Glutamik kislota

Tarkib

Har bir tabletka tarkibiga quyidagilar kiradi:

Faol modda: glutamin kislotasi (L-Glutamin kislotasi) - 250 mg.

Yordamchi moddalar: kartoshka kraxmali, talk, kalsiy stearati, jelatin, atsetilftalilsellyuloza (sellasefat).

Tavsif

Ichakda eriydigan qobiq bilan qoplangan dumaloq, ikki tomoni qavariq, oq yoki rangi bilinar-bilinmas sarg‘ish tusli oq tabletkalar.

Farmakoterapevtik guruh

Nootrop vosita. ATX kodi: A16AA.

Chiqarish shakli

Ichakda eriydigan qobiq bilan qoplangan tabletkalar 250 mg.

10 tadan tabletka kontur katakli o‘ramda. 2 yoki 4 ta konturli yacheykali o‘ramlar qo‘llash bo‘yicha yo‘riqnoma bilan birga karton qutiga joylashtiriladi.

Konturli yacheykali upakovkalarni qo‘llash bo‘yicha yo‘riqnomalarning teng miqdori bilan birga gofrirlangan kartondan yasalgan yashiklarga joylashtirishga ruxsat etiladi.

Farmakologik xususiyatlari

Markaziy asab tizimidagi metabolik jarayonlarni tartibga soluvchi vosita; nootrop, dezintoksikatsion, ammiakni bog‘lovchi ta’sir ko‘rsatadi. Bosh miyada yuqori metabolik faollikka ega bo‘lgan neyromediator rolini o‘ynaydigan almashinadigan aminokislota bosh miyadagi oksidlanish-qaytarilish jarayonlarini, oqsillar almashinuvini rag‘batlantiradi. Asab va endokrin tizimlarining funksional holatini o‘zgartirib, moddalar almashinuvini me’yorlashtiradi. Markaziy nerv sistemasi sinapslarida qo‘zg‘alish o‘tishini rag‘batlantiradi; ammiakni bog‘laydi va chiqaradi. Miofibrillalarning tarkibiy qismlaridan biri bo‘lib, boshqa aminokislotalar, atsetilxolin, adenozintrifosfat, mochevina sintezida ishtirok etadi, miyada kaliy ionlarining tashilishi va zarur konsentratsiyasini saqlashga yordam beradi, oksidlanish-qaytarilish potensialining pasayishiga to‘sqinlik qiladi, organizmning gipoksiyaga chidamliligini oshiradi, uglevodlar va nuklein kislotalar almashinuvi o‘rtasida bog‘lovchi bo‘g‘in bo‘lib xizmat qiladi, qon va to‘qimalarda glikoliz ko‘rsatkichlari miqdorini me’yorlashtiradi; gepatoprotektiv ta’sir ko‘rsatadi, oshqozonning sekretor funksiyasini susaytiradi.

Farmakokinetika

Absorbsiya - yuqori. Gistogematik to‘siqlar (jumladan, gematoensefalik to‘siq), hujayra pardalari va subhujayra hosilalari membranalaridan yaxshi o‘tadi. Muskul va nerv to‘qimalarida, jigar va buyraklarda to‘planadi. Buyraklar orqali 4-7% o‘zgarmagan holda chiqariladi.

Qo‘llanilishi

Kattalarda Glutamin kislotasi epilepsiyani, asosan, ekvivalentlari bo‘lgan kichik tutqanoqlarni; somatogen, involyutsion, intoksikatsion psixozlarni, depressiya, holdan toyish hodisalari bilan kechadigan reaktiv holatlarni davolashda kompleks terapiyada buyuriladi.

Bolalarda ruhiy rivojlanishning kechikishi, Daun kasalligi, bolalar serebral falajida kompleks terapiyada; poliomiyelitda (o‘tkir va tiklanish davrlari); zo‘rayib boruvchi miopatiyada (paxikarpin gidroyodid yoki glitsin bilan birgalikda): izonikotin kislotasi gidrazid hosilalari preparatlari keltirib chiqaradigan neyrotoksik ta’sirlarni bartaraf etish va oldini olish uchun.

