Natalsid

Tarkib

Bitta shamchada quyidagilar mavjud:

ta’sir etuvchi modda - natriy alginat (natriy alginat) - 250 mg;

yordamchi moddalar: qattiq yog‘ (Vitepsol (N 15, W 35 markali), Supposir (NA 15, NAS 50 markali))

Tavsif

Jigarrang tusli oq yoki och jigarrang yoki jigarrang tusli och kulrang torpedasimon shakldagi shamchalar uchun shamcha yuzasida karash paydo bo‘lishi va kesimda havo tayoqchasi va voronkasimon chuqurcha bo‘lishiga yo‘l qo‘yiladi.

Chiqarish shakli

Rektal shamchalar 250 mg.

Farmakoterapevtik guruh

Mahalliy qo‘llash uchun gemostatik vosita. Mahalliy qo‘llash uchun gemostatik preparatlar. ATX kodi: B02BC.

Farmakologik xususiyatlari

Farmakodinamika

Preparatning ta’sir etuvchi moddasi - natriy alginat - qo‘ng‘ir dengiz suv o‘tlaridan olinadigan tabiiy polisaxarid. Kuchli gemostatik, yallig‘lanishga qarshi va reparativ ta’sir ko‘rsatadi.

Farmakokinetika

Tavsiflanmagan.

Ko‘rsatmalar

Epitelizatsiya bosqichidagi surunkali anal yoriqlari, surunkali qonaydigan gemorroy, proktosigmoidit va operatsiyadan keyingi davrda to‘g‘ri ichakda yallig‘lanish hodisalari.

Qarshi ko‘rsatmalar

Preparat komponentlariga yuqori sezuvchanlik. Bolalik yoshi (14 yoshgacha).

Homiladorlik va laktatsiya

Natalsid® preparati homiladorlik va emizish davrida qo‘llanilishi mumkin.

Qo‘llash usuli va dozalari

Rektal. Shamchalarni qo‘llashdan oldin ular konturli o‘ramdan bo‘shatiladi.

Shamcha to‘g‘ri ichakka ichak o‘z-o‘zidan bo‘shatilgandan yoki tozalovchi huqna qilingandan keyin yuboriladi.

Kattalar va 14 yoshdan oshgan bolalarga - 1 shamchadan kuniga 2 marta. Natalsid preparati bilan davolash kursining davomiyligi 7-14 kunni tashkil etadi.

Nojo‘ya ta’sirlari

Allergik reaksiyalar bo‘lishi mumkin.

Agar yo‘riqnomada ko‘rsatilgan nojo‘ya ta’sirlarning birortasi kuchaysa yoki yo‘riqnomada ko‘rsatilmagan boshqa nojo‘ya ta’sirlarni sezsangiz, bu haqda shifokorga xabar bering.

Dozani oshirib yuborish

Dozani oshirib yuborish holatlari noma’lum.

Preparatni qo‘llash bo‘yicha yo‘riqnomaga muvofiq qo‘llanganda, dozani oshirib yuborish ehtimoli kam.

O‘zaro aloqa

Klinik ahamiyatga ega dorilarning o‘zaro ta’siri kuzatilmadi.

Transport vositalari va mexanizmlarini boshqarish qobiliyatiga ta’siri

Preparatni qo‘llash transport vositalarini boshqarish, mexanizmlar bilan ishlash qobiliyatiga ta’sir ko‘rsatmaydi.

Qadoq

Polietilen bilan laminatsiyalangan polivinilxlorid plyonkadan yasalgan konturli katakli o‘ramga 5 ta shamcha joylashtiriladi.

Dori vositasini tibbiyotda qo‘llash bo‘yicha yo‘riqnoma bilan birga ikkita konturli yacheykali o‘ram karton qutiga joylangan.

Saqlash shartlari

25 °C dan yuqori bo‘lmagan haroratda.

Bolalar qo‘li yetmaydigan joyda saqlang.

Yaroqlilik muddati

3 yil. Qadoqda ko‘rsatilgan yaroqlilik muddati tugagandan keyin ishlatilmasin.

Dorixonalardan berish shartlari

Retseptsiz.

Ro‘yxatdan o‘tish guvohnomasi egasi

NIJFARM AJ Rossiya.

Ishlab chiqaruvchi

NIJFARM AJ Rossiya.