Atsefil

Tarkib

Har 5 ml sirop tarkibida quyidagilar mavjud:

faol moddalar: asefillin piperazin - 45,0 mg, difengidramin gidroxlorid - 8,0 mg;

yordamchi moddalar: "Yashil olma" bo‘yog‘i, shakar, glitserin, shirinlashtiruvchi tutti-frutti, natriy benzoat, natriy sitrat, metilparaben, propilparaben, limon kislotasi monogidrati, sukraloza, ionsizlantirilgan suv.

Tavsif

Shaffof, biroz yopishqoq, yashil rangli, yoqimli hidli va shirin ta’mli qiyom.

Farmakoterapevtik guruh

Bronxolitik vosita. ATX kodi: R03DA09.

Farmakologik xususiyatlari

Farmakodinamika

Preparat quyidagi ta’sir doirasiga ega:

bronxospazmlarni tezda yengillashtirish va ventilyatsiyani yaxshilash;

burun bitishi, rinit, sinuslar blokadasi, qichishish va ko‘zning yoshlanishi hamda quloq-tomoq kanalida dimlanish kabi shamollash belgilarini yengillashtirish;

ko‘krak qafasidan balg‘am va boshqalarni chiqarish orqali nafas olishni yengillashtirish;

har qanday yoshda qo‘llash uchun mos keladi;

yara kasalligini keltirib chiqarmaydi, tarkibida alkogol yo‘q;

yoqimli hid va ta’mga ega.

Farmakokinetika

Atsetfillin piperazin va difengidramin gidroxlorid MIY tez so‘riladi. Asosan siydik bilan chiqariladi.

Difengidramin gidroxloridning plazmadagi eng yuqori konsentratsiyasi peroral qabul qilingandan 1-4 soat o‘tgach kuzatiladi. Difengidramin a’zo va to‘qimalarga, shu jumladan MAT a’zolariga yaxshi tarqaladi. U yo‘ldosh orqali o‘tadi va ko‘krak sutida aniqlanadi. Difengidramin plazma oqsillari bilan yuqori darajada bog‘lanadi. Yarim chiqarilish davri 2,4 dan 9,3 soatgacha.

Qo‘llanilishi

shamollash bilan kechadigan bronxospazmlar.

masalan, bronxial astma va surunkali bronxit bilan birga keladigan shilliq qavatning ko‘chishini o‘z ichiga olgan yopishqoq massa sekretsiyasining ko‘payishi natijasida nafas olishning buzilishi.

burun bo‘shlig‘i va bronx membranalarida dimlanish bilan kechadigan shamollash va yo‘talning barcha turlari.

Qo‘llash usuli va dozalari

Yo‘talga qarshi Asefil Kaf siropini kuniga 3-4 mahal, og‘riq alomatlari butunlay yo‘qolguncha yoki shifokor ko‘rsatmasiga binoan qabul qilish lozim.

Kattalar uchun: 1-2 choy qoshiq preparatni kuniga 3-4 mahal.

1 yoshdan oshgan bolalarga: 1⁄2-1 choy qoshiqdan kuniga 3-4 mahal.

4 oydan 12 oygacha bo‘lgan chaqaloqlar uchun: 1⁄4 choy qoshiqdan kuniga 3 mahal.

Nojo‘ya ta’sirlari

Asab tizimi tomonidan: bosh aylanishi, bosh og‘rig‘i, uyqusizlik yoki uyquchanlik, qo‘zg‘alish, xavotirlanish, asabiylashish, tremor, psixomotor reaksiya tezligining pasayishi, harakat koordinatsiyasining buzilishi.

YUQT tomonidan: yurak urishi, taxikardiya (shu jumladan homilador ayol 3-trimestrda qabul qilinganda homilada), aritmiyalar, qon bosimining pasayishi, kardialgiya, stenokardiya xurujlari chastotasining ortishi.

Ovqat hazm qilish tizimi tomonidan: gastralgiya, ko‘ngil aynishi, qusish, gastroezofageal reflyuks, jig‘ildon qaynashi, og‘iz qurishi, og‘iz bo‘shlig‘i shilliq qavatining uvishishi, yara kasalligining kuchayishi, diareya, uzoq vaqt qabul qilinganda ishtahaning pasayishi.

