Vital Vit K1

Tarkib

Bitta 0,5 ml ampulada quyidagilar mavjud:

faol modda: fitomenadion - 1,0 mg;

yordamchi moddalar: propilen glikol - 10,35 mg; polisorbat 80-20,0 mg; suvsiz natriy atsetat - 0,4 mg; sirka kislotasi - 0,00043 ml; inyeksiya uchun suv - 0,5 ml.

Tavsif

Tiniq, rangsiz suyuqlik.

Dori shakli

Inyeksiya uchun eritma.

Farmakoterapevtik guruh

Gemostatik vosita.ATX kodi: B02BA01.

Farmakologik xususiyatlari

K1 vitaminining parenteral qo‘llash uchun suvli eritmasi xuddi tabiiy K1 vitamini kabi faollik darajasiga ega bo‘lib, u organizmning jigari tomonidan faol protrombin (VII omil), tromboplastin plazmasi komponenti (IX omil) va Styuart omili (X omil) sintezi uchun zarurdir. K vitamini II, VII, IX va X omillarning faol bo‘lmagan jigar o‘tmishdoshlarida glutamin kislotasi bilan bog‘langan ba’zi peptidlarning karboksillanishini katalizlaydigan mikrosomal ferment uchun asosiy kofaktor hisoblanadi. Olingan gamma-karboksi-glutamin kislotasi qoldiqlari o‘tmishdoshlarni keyinchalik jigar hujayralari tomonidan qonga ajratiladigan faol koagulyatsiya omillariga aylantiradi.

Fitomenadion mushak orasiga yuborilganidan keyin yaxshi so‘riladi. Organizmda so‘rilgandan so‘ng, fitomenadion dastlab jigarda to‘planadi, ammo konsentratsiyasi tezda kamayadi. To‘qimalarda oz miqdorda K vitamini to‘planadi. O‘zlashtirilmagan erkin K vitamini o‘t yoki siydikda aniqlanmaydi.

Sog‘lom hayvonlar va odamlarda fitomenadion aslida farmakodinamik faollikdan mahrum. Biroq, K vitamini tanqisligi bo‘lgan hayvonlar va odamlarda K vitaminining farmakologik ta’siri uning normal fiziologik funksiyasi bilan bog‘liq bo‘lib, u jigarning K vitaminiga bog‘liq qon ivish omillari biosintezini rag‘batlantirishdan iborat.

Yangi tug‘ilgan chaqaloqlar gemorragik kasalligining oldini olish va davolashda fitomenadion K vitaminining suvda eriydigan analoglariga qaraganda yuqori xavfsizlik koeffitsiyentini ko‘rsatdi.

Farmakokinetika

Ichga qabul qilinganda yuqori darajada absorbsiyalanadi. Cmax 2-8 soatdan keyin erishiladi. To‘liq metabolizmga uchraydi. Metabolizm mahsulotlari buyraklar va o‘t orqali chiqariladi.

Qo‘llanilishi

VITAL vit K1 quyidagi koagulyatsiya buzilishlarida ko‘rsatilgan bo‘lib, ular vitamin K yetishmovchiligi yoki vitamin K faolligiga aralashuv natijasida kelib chiqqan II, VII, IX va X omillarning noto‘g‘ri shakllanishi tufayli yuzaga keladi.

Vital Vit K1 quyidagi hollarda qo‘llaniladi:

kumarin yoki indandion hosilalari tufayli kelib chiqadigan protrombin yetishmovchiligiga bog‘liq bo‘lgan antikoagulyant;

chaqaloqlar gemorragik kasalligining oldini olish va davolash;

antibakterial davolashda gipoprotrombinemiya;

K vitaminining so‘rilishi yoki sintezini cheklaydigan omillar tufayli ikkilamchi gipoprotrombinemiya, masalan, mexanik sariqlik, o‘t oqmasi, yarali kolit, glyutein kasalligi, ichak rezeksiyasi, oshqozon osti bezi mukovissidozi va mintaqaviy enterit;

boshqa dorilar ta’sirida kelib chiqqan gipoprotrombinemiya, agar natija vitamin K metabolizmiga, masalan, salitsil kislotasi efirlariga aralashuv tufayli yuzaga kelishi aniq ko‘rsatilgan bo‘lsa.

