Sulfargin

Tarkib

1 g surtmada quyidagilar mavjud:

ta’sir etuvchi modda: kumush sulfadiazin - 10 mg;

yordamchi moddalar: suyuq parafin - 230 mg; propilenglikol - 100 mg; setostearil spirti - 60 mg; glitseril monostearat 40-55 - 30 mg; polisorbat-80 - 20 mg; metilparagidroksibenzoat - 0,80 mg; propilparagidroksibenzoat - 0,20 mg; tozalangan suv - 1 g gacha.

Tavsif

Oq yoki deyarli oq rangli, o‘ziga xos hidli surtma.

Chiqarish shakli

Sirtga qo‘llash uchun surtma, 1%.

Farmakoterapevtik guruh

Mikroblarga qarshi vosita - sulfanilamid. Kumush sulfadiazini. ATX kodi: D06BA01.

Farmakologik xususiyatlari

Farmakodinamika

Sulfadiazin - sulfanilamidlar guruhiga mansub keng ta’sir doirasiga ega bo‘lgan mikroblarga qarshi bakteritsid vositadir.

Preparat grammusbat va grammanfiy bakteriyalar Escherichia coli, Proteus spp., Staphylococcus spp., Klebsiella spp.

Surtmaning bakteritsid xususiyatlari kumush ionlarining faolligi bilan bog‘liq bo‘lib, ular sulfadiazinning kumush tuzi dissotsiatsiyasi natijasida jarohatda ajralib chiqadi; kumush ionlarining ajralishi asta-sekin (o‘rtacha dissotsiatsiya) sodir bo‘ladi va mikroblarga qarshi ta’sirning doimiyligini ta’minlaydi. Kumush ionlarining bakteritsid faolligi sulfadiazinning (kumush tuzi dissotsiatsiyalanishi jarayonida ham ajralib chiqadigan sulfadiazinning) bakteriostatik ta’siri bilan to‘ldiriladi.

Preparat o‘rtacha osmotik faollik bilan tavsiflanadi va nekrolitik xususiyatlarga ega emas.

Farmakokinetika

Jarohat yuzasiga surtilganda, periferik va tizimli qon oqimiga taxminan 10% sulfadiazin va 1% kumush so‘riladi. Katta jarohat yuzasiga surtilganda, sulfadiazinning qondagi konsentratsiyasi 10-20 mkg/ml gacha ko‘tariladi.

Ko‘rsatmalar

Infeksiyalangan yuzaki yaralar va kuchsiz ekssudatsiyali kuygan yuzalar, yotoq yaralar, shilinishlar, teri yaralari, terining ko‘chirib o‘tkazilgan qismlarini davolash; shuningdek, ularning infeksiyalanishining oldini olish.

Qarshi ko‘rsatmalar

Homiladorlik, laktatsiya, 1 yoshgacha bo‘lgan bolalar; glyukoza-6-fosfatdegidrogenazaning yaqqol yetishmovchiligi va sulfanilamid preparatlariga yuqori sezuvchanlik.

Preparatni chuqur yiringli yaralarni va ko‘p miqdorda ekssudatsiya chiqadigan kuygan yuzalarni davolash uchun qo‘llash mumkin emas.

Ehtiyotkorlik bilan

Buyrak/jigar yetishmovchiligi, glyukoza-6-fosfatdegidrogenaza yetishmovchiligi (gemoliz rivojlanish xavfi).

Ko‘rsatilgan kasalliklar mavjud bo‘lgan taqdirda, preparatni qo‘llashdan oldin shifokor bilan maslahatlashish zarur.

Qo‘llash usuli va dozalari

Tashqariga.

Jarohatga jarrohlik ishlovi berilib, nekrotik to‘qimalar olib tashlangandan so‘ng, jarohatlangan yuzaga kuniga 1-2 marta yupqa qatlam (2-4 mm) qilib (bog‘lam ostida yoki ochiq usulda) malham surtiladi.

