Neovir

1 мл эритма қуйидагиларни сақлайди:

Фаол модда: натрий оксодигидроакридинилацетати (Неовир^®) - 125 мг.

Ёрдамчи моддалар: натрий цитрати - 2,5 мг; лимон кислотаси моногидрати - 0,5-1,5 мг (рН 7,5-8,3 гача); инъекция учун сув - 1 мл гача.

Тиниқ кўкимтир-сариқ рангли суюқлик.

Мушак ичига юбориш учун эритма.

Иммунитетни рағбатлантирувчи восита. АТХ коди: L03А.

Фармакодинамикаси

Препарат ДНК ва РНК-геномли вирусларга қарши таъсирга эга. Яққол хламидияларга қарши таъсирга эга.

Неовир^® эндоген a, b, g-интерферонлари, айниқса, a-интерфероннинг титрларини тез ошиб боришини чақиради. 250 мг Неовир^®ни мушак ичига юбориш интерфероннинг зардобда аниқланадиган концентрацияси бўйича 6-9 млн ХБ рекомбинант a-интерферонга эквивалент. Интерферонларнинг қондаги фаоллигининг чўққиси 1,5-2 соатдан кейин кузатилади ва у Неовир^® юборилганидан кейин 16-20 соат давомида сақланади. Бунинг натижасида организмда қўзғатувчиларни ва улар шикастланган ҳужайраларни йўқотиш ва чиқарилишига йўналтирилган иммун реакцияларининг каскади индукцияланади. Интерферонни ишлаб чиқарадиган ҳужайралар патологик агент чақирган такрорий индукцияга жавобан интерферонни ишлаб чиқарилишини кучайтириш қобилиятига эга бўлади. Бу хусусияти препарат бекор қилингандан кейин ҳам узоқ вақт сақланиб қолади.

Иммунмодуляторлик таъсири Неовир^®ни ўзак қон яратувчи ҳужайраларни фаоллаштириш, Т-лимфоцитлар субпопуляцияси мувозанатини меъёрлаштириши, иммун тизимининг эффектор бўғимини рағбатлантириш қобилияти билан боғлиқ. Неовир^® макрофаглар ва полиморф ядроли лейкоцитларнинг миграцияси ва фагоцитар фаоллигини кучайтириб, уларнинг функционал фаоллигига яққол рағбатлантирувчи таъсир кўрсатади.

Неовир^® тўқималар ўсишига тузатувчи таъсир кўрсатади: NК-ҳужайраларни фаоллаштиради, цитотоксикликнинг барча шаклларини кучайтиради, ҳужайраларнинг адгезивлигини тикланишига таъсир қилади, уларнинг пролифератив ва метастатик фаоллигини ингибиция қилади.

Фармакокинетикаси

Мушак ичига юборилганида Неовир^®нинг биокираолишлиги 90% дан кўпроқни ташкил қилади. 100-500 мг Неовир^® юборилганидан сўнг, унинг плазмадаги максимал концентрациясига 15-30 минутдан кейин эришилади ва у 8,3 мкл/мл ни ташкил қилади. 5 соатдан кейин қон плазмасида Неовир^®нинг жуда оз миқдори аниқланади, 6 соатдан кейин Неовир^® аниқланмайди.

Неовир^® организмдан ўзгармаган ҳолда буйраклар орқали, метаболизмга учрамасдан чиқарилади, яримчиқарилиш даври 1 соат.

Неовир^® юборилганидан кейин 15-30 минут ўтгач, плазмада эндоген интерферонларининг айниқса илк интерферон α нинг титрини ўсиши бошланади. Плазмада интерферонларнинг миқдорини 2 чўққиси аниқланган: 1,5-2 соатдан кейин 70 ХБ/мл ва 8-10 соатдан кейин 110 ХБ/мл, шундан сўнг интерферонларнинг миқдори пасая бошлайди. 24 соатдан сўнг эндоген интерферонларининг концентрацияси анча юқори даражада бўлиб, юборилганидан кейин 46-48 соат ўтгач дастлабки қийматига қайтади.

Монодаволашда ёки мажмуавий даволаш таркибида қўлланади:

• грипп ва бошқа ўткир респиратор вирусли касалликлар, шу жумладан иммунтанқислик ҳолатлари фонида;
• Herpes simplex, Varicella zoster, Herpes simplex genitalis вируслари чақирган инфекциялар, шу жумладан иммун тизимини бузилишлари бўлган шахсларда;
• иммун танқислиги бўлган шахслардаги цитомегаловирус инфекцияси;
• радиацион иммун танқислиги;
• ОИТВ-инфекцияси;
• вирус этиологияли энцефалитлар ва энцефаломиелитлар;
• ўткир ва сурункали В ва С гепатитлари;
• уретритлар, эпидидимитлар, простатитлар, цервицитлар ва хламидия этиологияли сальпингитлар;
• венерик лимфогранулемалар;
• онкологик касалликлар;
• тарқоқ склероз;
• тери ва шиллиқ қаватларининг кандидозли шикастланиши;
• папилломавирусли инфекциялар.

