Aevit

Tarkib

Bitta kapsulada quyidagilar mavjud:

Faol moddalar: alfa-tokoferol atsetat (E vitamini) 100,00 mg, retinol palmitat (A vitamini) 55,00 mg (100000 XB).

Yordamchi moddalar: kungaboqar moyi 45,00 mg, jelatin 44,73 mg, glitserol 14,67 mg, metilparagidroksibenzoat 0,29 mg, shakar koleri 0,31 mg.

Tavsif

Yumshoq jelatinli kapsulalar sharsimon shaklda, sariqdan och jigarranggacha, och sariqdan to‘q sariq ranggacha bo‘lgan yog‘simon suyuqlik bilan to‘ldirilgan, achchiq hidsiz.

Chiqarish shakli

Kapsulalar.

Farmakoterapevtik guruh

Polivitaminli vosita. Vitaminlar kombinatsiyasi. ATX kodi: A11JA.

Farmakologik xususiyatlari

Farmakodinamika

Ta’siri tarkibiga kiruvchi A va E vitaminlarining xususiyatlari bilan belgilanadigan kombinatsiyalangan preparat. Retinol (A vitamini) normal g‘ira-shira va rangli ko‘rish uchun zarur bo‘lgan ko‘rish pigmentlarini shakllantirishda ishtirok etadi; epiteliy to‘qimalarining yaxlitligini ta’minlaydi, suyaklarning o‘sishini boshqaradi.

Tokoferol (E vitamini) antioksidant xususiyatga ega (organizmdan toksinlarni chiqaradi), to‘yinmagan yog‘ kislotalarining himoyasini ta’minlaydi; hujayralararo modda, biriktiruvchi to‘qimaning kollagen va elastik tolalari, tomirlarning silliq mushaklari, ovqat hazm qilish yo‘llarining shakllanishida ishtirok etadi.

Buzilgan kapillyar qon aylanishini tiklaydi, kapillyar va to‘qima o‘tkazuvchanligini normallashtiradi, to‘qimalarning gipoksiyaga chidamliligini oshiradi.

Farmakokinetika

Retinol oshqozon-ichak traktida o‘t kislotalari bilan emulgirlangandan so‘ng so‘riladi. Jigarda metabolizmga uchraydi. Retinol metabolitlari o‘t (retinilpalmitat, retinal, retinoy kislotasi) va siydik (retinoilglyukuronid) bilan ajraladi. Retinolning eliminatsiyasi sekin amalga oshadi, kumulyatsiya bo‘lishi mumkin.

E vitamini: me’da-ichak yo‘llaridan qabul qilingan dozaning taxminan 50% i sekin so‘riladi, qondagi maksimal darajasi 4 soatdan keyin aniqlanadi. Buyrak usti bezlari, urug‘donlar, yog‘ va muskul to‘qimalari, eritrotsitlar, jigarda to‘planadi. Organizmdan o‘zgarmagan holda va metabolitlar ko‘rinishida o‘t (90% dan ortiq) va siydik (taxminan 6%) bilan chiqariladi.

Ko‘rsatmalar

Kombinatsiyalangan A va E avitaminozi.

Kompleks terapiyada:

- to‘qimalar trofikasining buzilishi bilan kechadigan teri shikastlanishlari va kasalliklari (psoriaz, ekzemaning ayrim shakllari, ixtioz, seboreyali dermatit).

Qarshi ko‘rsatmalar

Preparat komponentlariga yuqori sezuvchanlik, A va/yoki E gipervitaminozi, bolalik yoshi (18 yoshgacha), preparat homiladorlik va laktatsiya davrida qo‘llash mumkin emas.

Ehtiyotkorlik bilan

Tireotoksikoz, surunkali glomerulonefrit, surunkali yurak yetishmovchiligi, xoletsistit, surunkali pankreatit. Preparatni tarkibida A va E vitaminlari bo‘lgan boshqa dori vositalari bilan birga qabul qilish mumkin emas.

Qo‘llash usuli va dozalari

Faqat shifokor tavsiyasi bilan qo‘llaniladi

Ichga, kuniga 1 kapsuladan, ovqatlanishdan qat’i nazar. Davolash kursi 30-40 kun. Shifokor tavsiyasi bilan takroriy kurslarni o‘tkazish mumkin.

Nojo‘ya ta’sirlari

Allergik reaksiyalar (teri toshmasi), epigastral sohada noqulaylik hissi, dispeptik buzilishlar (ko‘ngil aynishi, qusish, ich ketishi). Uzoq muddat qabul qilinganda o‘t-tosh kasalligi va surunkali pankreatitning zo‘rayishi mumkin.

Dozani oshirib yuborish

A vitamini dozasini o‘tkir oshirib yuborish belgilari (kiritilgandan keyin 6 soat o‘tgach rivojlanadi): kattalarda - uyquchanlik, lanjlik, diplopiya, bosh aylanishi, kuchli bosh og‘rig‘i, ko‘ngil aynishi, kuchli qusish, diareya, asabiylashish, osteoporoz, milklardan qon ketishi, og‘iz bo‘shlig‘i shilliq qavatining quruqligi va yaralanishi, lablar, terining (ayniqsa, kaftlarning) po‘st tashlashi, qo‘zg‘alish, ongning chalkashishi, kalla ichi bosimining oshishi (emizikli bolalarda - gidrotsefaliya, liqildoqning bo‘rtib chiqishi).

