Kaltsiy glyukonat-Solofarm (Calcium gluconate-Solofarm) tomir ichiga va mushak ichiga yuborish uchun eritma 100 mg/ml, 10 ml № 10 (ampulalar)

Tarkib

1 ml preparat tarkibida quyidagilar mavjud:

Ta’sir etuvchi modda:

Kalsiy glyukonat monogidrat -94 mg

Yordamchi moddalar:

Kalsiy saxarat -5 mg

Inyeksiya uchun suv - 1 ml gacha

Tavsif

Tiniq, rangsiz yoki kuchsiz rangli suyuqlik (jigarrang tusli suyuqlik).

Chiqarish shakli

Vena va mushak orasiga yuborish uchun eritma 100 mg/ml.

Farmakoterapevtik guruh

Mineral qo‘shimchalar. Kalsiy preparatlari. Kalsiy glyukonat. ATX kodi: A12AA03.

Farmakologik xususiyatlari

Farmakodinamika

Kalsiy preparati nerv impulslarini uzatish, skelet va silliq mushaklarning qisqarishi, miokard faoliyati, suyak to‘qimasining shakllanishi, qon ivish jarayonini amalga oshirish uchun zarur bo‘lgan kalsiy ionlari tanqisligini to‘ldiradi.

Vena ichiga yuborilganda vegetativ nerv sistemasining simpatik qismini rag‘batlantiradi, buyrak usti bezlaridan adrenalin ajralishini kuchaytiradi.

Farmakokinetika

Parenteral yuborilganidan keyin kalsiy glyukonat qon oqimi bilan barcha to‘qima va organlarga bir tekis tarqaladi. Qon plazmasida kalsiy bog‘langan shaklda (oqsillar hamda organik va noorganik kislotalarning anionlari (kalsiy bikarbonat, fosfat, laktat, sitrat) bilan kompleksda) va erkin ionlashgan shaklda bo‘ladi. Yo‘ldosh to‘sig‘idan o‘tib, ona sutiga o‘tadi. Organizmdan asosan buyraklar orqali chiqariladi.

Ko‘rsatmalar

O‘tkir gipokalsiyemiyani davolash. Allergik holatlarda, trombotsitopenik bo‘lmagan purpura va ekssudativ dermatozlarda, masalan, gerpetiform dermatit va ba’zi dori vositalarini qo‘llash natijasida qichishadigan toshmalarda kapillyarlar o‘tkazuvchanligini kamaytirish uchun.

Qarshi ko‘rsatmalar

Kalsiy glyukonat va preparatning boshqa komponentlariga yuqori sezuvchanlik, giperkalsiyemiya (shu jumladan giperparatireoz, D gipervitaminozi, dekalsinatsiyalanuvchi xavfli o‘smalar, buyrak yetishmovchiligi, immobilizatsiya bilan bog‘liq osteoporoz, sarkoidoz, sut-ishqor sindromi (Bernet sindromi) bilan og‘rigan bemorlarda), giperkalsiyuriya, yurak glikozidlari bilan zaharlanish, yurak glikozidlari bilan bir vaqtning o‘zida davolash; mushak orasiga yuborish uchun - bolalik davri.

Ehtiyotkorlik bilan

Degidratatsiya, elektrolit buzilishlari (giperkalsiyemiya rivojlanish xavfi), diareya, malabsorbsiya sindromi, kalsiyli nefrourolitiaz (anamnezda), nefrokalsinoz, o‘rtacha og‘irlikdagi surunkali buyrak yetishmovchiligi, yurak kasalliklari, surunkali qon aylanish yetishmovchiligi, sarkoidoz, tarqalgan ateroskleroz, giperkrakulyatsiya, bir vaqtning o‘zida epinefrin bilan davolash, keksa yosh, homiladorlik va emizish davri.

