Bikalutamid Grindeks plyonka bilan qoplangan planshetlar 50 mg №30 (3 blister х 10 tabletka)

Dori shakli

Plyonkali qobiq bilan qoplangan tabletkalar 50 mg

Tarkib

Bitta tabletka tarkibida

faol modda - bikalutamid 50 mg,

yordamchi moddalar: laktoza monogidrat, povidon K-30, natriy kraxmal glikolatlar, magniy stearat,

qobiq - oq opadray Y-1-7000 (gipromelloza, titan dioksidi (E 171), makrogol 400).

Tavsif

Dumaloq, ikki tomoni qavariq, oq rangli parda bilan qoplangan tabletkalar.

Farmakoterapevtik guruh

Antineoplastik va immunomodullovchi preparatlar. Endokrin terapiya. O‘smaga qarshi gormonal preparatlar. Gormonlar antagonistlari va ularning analoglari. Antiandrogenlar. Bikalutamid. ATX kodi: L02BB03.

Farmakologik xususiyatlari

Farmakokinetika

Absorbsiya

Bikalutamid ichga qabul qilingandan keyin yaxshi so‘riladi. Ovqat qabul qilish preparatning biosinguvchanligiga ta’sir qilmaydi.

Taqsimlash

Har kuni 50 mg bikalutamid qabul qilinganda, enantiomerning muvozanat konsentratsiyasi (R) taxminan 9 mkg/ml ni tashkil etadi va uzoq muddatli yarim chiqarilish davri tufayli taxminan 1 oylik davolanishdan so‘ng erishiladi. Bikalutamidni uzoq vaqt qabul qilganda, uning plazmadagi (R) -enantiomer konsentratsiyasi bir martalik bikalutamid (50 mg) dozasini qabul qilgandan keyingi konsentratsiyaga nisbatan taxminan 10 baravar oshadi.

Bikalutamid oqsillar bilan yuqori darajada bog‘lanish xususiyatiga ega (ratsemik aralashma – 96%, (R) -bikalutamid – 99,6%). Farmakokinetika (R) - enantiomer yoshga, buyrak yetishmovchiligiga yoki yengil va o‘rtacha jigar yetishmovchiligiga bog‘liq emas.

Metabolizm

Jigarda oksidlanish va glyukuronid kon’yugatlar hosil qilish yo‘li bilan jadal metabolizmga uchraydi.

Chiqarish

(S) enantiomer organizmdan tez chiqariladi, (R) -enantiomerdan farqli o‘laroq, uning plazmadagi yarim chiqarilish davri taxminan 1 haftani tashkil etadi. Jigar faoliyatining og‘ir buzilishlari bo‘lgan bemorlarda (R) -enantiomer qon plazmasidan sekinroq chiqariladi. Metabolitlar buyrak va o‘t pufagi orqali taxminan teng nisbatda chiqariladi.

Farmakodinamika

Bikalutamid nosteroid antiandrogen dori vositasi bo‘lib, boshqa endokrin faollikka ega bo‘lmagan endogen androgenlarning raqobatdosh antagonistidir. Bikalutamid asosan (R) -enantiomer hisobiga antiandrogen faollikka ega bo‘lgan ratsemik aralashma hisoblanadi. Gen ekspressiyasini faollashtirmasdan androgen retseptorlari bilan bog‘lanib, nishon a’zolar hujayralari yuzasida ularni androgenlar uchun imkonsiz qiladi, shu bilan birga plazmada gormonlar konsentratsiyasini oshiradi. Mana shu tormozlanish natijasida prostata bezi o‘smalarining regressiyasi ro‘y beradi. Bikalutamid bilan davolashni bekor qilish ba’zi bemorlarda antiandrogenlarni "bekor qilish" sindromini keltirib chiqarishi mumkin. Bikalutamid GSPG (jinsiy gormonlarni bog‘lovchi globulin) bilan kam darajada yaqinlikka ega, lekin bu klinik ahamiyatga ega emas.

Qo‘llanilishi

- mahalliy tarqalgan prostata bezi saratoni (LGRG analogi - lyuteinlashtiruvchi gormon - rilizing gormonini qo‘llash yoki jarrohlik kastratsiyasi bilan birgalikda).

