Neyromidin

Tarkib

Bir tabletka quyidagilarni o‘z ichiga oladi:

Faol moddasi: 20 mg ipidakrin gidroxlorid.

Yordamchi moddalar: laktoza monogidrati, kartoshka kraxmali (E1401), kalsiy stearati (E572).

Tavsif

Oq yoki deyarli oq rangli yassi silindrsimon, faskali tabletkalar.

Dori shakli

Tabletkalar.

Farmakoterapevtik guruh

Antixolinesteraza vositasi. ATX kodi: N07AA.

Farmakologik xususiyatlari

Neyromidin - xolinesterazaning qaytar ingibitori. Preparat membrananing kaliy kanallari blokadasi tufayli nerv-mushak sinapsida va markaziy nerv tizimida (MNS) impuls o‘tkazilishini bevosita rag‘batlantiradi. Neyromidin silliq mushaklarga nafaqat atsetilxolin mediatori, balki adrenalin, serotonin, gistamin va oksitotsin ta’sirini ham kuchaytiradi.

Neyromidin quyidagi farmakologik xususiyatlarga ega:

nerv-mushak o‘tkazuvchanligini tiklaydi va rag‘batlantiradi;

turli omillar (jarohat, yallig‘lanish, mahalliy anestetiklar, ba’zi antibiotiklar, kaliy xlorid va boshqalar) ta’siri natijasida buzilgan periferik asab tizimida impulslarni o‘tkazishni tiklaydi;

kaliy xloriddan tashqari barcha agonistlar ta’sirida silliq mushak organlarining qisqaruvchanligini kuchaytiradi;

alohida sedativ ta’sirlarni namoyon etish bilan birgalikda markaziy asab tizimini o‘rtacha darajada rag‘batlantiradi;

xotirani yaxshilaydi.

Preparat teratogen, embriotoksik, mutagen va kanserogen, shuningdek, allergik va immunotoksik ta’sirga ega emas, endokrin tizimga salbiy ta’sir ko‘rsatmaydi.

Farmakokinetika

Preparat me’da-ichak yo‘llaridan yaxshi so‘riladi va organizm to‘qimalariga tez yetib boradi. Neyromidin jigarda metabolizmga uchraydi Preparatning eliminatsiyasi buyrak va buyrakdan tashqari mexanizmlar hisobiga amalga oshadi.

Qo‘llanilishi

Periferik asab tizimi kasalliklari (nevrit, polinevrit va polinevropatiya, poliradikulonevropatiyalar, miasteniya va turli etiologiyali miasteniya sindromi); bulbar falajlar va parezlar; harakat buzilishlari bilan kechadigan markaziy asab tizimining organik shikastlanishlarida tiklanish davri; demiyelinizatsiyalovchi kasalliklarning kompleks terapiyasi; kelib chiqishi turlicha bo‘lgan xotira buzilishlari (Altsgeymer kasalligi va qarilik aqliy zaifligining boshqa shakllari); ichak atoniyasi.

Qo‘llash usuli va dozalari

Neyromidin tabletkalari ichga qabul qilinadi. Davolash dozalari va davomiyligi kasallikning og‘irlik darajasiga qarab individual belgilanadi.

Periferik asab tizimi kasalliklari, miasteniya va miasteniya sindromi: 10-20 mg (0,5-1 tabletka) kuniga 1-3 marta.

Davolash kursi bir oydan ikki oygacha davom etadi. Zarurat tug‘ilganda davolash kursini 1-2 oy tanaffus bilan bir necha marta takrorlash mumkin.

Nerv-mushak o‘tkazuvchanligining og‘ir buzilishlarida miastenik krizlarning oldini olish uchun 1-2 ml (15-30 mg) Neyromidin 1,5% inyeksiya uchun eritma qisqa muddatga parenteral yuboriladi, keyin davolash Neyromidin tabletkalari bilan davom ettiriladi, dozani kuniga 5-6 marta 20-40 mg (1-2 tabletka) gacha oshirish mumkin.

