Oksolin (Oxolinum) Belmedpreparati malhami mahalliy qo'llash uchun 2,5 mg / g har biri 15 g (naycha)

1 г суртма қуйидагиларни сақлайди:

фаол модда: оксолин - 2,5 мг;

ёрдамчи моддалар: суюқ парафин, юмшоқ парафин, оқ.

Оқдан то сариқ ранглигача бўлган суртма, пушти тусли бўлишига йўл қўйилади.

Маҳаллий қўллаш учун суртма 2,5 мг/г.

Маҳаллий қўллаш учун вирусларга қарши восита.

Фармакодинамикаси

Кенг таъсир доирали вирусларга қарши фаолликка эга даволовчи таъсири 1,2,3,4-тетраоксо-1,2,3,4-тетрагидронафталин дигидратини сақланиши билан боғлиқ. Вирус сақловчи материал билан бевосита контактда бўлганда грипп вирусига қарши вирулицид таъсир кўрсатади, вирусни хужайрага репликациясига тўсқинлик қилади. Оксолиннинг таъсирига Herpes simplex, Herpes zoster, аденовируслар сезувчан. Шиллиқ қаватга 0,25% ли суртма суртилганда токсик резорбтив ва махаллий қитиқловчи таъсир кўрсатмайди.

Фармакокинетикаси

Терига суртилганида препаратнинг 5% яқини, шиллиқ қаватда - 20% сўрилади. Организмда тўпланмайди ва асосан буйраклар орқали сутка давомида чиқарилади.

Суртма гриппнинг олдини олиш, шунингдек вирус этиологияли ринитларни даволаш учун қўлланади.

Маҳаллий. Гриппнинг олдини олиш мақсадида, гриппнинг эпидемик тарқалиши даврида (25 кун давомида) ёки грипп билан касалланган бемор билан мулоқатда буруннинг шиллиқ қаватига ҳар куни кунига 2 марта (эрталаб ва кечқурун) суртиш йўли билан қўлланади.

Вирусли ринитни даволаш учун бурун шиллиқ қаватига суртма 3-4 кун давомида кунига 2-3 марта суртилади.

Айрим ҳолларда суртма суртилган жойда шиллиқ қаватларининг гиперемияси ва қичишиши, тез ўтиб кетувчи ачишиш ҳисси, ринорея бўлиши мумкин. Бу кўринишлар қўшимча даволашсиз ёки дори воситасини бекор қилмасдан тезда мустақил ўтиб кетади.

Дори воситасига шахсий юқори сезувчанлик.

Бошқа дори воситалари билан бирга қўлланганида салбий кўринишлар аниқланмаган.

Суртма кўзнинг вирусли шикастланишларида қўллаш учун мўлжалланмаган.

Болаларда қўлланиши. 2 ёшгача бўлган болаларда эҳтиёткорлик билан қўллаш керак.

Дори воситаси қўллашда дозани ошириб юборилиш ҳоллари қайд этилмаган.

15 г дан тубаларда. Ҳар бир туба қўллаш бўйича йўриқномаси билан бирга қутига жойланади.

2 °С дан 8 °С гача бўлган ҳароратда сақлансин.

2 йил.

Рецептсиз.

«Белмедпрепараты» РУК

Беларусь Республикаси, 220007, Минск ш,

Фабрициус кўч, 30-уй, т./ф.: (+375 17) 220 37 16,

e-mail: medic@belmedpreparaty.com,

http://www.belmedpreparaty.com.