Kofasma

Tarkib

10 ml sirop tarkibida quyidagilar mavjud:

Ta’sir etuvchi moddalar:

Bromgeksin gidroxlorid 4,0 mg, gvayfenezin 100,0 mg, salbutamol sulfat 2,41 mg (salbutamolga ekvivalent 2,0 mg).

Yordamchi moddalar: levomentol - 1,0 mg, propilenglikol - 2050,0 mg, aspartam - 60,0 mg, natriy benzoat - 20,0 mg, limon kislotasi monogidrati - 40,0 mg, natriy sitrat digidrati - 22,8 mg, sariq quyosh botishi bo‘yog‘i - 0,15 mg, ananas xushbo‘ylantirgichi - 0,01 ml, gipromelloza - 70,0 mg, tozalangan suv - 10 ml gacha.

Tavsif

Ananas hidli, to‘q sariq rangli tiniq suyuqlik.

Chiqarish shakli

Sirop.

Farmakoterapevtik guruh

Balg‘am ko‘chiruvchi aralash vosita. Balg‘am ko‘chiruvchi preparatlar (yo‘talga qarshi preparatlar bilan kombinatsiyadan tashqari). ATX kodi: R05C.

Farmakologik xususiyatlari

Farmakodinamika

Kombinatsiyalangan preparat bronxolitik, balg‘am ko‘chiruvchi va mukolitik ta’sir ko‘rsatadi.

Bromgeksin mukolitik vosita. Bronxial sekretning seroz komponentini ko‘paytiradi va hilpillovchi epiteliy kiprikchalarini faollashtiradi, shu bilan preparatning balg‘am ko‘chiruvchi ta’sirini ta’minlaydi: balg‘am yopishqoqligini kamaytiradi, uning hajmini oshiradi va ajralishini yaxshilaydi.

Gvayfenezin mukolitik va balg‘am ko‘chiruvchi vosita bo‘lib, balg‘amning yopishqoqligini pasaytiradi, uni olib tashlashni osonlashtiradi va samarasiz yo‘talning samarali yo‘talga aylanishiga yordam beradi.

Salbutamol - bronxolitik vosita, beta-2-adrenoretseptorlarning selektiv agonisti hisoblanadi. Davolash dozalarida preparat bronxlar silliq mushaklarining beta-2-adrenoretseptorlariga ta’sir ko‘rsatib, bronxlar spazmini oldini oladi va/yoki bartaraf etadi, shu bilan nafas yo‘llaridagi qarshilikni pasaytiradi va o‘pkaning hayotiy sig‘imini oshiradi. Salbutamolning bronx kengaytiruvchi ta’siri (nafas yo‘llarining qaytar obstruksiyasida) 4 soatdan 5 soatgacha davom etadi.

Farmakokinetika

Bromgeksin

Ichga qabul qilinganda, deyarli to‘liq (99%) oshqozon-ichak traktida (OIT) 30 daqiqa ichida so‘riladi. Bromgeksin 8 mg dan 32 mg gacha bo‘lgan doza oralig‘ida ichga qabul qilinganda dozaga proporsional chiziqli farmakokinetikani namoyon etadi. Biosinguvchanligi - past (jigar orqali "birinchi o‘tish" effekti). Yo‘ldosh to‘sig‘i va gematoensefalik to‘siqlar (GEB) orqali o‘tadi. Jigarda demetillanadi va oksidlanadi, farmakologik faol ambroksolgacha metabolizmga uchraydi. Yarim chiqarilish davri (T1⁄2) - 15 soat (to‘qimalardan sekin teskari diffuziya tufayli). Buyraklar orqali chiqariladi. Surunkali buyrak yetishmovchiligida (SBE) metabolitlarning chiqarilishi buziladi. Ko‘p marta qo‘llanganda kumulyatsiya bo‘lishi mumkin.

