Stomatidin

Tarkib

Ta’sir etuvchi modda: geksetidin;

1 ml suyuqlik tarkibida: geksetidin 1 mg.

Yordamchi moddalar: propilenglikol, limon kislotasi monogidrati, natriy saxarin, mentol, metilsalitsilat, azorubin (E 122), etanol 96%, tozalangan suv.

Dori shakli

Og‘iz bo‘shlig‘i uchun suyuqlik.

Asosiy fizik-kimyoviy xossalari: tiniq qizil rangli eritma.

Farmakoterapevtik guruh

Stomatologiyada mahalliy qo‘llash uchun mikroblarga qarshi va antiseptik preparatlar. ATX kodi: A01AV12.

Farmakologik xususiyatlari

Farmakodinamika

Geksetidin keng ta’sir doirasiga ega bo‘lgan mikroblarga qarshi vosita hisoblanadi. Bu vosita grammusbat va grammanfiy bakteriyalarga, shuningdek, achitqilar (Candida Albicans va zamburug‘lar) ga qarshi in vivo va in vitro sharoitlarda samarali hisoblanadi. Geksetidinning antibakterial samaradorligi uning bakteriyalar va zamburug‘larning o‘sishi uchun zarur bo‘lgan tiamin aminokislotasiga nisbatan antimetabolik ta’siri bilan bog‘liq.

Farmakokinetika

Geksetidin bir marta chayilgandan so‘ng og‘iz bo‘shlig‘i va tomoq shilliq qavatida va tish karashida 8-10 soat, ayrim hollarda uzoq vaqt (65 soatgacha) saqlanadi.

Stomatidin®0,1% eritmasi dori vositasini mahalliy qo‘llashda geksetidinning absorbsiyasi bo‘yicha odamlarda tadqiqotlar o‘tkazilmagan.

Buyrak/jigar yetishmovchiligida va keksa yoshdagi bemorlarda Stomatidin® 0,1% eritmasi yoki geksetidin dori vositasi uchun maxsus tadqiqotlar o‘tkazilmagan.

Ko‘rsatmalar

Og‘iz bo‘shlig‘ining kichik infeksiyalari, shu jumladan gingivitning oldini olish va davolash uchun yordamchi vosita sifatida kandidoz; tomoq og‘rig‘i va qaytalanuvchi aftoz yaralarni davolashda; og‘izdan noxush hidni yo‘qotish uchun; stomatologik jarrohlik amaliyotlaridan oldin va keyin.

Qarshi ko‘rsatmalar

Geksetidinga yoki preparatning yordamchi komponentlariga yuqori sezuvchanlik;

atrofik faringit;

bronxial astma yoki nafas yo‘llarining yuqori sezuvchanligi bilan bog‘liq bo‘lgan har qanday boshqa nafas yo‘llari kasalliklari bilan og‘rigan bemorlarga. Nafas olish bronxlar torayishiga olib kelishi mumkin.

Boshqa dori vositalari bilan o‘zaro ta’siri va boshqa turdagi o‘zaro ta’sirlar

Boshqa antiseptik dori vositalari bilan o‘zaro ta’sirlashishi mumkin. Geksetidin ishqoriy eritmalar bilan inaktivlangan bo‘lishi mumkin.

Qo‘llash xususiyatlari

Stomatidin®ni epilepsiya bilan og‘rigan bemorlarda ehtiyotkorlik bilan qo‘llash lozim. Preparat epileptik bo‘sag‘ani kamaytirishi va bolalarda tutqanoq chaqirishi mumkin.

Allergik reaksiyalar, shu jumladan bronxial astma bilan og‘rigan bemorlarga, ayniqsa atsetilsalitsil kislotasiga allergiyasi bo‘lgan bemorlarga ehtiyotkorlik bilan qo‘llash lozim.

Yallig‘lanish kuchayganda dori vositasini qo‘llashni to‘xtatish va shifokorga murojaat qilish lozim.

Dori vositasiga nisbatan o‘ta sezuvchanlik belgilari paydo bo‘lganda, uni qo‘llashni darhol to‘xtatish lozim.

Dori vositasini qo‘llashda nafas olmaslik kerak, chunki eritma nafas yo‘llariga tushib, laringospazmni keltirib chiqarishi mumkin.

Yordamchi moddalar:

Levomentol. Levomentol mavjudligi sababli bolalarda laringospazm paydo bo‘lish xavfi mavjud.

Etil spirti (etanol). Dori vositasi tarkibida 10% etanol mavjud, shuning uchun uni jigar kasalliklari bo‘lgan bemorlarga ehtiyotkorlik bilan buyurish lozim.

Azorubin (E122). Allergik reaksiyani keltirib chiqarishi mumkin (bu dori vositasi tasodifan yutib yuborilganda muhimdir).

Uzoq muddat qo‘llash tavsiya etilmaydi (shifokor tavsiyasisiz 10 kundan ortiq qo‘llanilmaydi).

Homiladorlik va emizish davrida qo‘llash

Homiladorlik va emizish davrida ayollarga geksetidinni qo‘llash bo‘yicha tegishli va yaxshi nazorat qilinadigan klinik tadqiqotlar o‘tkazilmagan. Geksetidin yoki uning metabolitlari ona sutiga ajralib chiqishi noma’lum. Geksetidinning ozgina miqdori tizimli so‘riladi. Homiladorlik va emizish davrida geksetidinni qo‘llash homila yoki bola uchun xavf tug‘dirishi dargumon.

