Klimaksan

Tarkib

1 tabletka uchun:

Faol tarkibiy qismlar:

Cimicifuga racemosa, Cimicifuga (Ratsemoz simitsifuga, Simitsifuga) S200; Lachesis mutus, Lachesis (Laxezis mutus, Laxezis) S50; Apis mellifica, Apis (Apis mellifika, Apis) S200.

Yordamchi moddalar: laktoza, mikrokristall sellyuloza, magniy stearati.

Tavsif

Tabletkalar yassi silindrsimon shaklda, faskali, oq yoki deyarli oq rangda.

Chiqarish shakli

Gomeopatik tabletkalar.

Farmakoterapevtik guruh

Gomeopatik vosita. O‘zlashtirilmagan.

Farmakologik xususiyatlari

Farmakodinamika

Ko‘p komponentli gomeopatik preparat bo‘lib, uning ta’siri tarkibiga kiruvchi komponentlar bilan bog‘liq.

Ko‘rsatmalar

Klimakterik sindrom belgilarini davolashda simptomatik vosita sifatida (tajanglik, hissiy beqarorlik, uyquning buzilishi, bosh og‘rig‘i, bosh aylanishi, yurak urishi, terlash, "toshqinlar").

Qarshi ko‘rsatmalar

Preparat komponentlariga yuqori sezuvchanlik; homiladorlik va emizish davri.

Qo‘llash usuli va dozalari

Bir marta qabul qilish uchun - 1 tabletka (og‘izda to‘liq eriguncha ushlab turing - ovqatlanish paytida emas), kuniga 2 marta, ertalab va kechqurun qabul qiling.

Simptomlarning og‘irligiga qarab, preparatni qabul qilishni kuniga 3-4 martagacha oshirish mumkin.

Preparatni qo‘llashning tavsiya etilgan davomiyligi 6 oyni tashkil etadi. Shifokor tavsiyasi bilan takroriy davolash kurslarini o‘tkazish mumkin.

Nojo‘ya ta’sirlari

Preparatning tarkibiy qismlariga yuqori individual sezuvchanlik reaksiyalari kuzatilishi mumkin.

Dozani oshirib yuborish

Doza tasodifan oshirib yuborilganda, preparat tarkibiga kiruvchi to‘ldiruvchilar tufayli dispeptik hodisalar kuzatilishi mumkin.

O‘zaro aloqa

Boshqa dori vositalari bilan nomutanosiblik holatlari hozirgacha qayd etilmagan. Gomeopatik preparatlarni qo‘llash boshqa dori vositalari bilan davolashni istisno qilmaydi.

Maxsus ko‘rsatmalar

Preparat tarkibiga laktoza kiradi, shu sababli uni tug‘ma galaktozemiya, glyukoza yoki galaktoza malabsorbsiyasi sindromi yoki tug‘ma laktoza yetishmovchiligi bo‘lgan bemorlarga buyurish tavsiya etilmaydi.

Qandli diabet bilan og‘rigan bemorlar preparatning 1 tabletkasi tarkibida 0,2136 g laktoza borligini esda tutishlari kerak, bu 0,018 non birligiga (XB) to‘g‘ri keladi. Preparatning maksimal sutkalik dozasi 4 tabletkani tashkil etadi, bu 0,072 XB ga to‘g‘ri keladi.

Preparat bilan davolash kursini o‘tkazish davrida terapiyani tuzatish maqsadida davolovchi shifokor bilan har 2 oyda kamida 1 marta maslahatlashish tavsiya etiladi.

Gomeopatik dori vositalarini qabul qilishda mavjud alomatlarning vaqtinchalik kuchayishi (birlamchi yomonlashishi) mumkin. Bunday holda preparatni qabul qilishni to‘xtatish va shifokor bilan maslahatlashish lozim.

Homiladorlik va laktatsiya

Klimaksan gomeopatik preparatini homilador va emizikli ayollarda qo‘llash mumkin emas.

Transport vositalari va mexanizmlarini boshqarish qobiliyatiga ta’siri

Klimaksan gomeopatik preparatining transport vositalarini va boshqa potensial xavfli mexanizmlarni boshqarish qobiliyatiga salbiy ta’siri aniqlanmagan.

Qadoqlash

Polivinilxlorid plyonka va alyuminiy folgadan yasalgan konturli katakli o‘ramda 20 tadan tabletka.

1 yoki 2 ta kontur yacheykali o‘ramlar tibbiy qo‘llash bo‘yicha yo‘riqnoma bilan birga karton qutiga joylashtiriladi.

Saqlash shartlari

Yorug‘likdan himoyalangan quruq joyda, 25 °C dan yuqori bo‘lmagan haroratda saqlang.

Yaroqlilik muddati

3 yil.

Yaroqlilik muddati o‘tgandan keyin qo‘llanilmaydi.

Dorixonalardan berish shartlari

Retseptsiz

Ro‘yxatdan o‘tganlik guvohnomasi egasi

NPF MATERIYA MEDIKA XOLDING MCHJ Rossiya

Ishlab chiqaruvchi

NPF MATERIYA MEDIKA XOLDING MCHJ Rossiya