Kalsemin advans

Tarkib

Faol ingrediyentlar: kalsiy (kalsiy sitrat va kalsiy karbonat) - 500 mg, vitamin D3 - 200 XB, magniy - 40 mg, rux - 7,5 mg, mis - 1 mg, marganes - 1,8 mg, bor - 250 mkg.

Faol bo‘lmagan ingredientlar: mikrokristall sellyuloza (E460), stearin kislotasi (E570), natriy krosskarmelloza, maltodekstrin, soya polisaxaridi, natriy laurilsulfat.

Qobiq: gipromelloza, magniy silikati (E553a), titan dioksidi (E171), triatsetin (E1518), mineral moy (E905), FD&C Qizil No 40 Lok (E129), FD&C Ko‘k No 1 Lok (E133), FD&C Sariq No 6 Lok (E110).

Tavsif

Bir tomoniga kertik tushirilgan pushti rangli oval tabletkalar.

Dori shakli

Qobiq bilan qoplangan tabletkalar.

Farmakoterapevtik guruh

Kalsiy preparatlari boshqa preparatlar bilan kombinatsiyada.

Farmakologik xususiyatlari

Tarkibida vitaminlar, makro/mikroelementlar bo‘lgan kombinatsiyalangan preparat. Ta’siri tarkibiga kiruvchi ingredientlarning xususiyatlariga bog‘liq.

Kalsiy, D3 vitamini va mikroelementlar yetishmovchiligini to‘ldiradi, osteoporozning oldini olish va davolashga yordam beradi, suyak to‘qimasining zichligini oshiradi, tog‘ay to‘qimasi va parodontni mustahkamlashga yordam beradi.

Qo‘llanilishi

turli genezli osteoporozning oldini olish va kompleks davolash: menopauza davridagi ayollarda (tabiiy va jarrohlik); kortikosteroidlar va immunodepressantlarni uzoq vaqt qabul qiluvchi shaxslarda;

tayanch-harakat tizimi kasalliklarini davolash: jarohatli sinishlarni tezroq mustahkamlash uchun;

o‘smirlarda kalsiy va mikroelementlar tanqisligini to‘ldirish uchun.

Qo‘llash usuli va dozalari

Kattalar va 12 yoshdan oshgan bolalarga 1 tabletkadan kuniga ikki mahal ovqatlanish vaqtida.

Nojo‘ya ta’sirlari

Kamdan-kam hollarda hazm yo‘li tomonidan buzilishlarning namoyon bo‘lishi mumkin (qabziyat, qorin dam bo‘lishi, qorin og‘rig‘i, ko‘ngil aynishi). Preparatni uzoq vaqt qabul qilgandan so‘ng, siydikdagi kalsiy miqdori va qon zardobidagi kalsiy konsentratsiyasi oshishi mumkin, bu esa shifokor tomonidan nazorat qilinishi lozim.

Qarshi ko‘rsatmalar

Preparatning biron-bir tarkibiy qismiga shaxsiy sezuvchanlik yuqori bo‘lganda qabul qilinmaydi. Preparatni buyrak kasalliklarida, siydik-tosh kasalligida, qalqonsimon bez oldi bezlari kasalliklarida, suyaklardagi o‘sma metastazlarida qo‘llash bo‘yicha shifokorning majburiy maslahati.

Dozani oshirib yuborish

Doza oshirib yuborilganda qabziyat, ko‘ngil aynishi va qusish kuzatilishi mumkin.

Maxsus ko‘rsatmalar va ehtiyot choralari

Doza yo‘riqnomada ko‘rsatilgan miqdordan oshmasligi kerak.

Qadoqda ko‘rsatilgan yaroqlilik muddati tugagandan keyin ishlatilmasin.

Bolalar qo‘li yetmaydigan joyda saqlang.

Boshqa dori vositalari bilan o‘zaro ta’siri

Diuretiklar bilan bir vaqtda qo‘llanganda, qabul qilish tartibi shifokor bilan kelishiladi.

Kalsiy preparatlari yurak glikozidlarining terapevtik va toksik ta’sirini kuchaytirishi, oshqozon-ichak traktidan tetratsiklinlar so‘rilishini oshirishi, bisfosfonatlar yoki natriy ftorid so‘rilishini kamaytirishi mumkin, shuning uchun Kalsemin Advance va ko‘rsatilgan dori vositalarini qabul qilish oralig‘i kamida 2 soatni tashkil etishi kerak.

Homiladorlik va laktatsiya

Homiladorlik va laktatsiya davrida kalsiyning sutkalik dozasi 1500 mg dan, D3 vitaminining dozasi esa 600 XB dan oshmasligi kerak.

Avtomobil va mexanizmlarni boshqarish qobiliyatiga ta’siri

Ta’sir qilmaydi.

Saqlash shartlari

25 °C dan yuqori bo‘lmagan haroratda.

Yaroqlilik muddati

3 yil.

Chiqarish shakli

Flakonda 30, 60 yoki 120 tabletka. Flakon vkladish varag‘i bilan birga qutiga joylashtirilgan.

Dorixonalardan berish shartlari

Retseptsiz.

Ishlab chiqaruvchi

Bayer Konsyumer Ker AG,

Peter Marian Strasse 84, 4052 Bazel,

Shveysariya

Farmakal Korporeyshn shartnomasi,

135 Adams Avenue, Hopog, New York 11788, USА