Orsipol plyonka bilan qoplangan planshetlar 500 / 500 mg №10 (1 blister)

Плёнка қобиқ билан қопланган ҳар бир таблетка қуйидагиларни сақлайди:

фаол моддалар: ципрофлоксацин (ципрофлоксацин гидрохлориди шаклида) - 500 мг, орнидазол - 500 мг;

ёрдамчи моддалар: натрий крахмалгликоляти, натрий кроскармеллоза, повидон, магний стеарати, сувсиз коллоид кремний диоксиди, тальк, маккажўхори крахмали;

қобиғининг таркиби: сариқ Опадри 02F22025 (гипромеллоза, титан диоксиди, макрогол 6000, темир (II) оксиди, тальк).

Овал шаклли, оч сариқ рангли, бир томонида “ORCP” гравировкаси, бошқа томонида бўлиш учун рискаси бўлган, плёнка қобиқ билан қопланган таблетка.

Плёнка қобиқ билан қопланган таблеткалар.

Тизимли қўллаш учун микробларга қарши ва протозойларга қарши препаратлар. АТХ коди: J01.

Фармакодинамикаси

Орципол - микробларга қарши ва протозойларга қарши мажмуавий препарат бўлиб, фармакологик таъсири унинг таркибига кирувчи компонентлар: ципрофлоксацин (II авлод фторхинолони ҳосиласи) ва орнидазол (5-нитроимидазол ҳосиласи) нинг хусусиятлари билан ифодаланади.

Ципрофлоксацин бактериялардаги ДНК-гираза ферментини ингибиция қилади ва ДНК синтезини сусайтиради; бактерияларнинг ҳужайра девори ва мембранасида морфологик ўзгаришлар чақиради, бу ҳужайраларни тез нобуд бўлишига олиб келади. Кўпаётган ва тинч ҳолатдаги микроорганизмларга таъсир қилади. Микробларга қарши кенг таъсир доирасига эга, қатор аэроб граммусбат ва грамманфий микроорганизмлар: Staphylococcus spp. (шу жумладан пенициллиназа ишлаб чиқарадиган ва ишлаб чиқармайдиган штаммлари, метициллинга резистент бўлган штаммлари), Streptococcus spp. (шу жумладан S. pneumoniae ва S. pyogenes штаммлари), Enterococcus spp, Listeria monocytogenes; Enterobacter spp., Haemophilus influenzae, Klebsiella spp., Legionella spp., Moraxella catarrhalis, Morganella morganii, Neisseria spp., Proteus spp., Pseudomonas aeruginosa, Salmonella spp., Shigella spp., Vibrio cholerae, Campylobacter spp., Citrobacter spp., Yersinia enterocolitica, E.coli; ва бошқалар - Mycobacterium tuberculosis, Chlamydia trachomatis ва Mycoplasma hominis. Ureaplasma urealyticum, Clostridium difficile, Nocardia asteroidеs лар ципрофлоксацинга резистентдир. Treponema pallidum нисбатан таъсири етарли даражада ўрганилмаган.

Орнидазолнинг таъсир механизми сезгир микроорганизмларнинг ДНК структурасини бузилиши билан боғлиқ. Trichomonas vaginalis, Giardia lamblia, Entamoeba histolytica ларга нисбатан, шунингдек баъзи анаэроб бактериялар (шу жумладан Bacteroides spp., Clostridium spp., Fusobacterium spp. ва анаэроб кокклар) га нисбатан фаолдир.

Фармакокинетикаси

Ципрофлоксацин меъда-ичак йўлларидан (МИЙ) дан тез сўрилади. Биокираолишлиги 70-80% ни ташкил этади.

Орнидазол перорал қабул қилинганидан сўнг тез сўрилади. Биокираолишлиги 90% ни ташкил этади.

