Glutadin in'ektsiya uchun eritma uchun liyofillangan kukun 600 mg № 10 (flakon) + erituvchi 4 ml № 10 (ampulalar)

Tarkib

faol modda: qaytarilgan glutation 600 mg;

yordamchi modda: natriy gidroksid;

erituvchili ampula: inyeksiya uchun suyuqlik 4 ml.

Tavsif

Oq liofillangan kukun.

Dori shakli

Vena ichiga va mushak orasiga yuborish uchun eritma tayyorlash uchun kukun 600 mg/4 ml.

Farmakoterapevtik guruh

Antidotlar, antioksidantlar.

Farmakologik xususiyatlari

Glutation hujayralarda keng tarqalgan, o‘ziga xos funksiyaga ega bo‘lgan tripeptiddir. Glutation tarkibiga glitsin, sistein va glutamin kislotasi kiradi.

Glutation - kuchli gepatoprotektor, antioksidant, immunostimulyator va detoksikant.

Glutation jigar, eritrotsitlar va buyrak usti bezlarida ko‘p miqdorda bo‘ladi.

Glutationning qaytarilgan shakli ba’zi fermentlarni faollashtiradi.

Glutation oqsillarning sulfgidril va disulfid guruhlariga ta’sir etuvchi og‘ir metall ionlari bilan bog‘lanib, ularni zararsizlantiradi.

Glutation moddalar almashinuvida vodorod tashuvchisi sifatida ishtirok etadi. Antoksidantlik xususiyatiga ega.

Kam miqdorda qaytarilgan glutation saqlovchi eritrotsitlar nisbatan oson parchalanadi.

Glutation uglerodlar almashinuvi uchun zarur, me’da osti bezini oksidlanishdan himoya qiladi, lipidlar almashinuviga ta’sir ko‘rsatadi, ateroskleroz hosil bo‘lishiga to‘sqinlik qiladi, qarish jarayonlarini sekinlashtiradi.

Glutation o‘tkir miokard infarktida reperfuziya bilan bog‘liq ba’zi salbiy oqibatlarni kamaytiradi.

Glutation tanqisligi asab tizimida aks etib, fikrlash, koordinatsiya jarayonlarining buzilishiga olib keladi va tremor paydo bo‘lishiga sabab bo‘ladi.

Glutation OIV replikatsiyasini susaytirish orqali kasallikning rivojlanishini sekinlashtiradi.

Qo‘llanilishi

radioterapiya va nur terapiyasi paytida onkologik kasalliklarda;

onkologik bemorlarning kaxeksiyasida;

jigarning toksik shikastlanishlari;

qandli diabet;

operatsiyadan keyingi davrda;

o‘tkir miokard infarkti;

ensefalopatiya;

bosh miya jarohatlari;

artritlar;

turli etiologiyali zaharlanishlar;

shox parda yarasi, xoreoretinit, ko‘z gavharining xiralashishi;

erkaklar bepushtligi;

surunkali obstruktiv o‘pka kasalligi, o‘pka sili;

teri kasalliklari.

Qo‘llash usuli va dozalari

Onkologiya: radioterapiya va nur terapiyasida ionlashtiruvchi ta’sirni himoya qilish maqsadida Glutadinni qo‘llash - radioterapiya va nur terapiyasidan 15 daqiqa oldin fiziologik eritmada 1200 mg vena ichiga sekin yuboriladi.

Neyronlar, yurak hujayralari, nefronlarni kimyoterapiya toksikligidan himoya qilish maqsadida (sisplatin, oksaliplatin, Cyclophosphomid, 5 FU va h.k.) Glutadin quyidagi dozada buyuriladi: 1200 mg - 2400 mg asta-sekin vena ichiga (50-200 ml inyeksiya uchun suv yoki fiziologik eritma) kimyoterapiyadan foydalanishdan 15 daqiqa oldin. So‘ngra 2 kundan 5 kungacha 600 mg - 1200 mg GSH beriladi. Glutadinni har hafta 1200 mg dan vena ichiga yuborishni takrorlang.

Onkologik bemorlarda kaxeksiyada: 600 mg/kun. Vena ichiga sekin.

Jigar shikastlanishlari: toksik, shu jumladan alkogolli, virusli, dori-darmonli (antibiotiklar, o‘smaga qarshi, silga qarshi, virusga qarshi preparatlar, antidepressantlar, peroral kontratseptivlar) - dozasi: sog‘ayishgacha kuniga 1200 mg vena ichiga.

Virusli gepatitda gepatotsitlarni himoya qilish uchun VGA, VGV, VGS replikatsiyasini bostiradi, shuningdek, interferonlar bilan virusga qarshi terapiyaning ta’sirini kuchaytiradi - doza: 600 mg/sut vena ichiga jigar tuzalgunga qadar.

Jigar sirrozi, presirrotik holatlar, jigar ichi xolestaz: 600 mg/sut vena ichiga sog‘ayguncha.

Regressiya maqsadida alflatoxin - indutsirlangan jigar saratoni dozasi: 1200 mg/sut vena ichiga.

Qandli diabet, glyukozaga chidamlilikni oshirish, tireotoksikoz. Qandli diabet bilan og‘rigan bemorlarda ikkilamchi asoratlarning (gipertoniya, qon tomirlarining shikastlanishi, neyropatiya, trombotsitlar agregatsiyasining pasayishi) oldini olish maqsadida - 600 mg/sut vena ichiga bir necha hafta davomida uzluksiz va keyin haftasiga 2-3 marta uzoq vaqt davomida.

Operatsiyadan keyingi davr (narkozning qoldiq belgilarini bartaraf etish uchun) - 600-1200 mg/sut vena ichiga.