Qo‘llash usuli va dozalari

Kalsiy glyukonat quyidagicha kiritiladi:

Kattalarga vena ichiga sekin (2-3 daqiqa davomida) yoki tomchilab yuboriladi. Bolalarda nekroz rivojlanishi mumkinligi sababli preparatni mushak orasiga yuborish mumkin emas. Eritma yuborishdan oldin tana haroratigacha isitiladi. Kalsiy glyukonat yuboriladigan shprisda etanol qoldiqlari bo‘lmasligi kerak (kalsiy glyukonat cho‘kmaga tushmasligi uchun).

Preparat ampula ochilgandan so‘ng darhol suyultiriladi. Preparatni suyultirishda aseptika qoidalariga qat’iy rioya qilish talab etiladi. Mikrobiologik xavfsizlik nuqtayi nazaridan preparat zudlik bilan ishlatilishi kerak. Faqat bir marta ishlatiladigan ampula.

Preparat yuborishdan oldin tana haroratigacha isitiladi. Kattalar va bolalarga sekin, 2-3 daqiqa davomida yuboriladi. Vena ichiga haddan tashqari tez yuborish noxush reaksiyalarning paydo bo‘lishiga olib keladi.

Bemor inyeksiya paytida yurak urish tezligi (YUQS) va elektrokardiogramma (EKG) sinchkovlik bilan nazorat qilinib, yotgan holatda bo‘lishi kerak.

Mahalliy ta’sirlanish xavfi tufayli, vena ichiga inyeksiya qilish imkoni bo‘lmagan taqdirdagina mushak ichiga inyeksiya qilish kerak. Mushak ichiga inyeksiyalarni mushakka yetarlicha chuqur, yaxshisi dumba sohasiga bajarish kerak. Semizligi bor bemorlar uchun yog‘ to‘qimalariga emas, balki mushaklarga xavfsiz kiritish uchun uzunroq igna tanlanishi kerak. Agar takroriy inyeksiyalar zarur bo‘lsa, har safar inyeksiya joyini almashtirish kerak.

Keksa bemorlar: Keksa bemorlarda kalsiy glyukonatni yomon ko‘tara olmaslikni ko‘rsatuvchi ma’lumotlar yo‘q, biroq buyrak faoliyatining buzilishi va metabolizmning sekinlashishi kabi organizmning yoshga bog‘liq o‘zgarishlari dozani kamaytirishni talab qilishi mumkin.

O‘tkir gipokalsiyemiyani davolash

Qon plazmasida kalsiyning normal konsentratsiyasi 2,25-2,72 mmol/l yoki 4,5-5,5 mEkv/l oralig‘ida bo‘ladi. Davolash qon plazmasidagi kalsiy miqdorining ushbu darajasini tiklash yoki saqlab turishga qaratilgan bo‘lishi kerak. Davolash fonida qon plazmasidagi kalsiy miqdorini qat’iy nazorat qilish zarur.

Kattalarga 100 mg/ml eritmasidan 5-10 ml dan har kuni, kunora yoki 2 kun oralatib (kasallik xarakteri va bemorning ahvoliga qarab) yuboriladi.

Bolalarga: 6 oygacha - 0,1-1 ml; 7-12 oyda - har 2-3 kunda 1-1,5 ml; 1 yoshdan kattalarga, yoshiga qarab, har 2-3 kunda 100 mg/ml eritmasidan 2 dan 5 ml gacha yuboriladi.

Yangi tug‘ilgan chaqaloqlarda gipokalsemik terapiyada doza har bir kg tana vazniga 0,3 ml 100 mg/ml eritma (0,07 mmol/kg) bo‘lishi kerak.

Allergik holatlarda, trombotsitopenik bo‘lmagan purpura va ekssudativ dermatozlarda kapillyarlar o‘tkazuvchanligining pasayishi.

Kattalarga 100 mg/ml eritmasidan 5-10 ml dan har kuni, kunora yoki 2 kun oralatib (kasallik xarakteri va bemorning ahvoliga qarab) yuboriladi.Bolalarga: 6 oygacha - 0,1-1 ml; 7-12 oylik - har 2-3 kunda 1-1,5 ml; bir yoshdan kattalarga, yoshiga qarab, har 2-3 kunda 100 mg/ml eritmasidan 2 dan 5 ml gacha yuboriladi.