Орципол ципрофлоксацин/орнидазолнинг мажмуасига сезгир бўлган микроорганизмларнинг штаммлари чақирган қуйидаги инфекцияларни даволаш учун мўлжалланган:

• кичик чаноқ аъзоларининг инфекцион-яллиғланиш касалликларини даволаш, шу жумладан абортлар ва операциядан кейинги инфекцияни олдини олиш учун;
• буйрак ва/ёки сийдик чиқариш йўлларининг инфекциялари: ўткир ва сурункали пиелонефрит, цистит, уретрит, простатит, эпидидимит, шу жумладан, асоратланган ва қайталанувчи инфекцияларда;
• жинсий йўл билан юқадиган инфекциялар: хламидиоз, микоплазмоз, гонорея, трихомониаз, аралаш инфекциялар (микст-инфекциялар) да;
• нафас йўлларининг инфекциялари: ўткир бронхит, сурункали бронхитни зўрайиши, пневмония (Орципол препаратини Klebsiella, Enterobacter, Proteus, E. coli, Pseudomonas, Haemophilus, Branhamella, Legionella, Staphylococcus чақирган пневмонияларда буюриш тавсия этилади), инфекцияланган бронхоэктазлар, ўпка абсцесси, плевра эмпиемасида;
• ЛОР-аъзоларининг инфекциялари: синусит, ташқи ва ўрта қулоқ отити, мастоидитда;
• кўзнинг инфекцияларида;
• тери ва юмшоқ тўқималарнинг инфекцияларида;
• суяк ва бўғимларнинг инфекцияларида;
• қорин бўшлиғининг инфекциялари, МИЙ ва ўт чиқариш йўлларининг инфекциялари, перитонитда;
• амёбиазда (Entamoeba histolytica чақирган ичак инфекциялари, шу жумладан амёбали дизентерия ва амёбиазнинг ичакдан ташқари барча шакллари, айниқса амёбали жигар абсцессида);
• лямблиозда;
• сепсисда;
• иммунитети паст бўлган пациентларда (масалан, иммунодепрессантлар қабул қилаётган пациентлар ёки нейтропенияси бўлган пациентларда) инфекцияларни олдини олиш ва даволашда;
• иммунитети паст бўлган пациентларда танланган ичак деконтаминациясида;
• йўғон ичакда ўтказилган операцияларда ва гинекологик аралашувларда анаэроб инфекцияни олдини олиш учун;
• куйдиргининг (Bacillus anthracis чақирган) ўпка шаклини олдини олиш ва даволаш учун;
• 5 ёшдан 17 ёшгача бўлган ўпка муковисцидози билан хасталанган болаларда Pseudomonas aeruginosa чақирган асоратларни даволаш учун қўлланади.

Орципол овқатдан олдин ёки овқатдан кейин 2 соат ўтгач ичга чайнамасдан қабул қилинади.

Ўткир инфекцияларда даволаш курси 5-7 кунни ташкил этади, сурункали қайталанувчи инфекцияларни даволашда эса 10-14 кунни ташкил этади, 1 таблеткадан суткада 2 марта қўлланади.

Касаллик симптомлари бартараф бўлганидан сўнг яна 2 кун давомида препарат қабул қилишни давом эттириш керак.

Креатинин клиренси минутига 20 минут ва ундан кам бўлган беморларга, кекса ёшдаги пациентларга ва тана вазни енгил бўлган пациентларга одатдаги дозаснинг ярми буюрилади.

Симптомлар одатда енгил ёки ўртача оғирлик даражасида ва тез ўтиб кетадиган бўлади, айрим ҳолларда даволашни бекор қилиш талаб этилади.

Меъда-ичак йўллари томонидан: кўнгил айниши, қусиш, диарея, қоринда оғриқ.

Марказий нерв тизими томонидан: бош оғриғи, бош айланиши, уйқуни бузилиши.

Қон яратиш тизими томонидан: эозонофилия, лейкопения, нейтропения, тромбоцитлар миқдорини ўзгариши.

Иммун тизими ва тери қопламлари томонидан: аллергик реакциялар, ёруғликка сезувчанлик реакциялари бўлиши мумкин.

Ципрофлоксацин ёки орнидазолга юқори сезувчанликда қўллаш мумкин эмас.