Qo‘llash usuli va dozalari

Katta yoshdagi erkaklar, shu jumladan keksalar

Bir tabletkadan 50 mg dan kuniga bir marta ichiladi. Bikalutamid bilan davolashni LGRG analogi bilan davolash yoki jarrohlik kastratsiyasi bilan bir vaqtda boshlash kerak.

Kombinatsiyalangan terapiya davolash kursining davomiyligi bemorning individual klinik reaksiyasiga bog‘liq. Davolash samaradorligini baholash uchun qon zardobidagi prostata bezining spetsifik antigenini (PSA) davriy nazorat qilish talab etiladi.

Buyrak yetishmovchiligi bo‘lgan bemorlar va jigar yetishmovchiligining yengil shakli bo‘lgan bemorlar uchun dozani individual tuzatish talab etilmaydi.

Nojo‘ya ta’sirlari

Bikalutamid odatda yaxshi o‘zlashtiriladi va nojo‘ya ta’sirlar kamdan-kam hollarda davolanishni to‘xtatishga olib keladi.

Juda tez-tez (>10%)

- ginekomastiya (davolash to‘xtatilgandan keyin ham saqlanib qolishi mumkin, ayniqsa preparatni uzoq vaqt qabul qilganda), ko‘krak bezlarining og‘riqliligi

- asteniya

- kamqonlik

- bosh aylanishi

- issiqlikning "ko‘tarilishlari"

- qorin og‘rig‘i, qabziyat, ko‘ngil aynishi

- gematuriya

- shishlar

Tez-tez (1% va 10%)

- dispepsiya, meteorizm

- anoreksiya, og‘iz qurishi, qabziyat

- bosh aylanishi, bosh og‘rig‘i, uyqusizlik

- uyquchanlik

- qichishish, kallik, girsutizm yoki soch o‘sishining tiklanishi, terining quruqligi

- ko‘p terlash

- jinsiy maylning pasayishi, jinsiy faoliyat buzilishlari, tushkunlik, nokturiya

- ko‘krak og‘rig‘i

- qorin og‘rig‘i, tos sohasidagi og‘riq, titroq

- qandli diabet, giperglikemiya

- ishtahaning pasayishi

- kamqonlik

- vazn ortishi

Kamdan-kam (0,1% - 1%)

- yuqori sezuvchanlik reaksiyalari (angionevrotik shish, eshakemi)

- interstitsial o‘pka kasalliklari (o‘lim holatlari mavjud)

Kamdan-kam (0,01 - 0,1%)

- jigar yetishmovchiligi (o‘lim holatlari mavjud)

- fotosezgirlik reaksiyalari

- qandli diabet, giperglikemiya

Noma’lum (mavjud ma’lumotlar asosida baholanmaydi)

- QT intervalining uzayishi

- antikoagulyantlar bilan birgalikda qabul qilinganda protrombin vaqti (PV) va xalqaro me’yorlashtirilgan nisbatning (XMN) oshishi

"Jigar" transaminazalari faolligining vaqtinchalik oshishi, xolestaz va sariqlik kamdan kam hollarda jiddiy deb baholandi, vaqtinchalik xarakterga ega bo‘lib, terapiyani davom ettirish yoki preparatni to‘xtatgandan so‘ng butunlay yo‘qoldi yoki kamaydi. Bikalutamid bilan davolash fonida juda kam hollarda jigar yetishmovchiligi rivojlangan, biroq jigar yetishmovchiligi rivojlanishi va bikalutamid bilan davolash o‘rtasidagi sabab-oqibat bog‘liqligi ishonchli tarzda aniqlanmagan.

Qarshi ko‘rsatmalar

-bikalutamid va preparatning boshqa tarkibiy qismlariga yuqori sezuvchanlik

-terfenadin, astemizol va sizapridni bir vaqtda qabul qilish

- ayollar

- 18 yoshgacha bo‘lgan bolalar va o‘smirlar

- laktozani tug‘ma ko‘tara olmaslik, Lapp laktoza yetishmovchiligi yoki glyukoza-galaktoza malabsorbsiyasi

Dorilarning o‘zaro ta’siri

Bikalutamid va LGRG analoglari o‘rtasidagi farmakodinamik yoki farmakokinetik o‘zaro ta’sir haqida dalillar yo‘q.

