Fenkarol mushak ichiga yuborish uchun eritma 10 mg/ml, 2 ml №10 (ampulalar)

Tarkib

1 ml tayyor mahsulot uchun:

ta’sir etuvchi modda: xifenadin (fenkarol asosi), 100% moddaga qayta hisoblaganda 10,00 mg;

yordamchi moddalar: glutamin kislotasi 6,26 mg, inyeksiya uchun suv 1,0 ml gacha.

Tavsif

Tiniq, rangsiz suyuqlik.

Chiqarish shakli

Mushak orasiga yuborish uchun eritma 10 mg/ml.

Farmakoterapevtik guruh

Allergiyaga qarshi vosita - N1-gistamin retseptorlari blokatori. Xifenadin. ATX kodi: R06AX31.

Farmakologik xususiyatlari

Farmakodinamika

Preparatning ta’sir etuvchi moddasi xifenadin - N1-gistamin retseptorlari blokatori bo‘lib, allergik reaksiyalar rivojlanishining oldini oladi va kechishini yengillashtiradi. Allergiyaga qarshi, antiekssudativ va qichishishga qarshi ta’sir ko‘rsatib, to‘qimalarda allergik yallig‘lanish rivojlanishining oldini oladi. Gistaminning ta’sirini susaytiradi, uning tomirlar o‘tkazuvchanligiga ta’sirini kamaytiradi (o‘tkazuvchanlikni pasaytirib, shishga qarshi ta’sir ko‘rsatadi), uning bronxospastik ta’sirini va ichak silliq mushaklariga spazmogen ta’sirini kamaytiradi, gistaminning gipotenziv ta’sirini susaytiradi. Xifenadin to‘qimalarda gistamin miqdorini kamaytiradi (bu gistaminni faolsizlantiruvchi ferment - diaminooksidazani faollashtirish qobiliyati bilan bog‘liq). Kursli davolashda xifenadinning antigistamin ta’siri kamaymaydi. O‘rtacha antiserotonin ta’sirga ega, kuchsiz m-xolinobloklovchi faollik namoyon qiladi. Markaziy asab tizimiga susaytiruvchi ta’sir ko‘rsatmaydi.

Farmakokinetika

Mushak orasiga (m/o) yuborilgandan so‘ng eritma tez so‘riladi va qon plazmasidagi xifenadinning maksimal konsentratsiyasiga 30 daqiqadan so‘ng erishiladi. Xifenadin past lipofillikka ega, gematoensefalik to‘siqdan yomon o‘tadi.

Faol moddaning eng yuqori miqdori jigarda, biroz kamroq o‘pka va buyraklarda, eng past miqdori esa bosh miyada (0,05% dan kam), bu sezilarli sedativ va uxlatuvchi ta’sirning yo‘qligini tushuntiradi. Preparat jigarda metabolizmga uchrab, asosan buyraklar orqali chiqariladigan faol bo‘lmagan metabolitlarni hosil qiladi.

Ko‘rsatmalar

Pollinoz, eshakemi, angionevrotik shish (Kvinke shishi) og‘ir kechganda va mushak ichiga antigistamin preparatlarni qo‘llash zarur bo‘lganda.

Qarshi ko‘rsatmalar

Xifenadinga yoki preparatning boshqa har qanday komponentiga yuqori sezuvchanlik.

18 yoshgacha bo‘lgan bolalar yoshi.

Homiladorlik va emizish davri.

Ehtiyotkorlik bilan

Yurak-qon tomir tizimi, oshqozon-ichak, jigar va buyrakning dekompensatsiyalangan kasalliklarida.

Qo‘llash usuli va dozalari

Mushak ichiga. Teri ostiga yuborish qitiqlovchi ta’siri tufayli qo‘llanilmaydi.

Pollinoz

2 ml dan (20 mg) kuniga 2 marta 3 kun davomida, so‘ngra 2 ml dan (20 mg) kuniga 1 marta 2 kun davomida. Davolashning umumiy davomiyligi - 5 kun.

