Baktavit

Tarkib

1 ml preparat tarkibida quyidagilar mavjud:

faol modda: pikloksidin digidroxlorid 0,500 mg pikloksidin* 0,434 mg ga qayta hisoblaganda;

yordamchi moddalar: polisorbat 80 0,250 mg, suvsiz glyukoza 50,000 mg, tozalangan suv 1 ml gacha.

*Pikloksidin digidroxlorid preparat ishlab chiqarishda 5% ortiq bo‘lishiga yo‘l qo‘yiladi.

Tavsif

Shaffof rangsiz yoki biroz sarg‘ish rangli eritma.

Farmakoterapevtik guruh

Mikroblarga qarshi vosita. ATX kodi: S01AX16.

Farmakologik xususiyatlari

Farmakodinamika

Pikloksidin - biguanidlarning hosilasi, mikroblarga qarshi vosita, antiseptik ta’sir ko‘rsatadi. Staphylococcus aureus, Streptococcus faecalis, Escherichia coli, Eberthella typhosa, Klebsiella pneumoniae, Proteus vulgaris, Shigella dysenteria, Bacillus subtilis, Chlamidia trachomatis; ba’zi viruslar va zamburug‘larga nisbatan faol.

Farmakokinetika

Mahalliy qo‘llanganda pikloksidinning tizimli absorbsiyasi past bo‘ladi.

Qo‘llanilishi

ko‘z old qismining bakterial infeksiyalari;

dakriotsistit;

ko‘zning old qismi sohasidagi jarrohlik aralashuvlaridan keyin operatsiyadan keyingi davrda infeksion asoratlarning oldini olish.

Qo‘llash usuli va dozalari

Bakterial infeksiyalarni davolash uchun 1 tomchidan konyunktiva xaltasiga sutkada 2-6 marta tomiziladi. Davolash davomiyligi 10 kunni tashkil etadi. Davolash muddatini 10 kundan ortiq uzaytirishning maqsadga muvofiqligi va zarurligi shifokor tomonidan aniqlanishi kerak.

Operatsiyadan keyingi davrda 1 tomchidan sutkada 3-4 marta tomiziladi.

Operatsiyadan keyingi asoratlarning oldini olish uchun (operatsiyadan oldingi tayyorgarlik) jarrohlik amaliyotidan oldin kon’yunktiva xaltasiga 1-2 tomchidan dori tomiziladi.

Nojo‘ya ta’sirlari

Kamdan-kam hollarda konyunktiva giperemiyasi bilan namoyon bo‘ladigan allergik reaksiyalar rivojlanishi mumkin.

Qarshi ko‘rsatmalar

Preparat komponentlariga yuqori individual sezuvchanlik.

Homiladorlik, emizish davri.

Dorilarning o‘zaro ta’siri

Konyunktiva bo‘shlig‘iga bir nechta dori vositalarini tomizish zarur bo‘lganda, preparatlar 15 daqiqadan kam bo‘lmagan interval bilan alohida-alohida qo‘llanilishi kerak.

Maxsus ko‘rsatmalar

Pipetka va eritmaning zararlanishiga yo‘l qo‘ymaslik uchun ehtiyot bo‘lish va qovoqlarga, ko‘zga yaqin joylarga yoki boshqa yuzalarga tegishdan saqlanish kerak.

Preparatning burun shilliq qavati orqali tizimli qon oqimiga o‘tishini oldini olish uchun, tomizilgandan so‘ng ko‘zning ichki burchagini barmoqlar bilan 2 daqiqa davomida bosish tavsiya etiladi.

Bir nechta mahalliy oftalmologik preparatlar qo‘llanilgan taqdirda, tomizishlar orasidagi tanaffus 15 daqiqadan kam bo‘lmasligi kerak. BAKTAVIT ko‘z tomchilarini subkonyunktival inyeksiyalar uchun yoki ko‘zning oldingi kamerasiga yuborish uchun ishlatish mumkin emas. BAKTAVIT ko‘z tomchilari kontakt linzalar (shu jumladan, yumshoq gidrofil linzalar) rangini o‘zgartirmaydi, biroq yuqumli kasalliklarda kontakt linzalarni taqish mumkin emas.

Preparat kattalar va 0 yoshdan boshlab bolalarda qo‘llanilishi mumkin.

Homiladorlik va emizish davrida qo‘llash

Preparatning homiladorlik va emizish davrida qo‘llanilishi o‘rganilmaganligi sababli, uni homilador va emizikli ayollarga buyurish tavsiya etilmaydi.

Avtotransport va mexanizmlarni boshqarish qobiliyatiga ta’siri

Tomizilgandan so‘ng ko‘rish qobiliyati vaqtincha xiralashishi mumkin, bu esa avtomobilni boshqarish yoki texnika bilan ishlash qobiliyatiga ta’sir qilishi mumkin. Agar tomizilgandan so‘ng shunday alomatlar paydo bo‘lsa, bemor avtomobil haydash yoki texnika bilan ishlashdan oldin ko‘rish qobiliyati tiklanishini kutishi kerak.

Preparatni bolalar qo‘li yetmaydigan joyda saqlash va yaroqlilik muddati tugaganidan keyin qo‘llamaslik kerak.

Dozani oshirib yuborish

Preparatning dozasini oshirib yuborish haqida ma’lumotlar yo‘q.

Ko‘zga preparatning ortiqcha miqdori tushganda, ko‘zlarni steril fiziologik tuz eritmasi bilan yuvish kerak.

Chiqarish shakli

Ko‘z tomchilari 5 mg/ml.

10,7 g preparat saqlagich halqasi bo‘lgan polimer qopqoq bilan yopilgan, sig‘imi 10 ml bo‘lgan shaffof polimer flakon-tomizgichga joylashtiriladi. Bittadan flakon-tomizgich qo‘llanmasi bilan birga karton qutiga solinadi.

Saqlash shartlari

25 °C dan yuqori bo‘lmagan haroratda, asl qadoqda.

Yaroqlilik muddati

2 yil.

Flakon ochilgandan so‘ng tomchilardan 4 hafta davomida foydalanish kerak.

Dorixonalardan berish shartlari

Shifokor retseptisiz.

Ishlab chiqaruvchi

"K.O. Romfarm Kompani S.R.L.," Ruminiya, Ilfov, 075100 Otopen shahri, Eroilor ko‘chasi, No1A

("S.C. Rompharm Company S.R.L.," Romania, Ilfov, 75100 Otopeni, Str. Eroilor, Nr. 1A).