Rifampitsin-Belmed (Rifampicinum-Belmed) kapsulalari 150 mg №20 (2 blister х 10 kapsula)

Tarkib

Bitta kapsula uchun:

Faol moddasi: rifampitsin - 150 mg.

Yordamchi moddalar: magniy karbonat asosli, og‘ir, kalsiy stearat, laktoza monogidrat.

Qattiq jelatinli kapsula tarkibi: titan dioksidi Ye-171, ponso 4R Ye-124, apelsin sariq Ye-110, brilliant ko‘k Ye-133, jelatin.

Tavsif

Kapsulalar zarg‘aldoq-qizil rangda, raqami 1.

Dori shakli

Kapsulalar 150 mg.

Farmakoterapevtik guruh

Mikobakteriyalarga nisbatan faol preparatlar. Silga qarshi preparatlar. Antibiotiklar-ansamitsinlar. ATX kodi: J04AB02.

Farmakologik xususiyatlari

Rifampitsin - ansamitsinlar sinfiga mansub rifamitsinlar guruhidan keng spektrli antimikrob ta’sirga ega yarim sintetik antibiotik. Bakteritsid ta’sir ko‘rsatadi. Mycobacterium tuberculosis ga nisbatan yuqori faollikka ega, I qator silga qarshi vosita hisoblanadi.

Gram-musbat bakteriyalarga (Staphylococcus spp, shu jumladan polirezistent shtammlar, Streptococcus spp., Bacillus anthracis, Clostridium spp.) va ba’zi grammanfiy bakteriyalarga (Neisseria meningitidis, Neisseria gonorrhoeae, Haemophilus influenzae, Brucella spp., Legionella pneumophila) nisbatan faol. Chlamydia trachomatis, Rickettsia prowazekii, Mycobacterium leprae ga nisbatan faol. Zamburug‘larga ta’sir qilmaydi. Rifampitsin quturish virusiga qarshi virulitsid ta’sir ko‘rsatadi, quturish ensefalitining rivojlanishini to‘xtatadi.

Rifampitsinga chidamlilik tez rivojlanadi. Boshqa antibakterial preparatlar (qolgan rifampitsinlardan tashqari) bilan o‘zaro chidamliligi aniqlanmagan.

Qo‘llanilishi

Rifampitsin tuberkulyozda (barcha shakllarida, shu jumladan tuberkulyoz meningitida) kombinatsiyalangan terapiya tarkibida; preparatga sezgir qo‘zg‘atuvchilar keltirib chiqargan infeksion-yallig‘lanish kasalliklarida (shu jumladan osteomiyelit, pnevmoniya, piyelonefrit, moxov, brutsellyoz, gonoreya, xoletsistit va boshqalarda), shuningdek meningokokk tashuvchanligida qo‘llaniladi.

Davolash jarayonida antibiotikka chidamlilikning tez rivojlanishi sababli, silga bog‘liq bo‘lmagan kasalliklarda rifampitsinni qo‘llash boshqa antibiotiklar bilan davolab bo‘lmaydigan holatlar bilan cheklanadi.

Qo‘llash usuli va dozalari

Kattalarga sutkasiga 450-600 mg dan 1-3 mahal ichish buyuriladi. Maksimal sutkalik doza - 900 mg. Bolalarga sutkasiga 8-15 mg/kg dan 1-3 mahal ichish buyuriladi. Bolalar uchun maksimal sutkalik doza - 600 mg.

Rifampitsinni kattalarda kunlik 1,2 g dozada, bolalarda kunlik 20 mg/kg dozada qo‘llash mumkin, bunda preparatning nojo‘ya ta’siri dozaga bog‘liq ravishda kuchayishi qayd etilgan.

Preparat och qoringa (ovqatdan 1/2-1 soat oldin) ichiladi.

Silni davolash uchun (odatda, boshqa silga qarshi dorilar - izoniazid, pirazinamid, etambutol, streptomitsin bilan kombinatsiyalangan terapiyada) kattalar uchun o‘rtacha sutkalik doza 450 mg ni tashkil etadi, preparat kuniga 1 marta qabul qilinadi. Tana vazni 50 kg va undan ortiq bo‘lgan bemorlarda (ayniqsa, xuruj davrida) sutkalik doza 600 mg gacha oshirilishi mumkin.