Gvayfenezin

Oshqozon-ichak traktidan so‘rilishi tez va ichga qabul qilingandan keyin 25-30 daqiqani tashkil etadi. T - 1 soat. Tarkibida nordon mukopolisaxaridlar bo‘lgan to‘qimalarga kiradi. Yuborilgan preparatning taxminan 60% i jigarda beta- (2 metoksi-fenoksi) -sut kislotasigacha oksidlanish yo‘li bilan metabolizmga uchraydi. O‘pka (balg‘am bilan) va buyraklar orqali o‘zgarmagan holda ham, faol bo‘lmagan metabolitlar ko‘rinishida ham chiqariladi.

Salbutamol

Ichga qabul qilingandan so‘ng so‘rilishi yuqori bo‘ladi. Plazma oqsillari bilan bog‘lanishi - 10%. Yo‘ldosh to‘sig‘i orqali o‘tadi. Salbutamol MIYdan so‘riladi va jigar orqali "birinchi o‘tishda" sezilarli darajada metabolizmga uchrab, fenol sulfatga aylanadi. Salbutamol va uning metabolitlarining qon plazmasidagi maksimal konsentratsiyasi 4 mg dozada ichga qabul qilingandan 2,5 soat o‘tgach 5,1-11,7 mkg% ni tashkil etadi. O‘zgarmas salbutamol va metabolit asosan buyraklar orqali chiqariladi (69-90%). Peroral yuborilgan salbutamolning biosinguvchanligi taxminan 50% ni tashkil etadi. Ovqat qabul qilish so‘rilish tezligini pasaytiradi, lekin biosinguvchanlikka ta’sir qilmaydi.

Ko‘rsatmalar

Qiyin ajraladigan yopishqoq sekret hosil bo‘lishi bilan kechadigan o‘tkir va surunkali bronx-o‘pka kasalliklarining kombinatsiyalangan terapiyasi tarkibida: bronxial astma; traxeobronxit; o‘tkir va surunkali bronxit; o‘pkaning surunkali obstruktiv kasalligi (O‘SOK); o‘pka emfizemasi; pnevmoniya; pnevmokonioz; ko‘kyo‘tal; o‘pka sili.

Qarshi ko‘rsatmalar

Preparat komponentlariga yuqori sezuvchanlik;

Homiladorlik, emizish davri;

Taxiaritmiya, miokardit;

Yurak nuqsonlari (shu jumladan aorta stenozi);

Dekompensatsiyalangan qandli diabet;

Tireotoksikoz;

Glaukoma;

Jigar va/yoki buyrak yetishmovchiligi;

Me’da va o‘n ikki barmoqli ichak yara kasalligi qo‘zish bosqichida;

Oshqozondan qon ketishi;

Fenilketonuriya;

2 yoshgacha bo‘lgan bolalar yoshi.

Ehtiyotkorlik bilan

Qandli diabet;

Arterial gipertenziya;

Remissiya bosqichidagi oshqozon va o‘n ikki barmoqli ichak yara kasalligi;

Gipertireoz;

Stenokardiya;

Yurak-qon tomir tizimining og‘ir kasalliklari;

Haddan tashqari ko‘p sekret to‘planishi bilan kechadigan bronx kasalliklarida.

Kofasma® preparatini beta-adrenoblokatorlar bilan birgalikda qo‘llash mumkin emas.

Qo‘llash usuli va dozalari

Ichkariga.

Preparatni 4-5 kundan ortiq qo‘llamang. Agar alomatlar 4-5 kundan ortiq davom etsa, shifokorga murojaat qilish kerak.

Kattalar va 12 yoshdan oshgan bolalarga: 10 ml (2 choy qoshiq) kuniga uch mahal.

6 yoshdan 12 yoshgacha bo‘lgan bolalarga: 5-10 ml (1-2 choy qoshiq) kuniga uch mahal.

2 yoshdan 6 yoshgacha bo‘lgan bolalarga: 5 ml (1 choy qoshiq) kuniga uch mahal.

Iste’mol qilishdan oldin chayqatiladi.

