Zefeksal

Tarkib

Po‘st bilan qoplangan har bir tabletka quyidagilarni o‘z ichiga oladi:

Faol moddasi: feksofenadin gidroxlorid 120 mg.

Yordamchi moddalar: kraxmal, mikrokristall sellyuloza (Avicel PH 101, PH 102), natriy krosskarmelloza, magniy stearat, Aquarius Preferred HSP BPP 319752 purple.

Dori shakli

Qobiq bilan qoplangan tabletkalar.

Farmakoterapevtik guruh

H1-gistamin retseptorlari blokatori. ATX kodi: R06AX26.

Farmakologik xususiyatlari

Zefeksal - tinchlantirmaydigan antigistamin preparat. Periferik N1-gistamin retseptorlarini selektiv bloklab o‘z ta’sirini ko‘rsatadi. Gematoensefalik to‘siqdan o‘tmaydi va shu sababli tinchlantiruvchi faollikka ega emas va markaziy asab tizimiga nojo‘ya ta’sir ko‘rsatmaydi. Davolanishdan bir oy o‘tgach, preparatga tolerantlik aniqlanmadi.

Farmakokinetika

Ichga qabul qilingandan so‘ng, preparat oshqozon-ichak tizimidan tez so‘riladi va taxminan 2,6 soatdan so‘ng Cmax ga yetadi. Kuniga bir marta 180 mg va 120 mg qabul qilgandan so‘ng, Cmax mos ravishda 494 ng/ml va 427 ng/ml ni tashkil etdi. Plazma oqsillari bilan 60-70% bog‘lanadi. Qabul qilingan barcha dozadan faqat 5% metabolizmga uchraydi: katta qismi ichak shilliq qavatida va kichik qismi (0,5-1,5%) jigarda. Feksofenadinning yarim chiqarilish davri ko‘p marta qabul qilinganda 11-15 soatni tashkil etadi. Siydik va najas bilan chiqariladi.

Qo‘llanilishi

Kattalar va 12 yoshdan oshgan bolalarda mavsumiy va yil bo‘yi davom etadigan allergik rinit bilan bog‘liq simptomlarni bartaraf etish.

Qo‘llash usuli va dozalari

Kattalar va 12 yoshdan oshgan bolalarga sutkada 1 marta 120 mg dozada buyuriladi.

Nojo‘ya ta’sirlari

Klinik tadqiqotlar davomida quyidagi nojo‘ya ta’sirlar eng ko‘p kuzatilgan:

bosh og‘rig‘i - 10,6% (platsebo 7,5%); yuqori nafas yo‘llari infeksiyalari - 3,2% (platsebo 3,1%); bel og‘rig‘i - 2,8% (platsebo 1,4%); shamollash - 2,5% (platsebo 1,5%); sinusit - 2,2% (platsebo 1,1%); bosh aylanishi - 2,2% (platsebo 0,6%); uyquchanlik - 2,2% (platsebo 0%); ko‘ngil aynishi - 1,6% (platsebo 1,5%); dismenoreya - 1,5% (platsebo 0,3%); dispepsiya - 1,3% (platsebo 0,6%); charchoq - 1,3% (platsebo 0,9%).

Nojo‘ya ta’sirlar paydo bo‘lganda shifokorga murojaat qiling.

Qarshi ko‘rsatmalar

Preparat komponentlariga yuqori sezuvchanlik.

Dorilarning o‘zaro ta’siri

Feksofenadin jigarda biotransformatsiyalanmaydi va shuning uchun jigar tomonidan metabolizmga uchraydigan boshqa preparatlar bilan o‘zaro ta’sirlashmaydi. Feksofenadin gidroxlorid eritromitsin yoki ketokonazol bilan birgalikda yuborilganda, plazmadagi feksofenadin konsentratsiyasi 2-3 baravar oshishi isbotlangan, bu, ehtimol, gastrointestinal so‘rilishning ko‘payishi va o‘tning chiqarilishi yoki gastrointestinal sekretsiyaning qisqarishi bilan bog‘liq. Ushbu o‘zgarishlar QT oralig‘iga ta’sir ko‘rsatmadi va alohida yuborilgan dorilarga nisbatan nojo‘ya ta’sirlarning kuchayishi bilan bog‘liq emas edi. Tarkibida alyuminiy yoki magniy bo‘lgan antatsidlar feksofenadin gidroxloridni qabul qilishdan 15 daqiqa oldin qabul qilinganda, uning biosinguvchanligi pasayishi kuzatildi. Feksofenadin gidroxlorid va antatsidlarni qabul qilish o‘rtasidagi tavsiya etilgan vaqt oralig‘i kamida 2 soatni tashkil etishi kerak.

Maxsus ko‘rsatmalar

Feksofenadin va tarkibida alyuminiy va magniy bo‘lgan antatsidlarni 15 daqiqadan kam vaqt oralig‘ida birgalikda qo‘llaganda, feksofenadinning AUC (egri chiziq ostidagi maydon) 41% ga va Cmax 43% ga kamayishi mumkin. Keksalarda, shuningdek, buyrak yoki jigar faoliyati buzilgan bemorlarda dozani tuzatish talab etilmaydi (biroq, boshqa preparatlarni qo‘llashda bo‘lgani kabi, ushbu xavf guruhida feksofenadin gidroxloridni ehtiyotkorlik bilan qo‘llash lozim).

Homiladorlik va laktatsiya davrida qo‘llash

Homiladorlik (C toifasi)

Homilador ayollarda feksofenadin gidroxloriddan foydalanish haqida hech qanday ma’lumot yo‘q. Homiladorlik paytida uni faqat ayol uchun taxmin qilinayotgan foyda homila uchun ehtimoliy xavfdan yuqori bo‘lgandagina tayinlash kerak.

Laktatsiya

Feksofenadin ko‘krak sutiga o‘tadi. Laktatsiya davrida feksofenadinni qo‘llash zarur bo‘lganda, ko‘krak suti bilan emizishni to‘xtatish masalasini hal qilish lozim.

Preparatni bolalar qo‘li yetmaydigan joyda saqlang va yaroqlilik muddati tugaganidan keyin ishlatmang.

Dozani oshirib yuborish

Dozani oshirib yuborish haqidagi xabarlar kamdan-kam uchraydi va cheklangan ma’lumotlarni o‘z ichiga oladi.

Belgilari: bosh aylanishi, uyquchanlik va og‘iz qurishi rivojlanishi haqida xabar berilgan.

Davolash: me’da-ichak yo‘lidan so‘rilmagan preparatni chiqarib tashlash bo‘yicha standart tadbirlarni o‘tkazish tavsiya etiladi. Zarurat tug‘ilganda simptomatik va qo‘llab-quvvatlovchi terapiya o‘tkaziladi. Feksofenadin gidroxloridini qondan chiqarib tashlash uchun gemodializ qo‘llash samara bermaydi.

Chiqarish shakli

ZefeksalTM 120 mg, 20 ta tabletka, qobiq bilan qoplangan, blisterlarda. 2 ta blister (qobiq bilan qoplangan 20 ta tabletka), qo‘llash bo‘yicha yo‘riqnoma bilan birgalikda karton qutiga qadoqlangan.

Saqlash shartlari

25 °C dan yuqori bo‘lmagan haroratda, asl qadoqda saqlanadi.

Yaroqlilik muddati

2 yil.

Dorixonalardan berish shartlari

Retsept bo‘yicha.

Ishlab chiqaruvchi

Ali Raif Iloch San. A. SH.

Ikitelli OSB Mahallasi

Jaddi No3/1A

Bashakshehir/Istanbul/Turkiya.