Rifampitsinning o‘rtacha sutkalik dozasi 6 yoshdan katta bolalar uchun tana vazniga nisbatan 10-20 mg/kg ni tashkil etadi (lekin sutkasiga 450 mg dan ko‘p emas), antibiotik sutkasiga 1 marta qabul qilinadi. Rifampitsinni yomon ko‘tara olishda sutkalik doza 2 qabulga bo‘linishi mumkin.

Moxovning multipatsillyar turlarini (lepromatoz, chegara, lepromatoz va chegara) davolash uchun dapson va klofazimin bilan birgalikda buyuriladi: kattalarga - oyiga 1 marta 600 mg dan; bolalarga - oyiga 1 marta 10 mg/kg dan. Davolashning minimal davomiyligi - 2 yil.

Moxovning multipatsillyar turlarini davolash uchun (tuberkulyoid va chegara tuberkulyoid) dapson bilan birgalikda buyuriladi: kattalarga - oyiga 1 marta 600 mg dan, bolalarga - oyiga 1 marta 10 mg/kg dan. Davolash davomiyligi - 6 oy.

Tabiatan sil bo‘lmagan infeksiyalarda kattalarga rifampitsin sutkasiga 300-900 mg dan buyuriladi. Bolalarga - kuniga tana vazniga 8-10 mg/kg, preparatning hisoblangan dozasi 2-3 qabulga bo‘linadi. Davolash davomiyligi preparatning samaradorligi va o‘zlashtirilishiga qarab individual ravishda belgilanadi va 7-10 kunni tashkil etishi mumkin.

O‘tkir so‘zakda rifampitsin sutkasiga 900 mg dan bir marta yoki 2 kun davomida buyuriladi.

Quturishning oldini olish uchun kattalarga sutkasiga 450-600 mg dan ichishga buyuriladi; og‘ir jarohatlarda (yuz, bosh, qo‘l panjalari chaqilganda) - sutkasiga 900 mg dan. 6 yoshdan 12 yoshgacha bo‘lgan bolalarga sutkasiga tana vazniga 8-10 mg/kg dozada buyuriladi. Sutkalik doza 2-3 qabulga bo‘linadi. Preparatni qo‘llash davomiyligi - 5-7 kun. Davolash faol immunizatsiya bilan bir vaqtda olib boriladi.

Meningokokk meningitining oldini olish uchun kattalarga 2 sutka davomida har 12 soatda 600 mg dan; 6-12 yoshdagi bolalarga 2 sutka davomida har 12 soatda 10 mg/kg dan buyuriladi.

Brutsellyozni davolash uchun boshqa dori vositalari bilan birgalikda rifampitsin sutkasiga 600-1200 mg dozada buyuriladi. Sutkalik doza 2-4 qabulga bo‘linadi.

Nojo‘ya ta’sirlari

Ovqat hazm qilish tizimi tomonidan: ko‘ngil aynishi, qusish, ich ketishi, ishtahaning pasayishi, eroziv gastrit, psevdomembranoz kolit; qon zardobida "jigar" transaminazalari faolligining oshishi, giperbilirubinemiya, gepatit.

Ovqat hazm qilish tizimi tomonidan: ko‘ngil aynishi, qusish, ich ketishi, ishtahaning pasayishi, eroziv gastrit, psevdomembranoz kolit; qon zardobida "jigar" transaminazalari faolligining oshishi, giperbilirubinemiya, gepatit.

Teri qoplamlari tomonidan: qon toshishi, qichishish, toshma, eshakemi, kamdan-kam hollarda - eksfoliativ dermatit, pemfigoid (pufakli) reaksiya, Stivens-Jonson sindromi, Layell sindromi va vaskulitni o‘z ichiga olgan ko‘p shaklli eritema.

Allergik reaksiyalar: eozinofiliya, angionevrotik shish, bronxospazm, artralgiya, isitma.

