Tut Sia

Tarkib

10 ml sirop tarkibida quyidagilar mavjud:

faol moddasi: Tut qora ekstrakti (MorusnigraExt.) - 800 mg;

yordamchi moddalar: saxaroza, natriy benzoat, limon kislotasi, suyuq glyukoza.

Tavsif

Quyuq, to‘q jigarrang, o‘ziga xos hidli va shirin ta’mli qiyom.

Dori shakli

Qiyom 120 ml (flakonlar).

Farmakologik ta’siri

Tut Siya - tomoq og‘rig‘i, yallig‘lanishi va ta’sirlanishini davolash uchun samarali o‘simlik dori vositasi. Tonzillitning oldini olish uchun ham qo‘llaniladi.

Og‘riq qoldiruvchi, yumshatuvchi, yo‘talga qarshi, balg‘am ko‘chiruvchi, antibakterial va burishtiruvchi ta’sir ko‘rsatadi.

Astma, yo‘tal, bronxit, shamollash va difteriyani davolashda samarali.

Farmakokinetika

O‘rganilmagan.

Ko‘rsatmalar

tomoq og‘rig‘i va yutish paytida (faringit);

ovoz bo‘g‘ilganda;

difteriyada yutishni osonlashtirish uchun ishlatiladi.

Qo‘llash usuli va dozalari

Sharbatni ehtiyotkorlik bilan yutish kerak.

Bolalarga: 5 ml dan (1 choy qoshiq) kuniga 4 mahal.

Kattalarga: 10 ml dan (2 choy qoshiq) kuniga 4 mahal yoki shifokor ko‘rsatmasi bo‘yicha.

Ishlatishdan oldin yaxshilab chayqatiladi.

Nojo‘ya ta’siri

Yo‘riqnomaga muvofiq qo‘llanilganda nojo‘ya ta’sirlar qayd etilmagan.

Qarshi ko‘rsatmalar

preparat komponentlariga yuqori sezuvchanlik;

qandli diabet bilan og‘rigan bemorlarda qo‘llashdan oldin davolovchi shifokor bilan maslahatlashish lozim.

Maxsus ko‘rsatmalar

Allergik reaksiyalar rivojlanganda, preparatni qabul qilishni to‘xtatish va mutaxassisga murojaat qilish lozim. Mexanizmlar va avtomobil vositalarini boshqarish qobiliyatiga ta’sir qilmaydi.

Homiladorlik va emizish davrida

Homiladorlik va laktatsiya davrida preparatning xavfsizligi aniqlanmagan.

Dorilarning o‘zaro ta’siri

Belgilanmagan

Chiqarish shakli

PET butilkada 120 ml. Karton qutida qo‘llanilishi bo‘yicha yo‘riqnoma yozilgan bitta shisha.

Saqlash shartlari

Harorati 25 °C dan yuqori bo‘lmagan, quruq, yorug‘likdan himoyalangan joyda saqlanadi.

Yaroqlilik muddati

Ishlab chiqarilgan sanadan boshlab 3 yil.

Ishlab chiqaruvchi

Qarshi Industries (Pvt) Ltd, Pokiston.