Nojo‘ya ta’sirlari

Quyida ko‘rsatilgan nojo‘ya ta’sirlar tizimli organ sinflari va chastotasi bo‘yicha taqsimlangan. Chastotasi bo‘yicha quyidagilar ajratiladi: juda tez-tez (≥1/10); tez-tez (≥1/100 va <1/10); tez-tez bo‘lmagan (≥1/1000 va <1/100); kam uchraydigan (≥1/10000 va <1/1000) va juda kam uchraydigan (<1/10000), shu jumladan yakka xabarlar. Juda tez-tez uchraydigan va tez-tez uchraydigan hodisalar, asosan, klinik tadqiqotlar ma’lumotlari bo‘yicha aniqlandi. Kam uchraydigan, juda kam uchraydigan va chastotasi noma’lum bo‘lgan hodisalar, asosan, spontan xabarlar ma’lumotlari bo‘yicha aniqlandi.

Oshqozon-ichak trakti buzilishlari: oshqozon va o‘n ikki barmoqli ichak yara kasalligining kuchayishi;

Buyraklar va siydik ajratish tizimidagi buzilishlar: siydikning pushti rangga bo‘yalishi mumkin;

Teri va teri osti to‘qimalarining buzilishlari: og‘ir teri nojo‘ya reaksiyalari, jumladan ko‘p shaklli eritema, Stivens-Jonson sindromi, toksik epidermal nekroliz va o‘tkir tarqalgan ekzantematoz pustulyoz.

Bromgeksin

Immun tizimi tomonidan buzilishlar: o‘ta sezuvchanlik, anafilaktik reaksiya, anafilaktik shok.

Teri va teri osti to‘qimalaridagi buzilishlar: angionevrotik shish, toshma, eshakemi, qichishish.

Nafas olish tizimi, ko‘krak qafasi a’zolari va ko‘ks oralig‘i tomonidan buzilishlar: bronxospazm.

Oshqozon-ichak tizimi tomonidan buzilishlar: ko‘ngil aynishi, qusish, ich ketishi va qorinning yuqori qismlarida og‘riq.

Gvayfenezin

Gvayfenezinning xavfsizligi klinik tadqiqotlar natijasida olingan mavjud ma’lumotlarga va ro‘yxatdan o‘tgandan keyingi davrda preparatni qo‘llash paytida aniqlangan nojo‘ya dori reaksiyalariga (NDR) asoslanadi.

Klinik va epidemiologik tadqiqotlar baholariga ko‘ra chastota toifasi.

Tizimli-a’zolar sinfi (TAS)

Yangi holatlar chastotasi

Nomaqbul hodisaning afzal ko‘rilgan atamasi

Immun tizimi tomonidan buzilishlar

Noma’lum

Yuqori sezuvchanlik reaksiyalari (yuqori sezuvchanlik, qichishish va eshakem)

Toshma

Oshqozon-ichak trakti buzilishlari

Noma’lum

Epigastral og‘riq

Ich ketishi

Ko‘ngil aynishi

Qusish

Salbutamol

Xavfsizlik profili xulosasi

Salbutamolning eng ko‘p uchraydigan nojo‘ya ta’siri qo‘llarning mayda qaltirashi bo‘lib, u qo‘llarning aniq harakatlarini talab qiladigan ishlarga to‘sqinlik qilishi mumkin. Shuningdek, zo‘riqish, bezovtalik va yurak urishining tezlashishi yuzaga kelishi mumkin. Mushak tutqanoqlari haqida juda kamdan-kam xabarlar bo‘lgan. Angionevrotik shish, eshakemi, bronxospazm, gipotenziya va kollaps kabi yuqori sezuvchanlik reaksiyalari kamdan-kam qayd etilgan. Beta-2-agonistlar bilan davolash jiddiy gipokaliyemiyaga olib kelishi mumkin.

Vaqti-vaqti bilan paydo bo‘ladigan bosh og‘rig‘i haqida ham xabarlar bo‘lgan. Ushbu sinfning boshqa preparatlarini qo‘llashda bo‘lgani kabi, bolalarda giperaktivlik haqida kamdan-kam xabarlar olingan.

Nojo‘ya reaksiyalarning jadvalli ro‘yxati

Immun tizimi tomonidan buzilishlar

Juda kam uchraydigan:

Yuqori sezuvchanlik reaksiyalari, jumladan angionevrotik shish, eshakemi, bronxospazm, gipotenziya va kollaps.

