Otofa quloq tomchilari 2,6%, 10 ml (shisha)

Tarkib

100 ml uchun

Ta’sir etuvchi modda:

Rifamitsin natriy 2,6 g, bu 2000000 TB ga to‘g‘ri keladi.

Yordamchi moddalar:

Makrogol 400 25,000 g; askorbin kislotasi 0,500 g; dinatriy edetat 0,012 g; kaliy disulfit 0,150 g; litiy gidroksid 0,135 g; tozalangan suv 100 ml gacha.

Tavsif

Tiniq eritma qizil-to‘q sariq rangda.

Chiqarish shakli

Quloq tomchilari, 2,6%.

Farmakoterapevtik guruh

Quloq kasalliklarini davolash uchun vositalar; mikroblarga qarshi vositalar. Rifamitsin. ATX kodi: S02AA12.

Farmakologik xususiyatlari

Farmakodinamika

Rifamitsinlar guruhiga mansub, otolaringologiyada mahalliy qo‘llash uchun antibiotik. Bakteritsid ta’sir ko‘rsatadi. Rifamitsinning ta’sir mexanizmi DNKga bog‘liq RNK-polimeraza bilan barqaror kompleks hosil qilishi bilan bog‘liq bo‘lib, u bakteriyalarning o‘sishiga to‘sqinlik qiladi. O‘rta quloqning infeksion-yallig‘lanish kasalliklari rivojlanishiga sabab bo‘luvchi ko‘pchilik grammusbat va grammanfiy bakteriyalarga nisbatan faol.

Ko‘rsatmalar

O‘tkir tashqi otit; surunkali o‘rta otitning kuchayishi (shu jumladan nog‘ora pardaning turg‘un teshilishi mavjud bo‘lganda); o‘rta quloqdagi jarrohlik aralashuvlaridan keyingi holatlar.

Qarshi ko‘rsatmalar

Rifamitsinga yoki preparatning boshqa komponentlariga yuqori sezuvchanlik.

Ehtiyotkorlik bilan

Qo‘llanilmaydi.

Qo‘llash usuli va dozalari

Kattalarga: quloqqa 5 tomchidan sutkasiga 3 mahal tomiziladi yoki dori surtilgan doka turunda sutkasiga 2 mahal tashqi eshituv yo‘liga yuboriladi. Preparat nog‘ora bo‘shlig‘ini attik kanyulya orqali yuvish uchun ishlatilishi mumkin.

Bolalarga: quloqqa 3 tomchidan sutkasiga 3 mahal tomiziladi yoki dori surtilgan doka turunda sutkasiga 2 mahal tashqi eshituv yo‘liga yuboriladi. Davolash davomiyligi - 7 kundan ortiq emas.

Nojo‘ya ta’sirlari

Chastotasi quyidagicha aniqlangan: juda tez-tez (≥1/10); tez-tez (≥1/100, lekin <1/10); tez-tez emas (≥1/1 000, lekin <1/100); kamdan-kam (≥1/10 000, lekin <1/1 000); juda kamdan-kam (<1/10 000); chastotasi noma’lum (mavjud ma’lumotlar asosida baholash mumkin emas).

Teri va teri osti to‘qimalarining buzilishi

Kamdan kam hollarda - teri allergik reaksiyalari: eshakem, teri qichishi, mayda nuqtali teri toshmalari.

Dozani oshirib yuborish

Tizimli qon oqimiga so‘rilish darajasi past bo‘lganligi sababli, dozani oshirib yuborish ehtimoli kam.

O‘zaro aloqa

Aniqlanmagan.

Maxsus ko‘rsatmalar

Quloq tomchilarini qo‘llashdan oldin, quloqqa sovuq suyuqlik tushishi bilan bog‘liq noxush sezgilarning oldini olish uchun flakonni qo‘lingizda ushlab turib isitish tavsiya etiladi.

Preparatning kiyimga tegishidan saqlanish kerak, chunki eritma matoda dog‘ qoldirishi mumkin.

Mahalliy reaksiyalar: nog‘ora pardaning pushti rangda bo‘lishi (otoskopiyada ko‘rinadi).

Homiladorlik va laktatsiya

Homiladorlik va laktatsiya davrida preparatni qo‘llash xavfsizligi bo‘yicha adekvat va qat’iy nazorat qilinadigan tadqiqotlar o‘tkazilmagan.

Homiladorlik va laktatsiya davrida, agar ona uchun potensial foyda homila va bola uchun mumkin bo‘lgan xavfdan oshmasa, qo‘llash mumkin.

Transport vositalari va mexanizmlarini boshqarish qobiliyatiga ta’siri

Preparatning avtomobil va boshqa transport vositalarini boshqarish qobiliyatiga salbiy ta’siri haqida ma’lumotlar yo‘q.

Qadoq

Rezina tiqin va alyuminiy qopqoq bilan berkitilgan to‘q rangli shisha idishga 10 ml dan solinadi. Har bir flakon pipetka va qo‘llash bo‘yicha yo‘riqnoma bilan birga karton qutiga solinadi.

Saqlash shartlari

25 °C dan yuqori bo‘lmagan haroratda saqlanadi.

Bolalar qo‘li yetmaydigan joyda saqlang.

Yaroqlilik muddati

3 yil.

Yaroqlilik muddati tugagandan keyin qo‘llanilmaydi.

Dorixonalardan berish shartlari

Retsept bo‘yicha.

Ro‘yxatdan o‘tish guvohnomasi egasi

BUSHAR-REKORDATI LABORATORIYALARI Fransiya.

Ishlab chiqaruvchi

PHARMASTER Fransiya.