Maksimal bir martalik doza - 20 mg; maksimal sutkalik doza - 40 mg.

Eshakemi va angionevrotik shish (Kvinke shishi)

2 ml (20 mg) dan kuniga 2 mahal 5 kun davomida, so‘ngra 2 ml (20 mg) dan kuniga 1 mahal 3 kun davomida. Davolashning umumiy davomiyligi - 8 kun.

Maksimal bir martalik doza - 20 mg; maksimal sutkalik doza - 40 mg.

O‘tkir allergik reaksiyalar bartaraf etilgandan so‘ng, gifenadin tabletkasini qo‘llashga o‘tish tavsiya etiladi.

Nojo‘ya ta’sirlari

Preparat yaxshi qabul qilinadi. Kamdan-kam hollarda nojo‘ya reaksiyalar kuzatilishi mumkin: og‘iz bo‘shlig‘i shilliq qavatining qurishi, ko‘ngil aynishi, qusish, uyquchanlik, allergik reaksiyalar, bosh og‘rig‘i.

Dozani oshirib yuborish

Belgilari: shilliq pardalarning qurishi, bosh og‘rig‘i, qusish, qorin og‘rig‘i va boshqa dispeptik holatlar.

Davolash simptomatik. Faollashtirilgan ko‘mir qabul qilish, zudlik bilan shifokorga murojaat qilish zarur.

O‘zaro aloqa

Alkogol va uyqu dorilarining markaziy asab tizimiga susaytiruvchi ta’sirini kuchaytirmaydi. Kuchsiz M-xolinobloklovchi xususiyatlarga ega bo‘lib, oshqozon-ichak trakti motorikasini pasaytirishi va sekin so‘riluvchi dori vositalarining (masalan, bilvosita ta’sir etuvchi antikoagulyantlar - kumarin hosilalari) so‘rilishini oshirishi mumkin.

Maxsus ko‘rsatmalar

Yaqqol namoyon bo‘lgan xolinobloklovchi ta’sirning yo‘qligi antixolinergik faollikka ega bo‘lgan antigistamin preparatlarni qo‘llash mumkin bo‘lmagan bemorlarga buyurish imkonini beradi.

Homiladorlik va laktatsiya

Preparatni butun homiladorlik davomida qo‘llash mumkin emas.

Preparat bilan davolash zarur bo‘lsa, emizishni to‘xtatish kerak.

Transport vositalari va mexanizmlarini boshqarish qobiliyatiga ta’siri

Kasbi diqqatning yuqori konsentratsiyasini va psixomotor reaksiyalarning tezligini talab qiladigan shaxslar preparatning tinchlantiruvchi ta’sir ko‘rsatmasligini oldindan (qisqa muddatli buyurish orqali) aniqlashlari kerak.

Qadoq

Neytral shisha ampulalarga 1 ml yoki 2 ml preparat solinadi.

10 ta ampula shaffof polivinilxlorid plyonkadan yasalgan konturli yacheykali o‘ramga joylashtiriladi.

1 ta konturli yacheykali o‘ram qo‘llash bo‘yicha yo‘riqnoma bilan birga karton qutiga joylashtiriladi.

Karton pachkaga birinchi ochishni nazorat qilishni ta’minlovchi nakleyka (stiker) tushirilishi mumkin.

Saqlash shartlari

Yorug‘likdan himoyalangan joyda, 25 °C dan yuqori bo‘lmagan haroratda.

Bolalar qo‘li yetmaydigan joyda saqlang.

Yaroqlilik muddati

2 yil.

Yaroqlilik muddati tugagandan keyin qo‘llanilmaydi.

Dorixonalardan berish shartlari

Retsept bo‘yicha.

Ro‘yxatga olish guvohnomasi egasi

OLAYNFARM AJ Latviya.

Ishlab chiqaruvchi

OLAYNFARM AJ Latviya.