Moddalar almashinuvi va ovqatlanishning buzilishi

Kam uchraydigan:

Gipokaliyemiya.

Beta-agonistlar bilan davolash jiddiy gipokaliyemiyaga olib kelishi mumkin.

Asab tizimi buzilishlari

Juda tez-tez:

Tremor.

Tez-tez:

Bosh og‘rig‘i.

Juda kam uchraydigan:

Giperfaollik.

Yurakdagi buzilishlar

Tez-tez:

Taxikardiya, yurak urishining tezlashishi.

Kam uchraydigan:

Yurak aritmiyalari, jumladan bo‘lmachalar fibrillyatsiyasi, qorincha usti taxikardiyasi va ekstrasistoliya.

Chastota

noma’lum:

Miokard ishemiyasi*.

Tomirlar tomonidan buzilishlar

Kam uchraydigan:

Periferik tomirlarning kengayishi.

Suyak-mushak tizimi va biriktiruvchi to‘qima buzilishlari

Tez-tez:

Mushaklar tortishishi.

Juda kam uchraydigan:

Mushak zo‘riqishini his qilish.

*spontan xabarlar qayd etilgandan keyingi davrda olingan, shuning uchun u noma’lum chastotali reaksiyalar qatoriga kiradi.

Shubhali nojo‘ya ta’sirlar haqida xabarlar

Dori vositasi ro‘yxatdan o‘tkazilgandan so‘ng, shubhali nojo‘ya ta’sirlar haqida xabar berish muhimdir. Bu dori vositasini qo‘llashda foyda va xavf nisbatining monitoringini ta’minlash imkonini beradi.

Dozani oshirib yuborish

Bromgeksin

Hozirgi vaqtda odamda dozani oshirib yuborishning o‘ziga xos belgilari tavsiflanmagan. Tasodifan dozani oshirib yuborish va/yoki preparatni noto‘g‘ri qo‘llash haqidagi xabarlarga asoslanib, kuzatilgan alomatlar bromgeksin tavsiya etilgan dozalarda qo‘llanilganda yuzaga keladigan ma’lum nojo‘ya ta’sirlarga o‘xshaydi.

Gvayfenezn

Belgilari

Gvayfenezinning o‘tkir toksik ta’siriga hazm a’zolarida noqulaylik hissi, ko‘ngil aynishi va uyquchanlik kiradi.

Davolash

Simptomatik terapiya.

Salbutamol

Belgilari

Salbutamol dozasini oshirib yuborishning eng ko‘p uchraydigan belgilari va alomatlari farmakologik jihatdan beta-adrenoretseptorlarning stimulyatsiyasi bilan bog‘liq bo‘lgan o‘tkinchi hodisalardir. Bularga taxikardiya, tremor, giperaktivlik va gipokaliemiyani o‘z ichiga olgan metabolik o‘zgarishlar kiradi. Salbutamol dozasini oshirib yuborish gipokaliyemiyaga (qonda kaliy konsentratsiyasining patologik pastligi) olib kelishi mumkin. Shuning uchun qon zardobidagi kaliy konsentratsiyasini nazorat qilish kerak.

Yuqori dozalarda qo‘llanilganda, shuningdek, qisqa ta’sirli beta-agonistlar dozasini oshirib yuborilganda, laktoatsidoz rivojlanishi qayd etilgan. Shuning uchun dozani oshirib yuborishda qon zardobidagi laktatning ko‘payishi va keyinchalik metabolik atsidoz rivojlanishini nazorat qilish ko‘rsatilishi mumkin (ayniqsa, bronxospazmning boshqa belgilari, masalan, hushtaksimon nafas olish bartaraf etilganiga qaramay, taxipnoe saqlanib qolganda yoki yomonlashganda).

Ko‘ngil aynishi, qusish va giperglikemiya asosan bolalarda va salbutamolning dozasi peroral qabul qilinganda qayd etilgan.

