Taufon

Tarkib

1 ml preparat tarkibida quyidagilar mavjud:

Faol moddasi: taurin 40 mg.

Yordamchi moddalar: metilparagidroksibenzoat (E 218), inyeksiya uchun suv.

Tavsif

Tiniq, rangsiz suyuqlik.

Chiqarish shakli

Ko‘z tomchilari. Flakonda 5 ml yoki 10 ml dan. Qutida 1 flakon.

Farmakoterapevtik guruh

Asosan oftalmologiyada qo‘llaniladigan vositalar. Kataraktaga qarshi vositalar.ATX kodi: S01XA.

Farmakologik xususiyatlari

Taufen aminokislota preparatlari sirasiga kiradi, ular ko‘z to‘r pardasining distrofik xarakterdagi kasalliklarida, ko‘zning travmatik shikastlanishlarida, ushbu to‘qimalar metabolizmining keskin buzilishi bilan kechadigan patologik jarayonlarda reparativ va regeneratsiya jarayonlarini rag‘batlantiradi. Tarkibida oltingugurt bo‘lgan birikma sifatida preparat hujayra membranalari funksiyasini normallashtirishga, energetik va almashinuv jarayonlarini optimallashtirishga, hujayra sitoplazmasi elektrolit tarkibining doimiyligini saqlashga, sinaptik uzatishni tormozlashga (neyromediatorlik roli) yordam beradi.

Farmakokinetika

Tomizilganda Taufon ko‘z to‘qimalariga kiradi va shu yerda o‘ziga xos ta’sir ko‘rsatadi. Terapevtik dozalarda qo‘llanilganda, preparat tizimli qon oqimiga deyarli so‘rilmaydi.

Qo‘llanilishi

Ko‘z shox pardasi va to‘r pardasining distrofik shikastlanishlari, shu jumladan irsiy tapetoretinal degeneratsiyalar; qarilik, diabetik, travmatik va nur kataraktalari; shox parda jarohatlarida reparativ jarayonlarni rag‘batlantirish vositasi sifatida; ochiq burchakli glaukomani davolashda qo‘shimcha vosita sifatida.

Qo‘llash usuli va dozalari

Taufon kattalarga buyuriladi.

Kataraktani davolash uchun kuniga 2-4 mahal 2-3 tomchidan beriladi. Davolash kursi - 3 oy. Kurs 1 oylik interval bilan takrorlanadi.

Jarohatlarda kuniga 2-4 mahal 2-3 tomchidan 1 oy davomida qo‘llaniladi.

Tapetoretinal degeneratsiya va to‘r pardaning boshqa distrofik kasalliklarini, shox pardaning teshib o‘tuvchi jarohatlarini davolash uchun preparat 4% li eritmasidan 0,3 ml dan kuniga 1 marta 10 kun davomida konyunktiva ostiga yuboriladi. Davolash kursi 6-8 oydan keyin takrorlanadi.

Ochiq burchakli glaukomada Taufon kuniga 2 marta 2-3 tomchidan timolol qo‘llashdan 20-30 daqiqa oldin konyunktiva xaltasiga tomiziladi. Davolash kursi individual belgilanadi.

Nojo‘ya ta’sirlari

Preparat odatda yaxshi o‘zlashtiriladi. Ayrim bemorlarda allergik reaksiyalar, konyunktiva giperemiyasi, qichishish, ko‘zning achishishi va achishishi rivojlanishi mumkin.

Qarshi ko‘rsatmalar

Preparat komponentlariga yuqori sezuvchanlik. 18 yoshgacha bo‘lgan bolalar va o‘smirlarga. Homiladorlik va laktatsiya davri.

Dorilarning o‘zaro ta’siri

Timolol ko‘z tomchilari bilan birga qo‘llanganda ko‘z ichi va arterial bosimning potensiyalangan pasayishi kuzatiladi.

Maxsus ko‘rsatmalar

Ochiq burchakli glaukomada preparat timolol bilan birgalikda, timolol tomizilishidan 20-30 daqiqa oldin qo‘llaniladi.

Homiladorlik yoki emizish davrida qo‘llash

Homiladorlik yoki emizish davrida qo‘llash samaradorligi va xavfsizligi o‘rganilmagan.

Avtotransportni boshqarishda yoki boshqa mexanizmlar bilan ishlashda reaksiya tezligiga ta’sir qilish qobiliyati

O‘rganilmagan.

Bolalar

Bolalarda qo‘llash samaradorligi va xavfsizligi o‘rganilmagan.

Preparat yaroqlilik muddati tugaganidan keyin qo‘llanilmasligi va bolalar qo‘li yetmaydigan joyda saqlanishi lozim.

Dozani oshirib yuborish

Dozani oshirib yuborish holatlari qayd etilmagan.

Saqlash shartlari

Yorug‘likdan himoyalangan joyda 8 °C dan 15 °C gacha bo‘lgan haroratda saqlang.

Yaroqlilik muddati

3 yil.

Dorixonalardan berish shartlari

Retsept bo‘yicha.

Ishlab chiqaruvchi

"Farmak" OAJ.

Ukraina, 04080, Kiyev sh., Frunze ko‘chasi, 63.