In vitro tadqiqotlar natijalari R-bikalutamid CYP 3A4 ingibitori bo‘lib, CYP 2C9, 2C19 va 2D6 faolligiga kuchsiz ingibirlovchi ta’sir ko‘rsatishini isbotlaydi.

Sitoxrom R450 (CYP) faolligi markeri sifatida antipirinni qo‘llash bo‘yicha klinik tadqiqotlar natijalari preparatlarning bikalutamid bilan o‘zaro ta’siri mumkinligini ko‘rsatmasa-da, midazolam va bikalutamidni bir vaqtning o‘zida qo‘llashdan 28 kun o‘tgach, midazolamning o‘rtacha ta’siri (AUC) 80% ga oshdi. Tor terapevtik indeksli dorilar bilan solishtirganda, bunday o‘sish sezilarli bo‘lishi mumkin. Shuning uchun terfenadin, astemizol va sizaprid bilan bir vaqtda qo‘llash mumkin emas. Bikalutamidni siklosporin va kalsiy kanallari blokatorlari kabi preparatlar bilan bir vaqtda qo‘llashda ehtiyot bo‘lish kerak. Ayniqsa, ularning ta’siri kuchaygan yoki nojo‘ya ta’sirlari kuzatilgan hollarda, bu dorilarning dozalarini kamaytirish zarur bo‘lishi mumkin. Bikalutamid bilan davolash boshlangandan va tugagandan so‘ng siklosporin qo‘llanilgan taqdirda, uning plazmadagi konsentratsiyasini va bemorning klinik holatini diqqat bilan nazorat qilish tavsiya etiladi.

Bikalutamidni jigarda dorilarning oksidlanish jarayonini ingibirlashi mumkin bo‘lgan boshqa preparatlar, masalan, simitidin va ketokonazol bilan buyurishda ehtiyot bo‘lish kerak. Nazariy jihatdan, bu bicalutamidning plazmadagi konsentratsiyasini oshirishi mumkin, bu esa nojo‘ya ta’sirlarning chastotasi va/yoki intensivligini oshirishi mumkin.

In vitro tadqiqotlarida bikalutamid kumarin tipidagi antikoagulyant varfarinni oqsillar bilan bog‘lanish joylaridan siqib chiqarishi mumkinligi isbotlangan. Shuning uchun, bikalutamidni qo‘llash kumarin tipidagi antikoagulyantlarni qabul qilayotgan bemorlarda boshlangan hollarda, protrombin vaqtini diqqat bilan nazorat qilish kerak.

Midazolamning AUC ni 80% ga oshiradi.

Anamnezida QT intervali uzayishi yoki QT intervali uzayishi uchun xavf omillari bo‘lgan bemorlarda, shuningdek, QT intervalini uzaytirishi mumkin bo‘lgan yoki ikki tomonlama qorincha taxikardiyasini keltirib chiqarishi mumkin bo‘lgan hamroh dori vositalarini (masalan, xinidin, dezopiramid, amiodaron, sotalol, dofetilid, ibutiloid, antiaritmik dori vositalari, metadon, moksifloksatsin, antipsixotik dori vositalari va boshqalar) qabul qilayotgan bemorlarda bikalutamid faqat foyda-xavf nisbatini, shu jumladan ushbu preparatni qabul qilishni boshlashdan oldin ikki tomonlama qorincha taxikardiyasi potensialini baholaganidan so‘ng shifokor tomonidan tayinlanishi kerak.

Antiandrogen terapiya spermatozoidlarning morfologik o‘zgarishlarini keltirib chiqarishi mumkin. Bikalutamidning spermatozoidlar morfologiyasiga ta’siri baholanmagan va bikalutamid qabul qilgan bemorlarda bunday o‘zgarishlar haqida e’lon qilinmagan bo‘lsa-da, bemorlar va/yoki ularning sheriklari davolanish paytida va ushbu preparat bilan terapiyadan keyin 130 kun davomida samarali kontratsepsiya usullaridan foydalanishlari kerak.