Turli kelib chiqishga ega xotira buzilishlari (Altsgeymer kasalligi va qarilik aqliy zaifligining boshqa shakllari): davolash dozasi va davomiyligi individual ravishda belgilanadi, maksimal kunlik doza ba’zan 200 mg ga yetishi mumkin, davolash kursi bir oydan bir yilgacha.

Ichak atoniyasini davolash va oldini olish: 20 mg (bitta tabletka) kuniga 2-3 mahal, 1-2 hafta davomida.

Agar dori qabul qilishni o‘tkazib yuborgan bo‘lsangiz, esingizga tushishi bilanoq qabul qiling, ammo keyingi qabul vaqti yaqinlashayotgan bo‘lsa, qabul qilishni o‘tkazib yuboring. O‘tkazib yuborilgan dozani to‘ldirish uchun ikki martalik dozani qabul qilmang.

Nojo‘ya ta’sirlari

Neyromidin, boshqa dori vositalari kabi, barcha bemorlarda ham namoyon bo‘lmaydigan nojo‘ya ta’sirlarni keltirib chiqarishi mumkin. Neyromidin odatda yaxshi o‘zlashtiriladi. M-xolinoretseptorlarning stimulyatsiyasi tufayli nojo‘ya ta’sirlar kuzatilishi mumkin.

Nojo‘ya ta’sirlarning rivojlanish chastotasi bo‘yicha tasnifi: juda tez-tez (≥1/10); tez-tez (≥1/100 dan <1/10 gacha); tez-tez emas (≥1/1000 dan <1/100 gacha); kamdan-kam (≥1/10000 dan <1/1000 gacha); juda kam (<1/10000); * namoyon bo‘lish chastotasi noma’lum (mavjud ma’lumotlar asosida aniqlash imkonsiz).

Ko‘pincha: ko‘p terlash, ko‘p so‘lak oqishi, ko‘ngil aynishi, yurak urishi, bradikardiya.

Ko‘pincha: bronxlar sekretsiyasining kuchli ajralishi, yuqori dozalar qo‘llanilganda - bosh aylanishi, bosh og‘rig‘i, holsizlik, uyquchanlik, mushaklarning tortishishi, teri allergik reaksiyalari (qichishish, toshma), qusish.

Kamdan-kam hollarda: epigastral sohada og‘riq, ich ketishi.

So‘lak oqishi va bradikardiyani m-xolinoblokatorlar (atropin va boshqalar) bilan kamaytirish mumkin. Nojo‘ya ta’sirlar paydo bo‘lgan taqdirda, doza kamaytiriladi yoki preparatni qabul qilish qisqa muddatga (1-2 kun) to‘xtatiladi. Ko‘rsatilgan nojo‘ya ta’sirlar odatda yengil shaklda namoyon bo‘ladi va ko‘p hollarda preparatni bekor qilishga sabab bo‘lmaydi.

Agar davolanish paytida ushbu yo‘riqnomada ko‘rsatilmagan biron bir nojo‘ya ta’sir yuzaga kelsa yoki aytib o‘tilgan nojo‘ya ta’sirlardan biri ayniqsa kuchli bo‘lsa, shifokorga murojaat qilishingizni so‘raymiz.

Qarshi ko‘rsatmalar

Ipidakrin yoki preparatning yordamchi moddalariga yuqori sezuvchanlik. Epilepsiya, giperkinez bilan ekstrapiramidal buzilishlar, stenokardiya, kuchli bradikardiya, bronxial astma, ichak tutilishi va/yoki siydik yo‘llarining tiqilib qolishi, vestibulyar buzilishlar, oshqozon yoki o‘n ikki barmoqli ichakning o‘tkirlashgan yara kasalligi. 18 yoshgacha bo‘lgan bolalar yoshi.

Homiladorlik va emizish davrida.

Dorilarning o‘zaro ta’siri

Davolovchi shifokorni qabul qilayotgan barcha dori vositalari, shu jumladan retseptsiz dori vositalari haqida albatta xabardor qiling.