Preparatni qo‘llash bo‘yicha yo‘riqnoma

Polimer ampula bilan ishlash tartibi:

1. Ampulani olib, og‘zidan ushlab silkitish.

2 Aylantiruvchi harakatlar bilan klapanni burab ajratib olish.

3. Hosil bo‘lgan teshik orqali zudlik bilan shpris lyuyerini ampulaga ulash.

4. Ampula ichidagini shprisga olish.

5. Igna shprisga kiydiriladi.

Nojo‘ya ta’sirlari

Nojo‘ya ta’sirlarning paydo bo‘lish chastotasi kalsiy glyukonatni yuborish tezligi va dozasiga bevosita bog‘liq. To‘g‘ri yuborilganda ularning paydo bo‘lish chastotasi 1:1000 ni tashkil etadi.

Yurak-qon tomir tizimi tomonidan: arterial bosimning pasayishi, bradikardiya, aritmiya, vazodilatatsiya, sirkulyator kollaps (shu jumladan o‘lim bilan tugaydigan), qonning "ko‘payishi", ko‘pincha tez yuborilganda.

Oshqozon-ichak yo‘li tomonidan: ko‘ngil aynishi, qusish.

Umumiy buzilishlar: issiqlik hissi, ko‘p terlash.

Yuborish joyidagi buzilishlar: mushak orasiga yuborilganda - og‘riq yoki eritema (≤ 1:10, ≥ 1:100). Mushak ichiga yuborish texnikasi buzilganda - yog‘ to‘qimasida infiltratsiya, keyinchalik abssess shakllanishi, to‘qimalarning zichlashishi va nekroz; vena ichiga yuborilganda - teri giperemiyasi, achishish hissi yoki to‘qimalar nekrozi rivojlanishi mumkin bo‘lgan og‘riq (tasodifiy perivaskulyar inyeksiyada). Yumshoq to‘qimalar kalsifikatsiyalanib, keyinchalik teri zararlanishi va tomirdan to‘qimalarga kalsiy o‘tishi tufayli nekrozga uchrashi mumkin.

Dozani oshirib yuborish

Giperkalsiyemiya belgilari: anoreksiya, ko‘ngil aynishi, qusish, qabziyat, qorin og‘rig‘i, poliuriya, polidipsiya, degidratatsiya, mushaklar kuchsizligi, suyaklar og‘rig‘i, buyrak kalsifikatsiyasi, uyquchanlik, gipersomniya, ongning chalkashishi, qon bosimining ko‘tarilishi, og‘ir hollarda aritmiya (hatto yurak to‘xtashigacha) va koma.

Davolash: qon plazmasida kalsiy miqdorining ko‘payishini kamaytirishga qaratilgan. Dastlabki davolash regidratatsiyani o‘z ichiga oladi, og‘ir giperkalsiyemiyada hujayra tashqarisidagi suyuqlik miqdorini oshirish uchun vena ichiga 0,9% natriy xlorid eritmasini infuzion yuborish talab etilishi mumkin. Qon zardobidagi kalsiy konsentratsiyasini kamaytirish uchun kalsitonin qo‘llanilishi mumkin.

Furosemid kalsiy ekskretsiyasini oshirish uchun qo‘llanilishi mumkin, ammo "tiazidli" diuretiklarni qo‘llash kerak emas, chunki ular buyrakda kalsiy so‘rilishini oshirishi mumkin. Gemodializ yoki peritoneal dializ boshqa choralar samara bermaganda yoki giperkalsiyemiya belgilari saqlanib qolganda o‘tkaziladi. Dozaning oshib ketishini davolash qon zardobidagi elektrolitlar konsentratsiyasini sinchkovlik bilan nazorat qilish orqali amalga oshiriladi.

O‘zaro aloqa

Etanol, karbonatlar (shu jumladan natriy gidrokarbonat), salitsilatlar, sulfatlar bilan farmatsevtik jihatdan mos kelmaydi (erimaydigan yoki qiyin eriydigan kalsiy tuzlarini hosil qiladi).

