Kombilipen

Tarkib

Bir tabletka uchun tarkib.

Ta’sir etuvchi moddalar:

Benfotiamin -100 mg.

Piridoksin gidroxlorid - 100 mg.

Sianokobalamin - 2 mkg.

Yordamchi moddalar (yadro):

Natriy karmelloza - 4,533 mg, povidon K-30 (polivinilpirrolidon, povidon K-30) - 16,233 mg, mikrokristallik sellyuloza 101 - 12,673 mg, talk - 4,580 mg, kalsiy stearat - 4,587 mg, polisorbat 80 - 0,660 mg, saxaroza (shakar-qum) - 206,732 mg.

Yordamchi moddalar (qobiq):

Gipromelloza (gidroksipropilmetilsellyuloza) - 3,512 mg, makrogol (makrogol-4000, polietilenoksid-4000) - 1,411 mg, povidon K-17 (polivinilpirrolidon quyi molekulyar, povidon K-17) - 3,713 mg, titan dioksidi - 3,511 mg, talk - 1,353 mg.

Tavsif

Oq yoki deyarli oq rangli pardali qobiq bilan qoplangan dumaloq, ikki tomoni qavariq tabletkalar. Ko‘ndalang kesimda yadro deyarli oq rangda bo‘ladi.

Chiqarish shakli

Plyonkali qobiq bilan qoplangan tabletkalar.

Preparatning tavsifi

Kombinatsiyalangan polivitamin kompleksi. Preparatning ta’siri uning tarkibidagi vitaminlarning xususiyatlari bilan belgilanadi.

Benfotiamin - tiaminning (B1 vitamini) yog‘da eriydigan shakli. Nerv impulsini o‘tkazishda ishtirok etadi.

Piridoksin gidroxlorid (vitamin B6) - oqsillar, uglevodlar va yog‘lar almashinuvida ishtirok etadi, qon hosil bo‘lishi, markaziy va periferik asab tizimining normal ishlashi uchun zarur. Sinaptik uzatishni, markaziy nerv sistemasidagi tormozlanish jarayonlarini ta’minlaydi, nerv qobig‘i tarkibiga kiruvchi sfingozinni tashishda ishtirok etadi, katexolaminlar sintezida ishtirok etadi.

Sianokobalamin (vitamin B12) - nukleotidlar sintezida ishtirok etadi, epitelial hujayralarning normal o‘sishi, qon hosil bo‘lishi va rivojlanishining muhim omili hisoblanadi; folat kislotasi metabolizmi va miyelin sintezi uchun zarur.

Farmakoterapevtik guruh

Polivitaminli vosita. Polivitaminlar. ATX kodi: A11B.

Ko‘rsatmalar

Quyidagi nevrologik kasalliklarni kompleks davolashda qo‘llaniladi:

- uch shoxli nerv nevralgiyasi;

- yuz nervi nevriti;

- umurtqa pog‘onasi kasalliklari tufayli yuzaga keladigan og‘riq sindromi (qovurg‘alararo nevralgiya, lyumboishialgiya, bel sindromi, bo‘yin sindromi, bo‘yin-yelka sindromi, umurtqa pog‘onasining degenerativ o‘zgarishlari tufayli yuzaga keladigan ildiz sindromi);

- turli etiologiyali polineyropatiya (diabetik, alkogol).

Qarshi ko‘rsatmalar

Preparat komponentlariga yuqori sezuvchanlik, dekompensatsiyalangan yurak yetishmovchiligining og‘ir va o‘tkir shakllari, bolalik davri.

Ehtiyotkorlik bilan

Piridoksin (V6) kuniga 100 mg dozada 6 oydan ortiq qo‘llanganda neyropatiya rivojlanishi mumkin.

Qo‘llash usuli va dozalari

Tabletkalarni ovqatdan keyin chaynamay, oz miqdordagi suyuqlik bilan ichish kerak. Kombilen® tabletkasi 1 tabletkadan kuniga 1-3 marta buyuriladi.

Preparatning yuqori dozalari (kuniga 3 tabletka) bilan 4 haftadan ortiq davolash tavsiya etilmaydi. 4 haftalik davolanishdan so‘ng, shifokor preparatni yuqori dozada qabul qilishni davom ettirish zarurligi to‘g‘risida qaror qabul qiladi va dozani kuniga 1 tabletkagacha kamaytirish imkoniyatini ko‘rib chiqadi. Davolash kursi davomiyligi - shifokor tavsiyasiga ko‘ra.