Maxsus ko‘rsatmalar

Davolashni boshlash bevosita shifokor nazorati ostida amalga oshirilishi kerak.

Bikalutamidni jigar yetishmovchiligining o‘rtacha va og‘ir shakli bilan og‘rigan bemorlarda ehtiyotkorlik bilan qabul qilish kerak.

Jigar funksiyasining og‘ir buzilishlari bo‘lgan bemorlarda bikarutamidning organizmdan chiqarilishi sekinlashishi mumkin, bu esa uning to‘planishiga olib kelishi mumkin. Jigar funksiyasini vaqti-vaqti bilan baholab turish maqsadga muvofiqdir (jigar funksiyasidagi o‘zgarishlarning aksariyati davolashning dastlabki 6 oyi davomida uchraydi). Klinik belgilar paydo bo‘lganda va/yoki funksional sinamalar 2 baravardan ortiq oshganda davolashni to‘xtatish lozim.

Jigarning og‘ir shikastlanishi rivojlanganda preparatni qabul qilishni to‘xtatish zarur.

PSA darajasining oshishi fonida kasallikning rivojlanishi kuzatilgan bemorlarda bikarlutamid bilan davolashni to‘xtatish masalasini ko‘rib chiqish zarur.

Galaktozani kamdan-kam uchraydigan tug‘ma ko‘tara olmaslik, Lapp laktaza tanqisligi yoki glyukoza-galaktoza malabsorbsiyasi bo‘lgan bemorlarga preparatni qo‘llash man etiladi.

Bikalutamid sitoxrom P450 (CYP 3A4 izofermenti) faolligini ingibirlagani sababli, asosan CYP 3A4 izofermenti ishtirokida metabolizmga uchraydigan preparatlar bilan bir vaqtda qo‘llashda ehtiyot bo‘lish lozim.

Gonadotropin rilizing gormoni (GnRG) bilan bir vaqtda qo‘llanilganda bemorlarda glyukozaga chidamlilikning pasayishiga olib kelishi mumkin, bu esa qandli diabet rivojlanishiga yoki qandli gormoni bo‘lgan bemorlarda glyukozaga chidamlilikning pasayishiga olib kelishi mumkin.

shuning uchun bunday bemorlarda qondagi glyukoza konsentratsiyasini nazorat qilish lozim.

Bikalutamidni kumarin qatoridagi antikoagulyantlar bilan birgalikda qabul qilish protrombin vaqti (PT) va xalqaro normallashgan nisbatning (XNN) oshishiga olib kelishi mumkin, bu esa qon ketish xavfini keltirib chiqarishi mumkin, shuning uchun bikalutamidni kumarin antikoagulyantlarini qabul qilayotgan bemorlarga buyurishda protrombin vaqtini muntazam nazorat qilish va zarur hollarda antikoagulyantlar dozasini o‘zgartirish tavsiya etiladi.

Bikalutamidni siklosporin yoki kalsiy kanallari blokatorlari bilan bir vaqtda buyurishda ehtiyot bo‘lish kerak. Ehtimol, bu dorilarning dozasini kamaytirish kerak bo‘ladi, ayniqsa potensiallashuvi yoki nojo‘ya ta’sirlar rivojlanishi holatida. Bikalutamidni qo‘llash boshlanganidan yoki to‘xtatilgandan so‘ng, plazmadagi siklosporin konsentratsiyasini va bemorning klinik holatini sinchkovlik bilan nazorat qilish tavsiya etiladi.

Bikalutamid va dori vositalarining mikrosomal oksidlanishini susaytiruvchi preparatlarni, masalan, simetidin yoki ketokonazol bilan bir vaqtda qo‘llash plazmadagi bikalutamid konsentratsiyasining oshishiga va, ehtimol, nojo‘ya ta’sirlarning paydo bo‘lish chastotasining oshishiga olib kelishi mumkin.