Qo‘llash usuli va dozalari

Preparat ovqatdan 15-20 daqiqa oldin ichishga buyuriladi.

Kattalar 1 g dan kuniga 2-3 mahal ichadilar.

3-4 yashar bolalarga - 0,25 g dan, 5-6 yashar bolalarga - 0,5 g, 7-9 yashar bolalarga - 0,5-1 g, 10 yashar va undan katta bolalarga - kuniga 2-3 mahal 1 g dan beriladi.

Davolash kursi 1-2 oydan 6-12 oygacha.

Nojo‘ya ta’sirlari

Allergik reaksiyalar, ko‘ngil aynishi, qusish, qorin og‘rig‘i, ich ketishi, yuqori qo‘zg‘aluvchanlik kuzatilishi mumkin.

Uzoq vaqt qo‘llanganda gemoglobin darajasining pasayishi va leykopeniya rivojlanishi, og‘iz bo‘shlig‘i shilliq qavatining ta’sirlanishi, lablarda yoriqlar paydo bo‘lishi mumkin.

Qarshi ko‘rsatmalar

Preparat komponentlariga yuqori sezuvchanlik, isitma sindromi, jigar va/yoki buyrak yetishmovchiligi, oshqozon va 12 barmoqli ichak yara kasalligi, anemiya, leykopeniya, yuqori qo‘zg‘aluvchanlik, shiddatli kechuvchi psixotik reaksiyalar, nefrotik sindrom, suyak ko‘migida qon yaratilishining susayishi, semizlik, 3 yoshgacha bo‘lgan bolalar.

Dorilarning o‘zaro ta’siri

Preparat tiamin va piridoksin bilan birgalikda izonikotin kislotasining gidrazid guruhi preparatlari (izoniazid, ftivazid va boshqalar) tufayli kelib chiqadigan neyrotoksik hodisalarning oldini olish va davolash uchun ishlatiladi.

Miopatiya va mushak distrofiyasida preparat paxikarpin gidroyodid yoki glitsin bilan birgalikda samaraliroqdir.

Maxsus ko‘rsatmalar

Davolash davrida muntazam ravishda qon va siydikning umumklinik tahlillarini o‘tkazish zarur.

Dispeptik hodisalar rivojlanganda preparat ovqat vaqtida yoki ovqatdan keyin qabul qilinadi.

Homiladorlik va laktatsiya davri

Homiladorlik davrida preparatni qo‘llash xavfsizligi bo‘yicha adekvat va nazorat qilinadigan klinik tadqiqotlar o‘tkazilmagan. Qo‘llash faqat ona uchun taxmin qilinayotgan foyda homila uchun potensial xavfdan yuqori bo‘lgan hollardagina ko‘rsatilgan.

Davolash davrida emizishni to‘xtatish masalasini hal qilish kerak.

Preparat yaroqlilik muddati tugaganidan keyin qo‘llanilmasligi va bolalar qo‘li yetmaydigan joyda saqlanishi lozim.

Dozani oshirib yuborish

Glutamin kislotasining dozasini oshirib yuborish qorin og‘rig‘i, ko‘ngil aynishi, qusish bilan kechishi mumkin. Birinchi yordam oshqozonni yuvish, faollashtirilgan ko‘mir qabul qilishdan iborat. Zarurat tug‘ilganda - simptomatik terapiya.

Saqlash shartlari

Quruq joyda 25 °C dan yuqori bo‘lmagan haroratda.

Yaroqlilik muddati

3 yil.

Dorixonalardan berish shartlari

Retsept bo‘yicha.

Ishlab chiqaruvchi

"Tatximfarmpreparatlar" OAJ

420091, Rossiya, Qozon shahri, Belomorskaya ko‘chasi, 260-uy

(843) tel. 571-85-58; faks: 571-85-38

E-mail: [email protected]