Klenzit

Tarkib

1 g gel tarkibida quyidagilar mavjud:

Ta’sir etuvchi moddasi: adapalen (mikronlashtirilgan) - 1,0 mg.

Yordamchi moddalar: dinatriy edetat, karbomer 940 (karbopol 940), propilenglikol, metilparagidroksibenzoat, fenoksietanol, poloksamer 407, natriy gidroksid, tozalangan suv.

Tavsif

Oq rangli bir jinsli gel.

Chiqarish shakli

Sirtga qo‘llash uchun gel 0,1%.

Farmakoterapevtik guruh

Husnbuzar toshmasini davolovchi vosita. Adapalen. ATX kodi: D10AD03.

Ta’sir mexanizmi

Adapalenning ta’sir mexanizmi terining epidermal hujayralaridagi o‘ziga xos u-retseptorlar bilan o‘zaro ta’sirga asoslangan. Adapalen ta’siri natijasida yog‘-soch follikulasi og‘zidagi epitelial hujayralarning "yopishqoqligi" pasayadi va mikrokomedonlar hosil bo‘lishi kamayadi. Adapalen in vivo va in vitro yallig‘lanishga qarshi ta’sir ko‘rsatadi, yallig‘lanish o‘chog‘ida leykotsitlar migratsiyasini ingibirlash orqali yallig‘lanish omillariga ta’sir qiladi, odam polimorf yadroli leykotsitlarining xemotaktik va xemokinetik javoblarini susaytiradi va araxidon kislotasining yallig‘lanish mediatorlari, AR-1 omillari va Toll-simon retseptorlar ekspressiyasigacha metabolizmini susaytiradi.

Farmakologik xususiyatlari

Farmakodinamika

Adapalen retinoid metaboliti bo‘lib, Asne vulgaris rivojlanishining patologik mexanizmiga ta’sir qiladi, hujayra differensiatsiyasi va keratinizatsiyasining kuchli modulyatori bo‘lib, komedonolitik va yallig‘lanishga qarshi faollikka ega.

Farmakokinetika

Adapalenning teri orqali so‘rilishi juda past (qo‘llanilgan dozaning 4% ga yaqini). Organizmdan ekskretsiya, asosan, o‘t orqali amalga oshadi.

Ko‘rsatmalar

Yengil va o‘rtacha og‘irlikdagi husnbuzar toshmasi, shu jumladan komedonlar, papulalar va pustulalar mavjud bo‘lganda.

Qarshi ko‘rsatmalar

- Adapalenga yoki yordamchi moddalarning istalganiga yuqori sezuvchanlik;

- 12 yoshgacha bo‘lgan bolalar (bu yosh toifasi uchun preparatning samaradorligi va xavfsizligi aniqlanmagan).

Ehtiyotkorlik bilan

Dermatit, ekzema.

Qo‘llash usuli va dozalari

Faqat tashqi qo‘llash uchun.

Terining husnbuzar toshgan joylariga gelni kuniga bir marta, uxlashdan oldin, toza va quruq teriga yupqa qatlam qilib surtish kerak, gelning ko‘zga, labga, shilliq qavatlarga va burun burchaklariga tushishidan saqlanish kerak.

Sezilarli klinik yaxshilanish davolashning 4-8 haftasidan keyin rivojlanadi, uch oylik davolash kursidan keyin barqaror yaxshilanish kuzatiladi.

Husnbuzar toshmalarini davolashda davolash usullarini almashtirish qabul qilinganligi sababli, preparat bilan 3 oylik terapiyadan so‘ng keyingi terapiya haqida shifokor bilan maslahatlashish tavsiya etiladi.

