L-Karnitin Romfarm tomir ichiga va mushak ichiga yuborish uchun eritma 200 mg / ml, 5 ml № 5 (ampulalar)

Tarkib

1 ml preparatda quyidagilar mavjud:

ta’sir etuvchi moddasi: levokarnitin - 200,0 mg;

yordamchi moddalar: 1 M xlorid kislota eritmasi - pH 6,3-6,5 gacha, inyeksiya uchun suv - 1,00 ml gacha.

Tavsif

Rangsiz, tiniq eritma.

Chiqarish shakli

Vena ichiga va mushak ichiga yuborish uchun eritma, 200 mg/ml.

Farmakoterapevtik guruh

Metabolik vosita. Levokarnitin. ATX kodi: A16AA01.

Farmakologik xususiyatlari

Farmakodinamika

Levokarnitin - metabolik jarayonlarni korreksiyalash vositasi; metabolik, anabolik, antigipoksik va antitireoid ta’sir ko‘rsatadi, yog‘ almashinuvini faollashtiradi, regeneratsiyani rag‘batlantiradi, ishtahani oshiradi. Levokarnitin - B guruhi vitaminlariga yaqin bo‘lgan tabiiy modda. Koferment A (KoA) faolligini saqlab turishni ta’minlaydigan metabolik jarayonlarning kofaktori hisoblanadi.

Asosiy almashinuvni pasaytiradi, oqsil va uglevod molekulalarining parchalanishini sekinlashtiradi. Mitoxondriya membranalaridan o‘tib, uzun zanjirli yog‘ kislotalari (palmitin va boshqalar) ning atsetil-KoA hosil qilib parchalanishiga yordam beradi (glyukoneogenez jarayonida piruvatkarboksilaza faolligini ta’minlash, keton tanachalarining hosil bo‘lishi, xolin va uning efirlari sintezi, oksidlovchi fosforillanish va adenozintrifosfat (ATF) hosil bo‘lishi uchun zarur). Yog‘ depolaridan yog‘ni (3 ta labil metall guruhi mavjudligi) safarbar qiladi. Glyukozani raqobatli siqib chiqarib, yog‘ kislotali metabolik shuntni o‘z ichiga oladi, uning faolligi kislorod bilan cheklanmagan (aerob glikolizdan farqli o‘laroq), shu sababli preparat o‘tkir gipoksiya (shu jumladan miya) va boshqa kritik holatlarda samarali hisoblanadi.

Markaziy asab tizimini (MAT) biroz susaytiradi, hazm shiralari (me’da va ichak) sekretsiyasi va fermentativ faolligini oshiradi, ovqat hazm bo‘lishini yaxshilaydi.

Ortiqcha tana vaznini kamaytiradi va skelet mushaklaridagi yog‘ miqdorini kamaytiradi.

Jismoniy yuklamaga chidamlilik chegarasini oshiradi, laktat-atsidoz darajasini pasaytiradi va uzoq muddatli jismoniy zo‘riqishlardan keyin ish qobiliyatini tiklaydi. Bunda glikogenning tejamli sarflanishiga, jigar va mushaklarda uning zaxiralari ko‘payishiga yordam beradi.

Neyrotrofik ta’sir ko‘rsatadi, apoptozni tormozlaydi, zararlangan sohani chegaralaydi va nerv to‘qimasining tuzilishini tiklaydi.

Oqsil va yog‘ almashinuvini, tireotoksikozda asosiy almashinuvning kuchayishini me’yorlashtiradi (tiroksinning qisman antagonisti hisoblanadi); qonning ishqoriy zaxirasini tiklaydi.

Farmakokinetika

Vena ichiga yuborilgandan keyin 3 soatdan keyin qondan yo‘qoladi. Jigar va miokardga oson, muskullarga sekinroq o‘tadi.

Buyraklar orqali asosan asil efirlar ko‘rinishida chiqariladi (24 soat ichida 80% dan ortiq).

Ko‘rsatmalar

L-Karnitin Romfarm o‘tkir gipoksik holatlarda (miyaning o‘tkir gipoksiyasi, ishemik insult, tranzitor ishemik hujum) kompleks terapiya tarkibida qo‘llaniladi. Preparat miya qon aylanishi buzilishining o‘tkir, yarim o‘tkir va tiklanish davrlarida buyuriladi.

Dissirkulyator ensefalopatiyada va bosh miyaning turli xil travmatik va toksik shikastlanishlarida, jarrohlik aralashuvlaridan keyingi tiklanish davrida qo‘llaniladi.

L-Karnitin Romfarm karnitinning birlamchi va ikkilamchi tanqisligida, shu jumladan gemodializda bo‘lgan surunkali buyrak yetishmovchiligi bilan og‘rigan bemorlarda; kardiomiopatiyada, yurak ishemik kasalligida (stenokardiya, o‘tkir miokard infarkti, infarktdan keyingi holatlar), kardiogen shok tufayli gipoperfuziyada va miokard metabolizmining boshqa buzilishlarida ko‘rsatiladi.

Qarshi ko‘rsatmalar

Levokarnitinga yoki preparatning boshqa komponentlariga yuqori sezuvchanlik, homiladorlik va emizish davri.

Ehtiyotkorlik bilan

Preparatni qandli diabetda ehtiyotkorlik bilan buyurish kerak.

Qo‘llash usuli va dozalari

L-Karnitin Romfarm vena ichiga tomchilab, sekin yoki oqim bilan (2-3 min) yoki mushak orasiga yuboriladi.

