Rohto

фаол моддалар: пантенол (0,100%), В6 Витамин (0,050%), калий L-аспаратати (1,000%), ди-калий глицирризинати (0,100%), хлорфенираминамалеат (0,010%), натрий хондроитин сулфати (0,100%), тетрагидрозолин гидрохлориди (0,010%);

ёрдамчи моддалар: ε-аминокапрон кислотаси, l-Ментол, d-Камфора, эвкалипт мойи, хушбўйлаштирувчи ялпиз No.71212, d-Борнеол, гераниол, концентрацияланган эритма, бензалконий хлориди 50, хлоробутанол, ди-натрий эдетати гидрати, натрий хлориди, полисорбат 80, этанол, тозаланган сув.

Кўз томчилари.

Асосан офтальмологияда қўлланадиган восита. АТХ коди: S01GA52.

Яллиғланишга қарши, шишга қарши, антигистамин ва витамин воситаси.

ROHTO® кўз учун томчилари қуйидаги симптомларда самарали: кўз қизариши/ таъсирланиши / қичишиши / қуриши / толиқиши.

Ушбу симптомлар аллергия, чанг, жисмоний толиқишдан, компьютер, смартфондан фойдаланиш, ўқишдан, телевизор кўриш, ҳавонинг қуруқлигидан, шунингдек шамол, қуёш ва бошқа омиллар сабабли келиб чиқиши мумкин.

Конъюнктивал гиперемия, кўздаги қичишиш, кўришни зўриқиши (кўзларни толиқиши), кўзларни намланиши, сузишдан кейинги касалликларни бартараф қилиш ёки кўзга чанг ёки тер тушиши.

Ультрабинафша ва бошқа нурланиш (масалан оппоқ қордан кўзларни қамашиши) натижасида офтальмия, кўришни ноаниқлиги(кўздан хар ҳил ажралмалар ва бошқалар туфайли), блефарит (қовоқларини яллиғланиши), қаттиқ линзалардан фойдаланиш оқибатидаги дискомфортда қўлланади.

Қўлингизни ювинг.

Бошингизни тепага кўтариб, кўз қовоғини тушуринг.

Кўзингизга томчиларни томизинг.

*контейнер учини киприкларингиз ва кўз қовоғига теккизманг.

Кўзингизни тахминан бир минутга юминг.

Енгил ҳаракатлар билан кўзингизнинг ички бурчакларини босинг. * кунига 5-6 марта 2-3 томчидан томизинг.

Қуйидаги ҳолатларда препаратдан фойдаланишдан олдин шифокор ёки фармацевт билан маслаҳатлашинг:

Кўздаги кучли оғриқ/аввал кўз томчилари натижасида келиб чиққан аллергик симптомларни пайдо бўлиш ҳолларида / глаукома/ узлуксиз тиббий даволаш.

• кўрсатилган доза ва дозалашга қатъий амал қилиш керак;
• болалар бу препаратдан катталар назорати остида фойдаланишлари керак;
• бу препаратни юмшоқ линзалар таққанда қўлламаслик керак;
• бу препарат фақат томизиш учун ишлатилиши керак.

• агар бу препаратдан фойдаланганда кўзларнинг шиши, қичишиш, қизариши ёки бошқа симптомлар кузатилса, фойдаланишни дарҳол тўхтатинг ва шифокор ёки фармацевтга мурожаат қилинг;
• агар препаратдан фойдаланилгандан сўнг кўриш қобилияти яхшиланмаса, фойдаланишни тўхтатиб шифокорга мурожаат қилинг

• бу препаратни болалар ололмайдиган жойда сақланг;
• идиш қопқоғини қаттиқ беркитинг;
• нотўғри фойдаланиш ва сифатини бузилишини олдини олиш мақсадида бошқа идишга қуйманг;
• зарарланишнинг олдини олиш мақсадида, бу препаратни бошқа одамлар билан биргалиқда ишлатманг;
• сақлаш муддати ўтганидан сўнг фойдаланманг (қадоқнинг ташқи қисмида қўрсатилган);
• сақлаш оқибатида баъзи бир моддалар флакон учида йиғилиб қолиши мумкин, уларни тоза мато билан артиб тозаланг.

Ишлаб чиқарилган санадан бошлаб 3 йил. Очилганидан сўнг дарҳол фойдаланинг.

Салқин, бевосита қуёш нурларидан ҳимояланган жойда сақлансин. Музлатилмасин.

Ишлаб чиқарувчи

Rohto-Mentholatum (Vietnam) Co., Ltd., VSIP Thuan An Town, Binh Duong Province, Vietnam

Rohto Pharmaceutical Co., Ltd., Osaka, Japan