Aykrol

Tarkib

1 ml preparat tarkibida quyidagilar mavjud:

faol modda: natriy kromoglikat 40 mg;

yordamchi moddalar: benzalkoniy xlorid, dinatriy edetat, polisorbat 80, natriy gidroksid, xlorid kislota, inyeksiya uchun suv.

Tavsif

Rangsizdan och sariq ranggacha bo‘lgan shaffof eritma.

Farmakoterapevtik guruh

Oftalmologiyada mahalliy qo‘llash uchun antiallergik preparatlar. ATX kodi: S01GX01.

Farmakologik xususiyatlari

Aykrol - allergiyaga qarshi vosita bo‘lib, uning tarkibiga kromoglitsiy kislotasining dinatriyli tuzi kiradi. Terapevtik ta’siri kromoglitsiy kislotasining membranani barqarorlashtiruvchi ta’siridan iborat bo‘lib, u semiz hujayralarning degranulyatsiyasiga va ulardan gistamin, bradikinin, leykotrienlar (shu jumladan, sekin ta’sir qiluvchi anafilaksiya substansiyasi), prostaglandinlar va boshqa biologik faol moddalarning ajralishiga to‘sqinlik qiladi. Aykrol preparati profilaktik qo‘llashda eng samarali hisoblanadi, chunki u allergik va yallig‘lanish reaksiyalari rivojlanishining oldini oladi. Ko‘z allergik kasalliklarida to‘liq klinik samara bir necha kun yoki haftalar ichida yuzaga keladi.

Qo‘llanilishi

allergik konyunktivit (o‘tkir, surunkali, bahorgi);

allergik keratit va keratokonyunktivit;

"quruq ko‘z" sindromi;

allergik reaksiyalar (atrof-muhit omillari, kasbiy zararlar, maishiy kimyo vositalari, kosmetika vositalari, oftalmologik dori shakllari, o‘simliklar va uy hayvonlari) tufayli ko‘zning zo‘riqishi va charchashi.

Qo‘llash usuli va dozalari

Kattalar va bolalarga 4% li eritmasidan 1-2 tomchidan har ikki ko‘zga sutkada 4-6 marta bir xil vaqt oralig‘ida tomiziladi (klinik samaraga erishilganda, qo‘llash oralig‘i asta-sekin uzaytiriladi).

Nojo‘ya ta’sirlari

Qisqa muddatli achishish va ko‘rishning buzilishi, konyunktivaning giperemiyasi va shishi, ko‘zdan yosh oqishi, ko‘zda yot jism sezgisi, ko‘z atrofidagi quruqlik.

Qarshi ko‘rsatmalar

Preparat komponentlariga yuqori sezuvchanlik.

Dorilarning o‘zaro ta’siri

Tarkibida glyukokortikosteroidlar bo‘lgan oftalmologik preparatlarni qo‘llashga bo‘lgan ehtiyojni kamaytiradi.

Maxsus ko‘rsatmalar

Aykrol faqat mahalliy qo‘llash uchun mo‘ljallangan. Agar ko‘z tomchilarini qo‘llagandan so‘ng konyunktiva giperemiyasi uzoq vaqt davom etsa yoki kuchayib borsa, u holda preparatni qo‘llashni to‘xtatish va shifokorga murojaat qilish lozim.

Kontakt linzalardan foydalanilganda, tomizishdan oldin ularni yechib olish va preparat instillyatsiyasidan 15-20 daqiqa o‘tgach, yana kiyish kerak.

Qadoq ichidagi moddalarning mikroblar bilan ifloslanishini oldini olish uchun tomizgich uchining biror yuzaga tegishidan saqlanish lozim.

Flakonni har foydalanishdan keyin yopish kerak. Pipetka uchini ko‘zga tekkizmaslik kerak.

Homiladorlik va emizish davrida qo‘llash

Homiladorlikda Aykrol ko‘z tomchilarini qo‘llash, agar uni qo‘llashning foydasi homila holati uchun xavfdan ustun bo‘lsa, mumkin.

Agar preparat laktatsiya davrida qo‘llanilsa, emizishni to‘xtatish kerak.

Pediatriyada qo‘llanishi

4 yoshgacha bo‘lgan bolalarda Aykrolni qo‘llash samaradorligi va xavfsizligi o‘rganilmagan.

Avtotransport va mexanizmlarni boshqarish qobiliyatiga ta’siri

Instillyatsiyadan so‘ng darhol ko‘rish qobiliyatining noaniqligi yuzaga kelishi mumkin, bu esa avtomobilni boshqarishda va mexanizmlar bilan ishlashda qiyinchiliklarga olib kelishi mumkin.

Preparatni bolalar qo‘li yetmaydigan joyda saqlash va yaroqlilik muddati tugaganidan keyin ishlatmaslik lozim.

Dozani oshirib yuborish

Aykrol preparatining dozasini oshirib yuborish bo‘yicha ma’lumotlar yo‘q.

Chiqarish shakli

Ko‘z tomchilari 10 ml dan, tiqin-tomizgichli va himoya halqasi bilan ta’minlangan, burab qo‘yiladigan himoya qopqoqli plastik flakonda.

Qo‘llash bo‘yicha yo‘riqnoma bilan birga flakon karton qutida.

Saqlash shartlari

Yorug‘likdan himoyalangan joyda, 25 °C dan yuqori bo‘lmagan haroratda saqlanadi.

Flakon ochilgandan so‘ng preparat bir oy davomida ishlatiladi!

Yaroqlilik muddati

3 yil.

Dorixonalardan berish shartlari

Retseptsiz beriladi.

Ishlab chiqaruvchi

Ye.I.P.I. Ko., Tensov Ramazon Siti, Birinchi sanoat zonasi B1, a/ya 149 Tens, Misr

("E.I.P.I.CO." O‘ninchi Ramazon shahri, Birinchi sanoat zonasi B1, pochta qutisi: 149 O‘ninchi, Misr)

Uchun ishlab chiqarilgan

"World Medicine Ophthalmics," Buyuk Britaniya

("World Medicine Ophthalmics," Buyuk Britaniya)

O‘zbekiston Respublikasi hududida dori vositalarining sifati bo‘yicha e’tirozlarni (takliflarni) qabul qiluvchi tashkilotning nomi va manzili

"EvroFarmBiznes" MCHJ, UZ

O‘zbekiston Respublikasi, Toshkent shahri, Yakkasaroy tumani, Yakkasaroy ko‘chasi, 1-uy

Telefonlar: 212-18-41, 212-20-58