Bikalutamid qabul qilgan bemorlarda fotosezgirlik reaksiyasi haqida xabar berilgan. Shu sababli, bemorlarga quyosh nuri yoki ultrabinafsha nurlarining to‘g‘ridan-to‘g‘ri ta’siridan saqlanish va quyoshdan himoyalovchi vositalardan foydalanish tavsiya etiladi. Agar yorug‘likka sezuvchanlik reaksiyasi turg‘un va/yoki og‘ir bo‘lsa, tegishli simptomatik davolashni tayinlash lozim.

Anamnezida QT intervalining uzayishi yoki QT intervalining uzayishi uchun xavf omillari bo‘lgan bemorlarda, shuningdek, QT intervalini uzaytirishi mumkin bo‘lgan yoki ikki tomonlama qorincha taxikardiyasini keltirib chiqarishi mumkin bo‘lgan hamroh dori vositalarini (masalan, xinidin, dezopiramid, amiodaron, sotalol, dofetilid, ibutiloid, antiaritmik dori vositalari, metadon, moksifloksatsin, antipsixotik dori vositalari va boshqalar) qabul qilayotgan bemorlarda bikalutamid faqat foyda-xavf nisbatini, shu jumladan bikalutamidni qabul qilishni boshlashdan oldin ikki tomonlama qorincha taxikardiyasi potensialini baholaganidan so‘ng shifokor tomonidan tayinlanishi kerak.

Antiandrogen terapiya spermatozoidlarda morfologik o‘zgarishlarni keltirib chiqarishi mumkin. Bikalutamidning spermatozoidlar morfologiyasiga ta’siri baholanmagan va ushbu preparatni qabul qilgan bemorlarda o‘zgarishlar qayd etilmagan bo‘lsa-da, bemorlar va/yoki ularning sheriklari bikalutamid bilan davolash paytida va undan keyin 130 kun davomida tegishli kontratsepsiyaga rioya qilishlari kerak.

Avtotransport yoki boshqa mexanizmlarni boshqarish qobiliyatiga ta’sir qilish xususiyatlari

Uyquchanlik kabi mumkin bo‘lgan nojo‘ya ta’sirlarni hisobga olgan holda, davolanish davrida avtotransport vositasini boshqarishda va diqqatning yuqori konsentratsiyasini hamda psixomotor reaksiyalarning tezligini talab qiladigan boshqa potentsial xavfli faoliyat turlari bilan shug‘ullanishda ehtiyot bo‘lish lozim.

Dozani oshirib yuborish

Dozani oshirib yuborish holatlari kuzatilmadi. Nojo‘ya ta’sirlar kuchayishi mumkin. Maxsus antidot yo‘q.

Davolash: simptomatik bo‘lishi kerak. Maxsus antidot mavjud emas. Dializ kam samara beradi, chunki bikarutamid oqsillar bilan yuqori darajada bog‘lanish xususiyatiga ega va siydikda o‘zgarmagan holda aniqlanmaydi. Organizmning hayotiy muhim funksiyalarini tez-tez kuzatib borish bilan odatdagi qo‘llab-quvvatlovchi davolash buyuriladi.

Chiqarish shakli va qadoqlash

Plyonkali qobiq bilan qoplangan tabletkalar 50 mg.

Polivinilxlorid plyonkasi va alyuminiy folgasidan tayyorlangan konturli yacheykali o‘ramga 10 tadan tabletka solinadi.

3 tadan konturli yacheykali o‘ramlar davlat va rus tillarida qo‘llanilishi bo‘yicha yo‘riqnoma bilan birga karton qutiga joylashtiriladi.

Saqlash shartlari

25 °C dan yuqori bo‘lmagan haroratda saqlanadi.

Bolalar qo‘li yetmaydigan joyda saqlang!

Saqlash muddati

5 yil

Yaroqlilik muddati o‘tgandan keyin qo‘llanilmaydi.

Dorixonalardan berish shartlari

Retsept bo‘yicha

Ishlab chiqaruvchi

"Kotsak Farma Ilas ve Kimya Sanay" AJ, Turkiya

Ro‘yxatdan o‘tkazish guvohnomasi egasi

"Grindeks" AJ. Krustpils ko‘chasi, 53, Riga, LV-1057, Latviya