Tirozur

Tarkib

1 g gel tarkibida quyidagilar mavjud:

Faol moddasi: 1 mg tirotritsin.

Yordamchi moddalar: setilpiridin xlorid, propilenglikol, etanol 96%, karbomer, trometamol, tozalangan suv.

Tavsif

Rangsiz, tovlanuvchi, yopishqoq gel.

Chiqarish shakli

Tubalarda 5 g yoki 25 g gel; karton qutida qo‘llash bo‘yicha yo‘riqnoma bilan birga 1 ta tuba.

Farmakoterapevtik guruh

Mahalliy qo‘llash uchun antibiotik.

Farmakologik xususiyatlari

Tirotritsin antibakterial faollikka ega bo‘lgan turli siklik va chiziqli polipeptidlarning birikmasi bo‘lib, anaerob spora hosil qiluvchi Bacillus brevis ning endotoksinidir. Bu birikma tarkibida 70-80% gacha tirotsidinlar (asosiy siklik dekapeptidlar) va 20-30% gacha gramitsidinlar (neytral chiziqli pentadekapeptidlar) mavjud.

Asosan grammusbat Staphylococcus aureus bakteriyalariga (shu jumladan metitsillinga chidamli va sezgir shtammlarga), Staphylococcus haemolyticus, Streptococcus pyogenes, Streptococcus viridans, Enterococcus faecalis, Diplococcus pneumoniae, Corynebacterium spp, Neisseria meningitides, Neisseria gonorrhoeae ning ba’zi shtammlariga, trixomonadalarga, shuningdek, ba’zi grammusbat bakteriyalar va zamburug‘larning ba’zi turlariga, shu jumladan Candida ga nisbatan faol.

Tirotritsin Clostridium kabi mikroorganizmlarga dozaga bog‘liq bakteriostatik yoki bakteritsid ta’sir ko‘rsatadi.

Tirotsidinning ta’siri bakteriya hujayralaridan azot va fosfat kabi moddalarni ajratib olish orqali amalga oshadi. Tirotsidin ham kationli detergentlarga o‘xshab bakteriya hujayralari membranasini yemiradi. Preparat bakteriya hujayra devoriga to‘g‘ridan-to‘g‘ri ta’sir ko‘rsatishi hisobiga hujayralarning o‘sishi yoki bo‘linishini to‘xtatadi, bu esa tirotsidinning bakteritsid ta’sirini keltirib chiqaradi.

Bundan tashqari, gramitsidinlar bakteriyalarning hujayra membranasida kation kanallarini hosil qiladi, bu esa ularning kaliyni yo‘qotishiga va natijada hujayra ichidagi ionlar konsentratsiyasining o‘zgarishiga hamda sitolizga olib keladi. Gramitsidin kabi komponent keyinchalik hujayra nafas olish zanjirida fosforlanish jarayonlarining uzilishiga olib keladi.

Tirotritsinning o‘ziga xos ta’sir mexanizmi tufayli, tizimli antibiotiklardan farqli o‘laroq, o‘zaro chidamlilik yuzaga kelmaydi.

Preparat jarohat tubini tozalash, granulyatsiya va epitelizatsiya jarayonlarini rag‘batlantirish orqali jarohatlarning bitish jarayonini tezlashtiradi.

Qo‘llanilishi

Kichik ekssudat ajralishi va tirotritsinga sezgir patogen mikroorganizmlar keltirib chiqaradigan superinfeksiya mavjud bo‘lgan yuzaki jarohatlar.

Qo‘llash usuli va dozalari

Gel terining zararlangan sohalariga kuniga 2-3 marta yupqa qatlam qilib surtiladi. Tananing ochiq joylarini, kichik yaralar va yallig‘lanishlarni yopish shart emas. Katta jarohatlar yoki ho‘l yaralarda himoya bandajini taqish tavsiya etiladi, uni har 1-2 kunda almashtirish zarur.

Davolashning davomiyligi individual belgilanadi.

Qarshi ko‘rsatmalar

Preparat komponentlariga yuqori sezuvchanlik.

Nojo‘ya ta’sirlari

Allergik reaksiyalar (achishish hissi) bo‘lishi mumkin.

Dorilarning o‘zaro ta’siri

Noma’lum.

Maxsus ko‘rsatmalar

Preparatni ko‘z atrofiga qo‘llashda ehtiyot bo‘lish lozim, chunki bu achishish hissini keltirib chiqarishi mumkin. Tirozur geli tarkibida terini ta’sirlantirishi mumkin bo‘lgan polietilenglikol mavjud.

Preparat bilan davolangandan bir hafta o‘tgach, ahvol yaxshilanmasa, davolash taktikasini o‘zgartirish lozim. Iloji bo‘lsa, patogen mikroorganizmlarni aniqlash.

Intranazal qo‘llash uchun mo‘ljallanmagan; bunday qo‘llash usuli hid bilishning buzilishiga olib kelishi mumkinligi haqida xabarlar mavjud.

Zarurat tug‘ilganda Tirozur gelini har qanday yoshdagi bolalarga qo‘llash mumkin.

Homiladorlik va laktatsiya davrida qo‘llash

Preparatni homiladorlik va laktatsiya davrida qo‘llash imkoniyatini aniqlash maqsadida tadqiqotlar o‘tkazilmagan, shuning uchun preparatni faqat shifokor bilan oldindan maslahatlashgan holda qo‘llash mumkin.

Preparatni bolalar qo‘li yetmaydigan joyda saqlang va yaroqlilik muddati tugaganidan keyin ishlatmang.

Dozani oshirib yuborish

Dozani oshirib yuborish holatlari haqida xabar berilmagan.

Saqlash shartlari

25 °C dan yuqori bo‘lmagan haroratda saqlanadi.

Yaroqlilik muddati

3 yil.

Tubani birinchi marta ochgandan keyin yaroqlilik muddati - 3 oy.

Dorixonalardan berish shartlari

Retseptsiz.

Ishlab chiqaruvchi

Engelhard Artsnaimittel GmbX & Ko. KG.

Hertzbergshtrasse 3, 61138 Niederdorfelden, Germaniya.