Meteospazmil

Tarkib

1 kapsulada quyidagilar mavjud:

Faol moddalar: alverin sitrat - 60 mg, simetikon - 300 mg.

Yordamchi moddalar: soya letsitini, o‘rtacha zichlikdagi triglitseridlar.

Qobiq tarkibi: jelatina, glitserol, titan dioksidi, tozalangan suv.

Tavsif

Yumshoq, cho‘ziq, och sariq rangli yaltiroq kapsulalar.

O‘lchami 6, tarkibida oq rangli quyuq suspenziya mavjud.

Farmakoterapevtik guruh

Spazmolitik vosita. ATX kodi: A03AX58.

Dori shakli

Kapsulalar.

Farmakologik xususiyatlari

Kombinatsiyalangan preparat. Spazmolitik ta’sir ko‘rsatadi, ichakda gaz hosil bo‘lishini kamaytiradi.

Alverin - miotrop spazmolitik bo‘lib, uning ta’siri atropinga o‘xshash ta’sir yoki gangliobloklovchi faollik bilan birga kechmaydi. Ichak silliq mushaklarining yuqori tonusini pasaytiradi.

Simetikon - past sirt taranglikka ega gidrofob polimer modda bo‘lib, ichakda gaz hosil bo‘lishini kamaytiradi va ovqat hazm qilish kanali devorlarini himoya plyonkasi bilan qoplaydi.

Farmakokinetika

Ichga qabul qilingandan so‘ng oshqozon-ichak traktida so‘riladi va faol metabolit hosil qilib metabolizmga uchraydi. Faol metabolit faol bo‘lmagan modda hosil bo‘lishi bilan keyingi biotransformatsiyaga uchraydi.

Metabolitlar holida siydik bilan faol buyrak sekretsiyasi orqali chiqariladi.

Qo‘llanilishi

Oshqozon-ichak tizimining funksional buzilishlari qorin og‘rig‘i, ko‘p gaz hosil bo‘lishi, kekirish, ko‘ngil aynishi, qabziyat, ich ketishi yoki ularning almashinuvi bilan namoyon bo‘ladi.

Qorin bo‘shlig‘i a’zolarini rentgenologik, ultratovush yoki instrumental tekshirishga tayyorlash.

Qo‘llash usuli va dozalari

Ichkariga. 1 kapsuladan sutkada 2-3 marta ovqatdan oldin.

Qorin bo‘shlig‘i a’zolarini tekshirishga tayyorgarlik ko‘rishda - 1 kapsuladan tekshirish arafasida 2-3 marta va 1 kapsuladan tekshirish kuni ertalab.

Qarshi ko‘rsatmalar

Alverin sitrat va preparatning boshqa tarkibiy qismlarini individual ko‘tara olmaslik.

14 yoshgacha bo‘lgan bolalar.

Nojo‘ya ta’sirlari

Kamdan-kam hollarda davolash to‘xtatilganda yo‘qolib ketadigan eshakyemi, ba’zan hiqildoq shishi yoki anafilaktik shok kuzatilishi mumkin.

Davolash to‘xtatilganda yo‘qolib ketadigan jigar faoliyati buzilishining kam uchraydigan holatlari.

Dorilarning o‘zaro ta’siri

Noma’lum.

Maxsus ko‘rsatmalar

Homiladorlik va emizish

Homiladorlik va emizish davrida qo‘llash tavsiya etilmaydi.

Preparatni bolalar qo‘li yetmaydigan joyda saqlash va yaroqlilik muddati tugagandan keyin ishlatmaslik kerak.

Dozani oshirib yuborish

Dozani oshirib yuborish holatida shifokorga murojaat qilish zarur.

Belgilari: nojo‘ya reaksiyalarning kuchayishi.

Davolash: simptomatik.

Chiqarilish shakli: Kapsulalar. Blisterda 10 tadan kapsula (PVX/alyuminiy), 2, 3 ta blister karton qutida qo‘llash bo‘yicha yo‘riqnoma bilan.

Saqlash shartlari

25 °C dan yuqori bo‘lmagan haroratda.

Yaroqlilik muddati

3 yil.

Dorixonalardan berish shartlari

Retseptsiz.

Ishlab chiqaruvchi

MAYOLI-SPINDLER laboratoriyalari,

6, avenyu de L’Yevropa 78400 Shato, Fransiya.

Preparat sifati bo‘yicha barcha e’tirozlarni yo‘naltirish

O‘zbekiston 100017 Toshkent,

Yunusobod tumani, M-5

"Qiyot" mavzesi, 45-uy, 5-xonadon

Tel.: (+99871) 234-91-88, faks: (+99871) 235-54-94.