Грипп ва бошқа ўткир респиратор вирусли касалликларни олдини олишда қўлланади.

Инъекция учун эритма мушак ичига юборилади, бир марталик терапевтик доза 250 мг (1 ампула) ни ёки пациентнинг 1 кг тана вазнига 4-6 мг ни ташкил қилади. Зарурати бўлганида, Неовир^® нинг бир марталик дозаси 500 мг гача оширилиши мумкин.

Агар махсус кўрсатмалар бўлмаса, даволаш курси Неовир^® нинг 250 мг дозадаги, 48 соатлик интервал билан 5-7 мушак ичига юбориладиган инъекцияларидан иборат, курслик доза эса, касалликнинг клиник манзарасига боғлиқ. Даволаш курсининг давомийлиги 8-12 кун. Олдини олувчи доза 250 мг (1 ампула) ни ёки ҳар 1 кг тана вазнига 4-6 мг ни ташкил қилади. Узоқ вақт қўлланганида Неовир^®ни юборишлар орасидаги тавсия этилган интервал 3-7 сутка.

ОИТВ-инфекциясида инъекция учун Неовир^® эритмаси махсус вирусларга қарши препаратлар билан мажмуада қўлланади. Даволаш курси, инъекциялар орасида 48 соатлик интервал билан, 250 мг дан 10 инъекциядан иборат. Курсдан сўнг 2 ойлик танаффус қилинади. Кўрсатмалар бўйича такрорий курсларни қўллаш мумкин.

Якка ҳолларда тери тошмалари кўринишидаги аллергик реакциялар пайдо бўлиши мумкин. Субфебрил ҳарорати, аллергик реакциялар, препарат юборилган жойда локал тез ўтувчи оғриқ бўлиши мумкин. Ёмон ўзлаштирилганида ёки юборилган жойда оғриқ бўлганида Неовир^®ни маҳаллий анестетикнинг эритмаси билан бирга юбориш тавсия қилинади (2 мл 0,25-0,5% ли прокаин эритмаси).

Препаратни шахсий ўзлаштираолмаслик. Буйраклар фаолиятининг яққол етишмовчилиги (креатинин клиренси минутига 30 мл дан кам). Аутоиммун касалликлар. Ҳомиладорлик ва лактация, 18 ёшгача бўлган болалар.

Эҳтиёткорлик билан

Кекса ёшли пациентларда қўллаш керак.

Физик-кимёвий номутаносиблик ва бошқа ножўя ўзаро таъсири турлари аниқланмаган.

Препаратни юқори диққат ва тезкор реакцияларни талаб қилувчи потенциал хавфли фаолият турларини (автомобилни ва бошқа транспорт воситаларини бошқариш, ҳаракатланувчи механизмлар билан ишлаш, диспетчер, операторнинг иши ва шу кабилар) бажаришга бўлиши мумкин бўлган салбий таъсирлари тўғрисида маълумотлар йўқ.

Ҳомиладорликда ва эмизиш даврида қўлланиши

Неовир^® ни ҳомиладорлик ва лактация даврида қўллашнинг хавфсизлиги ўрганилмаган, шунинг учун ҳомиладорлик ва эмизиш даврида препаратни қўллаш мумкин эмас.

Препарат болалар олаолмайдиган жойда сақлансин ва яроқлилик муддати ўтгач қўлланилмасин.

Неовир^® нинг дозасини ошириб юборилиш ҳоллари таърифланмаган.

Мушак ичига юбориш учун эритма 250 мг/2 мл ёруғликдан ҳимояловчи шиша ампулаларда 2 мл дан; 3, 5 ампуладан поливинилхлорид плёнка контур уяли ўрамда; 1 контур уяли ўрамдан тиббиётда қўллаш бўйича йўриқномаси билан картон қутида.

Қуруқ, ёруғликдан ҳимояланган жойда, 15 дан 25 °C гача ҳароратда.

Неовир^® эритмасини сутсимон-оқ ранггача лойқаланиши сақлаш шароитининг бузилганлигини ва қўллашга яроқсизлигини билдиради.

3 йил.

Рецепт бўйича.

ФДБУ «Российский кардиологический научно-производственный комплекс» Россия соғлиқни сақлаш ижтимоий ривожланиш вазирлиги - Тиббий-биологик препаратларни экспериментал ишлаб чиқариш корхонаси.

Россия, 121552, Москва ш.,

3-Черепковская кўч., 15-а уй.

Тел./факс: (095) 149-02-13

Қўшимча маълумот олиш ёки рекламация юбориш учун:

“Фармсинтез” ОАЖ, Россия

197110, Санкт-Петербург ш.,

Красный Курсант кўч., 25, литера Ж,

БЦ IT Парк

Тел. (812) 329-80-80

Факс (812) 329-80-89.