Davolash

Preparatni bekor qilish va tegishli simptomatik terapiyani tayinlash lozim. Kardioselektiv beta-adrenoblokatorlar (atenolol, bisoprolol, metoprolol) kardial simptomlar (masalan, taxikardiya, yurak urishi hissi) mavjud bemorlarda bronxospazm xavfi tufayli ehtiyotkorlik bilan qo‘llanilishi kerak.

O‘zaro aloqa

Xloroform, siklopropan, galotan va boshqa galogen saqlovchi preparatlar kabi anesteziya vositalari bilan birgalikda ehtiyotkorlik bilan qo‘llash lozim.

Guanetidin, rezerpin, metildopa, tritsiklik antidepressantlar va monoaminoksidaza ingibitorlari (MAO) ushbu preparatning ta’sirini o‘zgartirishi mumkin.

Salbutamolning og‘iz orqali qabul qilinadigan preparatlarini noselektiv beta-blokatorlar, masalan, propranol bilan bir vaqtda buyurmaslik kerak. Preparat tarkibiga kiruvchi salbutamol MAO ingibitorlari va/yoki tritsiklik antidepressantlar qabul qilayotgan bemorlarga tavsiya etilmaydi.

Diuretiklar va glyukokortikosteroid preparatlari salbutamolning gipokaliemik ta’sirini kuchaytiradi.

Kombinatsiyalangan Kofasma® preparati tarkibida kodein bo‘lgan preparatlar va boshqa yo‘talga qarshi vositalar bilan bir vaqtda tayinlanmaydi, chunki bu suyultirilgan balg‘am ajralishini qiyinlashtiradi. Preparat tarkibidagi bromgeksin antibiotiklar (eritromitsin, sefaleksin, oksitetratsiklin) ning o‘pka to‘qimasiga o‘tishiga yordam beradi.

Kofasma® kombinatsiyalangan preparatini propranol kabi beta-adrenoretseptorlarning noselektiv blokatorlari bilan bir vaqtda qo‘llash tavsiya etilmaydi.

Maxsus ko‘rsatmalar

Bromgeksin

Oshqozon yarasi bilan og‘rigan bemorlarda ehtiyotkorlik bilan qo‘llash lozim. Bemorlarni shilliq ajralishi kuchayishi mumkinligi haqida ogohlantirish zarur.

Balg‘am ko‘chiruvchi vositalarni, xususan, bromgeksin gidroxloridni qabul qilish bilan vaqt bo‘yicha bog‘liq bo‘lgan Stivens-Jonson sindromi va toksik epidermal nekroliz (TEN) kabi og‘ir teri shikastlanishlarining faqat bir nechta holatlari haqida xabar berilgan. Ularning aksariyatini asosiy kasallikning og‘irligi va/yoki yondosh dori vositalarini qo‘llash bilan izohlash mumkin. Bundan tashqari, erta bosqichda Stivens-Jonson sindromi yoki TEN isitma, og‘riq, rinit, yo‘tal va tomoq og‘rig‘i kabi o‘ziga xos bo‘lmagan grippga o‘xshash prodromal alomatlar bilan namoyon bo‘lishi mumkin. Ushbu o‘ziga xos bo‘lmagan grippga o‘xshash prodromal alomatlar bilan bog‘liq diagnostik xatolar yo‘tal va shamollashga qarshi dorilar bilan simptomatik davolashni belgilashga olib kelishi mumkin. Shuning uchun teri yoki shilliq qavatlar zararlanganda darhol tibbiy yordamga murojaat qilish va ehtiyot chorasi sifatida bromgeksin gidroxloridni qabul qilishni to‘xtatish kerak.

Gvayfenezin

Yo‘talni bosuvchi preparatlar yoki kombinatsiyalangan shamollashga qarshi preparatlar bilan bir vaqtda qo‘llash mumkin emas.

Gvayfenezin siydikni pushti rangga bo‘yaydi.

Gvayfenezin me’yoridan ortiq qo‘llanilsa, buyrakda tosh hosil bo‘lishiga olib kelishi mumkin.

