Pilokarpin

Tarkib

Ta’sir etuvchi modda: pilokarpin gidroxlorid - 10 mg;

yordamchi moddalar: borat kislotasi - 19 mg, inyeksiya uchun suv - 1 ml gacha.

Tavsif

Tiniq, rangsiz suyuqlik.

Chiqarish shakli

Ko‘z tomchilari, 1%.

Farmakoterapevtik guruh

Glaukomaga qarshi vosita - m-xolinomimetik. Pilokarpin. ATX kodi: S01EB01.

Farmakologik xususiyatlari

Farmakodinamika

M-xolinstimullovchi vosita, miotik va glaukomaga qarshi ta’sir ko‘rsatadi. Ovqat hazm qilish, bronxlar va ter bezlari sekretsiyasini, bronxlar, ichaklar, o‘t va siydik pufagi, bachadon silliq mushaklari tonusini oshiradi.

Sirkulyar (mioz) va siliar mushaklarning qisqarishini (akkomodatsiya spazmi) chaqiradi, ko‘zning oldingi kamerasi burchagini kattalashtiradi (rangdor parda ildizi tortiladi), trabekulyar soha o‘tkazuvchanligini oshiradi (trabekula tortiladi va shlem kanalining bloklangan qismlari ochiladi), ko‘zdan suvli namlikning oqib chiqishini yaxshilaydi va pirovardida ko‘z ichki bosimini pasaytiradi.

Birlamchi ochiq burchakli glaukomada 1% li eritma instillyatsiyasi ko‘z ichki bosimini 25-26% ga pasaytiradi.

Ta’sir 30-40 daqiqadan so‘ng boshlanadi, 1,5-2 soatdan so‘ng maksimal darajaga yetadi va 4-14 soat davom etadi.

Farmakokinetika

Shox pardaga yaxshi kiradi. Konyunktiva xaltasida deyarli so‘rilmaydi va rezorbtiv ta’sir ko‘rsatmaydi.

Ko‘z ichi suyuqligida maksimal konsentratsiyaga erishish uchun zarur bo‘lgan vaqt - 30 daqiqa.

Ko‘z to‘qimalarida ushlanib qoladi, bu esa uning yarim chiqarilish davrini uzaytiradi, bu davr 1,5-2,5 soatni tashkil etadi.

Ko‘z ichi suyuqligi bilan o‘zgarmagan holda chiqariladi.

Ko‘rsatmalar

Yopiq burchakli glaukomaning o‘tkir xuruji;

ikkilamchi glaukoma;

birlamchi ochiq burchakli glaukoma (monoterapiya sifatida va beta-adrenoblokatorlar yoki ko‘z ichki bosimini pasaytiruvchi boshqa dorilar bilan birgalikda);

midriatiklar instillyatsiyasidan so‘ng ko‘z qorachig‘ini toraytirish zarurati tug‘ilganda (yuqori darajadagi miopiyasi bo‘lgan shaxslardan tashqari).

Qarshi ko‘rsatmalar

Preparat komponentlariga individual sezuvchanlik, irit, siklit, iridotsiklit, keratit, oftalmologik operatsiyalardan keyingi holat va qorachiq torayishi nomaqbul bo‘lgan boshqa ko‘z kasalliklari.

Ehtiyotkorlik bilan

Anamnezida to‘r parda ko‘chishi bo‘lgan bemorlarda va yuqori darajadagi miopiyasi bo‘lgan yosh bemorlarda.

Homiladorlik va laktatsiya

Agar kutilgan terapevtik samara mumkin bo‘lgan nojo‘ya ta’sirlar rivojlanish xavfidan yuqori bo‘lsa, Pilokarpinni davolovchi shifokor ko‘rsatmasiga ko‘ra bolalar, homilador va emizikli onalarni davolash uchun qo‘llash mumkin.

Qo‘llash usuli va dozalari

Zararlangan ko‘zning konyunktiva xaltasiga 1-2 tomchidan kuniga 1-3 mahal tomiziladi.

Instillyatsiyalar soni ko‘rsatmalarga va bemorning individual sezuvchanligiga qarab o‘zgarishi mumkin.

Qadoq

5 ml yoki 10 ml dan tomizgichli tiqinli va burab qo‘yiladigan qopqoqli polietilen flakonlarga (polimer flakon-tomizgich). Har bir flakon qo‘llanilishi bo‘yicha yo‘riqnoma bilan karton qutida.

Qo‘llash bo‘yicha 5 ta yo‘riqnomaga ega karton qutilarga 50 tadan flakon (statsionar uchun).

Saqlash shartlari

Yorug‘likdan himoyalangan joyda, 8 dan 15 °C gacha bo‘lgan haroratda.

Bolalar qo‘li yetmaydigan joyda saqlang.

Yaroqlilik muddati

2 yil.

Flakon ochilgandan so‘ng 1 oy davomida ishlatiladi.

Qadoqda ko‘rsatilgan yaroqlilik muddati tugagandan keyin ishlatilmasin.

Dorixonalardan berish shartlari

Retsept bo‘yicha.

Ro‘yxatdan o‘tish guvohnomasi egasi

SINTEZ OAJ Rossiya.

Ishlab chiqaruvchi

SINTEZ OAJ Rossiya.