Vena ichiga yuborishdan oldin ampula ichidagi modda 100-200 ml erituvchida (0,9% li natriy xlorid eritmasi yoki 5% li dekstroza (glyukoza) eritmasi) eritiladi.

Bosh miyada qon aylanishining o‘tkir buzilishlarida 3 kun davomida 1 g/sutka, so‘ngra 7 kun davomida 0,5 g/sutka buyuriladi. 10-12 kundan so‘ng 3-5 kun davomida takroriy kurslar o‘tkazish mumkin.

Preparat o‘tkir osti va tiklanish davrida, dissirkulyator ensefalopatiyada va bosh miyaning turli shikastlanishlarida, karnitin yetishmovchiligida buyurilganda, bemorlarga levokarnitin eritmasi 0,5-1 g/sutka hisobida vena ichiga (tomchilab, oqim bilan) yoki mushak orasiga (kuniga 2-3 marta) 3-7 kun davomida suyultirilmasdan yuboriladi. Zarur bo‘lsa, 12-14 kundan keyin takroriy kurs buyuriladi.

Vena ichiga sekin (2-3 daqiqa) yuborish gemodializda karnitinning ikkilamchi yetishmovchiligida buyuriladi - 2 g bir marta (muolajadan keyin); o‘tkir miokard infarktida, o‘tkir yurak yetishmovchiligida - 3-5 g/sutka, birinchi 2-3 kunda 2-3 qabulga bo‘lingan, keyinchalik doza 2 baravarga kamaytiriladi; kardiogen shokda - 3-5 g/sutka, bemor shokdan chiqqunga qadar 2-3 qabulga bo‘lingan. So‘ngra levokarnitinni ichishga o‘tiladi.

Nojo‘ya ta’sirlari

Miasteniyaning yengil belgilari faqat levokarnitin qabul qilgan uremik bemorlarda kuzatildi.

Allergik reaksiyalar.

Tez yuborilganda (80 tomchi/daqiqa va undan ortiq) vena bo‘ylab og‘riq paydo bo‘lishi mumkin, bu esa yuborish tezligi pasayganda o‘tib ketadi.

Dozani oshirib yuborish

Levokarnitinning dozasi oshirib yuborilganda toksikligi haqida ma’lumotlar yo‘q. Preparatni qabul qilishning birinchi haftasi davomida va har bir dozani oshirishdan keyin uning o‘zlashtirilishi nazorat qilinishi kerak.

Doza oshirib yuborilgan taqdirda, hayotiy funksiyalarni qo‘llab-quvvatlash uchun davolash, simptomatik davolash buyuriladi.

O‘zaro aloqa

Glyukokortikoidlar to‘qimalarda (jigardan tashqari) levokarnitinning to‘planishiga yordam beradi, boshqa anaboliklar ta’sirni kuchaytiradi.

Maxsus ko‘rsatmalar

L-Karnitin Romfarm o‘rganib qolishga olib kelmaydi, chunki levokarnitin endogen modda hisoblanadi.

Qandli diabet bilan og‘rigan, insulin yoki peroral gipoglikemik dorilar qabul qilayotgan bemorlarga L-Karnitin Romfarm preparati yuborilganda glyukoza o‘zlashtirilishining oshishi gipoglikemiyaga olib kelishi mumkin. Shu sababli, ushbu toifadagi bemorlarda L-Karnitin Romfarm preparati bilan davolanish paytida gipoglikemik preparatlarning dozalash tartibini zudlik bilan tuzatish uchun qondagi glyukoza miqdorini doimiy ravishda nazorat qilib borish lozim.

Buyrak faoliyati sezilarli darajada buzilgan bemorlarda yuqori dozalarda levokarnitinni uzoq vaqt qo‘llash potensial zaharli metabolitlar, trimetilamin va trimetilamin-N-oksid konsentratsiyasining oshishiga olib kelishi mumkin, chunki bu metabolitlar odatda siydik bilan ajraladi. Bunda siydik, nafas va ter ajralmalari yoqimsiz hidli bo‘ladi.

Agar yo‘riqnomada ko‘rsatilgan nojo‘ya ta’sirlardan birortasi kuchaysa yoki yo‘riqnomada ko‘rsatilmagan boshqa nojo‘ya ta’sirlarni sezsangiz, bu haqda shifokorga xabar bering.

Homiladorlik va laktatsiya

L-Karnitin Romfarmni homiladorlik va emizish davrida qo‘llash mumkin emas.

Transport vositalari va mexanizmlarini boshqarish qobiliyatiga ta’siri

Preparat avtotransportni boshqarish va boshqa potensial xavfli faoliyat turlariga ta’sir ko‘rsatmaydi.

Qadoq

5,0 ml preparat sinish halqasi bo‘lgan I sinf gidrolitik qoramtir shisha ampulalarga solinadi. Har bir ampulaga yorliq yopishtiriladi.

5 ta ampula kontur yacheykali o‘ramlarga joylashtiriladi.

1 ta konturli yacheykali o‘ram qo‘llash bo‘yicha yo‘riqnoma bilan birga karton qutiga joylashtiriladi.

Saqlash shartlari

4 yosh.

Yaroqlilik muddati tugaganidan keyin ishlatilmasin.

Yaroqlilik muddati

Yorug‘likdan himoyalangan joyda, 25 °C dan yuqori bo‘lmagan haroratda.

Bolalar qo‘li yetmaydigan joyda.

Dorixonalardan berish shartlari

Retsept bo‘yicha

Ro‘yxatdan o‘tish guvohnomasi egasi

K O ROMFARM KOMPANI S R L Ruminiya

Ishlab chiqaruvchi

S C ROMPHARM COMPANY S R L Ruminiya