Surtmani teriga surtish og‘riqsiz bo‘lib, surtma kiyim va belyolarni ifloslantirmaydi. Maksimal bir martalik doza - 300 g. Davolash davri individual bo‘lib, kasallikning xususiyati va qo‘llanilayotgan davolash samaradorligiga bog‘liq, umumiy hollarda 3 haftagacha davom etadi.

Agar siz preparatni qo‘llashni unutgan bo‘lsangiz

Agar siz preparatni qo‘llashni unutgan bo‘lsangiz, uni iloji boricha tezroq ishlating va odatdagidek qo‘llashni davom ettiring. Agar preparatni qo‘llashning oldingi vaqti o‘tkazib yuborilgan bo‘lsa, ikki martalik dozani qo‘llamang.

Preparatni qabul qilish fonida kasallik belgilari saqlanib qolsa yoki ahvol yomonlashsa, bu haqda davolovchi shifokorga xabar berish lozim.

Nojo‘ya ta’sirlari

Nojo‘ya reaksiyalarning rivojlanish chastotasi Jahon sog‘liqni saqlash tashkiloti tavsiyalariga muvofiq tasniflangan: juda tez-tez (≥1/10), tez-tez (≥1/100, <1/10), tez-tez emas (≥1/1000, <1/100), kamdan-kam (≥1/10000, <1/1000), juda kam, shu jumladan alohida xabarlar (<1 /10000).

Qon va limfa tizimidagi buzilishlar:

Kamdan-kam hollarda: leykopeniya, bu asosan neytrofillar sonining kamayishi bilan tavsiflanadi. Leykotsitlar sonining maksimal pasayishi davolash boshlanganidan keyin 2-4 sutkada kuzatiladi; leykotsitlar sonining me’yorlashuvi 2-4 sutkada kuzatiladi, bunda preparat bilan davolashni davom ettirish leykotsitlar sonining tiklanish jarayoniga ta’sir ko‘rsatmaydi.

Teri va teri osti to‘qimalaridagi buzilishlar:

Kamdan-kam: teri allergik reaksiyalari, teri pigmentatsiyasining buzilishi.

Kiritish joyidagi umumiy buzilishlar va buzilishlar:

Juda kam hollarda: surtilgan joyda achishish va qichishish kuzatiladi.

Katta jarohat yuzalarida uzoq muddat qo‘llanganda: sulfanilamid dori vositalariga xos bo‘lgan tizimli nojo‘ya ta’sirlar.

Immun tizimi tomonidan yuzaga keladigan buzilishlar:

Kamdan-kam: allergik reaksiyalar.

Qon va limfa tizimidagi buzilishlar:

Kamdan-kam hollarda: qon yaratilishining buzilishi (agranulotsitoz, aplastik va gemolitik kamqonlik, trombotsitopeniya, leykopeniya).

Oshqozon-ichak tizimidagi buzilishlar:

Ko‘pincha: dispepsiya.

Jigar va o‘t yo‘llari tomonidan buzilishlar:

Kamdan-kam: gepatit, gepatotsellyulyar nekroz.

Buyrak va siydik ajratish tizimidagi buzilishlar:

Kamdan-kam: toksik nefroz.

Markaziy asab tizimi faoliyatining buzilishi, buyrak va siydik ajratish tizimi tomonidan buzilishlar (interstitsial nefrit), teri va teri osti to‘qimalari tomonidan buzilishlar (teri nekrozi, ko‘p shaklli eritema, Stivens-Jonson sindromi va eksfoliativ dermatit) haqida alohida ma’lumotlar mavjud.

Preparatning so‘rilish darajasi kuyish yuzasining o‘lchamiga va to‘qimalarning shikastlanish darajasiga bog‘liq.

Ushbu yo‘riqnomada ko‘rsatilmagan nojo‘ya ta’sirlar paydo bo‘lganda, preparatni qabul qilishni to‘xtatish va bu haqda davolovchi shifokorga xabar berish lozim.

Dozani oshirib yuborish

Katta kuyish yuzalarini uzoq vaqt davolashda sulfanilamidlar qon plazmasida tizimli davolashdagi kabi konsentratsiya qiymatlariga erishishi mumkin, bu esa dozani oshirib yuborish belgilarini belgilaydi: ko‘ngil aynishi, jigar faoliyatining buzilishi, kristalluriya, buyrak faoliyatining buzilishi, leykopeniya.