Asab tizimi tomonidan: bosh og‘rig‘i, ko‘rish o‘tkirligining pasayishi, ataksiya, dezoriyentatsiya; juda kamdan-kam hollarda - psixozlar.

Siydik ajratish tizimi tomonidan: nefronekroz, interstitsial nefrit.

Boshqalar: kamdan kam hollarda - eozinofiliya, leykopeniya, agranulotsitoz, dismenoreya, porfiriya induksiyasi, miasteniya, giperurikemiya, podagraning kuchayishi, shishlar, mushaklar kuchsizligi, miopatiya, juda kam hollarda - tarqalgan trombogemorragik sindrom.

Muntazam qabul qilinmaganda yoki tanaffusdan keyin davolash qayta tiklanganda grippga o‘xshash sindrom (isitma, qaltirash, bosh og‘rig‘i, bosh aylanishi, mialgiya), teri reaksiyalari, gemolitik anemiya, o‘tkir buyrak yetishmovchiligi, trombotsitopenik purpura (purpura paydo bo‘lganda miyaga qon quyilishi va o‘lim holatlarining oldini olish uchun rifampitsinni qabul qilishni to‘xtatish kerak) kuzatilishi mumkin.

Qarshi ko‘rsatmalar

Rifampitsin yoki boshqa rifamitsinlarga yuqori sezuvchanlik, sariqlik (shu jumladan mexanik), yaqinda (1 yildan kam) o‘tkazilgan yuqumli gepatit, buyrak faoliyatining yaqqol buzilishlari, 6 yoshgacha bo‘lgan bolalar, homiladorlik, emizish davri. Sakvinavir/ritonavir bilan birgalikda qo‘llash mumkin emas.

Ehtiyotkorlik bilan: II-III darajali o‘pka-yurak yetishmovchiligi; ozib ketgan bemorlar; spirtli ichimliklarni suiiste’mol qiluvchi bemorlar, porfiriya.

Dorilarning o‘zaro ta’siri

Rifampitsin sitoxrom P450 izofermentlarining induksiyasini keltirib chiqaradi, ularning metabolizmini tezlashtiradi (qon plazmasidagi konsentratsiyasi pasayadi va shunga mos ravishda ta’siri kamayadi), shuningdek, quyidagi dori vositalari bilan potensial xavfli dori o‘zaro ta’sirlarini keltirib chiqarishi mumkin: bilvosita antikoagulyantlar (kumarinlar), diabetga qarshi dori vositalari (xlorpropamid, tolbutamid), yurak glikozidlari (digitoksin, digoksin), klofibrat, antiaritmik dori vositalari (dizopiramid, pirmenol, xinidin, meksiletin, tokoinid, propafenon), kortikosteroidlar, epilepsiyaga qarshi dori vositalari (fenitoin), antibakterial dori vositalari (xloramfenikol, klaritromitsin, dapson, doksitsiklin, ftorxinolonlar), zamburug‘ga qarshi dori vositalari (ketokonazol, itrakonazol, vorikonazol), virusga qarshi (sakvinavir, indinavir, nelfinavir, atazanavir, lopinavir, nevirapin), ondansetron, xininlar, simvastatin,

Antatsidlar, narkotik analgetiklar, antixolinergik dori vositalari va ketokonazol (bir vaqtning o‘zida ichilganda) rifampitsinning biosinguvchanligini pasaytiradi.

Izoniazid va/yoki pirazinamid oldingi jigar kasalligi bo‘lgan bemorlarda bitta rifampitsinni buyurishga qaraganda jigar faoliyati buzilishlarining chastotasi va og‘irligini ko‘proq oshiradi.

Rifampitsin estrogen va gestagenlar metabolizmini tezlashtiradi (peroral kontratseptivlarning kontratseptiv ta’siri kamayadi).

PASK preparatlarini preparatni qabul qilgandan keyin kamida 4 soatdan keyin buyurish kerak, chunki so‘rilish buzilishi mumkin.