Tetratsiklin qatori antibiotiklari bilan erimaydigan komplekslar hosil qiladi (antibakterial ta’sirini pasaytiradi).

"Sekin" kalsiy kanallari blokatorlarining farmakologik ta’sirini susaytiradi (kalsiy glyukonatni vena ichiga yuborish verapamilning gipotenziv ta’sirini kamaytiradi).

Xinidin bilan bir vaqtda qo‘llanganda qorincha ichi o‘tkazuvchanligi sekinlashishi va xinidinning zaharliligi oshishi mumkin.

Giperkalsiyemiyada kalsitoninning ta’sirini kamaytiradi.

Fenitonin biosinguvchanligini kamaytiradi.

Yurak glikozidlari

Digoksin va boshqa yurak glikozidlarining farmakologik ta’siri kalsiy ishtirokida kuchayishi va og‘ir zaharlanishga olib kelishi mumkin. Shuning uchun yurak glikozidlari bilan davolanayotgan bemorlarga kalsiy preparatlarini vena ichiga yuborish mumkin emas. Kalsiy vena ichiga favqulodda hollarda, bemor hayotiga xavf soluvchi gipokalsiyemiyaning yaqqol alomatlarini davolash zarur bo‘lganda va xavfsizroq davolash usullari mavjud bo‘lmaganda, shuningdek, kalsiyni og‘iz orqali yuborish imkoni bo‘lmaganda yuborilishi mumkin.

Epinefrin

Kalsiy va epinefrinni bir vaqtda yuborish yurak operatsiyasidan keyingi bemorlarda epinefrinning β-adrenergik ta’sirining susayishiga olib kelishi mumkin.

Magniy

Kalsiy va magniy o‘zaro antagonistlardir.

Kalsiy antagonistlari

Kalsiy kalsiy antagonistlari (kalsiy kanallari blokatorlari) ta’siriga to‘sqinlik qilishi mumkin.

Tiazidli diuretiklar

Tiazidli diuretiklar bilan birgalikda buyurish giperkalsiyemiyaga olib kelishi mumkin, chunki ular buyraklar orqali kalsiy ekskretsiyasini kamaytiradi.

Seftriakson

Kalsiy va seftriaksonni bir vaqtda yuborish erimaydigan yoki qiyin eriydigan kalsiy tuzlari hosil bo‘lishiga olib kelishi mumkin, shuning uchun muddatidan oldin tug‘ilgan chaqaloqlar va yangi tug‘ilgan chaqaloqlarga vena ichiga yuborish mumkin emas. Katta yoshdagi bemorlar uchun infuzion tizimlarni mos keladigan suyuqlik bilan quyish oralig‘ida yaxshilab yuvib, kalsiy va seftriaksonni ketma-ket yuborish mumkin.

Maxsus ko‘rsatmalar

Davolash vaqtida qon zardobidagi kalsiy konsentratsiyasini diqqat bilan nazorat qilish zarur.

Kalsiy preparatlarining yuqori dozalari uzoq vaqt davomida yuborilganda, ayniqsa bolalarda, plazma va siydikdagi kalsiy miqdorini nazorat qilish zarur. Plazmada kalsiy miqdori 2,625 mmol/l bo‘lganda yoki siydik bilan sutkalik ekskretsiyasi 0,125 mmol/kg dan ortiq bo‘lganda preparatni yuborishni to‘xtatish kerak.

Yurak glikozidlarini qabul qilayotgan bemorlarda kalsiy glyukonat vena ichiga yuborilganda, yurak faoliyatini nazorat qilish zarur va kuchli aritmiyalar kabi yurak asoratlarini shoshilinch davolash uchun sharoitlar ta’minlanishi lozim.

