Oksolin (Oxolinum) Zelenaya Dubrava burun moyi 0,25% har biri 10 g (naycha)

Tarkib

100 g surtma tarkibida:

Faol modda: dioksotetragidroksitetragidronaftalin 0,25 g.

Yordamchi moddalar: suyuq parafin, vazelin.

Tavsif

Surtma oqdan och sariq ranggacha bo‘ladi. Saqlash vaqtida pushti rangga kirishiga yo‘l qo‘yiladi.

Dori shakli

Burun surtmasi.

Farmakoterapevtik guruh

Mahalliy qo‘llash uchun virusga qarshi vosita. ATX kodi: J05AX.

Farmakologik xususiyatlari

Mahalliy qo‘llash uchun virusga qarshi vosita. Gripp virusi va adenoviruslarga qarshi virulitsid ta’sirga ega, virus saqlovchi material bilan bevosita aloqada bo‘lganda, virusning hujayralarda ko‘payishiga to‘sqinlik qiladi.

Farmakokinetika

Burun bo‘shlig‘i shilliq qavatiga surtilganda 20% gacha preparat so‘riladi. Organizmda to‘planmaydi va asosan sutka davomida buyraklar orqali chiqariladi.

Qo‘llanilishi

Virusli rinitlarni davolash, grippning oldini olish.

Qo‘llash usuli va dozalari

Mahalliy. Grippning oldini olish uchun - har kuni kuniga 2-3 marta burun shilliq qavati surtiladi; gripp epidemiyasining avj olishi va maksimal rivojlanishi davrida (25 kun davomida) yoki gripp bilan kasallangan bemor bilan aloqada bo‘lganda.

Virusli rinitni davolash: burun shilliq pardasi kuniga 2-3 mahal, 3-4 kun davomida surtiladi.

Nojo‘ya ta’sirlari

Burun shilliq qavatining tez o‘tib ketuvchi achishish hissi, rinoreya.

Qarshi ko‘rsatmalar

Preparatga yuqori sezuvchanlik.

Ehtiyotkorlik bilan: ikki yoshgacha bo‘lgan bolalar, homiladorlik, emizish davri.

Dorilarning o‘zaro ta’siri

Aniqlanmagan.

Maxsus ko‘rsatmalar

Transport vositalarini boshqarish kabi alohida e’tibor va tezkor harakatlarni talab qiladigan potentsial xavfli faoliyat turlari bilan shug‘ullanish qobiliyatiga ta’siri o‘rganilmagan.

Preparat yaroqlilik muddati tugagandan so‘ng qo‘llanilmasligi va bolalar qo‘li yetmaydigan joyda saqlanishi lozim.

Dozani oshirib yuborish

Hozirda dozani oshirib yuborish holatlari haqida xabar berilmagan.

Chiqarish shakli

Alyuminiy tubalarda 10 g dan 0,25% li burun surtmasi. Har bir tuba tibbiy qo‘llash bo‘yicha yo‘riqnoma bilan birga karton qutiga joylashtiriladi.

Saqlash shartlari

10 °C dan yuqori bo‘lmagan haroratda.

Yaroqlilik muddati

2 yil.

Dorixonalardan berish shartlari

Retseptsiz.

Ishlab chiqaruvchi

"Zelenaya Dubrava" YoAJ, Rossiya

141800, Moskva viloyati, Dmitrov shahri, Professionalnaya ko‘chasi, 151-uy,

tel/faks (49622) 3-05-85, (495) 993-99-95.