Qo‘llash usuli va dozalari

Preparatni eritish bo‘yicha ko‘rsatmalar

Vital Vit K1 0,9% li natriy xlorid eritmasida, 5% li dekstroza eritmasida erishi mumkin. Benzil spirtini konservant sifatida qo‘llash tavsiya etilmaydi, chunki yangi tug‘ilgan chaqaloqlarda preparatning toksikligi rivojlanishi mumkin. Shu sababli faqat yuqorida aytib o‘tilgan erituvchilardan foydalanish zarur.Boshqa erituvchilardan foydalanish tavsiya etilmaydi. Preparatni suyultirilgandan so‘ng darhol qo‘llash zarur, preparat qoldiqlarini esa yo‘q qilish lozim.

Chaqaloqlar gemorragik kasalligining oldini olish

Amerika Pediatriya Akademiyasi yangi tug‘ilgan chaqaloqlarga K vitaminini 0,5 dan 1 mg gacha dozada, tug‘ilgandan keyin bir soat davomida qo‘llashni tavsiya etadi.

Chaqaloqlar gemorragik kasalligini davolash

K vitaminini empirik qo‘llash koagulyatsiya mexanizmini laboratoriya sharoitida to‘g‘ri baholashni almashtirmasligi kerak. Vital Vit K1 qo‘llanilgandan so‘ng tez javob (protrombin vaqtining 2-4 soatdan keyin kamayishi) 1 mg dozada teri ostiga yoki mushak orasiga tavsiya etiladi. Agar ona og‘iz orqali qabul qilinadigan antikoagulyantlarni qabul qilgan bo‘lsa, yuqori dozalar zarur bo‘lishi mumkin.

To‘liq qon yoki qon preparatlari bilan davolash haddan tashqari qon ketishida ko‘rsatilishi mumkin. Biroq, bu terapiya gemostazning asosiy buzilishlarini bartaraf etmaydi va bir vaqtning o‘zida Vital Vit K1 dan foydalanish zarur.

Kattalarda protrombin yetishmovchiligini keltirib chiqaradigan antikoagulyantni davolash

Oral antikoagulyantlar bilan davolash natijasida yuzaga kelgan protrombin vaqtining haddan tashqari oshishini tuzatish maqsadida preparatni 2,5-10 mg dozada yoki dastlab zarbdor dozada 25 mg gacha qo‘llash tavsiya etiladi. Kamdan-kam hollarda 50 mg talab qilinishi mumkin. Keyingi dozalarning chastotasi va miqdori protrombin vaqti ko‘rsatkichlari natijalaridan so‘ng va bemorning klinik holati bilan belgilanishi kerak. Agar preparatni parenteral qo‘llagandan keyin 6-8 soat o‘tgach protrombin vaqti normallashmasa, doza takrorlanishi kerak.

Kattalardagi gipoprotrombinemiyani davolash

Preparat 2,5 dan 25 mg gacha va kamdan-kam hollarda 50 mg gacha miqdorda buyuriladi. Yuborish miqdori va yo‘llari holatning jiddiyligiga va protrombin vaqtining olingan natijalariga qarab belgilanadi.

Agar iloji bo‘lsa, koagulyatsiya mexanizmlariga ta’sir qiluvchi preparatlarni (masalan, salitsil kislotasi efirlari, antibiotiklar) qo‘llashni to‘xtatish yoki dozasini kamaytirish, muqobil sifatida Vital Vit K1 ni birgalikda qo‘llash taklif etilgan. Koagulyatsiya buzilishlarining jiddiyligi o‘tkazilayotgan davolashga qo‘shimcha ravishda Vital Vit K1 qo‘llashni talab qilish-qilmasligini belgilaydi.

Iloji boricha Vital Vit K1 teri ostiga yoki mushak orasiga yuboriladi. Vena ichiga yuborilganda preparat juda sekin, daqiqasiga 1 mg dan tez yuborilmasligi kerak.