Neyromidin markaziy asab tizimini susaytiruvchi vositalar bilan birgalikda sedativ ta’sirni kuchaytiradi. Ta’siri va nojo‘ya ta’sirlari boshqa xolinesteraza ingibitorlari va m-xolinomimetik vositalar bilan birgalikda qo‘llanilganda kuchayadi. Myasthenia gravis bilan og‘rigan bemorlarda Neyromidin boshqa xolinergik vositalar bilan bir vaqtda qo‘llanilsa, xolinergik kriz rivojlanish xavfi ortadi. Agar β-adrenoblokatorlar Neyromidin preparati bilan davolashdan oldin qo‘llanilgan bo‘lsa, bradikardiya rivojlanish xavfi ortadi. Preparatni serebrolizin bilan birgalikda qo‘llash mumkin.

Alkogol preparatning nojo‘ya ta’sirini kuchaytiradi.

Maxsus ko‘rsatmalar

Oshqozon va o‘n ikki barmoqli ichak yara kasalligida, tireotoksikozda, yurak-qon tomir tizimi kasalliklarida, shuningdek, anamnezida nafas yo‘llari kasalliklari bo‘lgan yoki o‘tkir nafas yo‘llari kasalliklari bo‘lgan bemorlarga ehtiyotkorlik bilan buyuriladi.

Preparat tarkibida laktoza mavjud. Galaktozani kamdan-kam uchraydigan tug‘ma ko‘tara olmaslik, Lapp laktaza tanqisligi yoki glyukoza-galaktoza malabsorbsiyasi bo‘lgan bemorlarga qo‘llash tavsiya etilmaydi.

Homiladorlik va emizish

Preparat bachadon tonusini oshiradi va muddatidan oldin tug‘ruq faoliyatini keltirib chiqarishi mumkin, shuning uchun homiladorlik paytida qo‘llash mumkin emas.

Emizish davrida qo‘llash mumkin emas.

Transport vositalarini boshqarish qobiliyatiga ta’siri

Sedativ ta’siri kuzatilayotgan bemorlar davolanish vaqtida transport vositalarini boshqarishda yoki mexanizmlarga xizmat ko‘rsatishda ehtiyot bo‘lishlari kerak.

Preparat yaroqlilik muddati tugagandan so‘ng qo‘llanilmasligi va bolalar qo‘li yetmaydigan joyda saqlanishi lozim.

Dozani oshirib yuborish

Neyromidin preparati bilan zaharlanganda yoki uning dozasi nisbatan oshib ketganda zudlik bilan shifokor chaqirish kerak.

Doza haddan tashqari oshib ketganda "xolinergik kriz" boshlanishi mumkin.

Belgilari: bronxospazmlar, ko‘zning yoshlanishi, ko‘p terlash, qorachiqlarning torayishi, nistagm, spontan defekatsiya va siydik ajralishi, qusish, bradikardiya, yurak blokadasi, aritmiyalar, gipotenziya, bezovtalik, xavotir, qo‘zg‘alish, qo‘rquv hissi, ataksiya, talvasalar, koma, nutqning tushunarsizligi, uyquchanlik va holsizlik. Simptomlar kuchsiz bo‘lishi mumkin.

Davolash: simptomatik terapiya qo‘llaniladi, m-xolinoblokatorlar: atropin, siklodol, metatsin va boshqalar qo‘llaniladi.

Chiqarish shakli

Polivinilxlorid plyonka va alyuminiy folgadan tayyorlangan konturli yacheykali o‘ramda (blister) 10 ta tabletka. 5 ta blister (50 ta tabletka) va qo‘llash bo‘yicha yo‘riqnoma karton qutida.

Saqlash shartlari

Quruq, yorug‘likdan himoyalangan joyda, 25 °C dan yuqori bo‘lmagan haroratda saqlanadi.

Dorixonalardan berish shartlari

Retsept bo‘yicha.

Ishlab chiqaruvchi

"Olaynfarm" AJ.

Manzil: Rupnitsa ko‘chasi, 5, Olayne, LV - 2114, Latviya.