Ципрофлоксацин ва теофиллинни бир вақтда қабул қилиш цитохром Р450 ни боғланган соҳаларида рақобатли ингибиция бўлиши ҳисобига қон плазмасида теофиллиннинг концентрациясини ошишига олиб келиши мумкин, бу теофиллиннинг ярим чиқарилиш даврини узайишига ва теофиллин қўзғатган ножўя самараларни ривожланишига олиб келади.

Орнидазол кумарин қатори перорал антикоагулянтларнинг таъсирини кучайтиради, бу уларнинг дозаларига тузатиш киритишни талаб этади.

Орнидазол векуроний бромиднинг миорелаксация қилувчи таъсирини узайтиради.

Ципрофлоксацин ва варфаринни бир вақтда қўллаш варфариннинг таъсирини кучайтириши мумкин.

Антацидлар, шунингдек таркибида алюминий, рух, темир ёки магний ионларини сақловчи препаратларни бир вақтда қабул қилиш ципрофлоксациннинг сўрилишини пасайтириши мумкин, шунинг учун бу препаратларни қабул қилишлар ўртасидаги оралиқ камида 4 соат бўлиши керак.

Буйрак функциясини бузилишлари бўлган пациентларда препаратнинг дозалаш тартибига тузатиш киритиш талаб этилади. Кекса ёшдаги пациентларда, бош миядаги қон-томирлар атеросклерозида, бош мияда қон айланишини бузилишларида, тутқаноқда, номаълум этиологияли тиришиш синдромида эҳтиёткорлик билан қўлланади.

Даволаниш вақтида алкоголь истеъмол қилишдан сақланиш керак.

Ҳомиладорлик ва лактация даврида қўлланиши

Ҳомиладорлик ва лактация даврида она учун даволашдан кутилган фойда ҳомила учун ривожланиши мумкин бўлган ҳавфдан аҳамиятли даражада устун бўлган ҳолатдагина Орципол препаратини қўллаш тавсия этилади. Лактация даврида препаратни қўллаш зарурати бўлганида эмизишни тўхтатиш керак.

Педиатрияда қўлланиши

Жуда зарур бўлган ҳолларда, эҳтиёткорлик билан буюрилади.

Автотранспортни ҳайдаш ва механизмларни бошқариш қобилиятига таъсири

Орциполни қабул қилганда диққатни жамлаш қобилияти ва психомотор реакциялар тезлиги пасайиши мумкин, иш фаолияти автотранспортни бошқариш, машиналар ва механизмларга хизмат кўрсатиш, нотурғун ҳолатда иш бажариш билан боғлиқ бўлган шахсларда препаратни қўллаш зарурати бўлганида юқоридагини ҳисобга олиш керак.

Препарат болалар ололмайдиган жойда сақлансин ва яроқлилик муддати тугаганидан сўнг ишлатилмасин.

Симптомлари: бош айланиши, онгни бузилиши ва тиришиш ҳуружлари, кўнгил айниши, шиллиқ қаватларни шикастланиши бўлиши мумкин.

Даволаш: симптоматик даволаш ўтказилади. Специфик антидоти мавжуд эмас.

Плёнка қобиқ билан қопланган таблеткалар. 10 таблетка блистерда. 1 ёки 2 блистер қўллаш бўйича йўриқномаси билан бирга картон қутида.

25 °C дан юқори бўлмаган ҳароратда сақлансин.

3 йил.

Рецепт бўйича берилади.

«Уорлд Медицин Илач Сан. ве Тидж. А.Ш.», Туркия

(Багджылар Илчеси, Гюнешли, Эврен Махаллеси,

Джами Йолу Джад. №50 К. 1В Земин 4-5-6, Истамбул)

“World Medicine Ilaç San. ve Tic. А.Ş.”, Turkey

(Bağcılar İlçesi, Güneşli, Evren Mahallesi,

Cami Yolu Cad. No:50 K. 1B Zemin 4-5-6, İstanbul).