Xolenzim

Tarkib

Har bir tabletka tarkibiga quyidagilar kiradi:

Faol komponentlar: quruq o‘t - 100 mg; quritilgan oshqozon osti bezi - 100 mg; quritilgan ingichka ichak shilliq qavatlari - 100 mg.

Yordamchi moddalar: shakar, yengil asosli magniy karbonat (Ye-504), og‘ir asosli magniy karbonat (Ye-504), povidon K-25 (Ye-1201), suvsiz kolloid kremniy dioksidi (Ye-551), titan dioksidi (Ye-171), kopovidon, kalsiy stearati (Ye-470), asalari mumi (Ye-901).

Tavsif

Qobiq bilan qoplangan, oq rangli, ikki tomoni qabariq tabletkalar. Ko‘ndalang kesimda ikkita qatlam ko‘rinadi.

Dori shakli

Qobiq bilan qoplangan tabletkalar.

Farmakoterapevtik guruh

O‘t haydovchi vosita. ATX kodi: A05AA.

Farmakologik xususiyatlari

Hayvonlardan olingan kombinatsiyalangan preparat o‘t haydovchi ta’sir ko‘rsatadi. Ovqat hazm qilish fermentlari (tripsin, amilaza, lipaza) va o‘t oqsillar, yog‘lar, uglevodlarning hazm bo‘lishini osonlashtiradi, bu esa ularning ingichka ichakda to‘liqroq so‘rilishiga yordam beradi. Oshqozon-ichak tizimining funksional holatini yaxshilaydi, ovqat hazm qilish jarayonini normallashtiradi.

Qo‘llanilishi

Oshqozon-ichak trakti kasalliklari va funksional buzilishlarida o‘t haydovchi va hazm qiluvchi ferment vositasi sifatida: surunkali gepatit, surunkali toshsiz xoletsistit, surunkali pankreatit, gastrit, kolit; meteorizm, noinfeksion genezli diareya.

Qo‘llash usuli va dozalari

Ichishga, ovqatdan keyin. Kattalar va 12 yoshdan oshgan bolalarga 1 tabletkadan sutkada 1-3 marta. Tabletkalarni chaynamay, ko‘p miqdorda suyuqlik bilan qo‘llash.

Sutkalik dozadan oshirish tavsiya etilmaydi.

Nojo‘ya ta’sirlari

Yuqori sezuvchanlik bilan bog‘liq reaksiyalar (aksirish, ko‘zdan yosh oqishi, terining qizarishi, teri toshmasi va boshqalar) kuzatilishi mumkin. Ular paydo bo‘lganda preparatni qabul qilishni to‘xtatish va shifokorga murojaat qilish zarur.

Qarshi ko‘rsatmalar

Preparat komponentlariga yuqori sezuvchanlik, o‘tkir pankreatit, surunkali pankreatitning kuchayishi, obturatsion sariqlik, 12 yoshgacha bo‘lgan bolalar.

Dorilarning o‘zaro ta’siri

Tarkibida kalsiy karbonat va/yoki magniy gidroksid bo‘lgan antatsid vositalarni bir vaqtda qo‘llash preparatning samaradorligini pasaytirishi mumkin. Uzoq muddat qo‘llanilganda temirning so‘rilishi pasayishi mumkin.

Maxsus ko‘rsatmalar

Preparat yaroqlilik muddati tugaganidan keyin qo‘llanilmasligi va bolalar qo‘li yetmaydigan joyda saqlanishi lozim.

Dozani oshirib yuborish

Yuqori dozalar uzoq vaqt qo‘llanganda ko‘ngil aynishi, jig‘ildon qaynashi, ich ketishi, teri qichishi, qonda transaminazalar miqdorining oshishi mumkin.

Chiqarish shakli

Kontur katakli o‘ramda 10 tadan tabletka. Bitta, beshta konturli o‘ram qo‘llanilishi bo‘yicha yo‘riqnoma bilan birga karton qutiga joylashtiriladi. Statsionarlar uchun qadoqlash: qo‘llash bo‘yicha tegishli miqdordagi yo‘riqnomalar bilan 160 tadan konturli qadoqlar karton qutiga joylashtiriladi.

Saqlash shartlari

Namlik va yorug‘likdan himoyalangan joyda, 25 °C dan yuqori bo‘lmagan haroratda saqlanadi.

Yaroqlilik muddati

2 yil.

Dorixonalardan berish shartlari

Retseptsiz.

Ishlab chiqaruvchi

"Belmedpreparatlar" RUK,

Belarus Respublikasi, 220007, Minsk shahri,

fabritsius ko‘chasi, 30, t/f.: (+375-17) 220-37-16,

e-mail: [email protected]