Iramoks

Tarkib

Faol moddasi: amoksitsillin.

Tavsif

Suspenziya tayyorlash uchun kukun.

Farmakoterapevtik guruh

Antibiotik (gr.penitsillinlar). ATX kodi: J01CR04.

Farmakologik xususiyatlari

Antibakterial ta’siri bakteriyaning sitoplazmatik membranasida joylashgan penitsillin bilan bog‘lanuvchi oqsillarga yetib borish va bog‘lanish qobiliyatiga bog‘liq bo‘lib, bakteriya hujayra qobig‘i va devorining sinteziga to‘sqinlik qiladi.

Farmakokinetika

Iramoks oshqozonning kislotali tarkibiga chidamli bo‘lib, og‘iz orqali qabul qilinganda tez so‘riladi. Ampitsillinga qaraganda ancha yaxshi so‘riladi, uning plazmadagi konsentratsiyasi ampitsillinning xuddi shunday dozasiga nisbatan 2 /g yuqori. Amoksitsillinning plazmadagi 5 mkg/ml konsentratsiyasining cho‘qqisiga 250 mg qabul qilingandan 1-2 soat o‘tgach erishiladi. Preparat qabul qilingandan so‘ng 8 soat davomida u qon plazmasida aniqlanishi mumkin.

Preparatning 20% gacha qismi plazma oqsillari bilan bog‘lanadi va yarim parchalanish davri 1 soatni tashkil etadi.

Yangi tug‘ilgan chaqaloqlarda, buyrak yetishmovchiligi bo‘lgan keksa bemorlarda yarim parchalanish davri uzayadi.

Iramoks ko‘pchilik to‘qima va organlarga ancha keng kirib boradi va yiringli hamda shilliq suyuqlikda, o‘rta quloq suyuqligida to‘planadi, ko‘z suyuqligida past konsentratsiya aniqlanadi. Iramoksning oz miqdori orqa miya suyuqligiga o‘tadi, meningitlar bundan mustasno. Ichilgan Eramoksning 60% ga yaqini o‘zgarmagan holda siydik bilan ajraladi. Yarim yemirilish davri 0,9 - 2,3 soatni tashkil etadi.

Ko‘rsatmalar

Escherichia Coli, Proteus mirabilis, Enterococcus faecalis keltirib chiqaradigan siydik-tanosil tizimi infeksiyalari.

Neisseria gonorrhoeae keltirib chiqaradigan erkak va ayollarda o‘tkir asoratsiz anogenital va bachadon gonoreyasi.

Streptokokklar, pnevmokokklar, stafilokokklar va Haemophilus influenzae keltirib chiqargan o‘tkir otit, faringit va sinusit.

Kuyish natijasida teri va yumshoq to‘qimalarning infeksiyalari.

O‘t yo‘llari infeksiyalari, tif isitmasi, bronxit.

Qo‘llash usuli va dozalari

Vazni 20 kg dan ortiq bo‘lgan kattalar va bolalar: har 8 soatda 250-500 mg (bazaviy doza) ichiladi (kattalar uchun maksimal sutkalik doza - 4,5 g).

So‘zakda - 3 g va 1 g probenetsid bir vaqtning o‘zida bir dozada ichiladi.

Pediatrik dozalar: vazni 6 kg gacha bo‘lgan chaqaloqlar uchun - har 8 soatda 25-50 mg ichishga; vazni 6 dan 8 kg gacha bo‘lgan chaqaloqlar uchun - har 8 soatda 50-100 mg ichishga. 8 kg dan 20 kg gacha bo‘lgan bolalarga - har 8 soatda bir kg vaznga 6,7-33,3 mg dan ichiriladi.

Nojo‘ya ta’sirlari

Allergik reaksiyalar: terida yiringli toshmalar, qichishish; qorin sohasidagi og‘riqlar, harorat, ich ketishi, chanqoqning ortishi, charchoq, holsizlik va vazn yo‘qotish.

Jiddiy anafiloid reaksiyalar epinefrin, kislorod, steroidlar bilan shoshilinch davolashni talab qilishi mumkin.

Qarshi ko‘rsatmalar

Iramoksni penitsillinlar va sefalosporinlarga allergiyasi bor bemorlarda qo‘llash mumkin emas.

Infeksion mononukleoz, limfoleykoz, anamnezida MIY kasalliklari (antibiotiklar qo‘llash bilan bog‘liq kolit).

Ehtiyot choralari va qo‘llash xususiyatlari

Buyrak yetishmovchiligi bo‘lgan bemorlar dozani kamaytirishga muhtoj emaslar, lekin yuborish oralig‘ini 12-24 soatgacha uzaytirish zarur.

Homiladorlik va laktatsiya davri

Iramoks yo‘ldosh orqali o‘tadi. Homiladorlik davrida faqat jiddiy zarurat tug‘ilganda qo‘llaniladi.

Iramoks past konsentratsiyalarda ona sutiga ajraladi. Jiddiy muammolar adabiyotlarda ta’riflanmagan bo‘lsa-da, ona tomonidan qo‘llanilishi chaqaloqlarda ich ketishi, kandidoz va teri toshmalariga olib kelishi mumkin.

Boshqa dorilar bilan o‘zaro ta’siri, boshqa o‘zaro ta’sirlar

Probenetsid siydikda Iramoks ajralishini to‘xtatadi.

Homiladorlikka qarshi preparatlar va bakteriostatik antibiotiklar bilan o‘zaro ta’sirlashadi.

Chiqarilish shakli, qadoq

Suspenziya tayyorlash uchun kukun 125 mg/5 ml, 250 mg/5 ml 100 ml (flakonlar).

Saqlash shartlari

Bolalar qo‘li yetmaydigan joyda, +30 °C dan past haroratda, to‘g‘ridan-to‘g‘ri yorug‘lik tushmaydigan joyda saqlang. Suyultirilgan suspenziya 14 kun davomida sovutgichda va 7 kun davomida xona haroratida saqlanishi kerak.

Yaroqlilik muddati

Yaroqlilik muddati va ishlab chiqarilgan sanasini qadoqda ko‘ring. Yaroqlilik muddati tugagandan keyin ishlatilmasin.

Ishlab chiqaruvchi

Heris Naheen Pharmaceutical Company, Eron.