Kalsiy glyukonat nefrokalsinoz, yurak kasalliklari, sarkoidoz (Bek kasalligi) bilan og‘rigan bemorlarda, keksa bemorlarda ehtiyotkorlik bilan va ko‘rsatmalarni sinchiklab aniqlagandan keyingina qo‘llanilishi kerak. Buyrak funksiyasining buzilishi giperkalsiyemiya va ikkilamchi giperparatireoz bilan bog‘liq bo‘lishi mumkin. Shuning uchun buyrak faoliyati buzilgan bemorlarga kalsiyni parenteral yuborish faqat ko‘rsatmalarni sinchiklab aniqlagandan so‘ng tayinlanishi kerak, bunda kalsiy-fosfat muvozanatini nazorat qilish zarur.

Boshqa dori vositalari bilan bir vaqtda qo‘llanganda shifokor nazorati talab etiladi.

Homiladorlik va laktatsiya

Homiladorlik

Kalsiy yo‘ldosh to‘sig‘i orqali o‘tadi, uning homila qonidagi konsentratsiyasi ona qonidagi konsentratsiyadan yuqori bo‘ladi.

Kalsiy glyukonat homiladorlik davrida faqat zarurat tug‘ilgandagina qo‘llanilishi kerak. Kiritiladigan doza sinchkovlik bilan hisoblanishi kerak, homilaga salbiy ta’sir ko‘rsatishi mumkin bo‘lgan giperkalsiyemiya rivojlanishining oldini olish uchun qon zardobidagi kalsiy konsentratsiyasi muntazam nazorat qilinishi lozim.

Emizish davri

Kalsiy ona sutiga o‘tadi. Ko‘krak suti bilan emizish davrida ayollarga kalsiy buyurishda buni hisobga olish zarur. Har safar ko‘krak suti bilan emizishni to‘xtatish va preparatni qo‘llashni to‘xtatish o‘rtasida tanlov qilishda ko‘krak suti bilan emizishning bola uchun foydasi va preparatni ayolda qo‘llash zarurligini hisobga olish kerak.

Transport vositalari va mexanizmlarini boshqarish qobiliyatiga ta’siri

Preparat bilan davolanish davrida diqqatning yuqori konsentratsiyasini va psixomotor reaksiyalarning tezligini talab qiladigan potensial xavfli faoliyat turlarini bajarishda (transport vositalarini boshqarish, harakatlanuvchi mexanizmlar bilan ishlash, dispetcher va operator ishi) ehtiyot bo‘lish kerak.

Qadoq

5 yoki 10 ml dan past zichlikdagi polietilen yoki Yevropa Farmakopeyasining parenteral preparatlar uchun polietilen talablariga javob beradigan polipropilendan tayyorlangan, preparatni ignasiz olish uchun buraladigan qopqoqli ampulalarga (Politvist) yoki rangsiz yoki rangli shishadan tayyorlangan ampulalarga.

Past zichlikdagi polietilen yoki polipropilendan tayyorlangan 10, 20, 50 yoki 100 ta ampula karton qutida qo‘llash bo‘yicha yo‘riqnoma bilan birga.

Polivinilxlorid yoki polietilentereftalat plyonkasidan tayyorlangan, polimer plyonka yoki alyuminiy folga bilan loklangan yoki polimer plyonka va alyuminiy folga bilan loklangan konturli yacheykali o‘ramda yoki ampulalarni joylashtirish uchun yacheykali karton qolipda shishadan tayyorlangan 5 tadan ampula.

Karton qutida qo‘llash bo‘yicha yo‘riqnoma bilan birga 2, 4, 10 yoki 20 tadan konturli katakli o‘ramlar yoki karton shakllar.

Saqlash shartlari

25 °C dan yuqori bo‘lmagan haroratda saqlanadi.

Bolalar qo‘li yetmaydigan joyda saqlang.

Yaroqlilik muddati

3 yil.

Yaroqlilik muddati tugagandan so‘ng qo‘llanilmasin!

Dorixonalardan berish shartlari

Retsept bo‘yicha

Ro‘yxatdan o‘tish guvohnomasi egasi

GROTEKS MCHJ Rossiya

Ishlab chiqaruvchi

GROTEKS MCHJ Rossiya