Traxisan

Tarkib

1 ta tabletka tarkibida quyidagilar mavjud:

Faol moddalar: tirotritsin - 0,5 mg, lidokain gidroxlorid - 1 mg, xlorgeksidin diglyukonat - 1 mg.

Yordamchi moddalar: sorbitol (E 420), magniy stearati, yalpiz moyi.

Chiqarish shakli

So‘rilish uchun tabletkalar. 20 ta tabletkadan o‘ram (10 ta tabletkadan blisterlar).

Farmakoterapevtik guruh

LOR a’zolari kasalliklarini davolash uchun vosita.

Farmakologik xususiyatlari

Preparat mikroblarga qarshi va mahalliy og‘riqsizlantiruvchi ta’sirga ega bo‘lgan moddalar kombinatsiyasini o‘z ichiga oladi.

Tirotritsin bakteriya hujayralaridan tarkibida azot va fosfor bo‘lgan moddalarning ajralib chiqishiga sabab bo‘ladi, ular kationli detergentlarga o‘xshash bakteriya hujayrasi membranasining osmotik to‘sig‘ini buzadi. Tirotsidin o‘sadigan va bo‘linadigan mikroorganizmlarga bakteritsid ta’sir ko‘rsatadi.

Gramitsidin hujayra membranasida kation o‘tkazuvchi kanallarni hosil qiladi, bu esa hujayra ichidagi kationlar konsentratsiyasining o‘zgarishiga va sitolizga olib keladi.

Tirotritsinning ta’sir doirasi asosan grammusbat kokklar, bakteriyalar va Candida albicans’dan tashqari turli xil zamburug‘larni o‘z ichiga oladi.

Antibiotiklardan farqli o‘laroq, tirotritsin qo‘llanilganda mikroorganizmlarning o‘zaro rezistentligi kuzatilmaydi. Bu xususiyat tirotritsinning ta’sir mexanizmiga bog‘liq.

Xlorgeksidin va uning tuzlari grammusbat va grammanfiy bakteriyalarga nisbatan kuchli mikroblarga qarshi ta’sirga ega.

Xlorgeksidinning ta’sir mexanizmi uning mikroorganizmlarning hujayra qobig‘i bilan yaqinligiga asoslangan bo‘lib, uning xususiyatlari faol modda bilan aloqa qilgandan so‘ng o‘zgaradi.

Xlorgeksidinning lipofil guruhlari hujayra qobig‘ining lipoprotein membranasi dezagregatsiyasiga olib keladi, hujayralardagi osmotik muvozanatni buzadi, bu esa qo‘zg‘atuvchi hujayrasining sitoplazmatik membranasini buzadi.

Lidokain gidroxlorid amid tipidagi mahalliy anestetik hisoblanadi. Preparat nerv tolasining natriy kanallari blokadasini keltirib chiqaradi, natijada nerv hujayrasi membranasining faol potensial orqali depolyarizatsiya jarayoni buziladi. Bunda sezuvchi nerv tolalarida qo‘zg‘alish o‘tishi bloklanadi.

Farmakokinetika

Ma’lumotlar yo‘q.

Qo‘llanilishi

Og‘iz bo‘shlig‘i va halqumning yallig‘lanish va yuqumli kasalliklari, masalan, stomatitlar, gingivitlar, parodontitlar, glossitlar, tonzillitlar, faringitlar va yutishning buzilishi bilan kechadigan boshqa holatlar. Og‘iz bo‘shlig‘i va halqum sohalarida jarrohlik amaliyotidan oldin infeksiyalarning oldini olish uchun (tish olish, tonzillektomiya).

Qo‘llash usuli va dozalari

1 tabletkadan har 2 soatda og‘iz bo‘shlig‘ida shimib ichiladi. Kattalar va 12 yoshdan oshgan bolalar uchun sutkalik doza - 8 tabletka; 4 yoshdan 12 yoshgacha bo‘lgan bolalar uchun - 6 tabletka. Odatda, kasallik belgilari bir necha kundan keyin yo‘qoladi, ammo barqaror terapevtik samaraga erishish uchun terapiyani yana 2-3 kun davom ettirish tavsiya etiladi. Agar preparatni qo‘llashning 5 sutkasida bemorning ahvoli yaxshilanmasa, shifokor maslahati zarur.

Qarshi ko‘rsatmalar

Fruktozani ko‘tara olmaslikda buyurish mumkin emas. Preparatning biron-bir tarkibiy qismiga yuqori sezuvchanlik ma’lum bo‘lganda buyurish mumkin emas. 4 yoshgacha bo‘lgan bolalar.

Nojo‘ya ta’sirlari

Odatda preparat yaxshi o‘zlashtiriladi. Ta’m bilishning qisqa muddatli o‘zgarishlari, tilning vaqtinchalik uvishishi paydo bo‘lishi mumkin. Uzoq vaqt qo‘llanilganda, ba’zi hollarda tishlar, tish plombalari va protezlari yoki tilda biroz sariq yoki och jigarrang rang paydo bo‘lishi mumkin, bunday hollarda og‘iz bo‘shlig‘i gigiyenasiga qat’iy rioya qilish kerak. Preparatni qabul qilish to‘xtatilgandan so‘ng rang o‘z-o‘zidan yo‘qoladi.

Dorilarning o‘zaro ta’siri

Boshqa dori vositalari bilan o‘zaro ta’siri hozirgacha ma’lum emas.

Maxsus ko‘rsatmalar

Preparatni 4 yoshdan kichik bolalarga qo‘llash tavsiya etilmaydi, chunki preparat so‘rilishi kerak.

Boshqa barcha farmatsevtik preparatlar singari, preparatni homiladorlik va laktatsiya davrida faqat shifokor bilan oldindan maslahatlashgan holda qabul qilish mumkin.

Preparatni bolalar qo‘li yetmaydigan joyda saqlash va yaroqlilik muddati tugaganidan keyin ishlatmaslik kerak.

Dozani oshirib yuborish

Dozani oshirib yuborish holatlari kuzatilmadi.

Yaroqlilik muddati

3 yil.

Saqlash shartlari

Namlikdan himoyalangan joyda, 25 °C dan yuqori bo‘lmagan haroratda saqlansin.

Dorixonalardan berish shartlari

Retseptsiz.

Ishlab chiqaruvchi

Engelxard Arsnaymittel GmbX & Ko. KG.

Germaniya, 61138 Niderdorfelden

Xersbergshtrasse 3.