Maxsus ko‘rsatmalar

Silni rifampitsin bilan monoterapiya qilish ko‘pincha qo‘zg‘atuvchining antibiotikka chidamliligi rivojlanishi bilan kechadi, shuning uchun uni silga qarshi boshqa vositalar bilan birga qo‘llash kerak. Sil bo‘lmagan infeksiyalarni davolashda mikroorganizmlar rezistentligining tez rivojlanishi mumkin; rifampitsinni boshqa kimyoterapevtik vositalar bilan kombinatsiya qilinsa, bu jarayonning oldini olish mumkin.

Preparat yuborilganda siydik, axlat, so‘lak, ter, ko‘z yoshi suyuqligi, kontakt linzalari qizil rangga bo‘yalishi mumkin.

Rifampitsin peroral kontratseptivlarning ta’sirini kamaytiradi, shuning uchun bemorlarga qo‘shimcha himoya vositalaridan foydalanish tavsiya etiladi.

Ehtiyot choralari

Rifampitsin bilan davolash sinchkovlik bilan shifokor nazorati ostida olib borilishi kerak. Trombotsitopeniya, purpura, gemolitik anemiya, buyrak yetishmovchiligi va boshqa jiddiy nojo‘ya reaksiyalar rivojlanganda rifampitsin qabul qilish to‘xtatiladi.

Preparat bilan davolashni jigar funksiyasi tekshirilgandan so‘ng (qondagi bilirubin va aminotransferazalar miqdorini aniqlash, timol sinamasi) boshlash va davolash jarayonida har oyda o‘tkazish lozim. Jigar faoliyati buzilishining kuchayib borayotgan holatlarida preparatni qo‘llashni to‘xtatish lozim. Preparat uzoq vaqt qo‘llanganda leykopeniya rivojlanishi mumkinligi sababli qon manzarasini nazorat qilish zarur.

Meningokokk batsilla tashuvchilarida profilaktik qo‘llash holatida, rifampitsinga rezistentlik yuzaga kelgan taqdirda, kasallik belgilarini o‘z vaqtida aniqlash uchun bemorlarning sog‘lig‘ini qat’iy nazorat qilish zarur.

Homiladorlik va laktatsiya davrida qo‘llash

Rifampitsinni homiladorlik va laktatsiya davrida qo‘llash mumkin emas.

Avtotransport va boshqa potensial xavfli mexanizmlarni boshqarish qobiliyatiga ta’siri

Bemorlar yuqori diqqat, tez ruhiy va harakat reaksiyasini talab qiladigan barcha faoliyat turlaridan tiyilishlari kerak.

Preparat yaroqlilik muddati tugaganidan keyin qo‘llanilmasligi va bolalar qo‘li yetmaydigan joyda saqlanishi lozim.

Dozani oshirib yuborish

Belgilari: es-hushning chalkashuvi, o‘pka shishi, talvasalar, ko‘ngil aynishi, qusish, ich ketishi, uyquchanlik, jigarning kattalashishi, sariqlik, qon plazmasida bilirubin, jigar transaminazalari miqdorining oshishi; teri, siydik, so‘lak, ter, ko‘z yoshi va najasning qabul qilingan preparat dozasiga mutanosib ravishda jigarrang-qizil yoki to‘q sariq rangga bo‘yalishi.

Davolash: preparatni qabul qilishni to‘xtatish. Oshqozonni yuvish, faollashtirilgan ko‘mir tayinlash, jadallashtirilgan diurez. Simptomatik terapiya (spetsifik antidot yo‘q).

Chiqarish shakli

No10x2, No10x150 kontur katakli o‘ramdagi 150 mg li kapsulalar.

Saqlash shartlari

Namlik va yorug‘likdan himoyalangan joyda, 25 °C dan yuqori bo‘lmagan haroratda.

Yaroqlilik muddati

3 yil.

Dorixonalardan berish shartlari

Shifokor retsepti bo‘yicha.

Ishlab chiqaruvchi

"Belmedpreparatlar" RUK,

Belarus Respublikasi, 220007, Minsk shahri,

Fabritsius ko‘chasi, 30, tel.: (+375-17) 220-37-16,

e-mail: [email protected]