Nojo‘ya ta’sirlari

Adapalen quyidagi nojo‘ya dori reaksiyalarini keltirib chiqarishi mumkin:

Organ tizimlari sinfi (MedDRA) Uchrash chastotasi Nojo‘ya dori reaksiyasi

Immun tizimi tomonidan buzilishlar Chastotasi noma’lum* Anafilaktik reaksiya, angionevrotik shish;

Teri va teri osti to‘qimalarining buzilishlari Tez-tez (≥1/100 dan <1/10 gacha) Terining quruqligi, terining ta’sirlanishi, terining achishish hissi, eritema

Kamdan-kam (≥1/1000 dan <1/100 gacha) Kontakt dermatit, noqulaylik hissi, quyoshdan kuyish, qichishish, terining ko‘chishi, husnbuzar toshmasi

Chastotasi noma’lum* Allergik dermatit (allergik kontakt dermatit), terining og‘riqliligi, terining shishganligi, qovoqlarning ta’sirlanishi, qovoqlarning qizarishi, qovoqlarning qichishi, qovoqlarning shishganligi

Qo‘llash joyidagi kuyish, teri gipopigmentatsiyasi, teri giperpigmentatsiyasi

*Ro‘yxatdan o‘tgandan keyingi kuzatuv ma’lumotlari

"Qo‘llash joyida kuyish" holatlarining aksariyati yuzaki kuyish bo‘lgan, ammo ikkinchi darajali kuyish yoki og‘ir kuyish reaksiyalari holatlari haqida ham xabarlar mavjud.

Agar yo‘riqnomada ko‘rsatilgan nojo‘ya ta’sirlarning birortasi og‘irlashsa yoki yo‘riqnomada ko‘rsatilmagan boshqa nojo‘ya ta’sirlar kuzatilsa, bu haqda darhol shifokorga xabar berish lozim.

Dozani oshirib yuborish

Preparatni teriga haddan tashqari ko‘p surtish natijaga tezroq erishishga yoki yaqqolroq ta’sir ko‘rsatishga olib kelmaydi, biroq bunda qizarish, po‘st tashlash yoki noqulaylik rivojlanishi mumkin.

Klenzit preparati faqat tashqi qo‘llash uchun mo‘ljallangan. Preparatning ozgina miqdori ham tasodifan yutib yuborilganda, oshqozonni yuvish kerak, zarur bo‘lsa, simptomatik terapiya o‘tkaziladi.

O‘zaro aloqa

Adapalenning teri orqali so‘rilishi past, shuning uchun uning tizimli dori vositalari bilan o‘zaro ta’siri ehtimoli kam.

Klenzit preparati bilan bir vaqtda va sirtga qo‘llanilishi mumkin bo‘lgan boshqa dori vositalari bilan o‘zaro ta’siri aniqlanmagan. Klenzit preparatini kechki vaqtda, ertalab esa husnbuzar toshmalarini tashqi davolash uchun eritromitsin (4% gacha) yoki klindamitsin fosfat (asosga nisbatan 1% hisobida) eritmalari yoki suv asosidagi benzoil peroksid gellari (10% gacha) kabi preparatlarni qo‘llash mumkin, chunki bu preparatlar o‘zaro degradatsiya yoki kumulyativ ta’sirlanishni keltirib chiqarmaydi. Shunga qaramay, adapalen bilan bir vaqtda boshqa retinoidlar yoki ta’sir mexanizmi o‘xshash bo‘lgan preparatlarni qo‘llash mumkin emas.

Klenzit preparatini va piling vositalarini, abraziv tozalovchi vositalarni, shuningdek, qurituvchi, burushtiruvchi yoki qitiqlovchi ta’sirga ega vositalarni (xushbo‘y yoki spirtli vositalar) bir vaqtda qo‘llash tavsiya etilmaydi.

Maxsus ko‘rsatmalar

Yuqori sezuvchanlik reaksiyasi yoki teri ta’sirlanishining og‘ir shakli rivojlanishiga shubha tug‘ilganda, preparatni qo‘llashni to‘xtatish lozim.

Ba’zi hollarda terining ta’sirlanish darajasiga qarab, surtish soni kamaytirilishi yoki ta’sirlanish belgilari yo‘qolguncha davolash to‘xtatilishi mumkin. Shifokor bilan maslahatlashgandan so‘ng davolanishni qayta boshlash mumkin.

