Enema Klining Plus

Tavsif

Rektal yuborish uchun eritma shaffof, rangsiz, hidsiz; ko‘rinadigan begona qo‘shimchalarsiz.

Farmakologik ta’siri

Enema Plyus - tuzli surgi vositasi bo‘lib, uning ta’siri osmotik jarayonlar yordamida ichak bo‘shlig‘ida suvning ushlanib qolishini oshirishga asoslangan. Ichakda suyuqlik to‘planishi peristaltika kuchayishiga va ichakning tozalanishiga olib keladi. Samaraning paydo bo‘lish vaqti kiritilgandan keyin 5-7 daqiqa.

Ko‘rsatmalar

qabziyat;

to‘g‘ri ichakni endoskopik tekshirishga tayyorlash;

qorin bo‘shlig‘i a’zolarini rentgenologik tekshirishga tayyorlash;

qorin bo‘shlig‘i a’zolaridagi jarrohlik operatsiyalariga, tug‘ruqqa tayyorgarlik ko‘rish.

Qo‘llash usuli va dozalari

Rektal 135 ml dan (bitta flakon). Qo‘llashdan oldin chap yonboshga yotish, o‘ng oyoqni tizzadan bukish, flakonning moylangan uchligidan himoya qalpoqchasini olish va uchlikni kindik yo‘nalishida biroz kuch bilan bosib, anal teshigiga ehtiyotkorlik bilan kiritish. Flakon ichidagini siqib chiqarish va uchini anal teshigidan chiqarib olish. Ichidagini oxirigacha siqib chiqarish shart emas, chunki flakonda 15 ml ortiqcha preparat bor. Tavsiya etilgan tana holatini bo‘shatish chaqirig‘i kelguniga qadar saqlab turish kerak.

Nojo‘ya ta’sirlari

Allergik reaksiyalar, ko‘ngil aynishi, qusish, qorinda og‘riq, mahalliy ta’sirlanish kuzatilishi mumkin.

Qarshi ko‘rsatmalar

Individual yuqori sezuvchanlik, ichak tutilishi, ichak teshilishi, bolalik davri.

Ehtiyot choralari

Ko‘ngil aynishi, qusish, qorin bo‘shlig‘ida og‘riq paydo bo‘lsa, shifokor bilan maslahatlashing.

Homiladorlikda qo‘llash

Preparat homiladorlikda va emizish davrida qo‘llanilishi mumkin.

Bolalar

Bolalik davrida qo‘llash mumkin emas.