Tsilektoderma-VG

Tarkib

1 g krem tarkibida: betametazon (valerat shaklida) - 1 mg, gentamitsin (gentamitsin sulfat ko‘rinishida) - 1 mg; krem asosi q.s.

Tavsif

Krem hidsiz, kiyimda iz qoldirmaydi, oson yuviladi, teriga tez kirishi va ta’sirining tez boshlanishini ta’minlaydi.

Dori shakli

Sirtga surtiladigan krem.

Farmakoterapevtik guruh

Glyukokortikoid.

Farmakologik xususiyatlari

Siliktoderm - VG - dermatologiyada tashqi qo‘llash uchun glyukokortikosteroid. Yallig‘lanishga qarshi, allergiyaga qarshi, antiekssudativ va qichishishga qarshi ta’sir ko‘rsatadi.

Betametazon valerat - GKS yallig‘lanishga va allergiyaga qarshi ta’sir ko‘rsatadi, sitokinlar va yallig‘lanish mediatorlari ajralishini tormozlaydi, araxidon kislotasi metabolizmini kamaytiradi, shishga qarshi faollikka ega bo‘lgan lipokortinlar hosil bo‘lishini chaqiradi, qon tomirlar o‘tkazuvchanligini pasaytiradi.

Gentamitsin - keng ta’sir doirasiga ega antibiotik. Mahalliy qo‘llanganda ko‘pchilik keng tarqalgan qo‘zg‘atuvchilarga qarshi samarali. Gentamitsinga sezgir bakteriyalar qatoriga streptokokkning sezgir shtammlari (beta-gemolitik, alfa-gemolitik), tillarang stafilokokk (koagulaza-musbat, koagulaza-manfiy va ba’zi penitsillinaza ishlab chiqaruvchi shtammlar), shuningdek, grammanfiy bakteriyalar: Pseudomonas aeruginosa, Aerobacter aerogenes, Escherichia coli, Proteus vulgaris va Klebsiella pneumoniae kiradi.

Qo‘llanilishi

Siliktoderma glyukokortikoid terapiyasiga bo‘ysunadigan teri kasalliklarida, masalan, ekzema (atopik, bolalar, tangasimon), dermatit (kontaktli, seboreyali, quyoshli, eksfoliativ, radiatsion, intertriginoz), neyrodermit, psoriaz, anogenital va qarilik qichimasi kabi yallig‘lanish belgilarini kamaytirish va bartaraf etish uchun ko‘rsatilgan. Kattalar va 6 oylikdan boshlab bolalarni davolash uchun ishlatiladi.

Qo‘llash usuli va dozalari

Krem terining zararlangan sohalariga kuniga 1-2 marta yupqa qatlam qilib surtiladi. Kremni nam yoki ho‘l yuzalarga surtish tavsiya etiladi, quruq, temiratki yoki tangachasimon shikastlanishlarda ham qo‘llash mumkin.

Nojo‘ya ta’sirlari

Terining achishishi, qichishishi, ta’sirlanishi va quruqligi, follikulit, gipertrixoz, husnbuzarsimon toshmalar, gipopigmentatsiya, perioral dermatit, allergik kontakt dermatit; matseratsiya, ikkilamchi infeksiya, teri atrofiyasi, striyalar, terlash.

Qarshi ko‘rsatmalar

Preparatning biror komponentiga yuqori sezuvchanlik.

Teri sili, zaxmning teri ko‘rinishlari, suvchechak, oddiy gerpes, terining zamburug‘li kasalliklari.

Emlash va emlashdan keyingi teri reaksiyalari.

Laktatsiya davri.

Homiladorlik (terining katta qismlarini uzoq vaqt davolash).

6 oygacha bo‘lgan bolalar yoshi.

Ehtiyotkorlik bilan: qarshi ko‘rsatmalar bo‘lmagan homiladorlik - ayniqsa I trimestrda; terining keng sohalarini, ayniqsa bolalarda, yoki teri yoriqlari mavjud bo‘lganda yoki okklyuzion bog‘lamlardan foydalanilganda uzoq muddatli davolash.

Ehtiyot choralari va qo‘llash xususiyatlari

Agar 2 hafta davomida davolanishdan samara bo‘lmasa, tashxisni aniqlashtirish maqsadida shifokorga murojaat qilish tavsiya etiladi. Siliktoderm-VG oftalmologiyada qo‘llash uchun mo‘ljallanmagan.

Ta’sirlanish yoki o‘ta yuqori sezuvchanlik reaksiyasi paydo bo‘lganda, davolashni to‘xtatish va bemorga adekvat terapiya tanlash lozim.

Terining ikkilamchi mikrobli infeksiyasi tegishli antimikrob yoki zamburug‘ga qarshi terapiya o‘tkazishni talab qiladi (tez ijobiy ta’sir bo‘lmagan taqdirda, glyukokortikosteroidlarni qo‘llash infeksiyaning barcha belgilari bartaraf etilgunga qadar to‘xtatilishi kerak).

Preparatni katta dozalarda va uzoq vaqt davomida qo‘llash mumkin emas. Preparatni keng yuzalarda va/yoki okklyuzion bog‘lam bilan qo‘llashda betametazonning tizimli ta’siri rivojlanishi mumkinligini nazarda tutish lozim.

Pediatriyada qo‘llash

Bolalarga preparat faqat qat’iy ko‘rsatmalar va shifokor nazorati ostida buyuriladi, chunki tizimli nojo‘ya ta’sirlar rivojlanishi mumkin: gipotalamo-gipofizar-buyrak usti bezi tizimi funksiyasining pasayishi va giperkortitsizm belgilarining rivojlanishi. Bundan tashqari, o‘sish gormonlari ekskretsiyasining pasayishi, shuningdek, kalla ichi bosimining oshishi kuzatilishi mumkin.

Preparatni bolalar qo‘li yetmaydigan joyda saqlang va yaroqlilik muddati tugaganidan keyin ishlatmang.

Chiqarish shakli

Sirtga qo‘llash uchun krem 15 g li tyubiklarda.

Saqlash shartlari

Quruq, yorug‘likdan himoyalangan joyda, 25 °S dan yuqori bo‘lmagan haroratda saqlanadi.

Yaroqlilik muddati

5 yil.

Dorixonalardan berish shartlari

Retseptsiz.

Ishlab chiqaruvchi

KaranXizmat KER (P) LTD firmasi uchun ishlab chiqarilgan.

A-186, ul, Maxilpapur 1, Ekstenshon, Nyu-Dehli - 1100037 (Hindiston).