Klenzit preparatining ko‘z, og‘iz, burun burchaklari va shilliq qavatlarga tushishidan saqlanish kerak. Agar preparat tasodifan ko‘z shilliq qavatlariga tushib qolsa, ularni iliq suv bilan yuvish lozim.

Klenzit preparatini jarohat (kesilish yoki shilinish), quyoshda kuyish yoki ekzema natijasida shikastlangan teriga surtish mumkin emas.

Terining keng sohalarida husnbuzar toshmalarining og‘ir shakli bo‘lgan bemorlarda adapalenni monoterapiyada qo‘llash mumkin emas.

Adapalenni qo‘llashda terining ta’sirlanishiga yo‘l qo‘ymaslik uchun quyosh nuri va sun’iy ultrabinafsha nurlari, jumladan, quyosh nuri lampalari ta’sirini minimallashtirish lozim. Agar ta’sirdan qochishning iloji bo‘lmasa, preparat bilan ishlov berilgan teri sohalarini himoya qilish uchun quyoshdan himoyalovchi vositalar va kiyimlardan foydalanish tavsiya etiladi.

Klenzit preparatini qo‘llashda komedogen yoki komedogen xususiyatga ega bo‘lmagan kosmetik vositalardan foydalanish mumkin.

Klenzit preparati tarkibida davolash paytida yoki tugagandan so‘ng allergik reaksiyalarni keltirib chiqarishi mumkin bo‘lgan metilparagidroksibenzoat va teriga qitiqlovchi ta’sir ko‘rsatishi mumkin bo‘lgan propilenglikol mavjud.

Homiladorlik va laktatsiya

Homiladorlik

Homiladorlikda adapalenni tashqi qo‘llashning klinik tajribasi cheklangan, biroq homiladorlikning erta muddatlarida preparatni qabul qilgan bemorlarda mavjud ma’lumotlar uning homiladorlik kechishiga yoki homila salomatligiga salbiy ta’sirini ko‘rsatmaydi.

Mavjud ma’lumotlarning cheklanganligi, shuningdek, adapalenning teri orqali biroz o‘tishi mumkinligi sababli, Klenzit preparatini homiladorlik davrida qo‘llash mumkin emas.

Homiladorlik boshlangan taqdirda davolashni to‘xtatish kerak.

Emizish davri

Preparat teriga surtilgandan so‘ng hayvon yoki odam ko‘krak sutiga kirishi bo‘yicha tadqiqotlar o‘tkazilmagan.

Emizikli ayollarda adapalen gelining tizimli ta’siri sezilarli bo‘lmaganligi sababli, emizikli bolalarga hech qanday ta’siri taxmin qilinmaydi.

Klenzit preparatini emizish davrida qo‘llash mumkin.

Emizikli bolaning preparat bilan aloqasini oldini olish uchun emizish davrida Klenzit preparatini qo‘llashda ko‘krak sohasiga surtishdan saqlanish kerak.

Transport vositalari va mexanizmlarini boshqarish qobiliyatiga ta’siri

Klenzit preparati transport vositalarini boshqarish va mexanizmlar bilan ishlash qobiliyatiga ta’sir ko‘rsatmaydi.

Qadoq

15 g dan va 30 g dan teshish uchun uchli qopqoqli, uchi yopiq soploli loklangan alyuminiy tubalarga solinadi.

Bitta tuba qo‘llash bo‘yicha yo‘riqnoma bilan birga karton qutiga solinadi.

Saqlash shartlari

Yorug‘likdan himoyalangan joyda, 25 °C dan yuqori bo‘lmagan haroratda saqlanadi.

Bolalar qo‘li yetmaydigan joyda saqlang.

Yaroqlilik muddati

3 yil.

Yaroqlilik muddati tugagandan keyin ishlatilmasin.

Dorixonalardan berish shartlari

Retseptsiz

Ro‘yxatdan o‘tish guvohnomasi egasi

GLENMARK FARMATSYUTIKALZ LTD Hindiston

Ishlab chiqaruvchi

GLENMARK FARMATSYUTIKALZ LTD Hindiston