A vitamini bilan surunkali zaharlanish belgilari: anoreksiya, suyaklarda og‘riq, teri, lablarning yorilishi va qurishi, og‘iz bo‘shlig‘i shilliq qavatining qurishi, gastralgiya, qusish, gipertermiya, asteniya, bosh og‘rig‘i, fotosensibilizatsiya, pollakiuriya, nekturiya, poliuriya, ta’sirchanlik, soch to‘kilishi, oyoq tagida, kaftlarda, burun-lab uchburchagi sohasida sariq-zarg‘aldoq dog‘lar, gepatotoksik hodisalar, ko‘z ichi bosimining oshishi, oligomenoreya, portal gipertenziya, gemolitik anemiya, suyak rentgenogrammasidagi o‘zgarishlar, talvasalar.

E vitamini dozasini oshirib yuborish belgilari: kuniga 400-800 TB dozada uzoq muddat qabul qilinganda - ko‘rish qobiliyatining noaniqligi, bosh aylanishi, bosh og‘rig‘i, ko‘ngil aynishi, diareya, gastralgiya, asteniya; kuniga 800 TB dan ortiq dozada uzoq muddat qabul qilinganda - gipovitaminoz K bilan og‘rigan bemorlarda qon ketish xavfining ortishi, tireoid gormonlar metabolizmining buzilishi, jinsiy faoliyatning buzilishi, tromboflebit, tromboemboliya, nekrotik kolit, sepsis, gepatomegaliya, giperbilirubinemiya, buyrak yetishmovchiligi, ko‘zning to‘r pardasiga qon quyilishi, gemorragik insult, assit.

Davolash: preparatni bekor qilish; simptomatik terapiya.

O‘zaro aloqa

A vitamini giperkalsiyemiya rivojlanish xavfini oshiradi. Kolestiramin, kolestipol, mineral moylar, neomitsin A va E vitaminlarining so‘rilishini kamaytiradi (ularning dozasini oshirish talab etilishi mumkin). Peroral kontratseptivlar plazmadagi A vitamini konsentratsiyasini oshiradi. Izotretinoin A vitamini bilan zaharlanish rivojlanish xavfini oshiradi. Tetratsiklin va A vitaminini bir vaqtning o‘zida yuqori dozalarda (50 ming. YED va undan yuqori) intrakranial gipertenziya rivojlanish xavfini oshiradi.

E vitamini glyukokortikosteroid preparatlar, nosteroid yallig‘lanishga qarshi preparatlar, antioksidantlar ta’sirini oshiradi, A, D vitaminlari, yurak glikozidlarining samaradorligini oshiradi va zaharliligini kamaytiradi. E vitaminini

yuqori dozalarda organizmda A vitamini yetishmovchiligini keltirib chiqarishi mumkin. E vitaminini kuniga 400 TB dan ortiq miqdorda antikoagulyantlar (kumarin va indandion hosilalari) bilan bir vaqtda qo‘llash gipoprotrombinemiya va qon ketish xavfini oshiradi. Temirning yuqori dozasi organizmdagi oksidlanish jarayonlarini kuchaytiradi, bu esa E vitaminiga bo‘lgan ehtiyojni oshiradi.

Maxsus ko‘rsatmalar

A va E gipervitaminozi rivojlanishining oldini olish uchun tavsiya etilgan dozalardan oshirmaslik kerak. Preparatni qo‘llashda uning tarkibida A vitamini (100 ming. ME). Selen va oltingugurtli aminokislotalar miqdori yuqori bo‘lgan parhez E vitaminiga bo‘lgan ehtiyojni kamaytiradi.

Transport vositalari va mexanizmlarini boshqarish qobiliyatiga ta’siri

Tavsiya etilgan dozalarda preparatning transport vositalarini boshqarish va mexanizmlar bilan ishlash qobiliyatiga salbiy ta’siri haqida ma’lumotlar yo‘q.

Qadoq

Konturli katakli o‘ramda 10 tadan kapsula.

1, 2, 3, 4, 10 yoki 50 tadan konturli yacheykali o‘ramlar qo‘llash bo‘yicha yo‘riqnoma bilan birga karton qutiga joylanadi.

Statsionarlar uchun.

1, 2, 3, 4, 5, 10, 20, 50, 100, 200, 400, 600 tadan konturli yacheykali o‘ramlar qo‘llash bo‘yicha yo‘riqnomalarning teng miqdori bilan birgalikda yorug‘lik o‘tkazmaydigan polietilen plyonkadan yoki qog‘oz va karton asosidagi kombinatsiyalangan materialdan, yoki kombinatsiyalangan "Bufflen" materialidan yoki ikki qatlamli kombinatsiyalangan materialdan tayyorlangan, germetik kavsharlangan polietilen paketga joylashtiriladi.

Paketga etiketka yoki yozuv qog‘ozidan etiketka yopishtiriladi yoki qo‘yiladi.

Paketlar karton, karton quti yoki makulatura kartonidan yasalgan qutiga joylashtiriladi.

50 ta, 100 ta, 200 ta, 400 ta, 600 ta konturli yacheykali o‘ramlar qo‘llash bo‘yicha yo‘riqnomalarning teng miqdori bilan birga karton, yoki quti kartonidan, yoki makulatura kartonidan yasalgan qutiga joylanadi.

Karton qutichaga yoki quticha kartonidan, yoki makulatura kartonidan etiketka qog‘ozi yoki yozuv qog‘ozidan etiketka yopishtiriladi.

Saqlash shartlari

Harorati 25 °S dan yuqori bo‘lmagan quruq, yorug‘likdan himoyalangan joyda.

Bolalar qo‘li yetmaydigan joyda saqlang.

Yaroqlilik muddati

2 yil.

Yaroqlilik muddati o‘tgandan keyin qo‘llanilmaydi.

Dorixonalardan berish shartlari

Retseptsiz

Ro‘yxatdan o‘tish guvohnomasi egasi

MELIGEN FP YoAJ Rossiya

Ishlab chiqaruvchi

MELIGEN FP YoAJ Rossiya