Gvayfenezin qabul qilingandan keyin 24 soat ichida siydik yig‘ilganda, uning metaboliti siydik rangini o‘zgartirishi mumkin va laboratoriya sharoitida 5-gidroksiindoluksus kislotasi (5-GIUK) va vanil-bodom kislotasi (VBK) aniqlanishi mumkin.

Salbutamol

Bronxodilatatorlarni bronxial astmaning og‘ir yoki beqaror kechishi bilan og‘rigan bemorlarni davolashda yagona yoki asosiy dori vositasi sifatida qo‘llash mumkin emas. Og‘ir bronxial astmada holatni muntazam baholash, shu jumladan o‘pka faoliyatini aniqlash zarur, chunki bemorlarda og‘ir xurujlar va hatto o‘lim xavfi mavjud. Bunday bemorlarni davolovchi shifokorlar ularga peroral glyukokortikosteroidlar va/yoki ingalyatsion glyukokortikosteroidlarning maksimal tavsiya etilgan dozasini tayinlash masalasini hal qilishlari lozim.

Agar davolash samarasiz bo‘lsa, bemorlar tibbiy yordamga murojaat qilishlari kerak.

Dozani yoki qo‘llash chastotasini faqat shifokor tavsiyasiga ko‘ra oshirish kerak.

Salbutamol qabul qilayotgan bemorlar simptomlarni yengillashtirish uchun qisqa ta’sir qiluvchi bronxodilatatorlarni ham qabul qilishlari mumkin.

Bronxial astma simptomlarini yengillashtirish uchun bronxodilatatorlarni, ayniqsa qisqa ta’sir qiluvchi ingalyatsion beta-2-agonistlarni qo‘llashga bo‘lgan ehtiyojning ortishi kasallik nazoratining yomonlashganidan dalolat beradi. Bemorlarga qisqa ta’sir qiluvchi bronxodilatatorlar bilan davolash samarasiz bo‘lib qolsa yoki ularga odatdagidan ko‘proq ingalyatsiyalar talab etilsa, tibbiy yordamga murojaat qilish bo‘yicha ko‘rsatmalar berilishi lozim.

Bunday vaziyatda bemorlarning ahvolini qayta baholash va yallig‘lanishga qarshi davolashning kuchaytirilgan kursini (masalan, ingalyatsion glyukokortikosteroidlarning yuqori dozalari yoki peroral glyukokortikosteroidlar bilan davolash kursi) o‘tkazish zarurligi masalasini hal qilish lozim. Bronxial astmaning og‘ir xurujlarini davolash umumiy tartibda olib borilishi kerak.

Bemorlar ogohlantirilishi kerakki, xurujni odatdagicha to‘xtatishda ta’sir susaygan taqdirda, shuningdek, preparatning odatdagi ta’sir vaqti kamayganda, ular dozani yoki qo‘llash chastotasini oshirmasdan, tibbiy yordamga murojaat qilishlari kerak.

Salbutamol periferik vazodilatatsiyani keltirib chiqaradi, bu reflektor taxikardiya va yurak zarbining ko‘payishi bilan kechishi mumkin. Stenokardiya, taxikardiyaning og‘ir shakllari yoki tireotoksikoz bilan og‘rigan bemorlarda ehtiyotkorlik bilan qo‘llash lozim.

Simpatomimetiklar, jumladan, salbutamol qo‘llanganda yurak-qon tomir effektlari kuzatilishi mumkin. Ro‘yxatdan o‘tgandan keyingi qo‘llash davrida olingan ba’zi ma’lumotlar, shuningdek, e’lon qilingan ma’lumotlarga asoslanib, salbutamol bilan bog‘liq bo‘lgan miokard ishemiyasining kamdan-kam holatlari qayd etilgan. Salbutamolni qo‘llovchi asosiy og‘ir yurak kasalligi (masalan, yurak ishemik kasalligi, aritmiya yoki og‘ir yurak yetishmovchiligi) bilan og‘rigan bemorlar, agar ko‘krak qafasida og‘riq yoki yurak kasalligining yomonlashishini ko‘rsatuvchi boshqa alomatlar paydo bo‘lsa, tibbiy yordamga murojaat qilishlari kerakligi haqida ogohlantirilishi kerak. Nafas qisishi yoki ko‘krak qafasidagi og‘riq kabi alomatlarni baholashga e’tibor qaratish lozim, chunki ular ham respirator, ham yurak kelib chiqishiga ega bo‘lishi mumkin.

