Тиамина Хлорид

Tarkib

Tiamin xlorid 50 g, nitiol 2 g, inyeksiya uchun suv 1 l gacha.

Tavsif

Rangsiz yoki biroz bo‘yalgan, o‘ziga xos kuchsiz hidli tiniq suyuqlik.

Dori shakli

Mushak orasiga yuborish uchun eritma.

Farmakoterapevtik guruh

Metabolik jarayonlarni boshqaruvchi vosita. Vitamin preparati.

Farmakologik xususiyatlari

B1 vitamini (tiamin) suvda eriydigan vitaminlarga kiradi. Odam organizmida fosforlanish jarayonlari natijasida ko‘plab fermentativ reaksiyalarning kofermenti bo‘lgan kokarboksilazaga aylanadi. Uglevod, oqsil va yog‘ almashinuvida, sinapslarda nerv qo‘zg‘alishini o‘tkazish jarayonlarida muhim rol o‘ynaydi.

Qo‘llanilishi

gipovitaminoz va avitaminoz B1;

nevritlar, radikulitlarni kompleks davolashda;

nevralgiya;

periferik parezlar;

falajlar;

ichak atoniyasi;

miokard distrofiyasi;

koronar qon aylanishining buzilishi;

tireotoksikoz;

ichakdagi so‘rilishning buzilishi, endarteriit, psoriaz, ekzemalar, intoksikatsiyalar.

Qo‘llash usuli va dozalari

Preparat shifokor ko‘rsatmasi bo‘yicha qo‘llaniladi.

Tiaminning 5% li eritmasi mushak ichiga yuboriladi. Preparatni yuborishni kichik dozalardan boshlash (5% li eritmadan 0,5 ml dan ko‘p emas) va faqat yaxshi o‘zlashtirilgandagina yuqoriroq dozalarga o‘tish tavsiya etiladi.

Kattalarga 0,05 g tiamin (1 ml 5% li eritma) kuniga 1 marta mushak orasiga yuboriladi. Davolash kursi 10-30 inyeksiya.

Nojo‘ya ta’siri

Allergik reaksiyalar (teri qichishishi, eshakemi, Kvinke shishi, anafilaktik shok), terlash, taxikardiya, ba’zan yuborilgan joyda og‘riq (eritmalarning past pH darajasi tufayli) kuzatilishi mumkin.

Qarshi ko‘rsatmalar

Yuqori individual sezuvchanlik.

Boshqa dori vositalari bilan o‘zaro ta’siri

Tiamin va piridoksinni (V6 vitamini) yoki sianokobalamin (V12 vitamini) bir vaqtda parenteral yuborish tavsiya etilmaydi. B12 tiaminning allergik ta’sirini kuchaytiradi. Tiaminning biologik faol shaklga aylanishini qiyinlashtiradi. B1 vitamini va penitsillin yoki streptomitsinni (antibiotiklarning parchalanishi), B1 vitamini va nikotin kislotasini (B1 vitaminining parchalanishi) bir shprisda aralashtirmaslik kerak.

Tiamin suksametoniy yodid, redergam, fentolamin, anaprilin, simpatolitiklar (rezerpin, oktadin), uxlatuvchi dorilarning farmakologik faolligini kamaytiradi (uxlatuvchi va gipotenziv ta’siri kamayadi).

Tiamin eritmasini tarkibida sulfitlar bo‘lgan eritmalar bilan aralashtirmaslik kerak, chunki ularda u to‘liq parchalanadi.

Chiqarilish shakli, o‘rami

Inyeksiya uchun 5% li eritma 1 ml N5, N5 (1x5), N10, N10 (2x5; 1x10) (ampulalar).

Saqlash shartlari

Yorug‘lik tushmaydigan joyda saqlanadi.

Bolalar qo‘li yetmaydigan joyda saqlang.

Yaroqlilik muddati

3 yil.

Qadoqda ko‘rsatilgan muddatdan keyin ishlatilmasin.

Ta’til shartlari

Shifokor retsepti bilan beriladi.

Ishlab chiqaruvchi

Radiks, MCHJ, O‘zbekiston.