Allergik reaksiyalar: teri toshmasi, qichishish, isitma.

Boshqalar: ko‘krak og‘rig‘i, taxipnoe, yuzga quyilish hissi, albuminuriya, gematuriya, gipoglikemiya, diurezning kuchayishi, fotosensibilizatsiya, akkomodatsiya parezi.

Preparat dozasi kamaytirilganda nojo‘ya ta’sirlar kamayadi.

Qarshi ko‘rsatmalar

Ta’sir etuvchi moddalarga, teofillinga yoki preparat tarkibiy qismlaridan biriga yuqori sezuvchanlik.

Dorilarning o‘zaro ta’siri

Allopurinol, kontratseptivlar, simetilin, makrolidlar, xinolonlar yoki propanolol kabi preparatlarni parallel qabul qilganda, yo‘talga qarshi Asefil Kaf siropi preparatining dozasini kamaytirish kerak. Fenitoin, rifampitsin, ritonavir, sulfinpirazon kabi preparatlar parallel qabul qilinganda, yo‘talga qarshi Asefil Kaf siropi preparatining dozasini oshirish lozim.

Yo‘talga qarshi Asefil Kaf siropi preparati alkogol yoki markaziy asab tizimining boshqa depressantlari (gipnotik, sedativ preparatlar, trankvilizatorlar va boshqalar) qabul qilinganda nojo‘ya ta’sir ko‘rsatadi.

Maxsus ko‘rsatmalar

Yo‘talga qarshi Asefil Kaf siropini MIY yaralari, Bazedov kasalligi, gipertenziya, yurak aritmiyasi, epilepsiya yoki jigar faoliyati buzilishlari bo‘lgan bemorlarda ehtiyotkorlik bilan qabul qilish zarur.

Antigistamin preparatlarni tor burchakli glaukoma, oshqozon yoki 12 barmoqli ichak yaralari, piloroduodenal tiqilma, prostata bezining simptomatik gipertrofiyasi yoki qovuq bo‘yni tiqilishi bo‘lgan bemorlarga ehtiyotkorlik bilan qo‘llash lozim.

Avtotransport va mexanizmlarni boshqarish qobiliyatiga ta’siri

Davolash davrida avtotransport haydashdan va diqqatning yuqori konsentratsiyasini hamda psixomotor reaksiyalar tezligini talab qiladigan potensial xavfli faoliyat turlari bilan shug‘ullanishdan tiyilish zarur.

Homiladorlik va laktatsiya

Yo‘talga qarshi Asefil Kaf siropini homiladorlikda faqat o‘tkir zarurat tug‘ilganda qo‘llash lozim.

Dozani oshirib yuborish

Difengidramin preparatni 5 mg/kg dan yuqori dozada qabul qilganda o‘tkir zaharlilikni namoyon qiladi. Difengidraminning potensial o‘lim dozasi taxminan 10 mg/kg ni tashkil etadi. Bolalarda anafilaktik shok difengidraminning 150 mg dozasini qabul qilgandan so‘ng kuzatiladi, o‘lim dozasi esa bu holda 500 mg dan ortiq bo‘ladi.

Chiqarish shakli

Qahrabo rangli shisha idishda 120 ml.

Chiqarish shakli

Qahrabo rangli shisha idishda 120 ml.

Har bir butilka qo‘llanmasi bilan birga karton qutida.

Saqlash shartlari

30 °C dan yuqori bo‘lmagan haroratda saqlanadi. Bolalar qo‘li yetmaydigan joyda saqlang.

Yaroqlilik muddati

3 yil.

Dorixonalardan berish shartlari

Shifokor retsepti bo‘yicha.

Ishlab chiqaruvchi

"Nabiqasim Industries (Pvt) Ltd.,"

17/24 Korangi Industrial Eria

Karachi - Pokiston.

O‘zbekiston Respublikasi hududida dori vositalarining sifati bo‘yicha e’tirozlarni (takliflarni) qabul qiluvchi tashkilotning nomi va manzili

"PHARM ACTIV FZCO" kompaniyasining O‘zbekistondagi vakolatxonasi, BAA: O‘zbekiston, Toshkent shahri, Yakkasaroy tumani, Kichik Beshyog‘och ko‘chasi, 128/2-uy, 4-xonadon.