Bronxial astmaning og‘ir xurujlarini davolash oddiy usulda olib borilishi kerak.Xloroform, siklopropan, galotan va boshqa galogen saqlovchi preparatlar kabi anesteziya vositalari bilan birgalikda ehtiyotkorlik bilan qo‘llash lozim.

Salbutamol siydik chiqarishda qiyinchilik tug‘dirmasligi kerak, chunki u efedrin kabi simpatomimetik vositalardan farqli o‘laroq alfa-adrenoretseptorlarni rag‘batlantirmaydi. Biroq, prostata bezi gipertrofiyasi bo‘lgan bemorlarda siydik chiqarishdagi qiyinchiliklar haqida xabarlar bo‘lgan.

Beta-2-agonistlar asosan parenteral usulda yoki nebulayzer yordamida qo‘llanilganda potensial jiddiy gipokaliyemiya yuzaga kelishi mumkin. Bronxial astmaning og‘ir xurujlarini davolashda alohida ehtiyotkorlik bilan qo‘llash tavsiya etiladi, chunki gipoksemiya gipoksiya hamda ksantin hosilalari va kortikosteroidlarni bir vaqtda qo‘llash oqibatida kuchayishi mumkin. Bunday holatlarda qon zardobidagi kaliy konsentratsiyasini nazorat qilish tavsiya etiladi.

Boshqa beta-adrenoretseptor agonistlari singari, salbutamol ham qaytar metabolik o‘zgarishlarni keltirib chiqarishi mumkin, masalan, qonda glyukoza konsentratsiyasining oshishiga olib keladi. Qandli diabet bilan og‘rigan bemorlar qondagi glyukoza konsentratsiyasining oshishini kompensatsiya qila olmasliklari mumkin va bunday bemorlarda ketoatsidoz rivojlanishi haqida xabar berilgan. Kortikosteroidlarni bir vaqtda qo‘llash ushbu ta’sirni kuchaytirishi mumkin.

Homiladorlik va laktatsiya

Homiladorlik va emizish davrida foydalanish xavfsizligi haqida ma’lumotlar yo‘qligi sababli, Kofasma® preparati ushbu holatlarda qo‘llanilishi mumkin emas.

Transport vositalari va mexanizmlarini boshqarish qobiliyatiga ta’siri

Markaziy asab tizimi bilan bog‘liq bo‘lishi mumkin bo‘lgan nojo‘ya ta’sirlarni (bosh aylanishi, uyquchanlik va boshqalar) hisobga olgan holda, preparatni qabul qilish vaqtida transport vositalari va mexanizmlarni boshqarishdan, diqqatning yuqori konsentratsiyasini va psixomotor reaksiyalarning tezligini talab qiladigan boshqa potensial xavfli faoliyat turlari bilan shug‘ullanishdan tiyilish tavsiya etiladi.

Qadoqlash

To‘q rangli polietilen tereftalatdan yasalgan, burama alyuminiy qopqoqli flakonlarga 100 ml yoki 200 ml dan, birinchi ochishni nazorat qilgan holda solinadi. Dozalovchi qalpoqcha va qo‘llash bo‘yicha yo‘riqnoma bilan komplektlangan bitta flakon karton qutiga joylashtiriladi.

Saqlash shartlari

Yaxshi yopilgan flakonda 25°C dan yuqori bo‘lmagan haroratda.

Muzlatmang.

Bolalar qo‘li yetmaydigan joyda saqlang.

Yaroqlilik muddati

3 yil.

Yaroqlilik muddati o‘tgandan keyin qo‘llanilmaydi.

Dorixonalardan berish shartlari

Retsept bo‘yicha

Ro‘yxatdan o‘tganlik guvohnomasi egasi

ADJIO PHARMACEUTICALZ LTD Hindiston

Ishlab chiqaruvchi

ADJIO PHARMACEUTICALZ LTD Hindiston