Oksolin (Oxolinum) Biosintez burun uchun malham 0,25% har biri 10 g (naycha)

Tarkib

100 g surtmada quyidagilar mavjud:

Faol modda: Dioksotetragidroksitetragidronaftalin (tetraksolin) - 0,25 g;

Yordamchi moddalar: suyuq parafin (vazelin moyi), vazelin.

Tavsif

Surtma oqdan och sariq ranggacha bo‘ladi.

Izoh. Saqlash vaqtida pushti rangga kirishiga yo‘l qo‘yiladi.

Chiqarish shakli

Burun surtmasi 0,25%.

Farmakoterapevtik guruh

Virusga qarshi vosita. Boshqa virusga qarshi preparatlar. ATX kodi: J05AX.

Farmakologik xususiyatlari

Farmakodinamika

Virusga qarshi faollikka ega bo‘lib, gripp virusining hujayra membranasi yuzasi bilan bog‘lanish joylarini to‘sib qo‘yadi, hujayralarni virusning ularga kirishidan himoya qiladi.

Farmakokinetika

Shilliq pardaga surtilganda preparatning 20% ga yaqini so‘riladi. Organizmda to‘planmaydi va asosan sutka davomida buyraklar orqali chiqariladi.

Ko‘rsatmalar

Virusli rinitlarni davolash, grippning oldini olish.

Qarshi ko‘rsatmalar

Preparat komponentlariga yuqori individual sezuvchanlik.

Ehtiyotkorlik bilan

Homiladorlik, emizish davri, 2 yoshgacha bo‘lgan bolalar yoshi.

Qo‘llash usuli va dozalari

Mahalliy. Virusli rinitni davolash: burun shilliq pardasiga 3-4 kun davomida kuniga 2-3 marta surtma surtiladi.

Grippning oldini olish: gripp epidemiyasi avj olgan va maksimal darajada rivojlangan davrda yoki gripp bilan og‘rigan bemor bilan muloqotda bo‘lganda, burun shilliq qavatiga 25 kun davomida har kuni kuniga 2-3 marta malham surtiladi.

Nojo‘ya ta’sirlari

Burun shilliq qavatining tez o‘tib ketuvchi achishish hissi, rinoreya.

Dozani oshirib yuborish

Preparat dozasini oshirib yuborish hodisalari tavsiflanmagan.

O‘zaro aloqa

Boshqa dori vositalari bilan birga qo‘llanganda salbiy ko‘rinishlar aniqlanmagan.

Maxsus ko‘rsatmalar

Preparat ko‘zning virusli zararlanishlarida qo‘llash uchun mo‘ljallanmagan.

Qadoq

Alyuminiy naychada 10 g dan. Har bir tuba qo‘llanilishi bo‘yicha yo‘riqnoma bilan birga karton qutiga solinadi.

Saqlash shartlari

10 °C dan yuqori bo‘lmagan haroratda.

Bolalar qo‘li yetmaydigan joyda saqlang.

Yaroqlilik muddati

2 yil. Qadoqda ko‘rsatilgan yaroqlilik muddati tugagandan keyin ishlatilmasin.

Dorixonalardan berish shartlari

Retseptsiz.

Ro‘yxatdan o‘tish guvohnomasi egasi

BIOSINTEZ OAJ Rossiya.

Ishlab chiqaruvchi

BIOSINTEZ OAJ Rossiya.