Davolash simptomatik.

O‘zaro aloqa

Surtmaning ta’sir etuvchi moddasi kumush sulfadiazin jarohatni tozalash uchun qo‘llaniladigan ferment preparatlarini inaktivatsiya qilishi mumkin, shuning uchun bu preparatlarni bir vaqtda qo‘llash maqsadga muvofiq emas.

Maxsus ko‘rsatmalar

Jigar va/yoki buyrak yetishmovchiligi bo‘lgan bemorlarni davolashda plazmadagi sulfanilamidlar konsentratsiyasini muntazam ravishda nazorat qilib borish zarur.

Kumush tuzlari havo kislorodi, metallar va boshqa kimyoviy komponentlar bilan reaksiyaga kirishib, ayniqsa katalizlovchi issiqlik ta’sirida qorayadi, shuning uchun preparat yopiq idishda va issiqlik manbalaridan uzoqda saqlanishi kerak.

Preparat bilan ishlov berilgan tana qismlarini to‘g‘ridan-to‘g‘ri quyosh nurlari ta’siridan saqlash tavsiya etiladi.

Preparatni qo‘llashda uning ko‘zga tushishidan saqlanish kerak.

Ishlatilmagan preparat va qadoqni oqova suvlar yordamida yoki maishiy chiqindilar bilan birga utilizatsiya qilish mumkin emas. Dori preparatlarining atrof-muhitga tushishi iloji boricha kamaytirilishi kerak.

Homiladorlik va laktatsiya

Preparatni homiladorlik va emizish davrida qo‘llash mumkin emas.

Transport vositalari va mexanizmlarini boshqarish qobiliyatiga ta’siri

Preparat transport vositalarini boshqarish va diqqatning yuqori konsentratsiyasini va psixomotor reaksiyalarning tezligini talab qiladigan boshqa potensial xavfli faoliyat turlari bilan shug‘ullanish qobiliyatiga ta’sir qilmaydi.

Qadoq

15 g, 30 g va 50 g dan (ishlab chiqaruvchi Tallin farmatsevtika zavodi AJ uchun) yoki 50 g dan (ishlab chiqaruvchi "Grindeks" AJ uchun) ichki yuzasi lok bilan qoplangan, og‘zida himoya alyuminiy membranasi va plastmassadan yasalgan burab o‘rnatiladigan bushonda membranani teshish uchun konussimon moslamasi bo‘lgan alyuminiy naychada. Tuba qo‘llash bo‘yicha yo‘riqnoma bilan birga quticha shaklidagi karton qutiga joylashtiriladi. Qadoqda birinchi ochishni nazorat qilish uchun stiker bo‘lishi mumkin.

Statsionarlar uchun: 800 g dan (ishlab chiqaruvchi Tallin farmatsevtika zavodi AJ uchun) plastmassa bankada, sirti laminatsiyalangan karton ichki qistirmali burama qopqoq bilan yopiladi. Bankaga birinchi ochishni nazorat qilish uchun stiker tushirilishi mumkin. Qo‘llash bo‘yicha yo‘riqnomali bankalar guruhli o‘ramga joylashtiriladi.

Saqlash shartlari

Surtmani tubalarda 25 °C dan yuqori bo‘lmagan haroratda saqlang.

Zich yopiladigan bankalardagi surtmani yorug‘likdan himoyalangan joyda, 25 °C dan yuqori bo‘lmagan haroratda saqlang.

Bolalar qo‘li yetmaydigan joyda saqlang.

Yaroqlilik muddati

2 yil.

Qadoqda ko‘rsatilgan yaroqlilik muddati tugagandan so‘ng qo‘llanilmaydi.

Dorixonalardan berish shartlari

Retseptsiz.

Ro‘yxatdan o‘tish guvohnomasi egasi

GRINDEKS AJ Latviya.

Ishlab chiqaruvchi

GRINDEX AO Latviya.

TALLINNA FARMAATSIATEHASE A S Estoniya.