Nojo‘ya ta’sirlari

Jahon sog‘liqni saqlash tashkiloti (JSST) ma’lumotlariga ko‘ra, nojo‘ya ta’sirlar rivojlanish chastotasiga ko‘ra quyidagicha tasniflangan: juda tez-tez (≥1/10), tez-tez (≥1/100, <1/10), tez-tez emas (≥1/1000, <1/100), kamdan-kam (≥1/10000, <1/1000) va juda kamdan-kam (<1/10000); chastotasi noma’lum (hodisalarning paydo bo‘lish chastotasini mavjud ma’lumotlar asosida aniqlab bo‘lmaydi).

Oshqozon-ichak trakti tomonidan

Juda kam hollarda: ko‘ngil aynishi.

Immun tizimi tomonidan

Juda kam hollarda: o‘ta yuqori sezuvchanlik reaksiyalari (qichishish, eshakemi, Kvinke shishi).

Teri va teri osti to‘qimalari tomonidan

Chastotasi noma’lum: ko‘p terlash.

Yurak-qon tomir tizimi tomonidan

Chastotasi noma’lum: taxikardiya.

Agar yo‘riqnomada ko‘rsatilgan nojo‘ya ta’sirlar kuchaysa yoki yo‘riqnomada ko‘rsatilmagan boshqa nojo‘ya ta’sirlarni sezsangiz, bu haqda shifokorga xabar bering.

Dozani oshirib yuborish

Piridoksinning (B6 vitamini) yuqori dozalarini sutkasiga 1 g dan ortiq qabul qilish qisqa muddatli neyrotoksik ta’sirlarning paydo bo‘lishiga olib kelishi mumkin.

Keng terapevtik diapazonni hisobga olgan holda, ichga qabul qilinganda benfotiaminning dozasini oshirib yuborish ehtimoli kam.

Birinchi yordam: oshqozonni yuvish, faollashtirilgan ko‘mir qabul qilish, simptomatik davo tayinlash.

O‘zaro aloqa

Levodopa vitamin B6 ning terapevtik dozalari ta’sirini kamaytiradi. B12 vitamini og‘ir metallar tuzlari bilan sig‘ishmaydi. Etanol tiaminning so‘rilishini keskin kamaytiradi. Preparatni qabul qilish vaqtida tarkibiga B guruhi vitaminlari kiritilgan polivitamin komplekslarini qabul qilish tavsiya etilmaydi.

Maxsus ko‘rsatmalar

Preparat tarkibida 100 mg B6 vitamini mavjud, shu sababli 6 oydan ortiq qo‘llanganda sensor periferik neyropatiya rivojlanishi mumkin. Uzoq muddatli terapiyada bemorning ahvolini nazorat qilish tavsiya etiladi. Periferik sensor neyropatiya belgilari paydo bo‘lganda, dozani o‘zgartirish va zarur bo‘lsa, preparatni qabul qilishni to‘xtatish lozim. Sianokobalamin qabul qilish folat kislotasi yetishmovchiligi alomatlarini yashirishi mumkin.

Homiladorlik va laktatsiya

Homiladorlik va emizish davrida Komblipen® tabs preparatini qo‘llash tavsiya etilmaydi.

Transport vositalari va mexanizmlarini boshqarish qobiliyatiga ta’siri

Transport vositalari haydovchilari va potensial xavfli mexanizmlar bilan ishlovchi shaxslarga Kombilipen tabs preparatini qo‘llash bo‘yicha ogohlantirish to‘g‘risida ma’lumot yo‘q.

Qadoq

Polivinilxlorid plyonkasi va alyuminiy folgasidan yasalgan kontur katakli o‘ramga 15 tadan tabletka solinadi.

1, 2, 3 yoki 4 tadan konturli yacheykali o‘ramlar qo‘llash bo‘yicha yo‘riqnoma bilan birga karton qutiga joylanadi.

Saqlash shartlari

25 °C dan yuqori bo‘lmagan haroratda.

Bolalar qo‘li yetmaydigan joyda saqlang.

Yaroqlilik muddati

2 yil.

Qadoqda ko‘rsatilgan yaroqlilik muddati tugagandan keyin qo‘llanilmaydi.

Dorixonalardan berish shartlari

Retsept bo‘yicha

Ro‘yxatdan o‘tish guvohnomasi egasi

FARMSTANDART -UFA-VITA OAJ Rossiya

Ishlab chiqaruvchi

FARMSTANDART -UFA-VITA OAJ Rossiya