Xlorgeksidin

Tarkib

ta’sir etuvchi modda: xlorgeksidin biglyukonat (Dezin - xlorgeksidin biglyukonat konsentrati 200 mg/ml ko‘rinishida) - 50 mg;

yordamchi modda: tozalangan suv - 100 ml gacha.

Tavsif

Flakonda 100 ml eritma.tashqi qo‘llash uchun.

Dori shakli

Rangsiz yoki biroz sarg‘ish rangli, hidsiz suyuqlik.

Farmakologik xususiyatlari

Antiseptik vosita, qo‘llaniladigan konsentratsiyaga qarab, grammusbat va grammanfiy bakteriyalarga nisbatan bakteriostatik yoki bakteritsid ta’sir ko‘rsatadi. Xlorgeksidin biglyukonatning fungitsid ta’siri - 0,05% konsentratsiyada, 22 °S haroratda va 10 daqiqa davomida ta’sir etganda.

Virulitsid ta’siri (lipofil viruslarga nisbatan) - 0,01-1% konsentratsiyada namoyon bo‘ladi.

Bakteriya sporalariga faqat yuqori haroratda ta’sir qiladi.

Gram-musbat va grammanfiy bakteriyalar - Treponema spp., Neisseria gonorrhoeae, Trichomonas spp., Chlamydia spp., Ureaplasma spp.

Barqaror, teriga (qo‘l, operatsiya maydoni) ishlov berilgandan so‘ng, unda bakteritsid ta’sir ko‘rsatish uchun yetarli miqdorda saqlanib qoladi. Qon, yiring, turli xil sekretlar va organik moddalar ishtirokida faolligini (birmuncha pasaygan bo‘lsa-da) saqlaydi.

Xlorgeksidin biglyukonat juda kam hollarda allergik reaksiyalar, teri va to‘qimalarning ta’sirlanishini keltirib chiqaradi, shisha, plastmassa va metallardan yasalgan buyumlarga shikastlovchi ta’sir ko‘rsatmaydi.

Ko‘rsatmalar

Yaralar va kuygan yuzalarga ishlov berish uchun; terining va ochiq shilliq qavatlarning infeksiyalangan ishqalangan va yorilgan joylariga ishlov berish uchun. Tibbiy asbob-uskunalarni 70 °C haroratda sterilizatsiya qilish uchun; issiqlik bilan ishlov berish maqsadga muvofiq bo‘lmagan asboblar (shu jumladan termometrlar) va uskunalarning ishchi yuzalarini dezinfeksiya qilish uchun.

Qo‘llash usuli va dozalari

Suvli eritma sug‘orish, chayish va applikatsiya ko‘rinishida qo‘llaniladi.

Eritma 5-10 ml miqdorda teri yoki shilliq qavatlarning zararlangan yuzasiga 1-3 daqiqa ekspozitsiya bilan kuniga 2-3 marta (tamponda yoki sug‘orish orqali) surtiladi.

Nojo‘ya ta’sirlari

Xlorgeksidin biglyukonat komponentlariga allergik reaksiyalar (teri toshmasi), terining quruqligi, qichishish, dermatit, qo‘l terisining yopishqoqligi (3-5 daqiqa davomida), fotosensibilizatsiya.

Gingivitlarni davolashda - tish emalining bo‘yalishi, tish toshining cho‘kishi, ta’m bilishning buzilishi.

Qarshi ko‘rsatmalar

Xlorgeksidin biglyukonat komponentlariga yuqori sezuvchanlik, dermatitlar.

Dozani oshirib yuborish

Davolash vositasi tasodifan ichga tushganda deyarli so‘rilmaydi (sut, xom tuxum, jelatin yordamida oshqozonni yuvish kerak). Zarurat tug‘ilganda simptomatik terapiya o‘tkaziladi.

Ehtiyot choralari

Ochiq BMJ, orqa miya shikastlanishi, nog‘ora pardasi teshilgan bemorlarda bosh miya yuzasiga, miya pardalariga va ichki quloq bo‘shlig‘iga tushishidan saqlanish kerak.

Ko‘z shilliq qavatlariga tushgan taqdirda, ularni tez va yaxshilab suv bilan yuvish kerak.

Gipoxloritli oqartiruvchi moddalarning ilgari tarkibida xlorgeksidin bo‘lgan preparatlar bilan aloqada bo‘lgan matolarga tushishi ularda jigarrang dog‘lar paydo bo‘lishiga sabab bo‘lishi mumkin.

Bakteritsid ta’siri harorat ko‘tarilishi bilan kuchayadi. 100 °C dan yuqori haroratda preparat qisman parchalanadi.

Yod bilan bir vaqtda qo‘llash tavsiya etilmaydi.

Homiladorlikda qo‘llash

Homiladorlik va laktatsiya davrida ehtiyotkorlik bilan qo‘llaniladi.

Dorilarning o‘zaro ta’siri

Preparat neytral muhitda qo‘llaniladi; pH 5-8 bo‘lganda faollik farqi katta emas; pH 8 dan yuqori bo‘lganda cho‘kmaga tushadi. Qattiq suvni qo‘llash bakteritsidlik xususiyatini pasaytiradi.

Sovun, ishqorlar va boshqa anion birikmalar (kolloidlar, gummiarabik, karboksimetilsellyuloza) bilan farmatsevtik jihatdan mos kelmaydi.

Tarkibida kation guruhi bo‘lgan DV (benzalkoniy xlorid, setrimoniy bromid) bilan mos keladi.

Etanol Xlorgeksidin biglyukonatning samaradorligini oshiradi.

Chiqarish shakli

Eritma - 100 ml.