Reperfuziya bilan bog‘liq nojo‘ya ta’sirlarni bartaraf etish maqsadida o‘tkir miokard infarkti. Miqdori: 1200-1800 mg/sut vena ichiga.

Ensefalopatiya, shu jumladan jigar yetishmovchiligi bilan bog‘liq (alkogol va boshqalar) - 10-15 kun davomida kuniga 1200 mg, keyin uzoq vaqt davomida haftasiga 600 mg. Ateroskleroz, depressiv va abstinensiya sindromi, ruhiy jarohatlar - haftasiga 600 mg dan.

Parkinson kasalligi, Alsgeymer kasalligi. Miqdori: bir-ikki oy davomida kuniga 600 mg, keyin har hafta uzoq vaqt davomida.

Bosh miya jarohatlari - o‘tkir davrda kuniga 1800 mg gacha, holat barqarorlashgunga qadar 600-1200 mg.

Artritlar - 600 mg dan 10-15 kun, keyin har hafta uzoq vaqt davomida.

Turli etiologiyali zaharlanishlar (alkogol, narkotiklar, og‘ir metallar va h.k.) - O‘tkir davrda 1200 mg va to‘liq tuzalgunga qadar kuniga 600 mg dan.

Shox parda yarasi, xoreoretinit, ko‘z gavharining xiralashishi - 10 kun davomida 600 mg dan, keyin uzoq vaqt davomida haftada bir marta.

Oligospermiya, akinospermiya va dispermiya bilan bog‘liq erkaklar bepushtligi. Miqdori: kuniga 600 mg dan ikki oy davomida uzluksiz ishlatiladi.

Surunkali bronxit, pnevmoniya, sil va o‘pka emfizemasi - 10-15 kun davomida 600 mg.

Teri kasalligi va pigment buzilishlari. Vitiligo, allergik dermatit, psoriazni davolash, depigmentatsiya va terini oqartirish uchun - 10-15 kun davomida kuniga 600 mg.

Sport tibbiyotida haftasiga 600-1200 mg.

Kiritish yo‘li:

Yengil shakllarida preparat mushak orasiga, vena ichiga, sekin (2-3 daqiqa) yoki infuziya yo‘li bilan yuboriladi. Preparatni qo‘llash bo‘yicha tegishli tushuntirishlar olish uchun bemorlarga shifokor yoki farmatsevtga murojaat qilish tavsiya etiladi.

Nojo‘ya ta’sirlari

Kamdan-kam hollarda ko‘ngil aynishi, qusish, bosh og‘rig‘i, shuningdek, preparatni qo‘llash to‘xtatilgandan keyin o‘tib ketadigan teri toshmalari qayd etilgan. Ma’lumotnoma varaqasidagi ko‘rsatmalarni o‘rganish nojo‘ya ta’sirlar xavfini kamaytiradi. Har qanday nojo‘ya ta’sir paydo bo‘lganda, hatto u yo‘riqnomada ko‘rsatilmagan bo‘lsa ham, shifokorga xabar berish zarur.

Qarshi ko‘rsatmalar

Preparat komponentlariga yuqori sezuvchanlik, 12 yoshgacha bo‘lgan bolalar.

Dorilarning o‘zaro ta’siri

Glutationning boshqa preparatlar bilan mos kelmaslik holatlari qayd etilmagan.

Maxsus ko‘rsatmalar

Mushak orasiga qo‘llanganda, preparatni erituvchi ampulasida yaxshilab eritish kerak. Hosil bo‘lgan eritma tiniq va rangsiz bo‘lishi kerak.

Vena ichiga qo‘llanganda, preparatni ilova qilingan erituvchida (inyeksiya uchun suv) eritish va sekin yuborish yoki infuziya uchun kamida 20 ml steril eritmani qo‘shish va sekin tomchilab yuborish kerak.

Preparat yaroqlilik muddati tugaganidan keyin qo‘llanilmasligi va bolalar qo‘li yetmaydigan joyda saqlanishi lozim.

Homiladorlik va emizish

Hatto eksperimental tadqiqot glutationning embriofetal rivojlanish uchun zaharli emasligini ko‘rsatgan bo‘lsa ham, homilador ayollarga preparatni faqat o‘ta zarur hollarda va shifokorning bevosita nazorati ostida qabul qilish tavsiya etiladi.

Bolalar

 Preparatni 12 yoshdan oshgan bolalarda qo‘llash tavsiya etiladi. Preparatning 12 yoshdan kichik bolalarda o‘tkazilgan tadqiqot ma’lumotlari mavjud emas.

Dozani oshirib yuborish

Belgilari: nojo‘ya ta’sirlar namoyon bo‘lishining kuchayishi.

Davolash: simptomatik. Preparatni qabul qilishni to‘xtatish kerak.

Chiqarish shakli

10 ampula 600 mg liofillangan qaytarilgan glutation kukuni va 10 ampula 4 ml erituvchi karton qutida qo‘llash bo‘yicha yo‘riqnoma bilan birga kontur katakli qadoqlarga joylashtirilgan.

Saqlash shartlari

+30 °C dan past haroratda saqlanadi. Eritma suyultirilgandan so‘ng xona haroratida 2 soat yoki 0°+5 °C haroratda 8 soat saqlash mumkin.

Yaroqlilik muddati

36 oy.

Yaroqlilik muddati saqlash shartlariga rioya qilingan holda, shikastlanmagan o‘ramdagi preparatlarga taalluqlidir.

Dorixonalardan berish shartlari

Retsept bo‘yicha.

Ishlab chiqaruvchi

FUREN PHARMACEUTICAL GROUP Co., Ltd. Xitoy.