Biroq, geksetidin homiladorlik va emizish davrida qo‘llanilmasligi kerak, agar davolanishning ona uchun potentsial foydasi homila yoki bolaning rivojlanishi uchun mumkin bo‘lgan xavflardan oshib ketmasa.

Transport yoki boshqa mexanizmlarni boshqarishda reaksiya tezligiga ta’sir qilish qobiliyati

Dori vositasi tarkibida etanol mavjud. Haydovchilarga preparatni qo‘llagandan so‘ng 30 daqiqa davomida avtomobilni boshqarish tavsiya etilmaydi.

Qo‘llash usuli va dozalari

Stomatidin®, 0,1% li eritma, og‘iz bo‘shlig‘ida mahalliy qo‘llash uchun mo‘ljallangan.

Og‘izni yoki tomoqni 15 ml suyultirilmagan eritma bilan 1/2 daqiqa davomida sutkada 2-3 marta chayish kerak.

Preparatni yutmaslik kerak.

Chayish uchun suyultirilmagan eritmadan foydalaning.

Davolash davomiyligini shifokor kasallikning og‘irlik darajasi va kechish xususiyatlariga qarab belgilaydi.

Uzoq davom etadigan alomatlarni davolash uchun qo‘llanilmaydi.

Bolalar

Preparatni 6 yoshgacha bo‘lgan bolalarni davolash uchun qo‘llash tavsiya etilmaydi.

Dozani oshirib yuborish

Geksetidin tavsiya etilgan dozada zaharli emas. Geksetidinni haddan tashqari ko‘p qo‘llash natijasida allergik reaksiyalar yuzaga kelgan holatlar haqida ma’lumotlar yo‘q.

Preparat tarkibida etil spirti bo‘lganligi sababli, eritma og‘iz bo‘shlig‘iga qo‘llanganda uning ma’lum miqdori so‘rilishi mumkin. O‘tkir alkogoldan zaharlanish ehtimoli juda kam, ammo nazariy jihatdan kichik bola tomonidan katta dozada preparat yutilganda sodir bo‘lishi mumkin.

Dozani oshirib yuborishning har qanday holatida darhol shifokor bilan maslahatlashish kerak. Alkogol intoksikatsiyasidagi kabi simptomatik terapiya o‘tkazish, garchi bunday davolash kamdan-kam hollarda zarur bo‘lsa-da. Me’dani yuvish me’yordan ortiq dozani yutgandan keyin 2 soat davomida maqsadga muvofiqdir.

Bolalar qo‘li yetmaydigan joyda saqlang. Dozani oshirib yuborish holatida darhol tibbiy yordamga murojaat qilish lozim.

Salbiy ta’sirlar

Stomatidin® odatda uzoq vaqt qo‘llanilganda ham yaxshi o‘zlashtiriladi.

Immun tizimi tomonidan: yuqori sezuvchanlik reaksiyalari, shu jumladan eshakem, angionevrotik shish, laringospazm, bronxospazm.

Nerv tizimi tomonidan: agevziya, disgevziya, ta’m bilishning 48 soat davomida o‘zgarishi ("shirin" hissi ikki marta "achchiq" hissiga o‘zgarishi mumkin).

Nafas tizimi tomonidan: yo‘tal, hansirash, laringospazm.

Ovqat hazm qilish tizimi tomonidan: og‘iz qurishi, disfagiya, so‘lak bezlarining kattalashishi, yutishda og‘riq. Dori vositasi tasodifan yutib yuborilganda, oshqozon-ichak tizimi buzilishlari, ayniqsa ko‘ngil aynishi va qusish holatlari yuzaga kelishi mumkin.

Teri va teri osti kletchatkasi tomonidan: allergik kontakt dermatit, angionevrotik shish.

Umumiy buzilishlar va qo‘llash joyining holati: mahalliy reaksiyalar, shu jumladan tishlar va til rangining teskari o‘zgarishi; shilliq qavatning sezuvchanligi (achishish, uvishish hissi), til va/yoki og‘iz bo‘shlig‘i shilliq qavatining ta’sirlanishi (og‘riq, issiqlik hissi, qichishish); sezuvchanlikning pasayishi; shilliq qavat paresteziyalari; yallig‘lanishlar; pufakchalar; shilliq qavatda yaralar paydo bo‘lishi.

Dori vositasi tarkibida azorubin mavjud, shuning uchun u allergik reaksiyalarni, jumladan bronxial astmani, ayniqsa atsetilsalitsil kislotasiga allergiyasi bo‘lgan bemorlarda keltirib chiqarishi mumkin.

Tibbiyot xodimlari, bemorlar va farmatsevtlardan nojo‘ya ta’sirlar mavjudligi yoki terapevtik ta’sir yo‘qligi haqidagi har qanday shubha haqida Bosnalek d. d. vakolatxonasi manziliga xabar berishlarini so‘raymiz.

Yaroqlilik muddati

2 yil.

Saqlash shartlari

Bolalar qo‘li yetmaydigan joyda, 25 °C dan yuqori bo‘lmagan haroratda saqlang. Muzlatmang.

Qadoq

Flakonda 200 ml dan, karton qutida 1 flakon.

Ta’til toifasi

Retseptsiz.

Ishlab chiqaruvchi / ariza beruvchi

Bosnalek d. d.

Manzil

71000, Sarayevo, Yukicheva, 53, Bosniya va Gersegovina.