Nojo‘ya ta’sirlari

Yuzning o‘tib ketuvchi qizarishi; ta’m bilishning ta’sirlanishi va o‘ziga xos o‘zgarishlari, bosh aylanishi, tez va kuchsiz puls, terlash, gipotoniya, dispnoe va sianoz holatlari kabi kam kuzatilgan.

Inyeksiya qilingan joyda og‘riq, shish va og‘riq paydo bo‘lishi mumkin.

Yuqori allergik sezuvchanlikning, shu jumladan anafilaktoid reaksiyaning rivojlanishi.

Ko‘pincha: odatda takroriy inyeksiyadan keyin eritematoz, zichlashish, qichishadigan pilakcha paydo bo‘lishi mumkin.

Kamdan-kam uchraydi: bu simptomlar uzoq muddat davom etadigan skleroderma rivojlanishigacha rivojlanishi mumkin. Ba’zan bu jarohatlar eritemaga o‘xshab ketardi.

Giperbilirubinemiya yangi tug‘ilgan chaqaloqlarda fitomenadion qo‘llanilgandan so‘ng kuzatildi. Bu kamdan kam hollarda va asosan katta dozalarda sodir bo‘lgan.

Qarshi ko‘rsatmalar

Preparatning har qanday komponentiga allergik reaksiyalar.

Dorilarning o‘zaro ta’siri

Protrombinni susaytiruvchi antikoagulyantlarga, ayniqsa katta dozalarni qo‘llash zarur bo‘lganda, vaqtinchalik chidamlilik kuzatilishi mumkin. Antikoagulyantlar bilan takroriy davolash zarur bo‘lganda, antikoagulyantni susaytiruvchi protrombinning birmuncha katta dozalari ishlatiladi yoki qon ivishining boshqa bo‘g‘inlariga ta’sir qiluvchi preparat, masalan, natriy geparin ishlatiladi.

Maxsus ko‘rsatmalar

Homiladorlik

Vital Vit K1 homilador ayollarda qo‘llanilganda embrionga zarar yetkazishi yoki reproduktiv qobiliyatga ta’sir qilishi noma’lum.

Vital Vit K1 ni homilador ayollarda juda zarur hollarda qo‘llash mumkin.

Emizish davri

Bu preparatning ko‘krak suti bilan ajralishi noma’lum. Ko‘pgina preparatlar ona sutiga ajralib chiqqanligi sababli, ko‘krak suti bilan emizishda Vital Vit K1 ni qo‘llashda sinchkovlik bilan nazorat qilish zarur.

Pediatriyada qo‘llash

Chaqaloqlarda, ayniqsa chala tug‘ilgan chaqaloqlarda gemoliz, sariqlik va giperbilirubinemiya Vital Vit K1 dozasini oshirish bilan bog‘liq bo‘lishi mumkin. Shu munosabat bilan tavsiya etilgan dozani oshirib yubormaslik kerak.

Preparatni bolalar qo‘li yetmaydigan joyda saqlash va yaroqlilik muddati tugaganidan keyin ishlatmaslik lozim.

Dozani oshirib yuborish

Hayvonlarda vena ichiga LD50 Vital Vit K1 1% va 0,2% konsentratsiyalar uchun mos ravishda 41,5 va 52 ml/kg ni tashkil etadi.

Dozani oshirib yuborish belgilari ma’lum emas.

Chiqarish shakli

0,5 ml dan ampulalarda, 10 ta ampula karton qutida qo‘llash bo‘yicha yo‘riqnoma bilan birga.

Saqlash shartlari

25 °C dan yuqori bo‘lmagan haroratda, qorong‘i joyda saqlanadi. Muzlatmang.

Yaroqlilik muddati

2 yil.

Dorixonalardan berish shartlari

Retsept bo‘yicha.

Ishlab chiqaruvchi

SRMEDICAREPVT. LTD.

N-109, Connaught Circus.

Nyu-Dehli, 110 001. HIND

Ishlab chiqarilgan

Adore Pharmaceutical Pvt. Ltd

5-6, 2-sonli Xoxani sanoat majmuasi,

Sativali, Vasai East, Thane-401208, INDIA.