya, quloq pretsipitatlari.

Qarshi ko‘rsatmalar

Siprofloksatsin va boshqa xinolonlarga yoki preparatning tarkibiy qismlaridan biriga yuqori sezuvchanlik; ko‘z va tashqi eshituv yo‘lining virusli infeksiyalari, shu jumladan oddiy gerpes; ko‘z va quloqning zamburug‘li kasalliklari; ko‘z va quloqning sil bilan zararlanishi; otorinolaringologiyada 6 oygacha bo‘lgan bolalar va oftalmologiyada bir yoshgacha bo‘lgan bolalar.

Dozani oshirib yuborish

Mahalliy qo‘llanganda preparatning dozasini oshirib yuborish haqida ma’lumotlar yo‘q.

Maxsus shartlar

Preparat faqat ko‘z va quloq tomchilari sifatida qo‘llash uchun mo‘ljallangan. Preparatni uzoq vaqt qo‘llash (tavsiya etilgan miqdordan ancha ortiq) zamburug‘lar yoki viruslar keltirib chiqaradigan ikkilamchi infeksiya paydo bo‘lishiga olib kelishi mumkin. Davolash jarayonida ko‘z ichi bosimi va shox pardaning holatini nazorat qilish zarur.

Preparatni glaukomada ehtiyotkorlik bilan qo‘llash lozim. Shox parda yupqalashganda teshilish xavfi bor. Tizimli xinolonlar bilan bir vaqtda qo‘llanilganda jiddiy yuqori sezuvchanlik reaksiyalari rivojlanishi mumkin, ularning ba’zilari eshakem, qichishish, nafas qisilishi, yuz va halqum shishi, kollaps, hushni yo‘qotish bilan kechishi mumkin.

Infeksiya tarqalishining oldini olish uchun ko‘z infeksiyalari va otitni davolash uchun bitta flakonni qo‘llashdan qochish kerak.

Allergik reaksiyalarning har qanday belgilari paydo bo‘lganda preparatni qo‘llashni to‘xtatish lozim.

Agar qo‘llanilgandan keyin 7 kun davomida ahvol yaxshilanmasa, preparatni qo‘llashni to‘xtatish va boshqa davolash usullariga murojaat qilish kerak.

Agar otitlarda otoreya to‘liq qo‘llash kursidan keyin to‘xtamasa yoki davolanishdan keyin 6 oy davomida 2 yoki undan ortiq otoreya holatlari kuzatilsa, quyidagi kasalliklarni istisno qilish kerak: o‘sma, yot jism mavjudligi.

Preparatni subkonyunktival yoki ko‘zning oldingi kamerasiga yubormang. Preparat bilan davolanish davrida kontakt linzalarini taqish tavsiya etilmaydi.

Homiladorlik va emizish davrida qo‘llash

Agar ona uchun kutilayotgan davolash ta’siri homila uchun ehtimoliy xavfdan yuqori bo‘lsa, preparatni qo‘llash lozim. Preparat qo‘llanilayotganda emizishni to‘xtatish kerak.

Avtotransportni boshqarish va mexanizmlarni boshqarish qobiliyatiga ta’siri

Preparat tomizilgandan so‘ng ko‘rish qobiliyati vaqtincha yo‘qolgan bemorlarga mashina haydash yoki murakkab texnika, dastgohlar yoki tomizilgandan so‘ng darhol ko‘rish qobiliyatini talab qiladigan har qanday murakkab uskunalar bilan ishlash tavsiya etilmaydi.

Qo‘llashdan oldin chayqatiladi.

Dorilarning o‘zaro ta’siri

Siprofloksatsinning deksametazon bilan ko‘z va quloq tomchilaridan foydalanish bo‘yicha maxsus tadqiqotlar o‘tkazilmagan.

Chiqarish shakli

Ko‘z/quloq suspeziyasi 10 ml dan, tiqin-tomizgichli va himoya halqasi bilan ta’minlangan, burab yopiladigan himoya qalpoqli plastik flakonda. 1 flakon qo‘llash bo‘yicha yo‘riqnoma bilan birga karton qalamdonda.

Maxsus saqlash shartlari

Quruq, yorug‘likdan himoyalangan joyda, 25 °C dan yuqori bo‘lmagan haroratda saqlanadi. Muzlatmang.

Yaroqlilik muddati

2 yil.

Flakon ochilgandan so‘ng preparat 1 oy davomida ishlatiladi. Yaroqlilik muddati tugaganidan keyin ishlatilmasin.